Forum Replies Created
-
AuthorReplies
-
24.02.2014 at 11:15 #452824
Vildi koma á framfæri þakklæti fyrir frábæra Bingo ferð. Einar Sól fær sérstakar kveðjur, en hans var sárt saknað. Þið sem stóðuð að matargerð og undirspili á kvöldvöku gerðuð þessa ferð einstaka og eftirminnilega. Það greinilegt að skálanefnd hefur unnið kraftaverk í Setrinu og óvíða sem er að finna jafn vandaðan og flottan fjallaskála. Vinnan sem skálanefnd lagði af mörkum um helgina var mikil og þið eigið mikinn heiður skilið fyrir ykkar framlag, bæði við skálann í gegnum árin og sem gestgjafar um helgina. Takk fyrir mig
20.02.2014 at 18:38 #452690Það eru komnir þrír aðilar sem ætla að leggja af stað saman upp í Setur á morgun föstudag kl. 16:30 frá Select við Vesturlandsveg. Þetta eru Einar Berg Gunnarsson, Jón Ingi Gunnsteinsson og Styrmir Frostason. Það væri gaman að vita hvort þessi tími hentar fleirum og endilega að láta þá vita hér á spjallinu. Því fleiri sem fara saman, því betra og skemmtilegra. Hægt er að hringja í síma 8400506 varðandi meiri upplýsingar.
18.12.2013 at 14:40 #441956Þessar upplýsingar eru af jeppaspjallinu „Sunnudaginn 10. nóvember 2013 féllu svo öll fyrri met, 5.172 einstaka gestir á einum degi, sem bendir til þess að veturinn verði áhugaverður.“
Það væri gaman að vita til samnburðar hvað margir eru að fara inn á spjallið á F4x4 vefnum.
08.10.2013 at 13:02 #379209Við þurfum sex miða – Guðmundur G. Kristinsson og Einar Berg Gunnarsson.
15.12.2011 at 00:39 #744211Þessi skemmtilegi pistill hennar Lailu minnir okkur á hversu ólíka nálgun náttúruverndarsinnar hafa eftir því hvernig upplifunin er hjá hverjum og einum. Það er þess vegna skrýtið hvernig ákveðinn hópur hefur síðustu árin tekið þetta orð "náttúruverndarsinni" í gíslingu og í raun slegið eign sinni á þetta orð og skilgreint það algjörlega eftir sínu höfði. Þessu þarf að breyta og við megum ekki láta þennan hóp slá eign sinni á þessa upplifum okkar allra hinna og verðum koma í veg fyrir að þessi hópur misnoti stjórnsýsluna til að skapa sér einkarétt á henni.
Guðmundur G. Kristinsson
13.12.2011 at 00:13 #742935Það hittist hópur hjá Ferðaklúbbnum 4×4 í kvöld til að fara yfir drög að athugasemdum um Hvítbókina sem Elin Björg Ragnarsdóttir lögfræðingur hafði unnið. Þessi drög eru vel unnin og þar kemur til mikil þekking Elínar á almannrétti og ekki síst hennar reynslu af ferðum um hálendið til áratuga.
Það er með ólíkindum hvernig nefndin sem vann Hvítbókina hefur umsnúið almannaréttinum sem unninn var þegar hestar voru aðal samgöngutækið hér á landi. Almannarétturinn var upphaflega skráður til að tryggja réttindi almennings til að ferðast um landið, en nefndin sem vann Hvítbókina segir almannaréttinn tryggja kyrrð og ró fyrir gangandi fólk. Með þessu setur nefndin fram algjörlega nýja túlkun á almannrétti sem sýnir hve einsleitur hópur vann að þessu verkefni og ótrúlegt hvernig þessir aðilar setja til hliðar hagsmuni allra annarra en þeirra sem ganga á tveimur fótum.
Athugasemdir Ferðaklúbbsins 4×4 verða settar á vef klúbbsins þegar þær eru tilbúnar og búið að senda þær inn.
Guðmundur G. Kristinsson
11.12.2011 at 14:51 #742933Frábært innleg hjá Steinmari Gunnarssyni sem gefur mér og vonandi fleirum markvissa og góða sýn á heildardæmið í Hvítbókinni. Margt af þessu er ekki inn á okkar áhrifasviði í dag, en tengist samt þegar þegar heildaráhrif Hvítbókarinnar koma inn í breytingar á náttúruverndarlögum og hefur þar með áhrif á okkar umhverfi til framtíðar. Okkar stærstu mál eru tengd almannaréttinum og að fá viðurkennt:
– Véknúin ökutæki verði inni í almannarétti (viðurkennd sem farartæki til ferðalaga með ákveðnum réttindum)
– Tryggja að vegagagnagrunnur verði ekki að veruleika nema í víðtæku samstarfi við almenning
– Undirliggjandi tóni Hvítbókar og þar með Náttúruverndarlaga um bann við öllu sem ekki er leyft, verði breytt.Því miður hef ég verið síðustu daga að vinna í stórum málum í öðrum stórum félagsamtökum og hef ekki getað sett þann tíma í Hvítbókina sem ég hefði viljað.
Guðmundur G. Kristinsson
11.12.2011 at 11:37 #742927Ég veit ekki hversu margir hafa lesið frétt í Fréttatímanum um helgina um frumvarp Róberts Marshall og Marðar Árnasonar um þjóðgarð við Breiðafjörð norðanverðan. Umhverfis- og náttúruverndarnefnd Reykhólahrepps, Bæjarráð Vesturbyggðar og Eyrún Ingibjörg Sigþórsdóttir oddviti Tálknafjarðarhrepps hafa öll lýst yfir furðu vegna þessa frumvarps sem sett er fram [u:duxfc4sm]álgjörlega án samráðs við sveitarstjórn og íbúa[/u:duxfc4sm].
Um þetta frumvarp að þjóðgarði við Breiðafjörð segir Þórður Áskell Magnússon til dæmis: „Ótrúlegur hroki sem landsbyggðinni er sýnd trekk ofaní æ. Ég hef það á tilfinningunni að við sem búum við Breiðafjörð eigum að verða eins og [u:duxfc4sm]Indíánar á verndarsvæðum, til sýnis fyrir ferðamenn[/u:duxfc4sm].“ Sig. Grímur Geirsson skrifar á svipuðum nótum: „Tilgangurinn með þessu er að taka stór og framkvæmdavæn svæði á landsbyggðinni í gíslingu til að [u:duxfc4sm]koma í veg fyrir alla uppbyggingu og framþróun úti á landi.“[/u:duxfc4sm]
Þetta dæmi sýnir svart á hvítu hvað við erum að eiga við í dag. Stjórnmálamenn sem vaða áfram með einhverja hugmyndafræði sem á engan hljómgrunn meðal almennings. Meira að segja víðsýnir stjórnmálamenn eins og Róbert Marshall eru komnir á villigötur og ekki má gleyma refsifrumvarpinu sem hann stendur einnig að og er í umræðu á alþingi. Í refsifrumvarpi Róberts eru uppi hugmyndir um að [u:duxfc4sm]sektir við utanvegaakstri geti numið allt að 250.000,- krónum, upptöku á ökutæki sem notað var eða fangelsisvist í allt að fjögur ár, já ég endurtek “allt að fjögur ár.[/u:duxfc4sm]
Ég vona að almenningur fari að sjá í gegnum þessa vitleisu sem er í gangi hjá stjórnmálmönnum samtímans, en þeir virðast vera í eigin hugarheimi og með einhverja áráttu um að miðstýra eða banna alla hluti og setja okkar samtímaumhverfi undir sín stjórnun í gegnum embættismenn eins og við sjáum í starfsemi Umhverfisstofnunar. Þetta er framtíð sem mér hugnast ekki og gullmolarnir sem Óli vinur minn setti einu sinni fram eiga vel við hér [u:duxfc4sm]“það ætti að hugleiða nútíma uppeldisaðferðir, nefnilega að leyfa, hvetja og leiðbeina, en ekki loka, banna og refsa.”[/u:duxfc4sm]
Guðmundur G. Kristinsson
10.12.2011 at 10:10 #742923Didda er með frábæra grein í Fréttablaðinu í dag og fjallar þar á skemmtilegan og ljóðrænan hátt um grein Snorra Baldurssonar þjóðgarðsvarðar á vestursvæði Vatnajökulsþjóðgarðs. Eftir að hafa lesið Hvítbókina og greinina hennar Diddu, þá er ljóst að endurrita ætti Hvítbókina af Diddu. Hún er miklu meira sannfærandi í sinni rómantík í þessari grein, sérstaklega þegar tekið er tillit til þess að hún er að lesa og svara einhverju mest órómantískasta blaðri sem ég hef lengi séð á prenti (greinin hans Snorra).
Guðmundur G. Kristinsson
http://visir.is/hugleidingar-vegna-skri … 1712109995
07.12.2011 at 20:53 #742903Hér er linkur á frábæra frammistöðu Hafliða formanns Ferðaklúbbsins 4×4 á Stöð 2: http://www.visir.is/section/MEDIA99&fil … 941E8DDD86
Gaman er að geta þess að komin er í gang lögfræðileg úttekt á Hvítbók náttúruverndarlaga hjá Ferðaklúbbnum 4×4 og athugasemdir við hana verða sendar. Markmiðið er að koma réttindum ferðafólks á vélknúnum ökutækjum inn í almannaréttinn í Náttúruverndarlögunum, tryggja að vegagagnagrunnur verði ekki að veruleika nema í víðtæku samstarfi við almenning og að undirliggjandi tóni Hvítbókar og þar með Náttúruverndarlaga um bann við öllu sem ekki er leyft, verði breytt.
Guðmundur G. Kristinsson
02.12.2011 at 18:04 #742897Það kemur ekkert svar frá stjórn Ferðaklúbbsins 4×4 við fyrirspurn Ólafs Magnússonar um vinnu varðandi athugasemdir um Hvítbókina eða aðra hluti sem eru í gangi. Er í gangi bann til stjórnarmanna um að tjá sig eða hafa stjórnarmenn ekkert fram að færa um okkar stærstu hagsmunamál?
Hvers vegna taka stjórnarmenn ekki þátt í tölvupóstsamskiptum innan klúbbsins eða hér á opnu spjallumhverfi?
Hvers vegna hefur stjórn ekki svarað þeim aðilum sem hafa boðið fram vinnu?
Hvers vegna hefur stjórn ekki sett af stað vinnuhópa til að fara kerfisbundið yfir Hvítbókina?
Hvers vegna hefur stjórn ekki sett í gang lögfræðilega úttekt um heftingu á Ferðafresli í Hvítbókinni?
Hvers vegna hefur stjórn ekki sett í gang markvissa vinnu innan nefnda hjá klúbbnum?
Hvers vegna hefur stjórn ekki staðið fyrir opnum fundi innan klúbbsins um náttúruverndarlögin?
Hvers vegna hefur stjórn ekki svarað efnislega tillögum frá formönnum nefnda um aðgerðir?Ef stjórn Ferðaklúbbsins 4×4 hefur ekki dug til að standa í lappirnar og leiða okkar hagsmunabaráttu, þá þarf að boða til aukaaðalfundar og fá inn fólk sem er tilbúið að standa að nauðsynlegum aðgerðum til að koma í veg fyrir að á Íslandi skapist sama ástand og er í Noregi, allt bannað.
Það er engin tilviljun að í Hvítbókinni er talað um norræna náttúruvernd og vísað til Noregs og Danmörku. Hvers vegna haldið þið að ekki sé rætt um Svíþjóð (sem líka er norrænt ríki)? Ástæðan er einfaldlega sú að í Svíðþjóð náðist sátt um að tryggja ferðafrelsi og réttindi hins almenna ferðamanns til að fara um eigið land. Þetta hugnast ekki miðstýringarliðinu í ákveðnum stjórnmálaflokkum sem hafa það að leiðarljósi að útrýma öllu á hálendinu sem ekki gengur á tveimur fótum.
[u:1uewy2sm]Í Hvítbókinni er talað um að ekki þurfi að skilgreina rétt þeirra sem aka um á vélknúnum ökutækjum og slík farartæki skerði mjög þá friðsæld sem annað ferðafólk sækist eftir.[/u:1uewy2sm] Lesið þetta vel, því þetta er grunnurinn í Hvítbókinni sem skrifuð er af einkavinum ákveðins stjórnmálaflokks, fyrir einkavini þess flokks í ákveðnum “Göngu” elítu samtökum sem hafa nýlega sagt sig úr samstarfi við alla aðra útivistarhópa á landinu.
Guðmundur G. Kristinsson – ferðamaður sem vill jafnrétti á hálendinu
01.12.2011 at 13:02 #742895Hér er síðan um að ræða ákvæði sem snúa að breytingum á núverandi náttúruverndarlögum og kemur fram í Hvítbókinni. Þarna er fullyrt að þegar sé hafin vinna við að greina vegslóða í samstarfi við einhver sveitarfélög. Hvers vegna er F4x4 ekki í þessu samstarfi, en megnið af þeim mælingum sem liggja til grundvallar eru unnar af F4x4 og Landmælingum. Hafa F4x4 óskað formlega eftir aðkomu að þessu máli? .. og þarf ekki að senda slíka beiðni aftur sem athugasemd varðandi Hvítbókina (ef hún hefur verið send áður).
Guðmundur G. Kristinsson
______________________________________________________________[b:2zy17n6f]8.2 Akstur utan vega – 17. gr. náttúruverndarlaga[/b:2zy17n6f]
Enda þótt 17. gr. náttúruverndarlaga kveði á um almennt bann við því að aka utan vega [u:2zy17n6f]hefur slíkur akstur verið vaxandi vandamál á Íslandi.[/u:2zy17n6f] Landið er víða viðkvæmt fyrir ágangi og utanvegaakstur getur valdið skemmdum á náttúrunni sem sýnilegar eru árum eða áratugum saman. Einn ágalli 17. gr. felst að mati nefndarinnar í því að hugtakið vegur er ekki sérstaklega skilgreint í lögunum heldur hefur verið byggt á skilgreiningu umferðarlaga á hugtakinu við skýringu ákvæðisins.224 Sú skilgreining er af eðlilegum ástæðum afar víð og hentar því illa til afmörkunar á bannákvæði 17. gr. náttúruverndarlaga. [u:2zy17n6f]Af þessum sökum lagði nefndin til að hugtakið vegur yrði skilgreint sérstaklega fyrir náttúruverndarlög og að orðskýringunni yrði bætt inn í 3. gr. laganna.[/u:2zy17n6f]Nefndin lagði í frumvarpsdrögum sínum til að ný grein kæmi í stað núgildandi 17. gr. nvl. [u:2zy17n6f]Þó er þar gengið út frá því að meginreglan, um bann við akstri vélknúinna ökutækja utan vega, haldist óbreytt.[/u:2zy17n6f] Lögð eru til skýrari ákvæði um undantekningar frá þessu og jafnframt kveðið á um sérstaka aðgæsluskyldu ökumanna sem heimild hafa til aksturs utan vega. [u:2zy17n6f]Veigamesta breytingin sem felst í tillögu nefndarinnar varðar gerð kortagrunns sem sýna skal vegi og vegslóða utan hins almenna vegakerfis landsins þar sem heimilt verður að aka vélknúnum ökutækjum. Lagt er til að umhverfisráðherra kveði nánar á um kortagrunninn í reglugerð en að Landmælingar Íslands annist gerð hans og uppfærslu. Gert er ráð fyrir að kortagrunnurinn verði gefinn út og birtur með formlegum hætti og að hann feli því í sér réttarheimild um það hvar leyfilegt er að aka vélknúnum ökutækjum. [/u:2zy17n6f]
[u:2zy17n6f]Þegar er hafin vinna á vegum umhverfisráðuneytisins, í samstarfi við viðkomandi sveitarfélög[/u:2zy17n6f], við að greina vegslóða á miðhálendinu og kortleggja þá. Þegar þeirri vinnu er lokið er gert ráð fyrir að hafist verði handa við flokkun vegslóða á láglendi. [u:2zy17n6f]Í tillögu nefndarinnar að nýrri 17. gr. eru tilgreind þau sjónarmið sem lögð skulu til grundvallar ákvörðun um hvort vegslóðar skuli merktir í kortagrunninn. [/u:2zy17n6f]
01.12.2011 at 10:12 #742893Ég renndi aðeins í gegnum almannaréttinn í Hvítbókinni og setti hér að neðan það sem snéri að vélknúnum farartækjum. Akstur vélknúinna ökutækja virðist ekki falla undir undir almannarétt um ferðafrelsi og réttur okkar er því gjörsamlega fyrir borð borinn í Hvítbókinni. Þarna er eitt af þeim grundvallaratriðum sem við þurfum að berjast fyrir og ef við gerum það ekki, verðum við réttlaus sem ferðamenn til lengri tíma. Skoðið þetta hér að neðan.
Guðmundur G. Kristinsson
_____________________________________________________________
[b:5sx7m7jw]19.4.1 Umfang almannaréttarins og hugtakið útivist[/b:5sx7m7jw]
Með tilkomu vélknúinna ökutækja og vegalagningu opnaðist almenningi aðgangur að stórum svæðum landsins sem áður voru flestum ókunn. [u:5sx7m7jw]Hvorki hér né á hinum Norðurlöndum leiddi þessi þróun til rýmkunar almannaréttarins á þann hátt að hann næði almennt til farar á vélknúnum ökutækjum.[/u:5sx7m7jw][u:5sx7m7jw]Allt að einu er ljóst að almannarétturinn verður ekki túlkaður svo að hann veiti fólki almennan rétt til farar á vélknúnum ökutækjum um fjöll og firnindi utan skipulagðs vegakerfis. Í þessu sambandi er einnig rétt að hafa í huga að af umferð vélknúinna ökutækja stafar hávaði sem skerðir mjög þá friðsæld sem annað ferðafólk sækist eftir með útivist.[/u:5sx7m7jw]
[b:5sx7m7jw]19.4.3 Form og efni kaflans um almannarétt[/b:5sx7m7jw]
[u:5sx7m7jw]Nefndin telur að ákvæði um akstur utan vega og á vegslóðum eigi ekki vel heima meðal greina um almannarétt enda fellur akstur á vélknúnum ökutækjum almennt ekki undir almannarétt eins og hann hefur verið túlkaður og afmarkaður í íslenskum rétti.[/u:5sx7m7jw] Flytja mætti þá grein sem fjallar um akstur utan vega aftast í kaflann og láta fyrirsögn kaflans endurspegla það að hún falli ekki innan almannaréttarins. Einnig mætti fjalla um akstur utan vega í sérstökum kafla.[b:5sx7m7jw]19.4.8 Heimild til að takmarka umferð í óbyggðum[/b:5sx7m7jw]
Ástæða væri til að íhuga hvort hægt væri að koma upp rafrænu ábendingakerfi þannig að ferðalangar gætu sent stofnuninni ábendingar um ástand svæða. Slíku kerfi hefur t.d. verið komið á laggirnar vegna ágengra plantna, þ.e. lúpínu og skógarkerfils. Hins vegar telur nefndin nauðsynlegt að auk heimildar til að loka svæðum að undangenginni málsmeðferð samkvæmt 19. gr. sé í lögunum heimild til skyndilokunar.
Íslensk náttúra er almennt séð viðkvæm fyrir ágangi og því er [u:5sx7m7jw]nauðsynlegt að til staðar séu heimildir til að bregðast skjótt við ef sérstakar aðstæður skapa verulega hættu á tjóni af völdum umferðar. [/u:5sx7m7jw]Nokkrum sinnum hafa á síðustu árum komið upp tilvik þar sem þörf hefði verið á slíkri heimild. [u:5sx7m7jw]Sem dæmi má nefna ástand sem skapaðist vegna mikillar ásóknar ferðamanna að nýju hrauni á Fimmvörðuhálsi. [/u:5sx7m7jw]Dæmi um hliðstæðar heimildir eru í 48. gr. vegalaga nr. 80/2007 um skyndilokun vega og í 11. gr. laga um veiðar í fiskveiðilandhelgi Íslands nr. 79/1997 um skyndilokun veiðisvæða.
23.11.2011 at 10:37 #742465Það er líklega mest spurning um kjarnann á tilganginum með þessu öryggisráði. Ég les þetta meira sem öryggisráð gagnvart erlendum ferðamönnum og þá eðlilegt að mörgu leiti. Ef þetta er hugsað almennt um ferðamennsku á fjöllum og þá gagnvart okkar félagsfólki líka, þá skiptir miklu máli hvernig það væri útfært. Stjórn F4x4 þarf að fylgjast með þessu og vera í startholunum, ef þetta hugsanlega fer út í einhverjar öfgar. Þessi umræða er held að koma til vegna sænska ferðamannsins sem fórst á Sólheimajökli og það er mjög eðlilegt að svona umræða fari af stað eftir svona viðburð. Aðalmálið er að umræðan fari í skynsamlegan farveg og komi ekki til með að hamla eðlilegu aðgengi að hálendinu fyrir okkar félagsfólk og hinn almenna íslenska ferðamann í framtíðinni.
Guðmundur G. Kristinsson
20.11.2011 at 11:54 #742019Frábær vefur, flott viðmót og góður aðgangur að öllum upplýsingum. Ég er stolltur af því að hafa verið í rýnihópnum og í vefnefnd til að byrja með og sé að þið hafið unnið þetta áfram á frábærlegan hátt. Flott Bergur þetta með pistlana, góð hugmynd og tímabær. Það sést að þú hefur haft puttana í myndunum Siggi og snillingurinnn Bragi verið með tækniputtana í flestum hlutum. Þið hafið þróað þetta miklu betur en ég þorði að vona og þetta lítur rosalega vel út.
Félagsmenn í klúbbnum mega vera stolltir af ykkar vinnu sem alfarið hefur verið unnin sem sjálfboðavinna. Þið hafið gert kraftaverk fyrir klúbbinn og ég veit hvað það er mikil vinna þarna á bak við. Ég segi því við ykkur TAKK FYRIR ÞETTA!
Guðmundur G. Kristinsson
03.11.2011 at 09:44 #740397Takk fyrir þetta Freyr, [b:1tat1a5g]við verðum að berjast fyrir okkar framtíð í þessu því enginn mun gera fyrir okkur.[/b:1tat1a5g]
Nýlega kom niðurstaða í könnun um náttúruvernd með athyglisverðar upplýsingar: http://mbl.is/frettir/innlent/2011/11/0 … halendinu/
Ég legg til að áhugafólk um ferðafrelsi standi að könnun á sínum vegum og stilli upp spurningum um þessa hluti byggt á upplýstum grunni um hvað gerist ef núverandi stjórnvöld stæðu að stofnun þjóðgarðs á miðhálendinu. Það er nokkuð ljóst að ef allar upplýsingar lægju fyrir um einkavinavæðingu stjórnvalda sem rekin hefur verið fyrir opnum tjöldum í nokkurn tíma varðandi hálendið, þá mundi almenningur kjósa 95% gegn þessu.
Þessi könnun staðfestir enn frekar að öfgafólk í náttúruvernd ætlar að loka landinu að stærstum hluta fyrir venjulegu fólki (þessi könnun er liður í þeirri áætlun) og ef við gerum ekkert í þessu er framtíðin í ferðamennsku ljós:
[i:1tat1a5g][b:1tat1a5g]- 30-50% af vegum á hálendinu og miðhálendinu lokað.
– Eingöngu hægt að ferðast í skipulögðum hópum gegn gjaldi hjá FÍ.
– Greitt fyrir akstur á hálendinu samkvæmt ríkis GPS tækinu sem verður í hverjum bíl.
– Gisting eingöngu í boði á skipulögðum stöðum í umsjón FÍ.…og svo mætti lengi telja.[/b:1tat1a5g][/i:1tat1a5g]
Guðmundur G. Kristinsson
01.11.2011 at 09:50 #740391Ég tek undir þetta hjá Þorvarði og við megum ekki setja alla ferðaþjónustu í sama pott. Ferðaþjónustuaðilar á hálendinu hafa flestir unnið með okkur og þar hefur Þorvarður verið í fararbroddi. Þessir aðilar eiga samleið með okkur frjálsu félagasamtökunum og almenningi um að skipuleggja þetta umhverfi skynsamlega og í samráði og góðri sátt við stjórnvöld á hverjum tíma. Þessir aðilar hafa verið settir hjá eins og við og ekki fengið beina aðkomu í þessum málum.
Frjáls félagasamtök fengu að vera með í undirbúningi að verndaráætlun að Vatnajökulsþjóðgarði og þess vegna slapp umhverfisráðherra við að fá á sig stjórnvaldssekt í kæru Ferðaklúbbsins 4×4 og Skotvís. Þeir sem voru okkar fulltrúar á þeim tíma fyrir hönd almennings og félagasamtaka brugðust og í raun lögðu þeir grunn að þeirri ósátt sem nú er fyrir hendi í þessum málum. Þeir voru líklega meira tengdir Ferðafélagi Íslands, en öllum hinum vegna þess að þegar farið var að spyrna við fótum og losa sig við þessa "fulltrúa okkar" í gegnum Samút (Samtök útivistarfélaga á Íslandi) og setja inn nýja, þá sagði Ferðafélagið sig úr þeim samtökum. Hvað segir það ykkur um þeirra stöðu!!
Mörg félagasamtök innan Samút stofnuðu ný samtök Ferðafrelsi ( http://www.ferdafrelsi.is) í desember 2010 og ætluðu þar að leggja þar grunn að sinni baráttu. Í þessum samtökum voru jeppamenn, skotveiðimenn, vélhjólafólk, snjósleðafólk, fjórhjólafólk, hestamenn og ferðaþjónustuaðilar á hálendinu. Þegar Ferðafélagið sagði sig úr Samút, varð áherslubreyting um að beina baráttunni aftur þar í gegn. Í Samút í dag eru því starfandi nánast allir aðilar sem tengjast útivist og ferðamennsku á landinu, nema Ferðafélag Íslands. Þessir aðilar (þar á meðal ferðaþjónustan) eiga samleið í sinni baráttu fyrir ferðafrelsi, allir nema Ferðafélag Íslands sem er í raun að verða einrátt í gistingu og ferðamennsku á hálendinu.
Ég tek því undir allt þetta hér að fram frá honum Þorvarði Inga og hvet alla sem fjalla um þessi mál að skoða vel þetta umhverfi og fjalla um það á breiðum og faglegum grundvelli. Skoðið greinar og efni á http://www.ferdafrelsi.is og sérstaklega tvær greinar frá níu félagsamtökum (líka ferðaþjónustuaðilum) á síðasta ári sem komu út með Fréttablaðinu og segja allt um þá stöðu sem stjórnvöld settu þessi málefni í með yfirgangi og hroka gagnvart öllum hagsmunaaðilunum á landinu nema Ferðafélagi Íslands.
Guðmundur G. Kristinsson
29.10.2011 at 11:14 #740385[b:kbn49aqi]SÖNNUN Á OFSTÆKI GEGN FERÐAKLÚBBNUM 4X4[/b:kbn49aqi]
Í grein í fréttablaðinu í dag (29. október 20119) birtist sú sýn sem við höfum hjá hinum sanntrúuðu samvinnuaðilum stjórnvalda í náttúruverndarmálum í dag. Þar gerir Snorri Baldursson þjóðgarðsvörður á Vestursvæði Vatnajökulsþjóðgarðs Ferðaklúbbinn 4×4 ábyrgan fyrir eftirfarandi:1. Er það réttmæt slóð sem aðeins er hægt að fara um á stóru jeppa á risadekkjum
2. Er nóg að ökumaður haldinn frelsisþrá skælist yfir land utanvega til að GPS ferill eftir hann sé skilgreindur vegur.
3. Það var gert (hreinsað til í ferlaneti Vatnajökulsþjóðgarðs) í samstarfi við Jöklarannsóknarfélagið og Samtök um útivist sem F4x4 er aðila að.
4. Umfjöllun Ólafs Magnússonar um frumkvöðla í ferðamennsku fyrri tíma (Guðmund Jónasson, Pál Arason og Jón Sigurgeirsson) breytir hann í að þeir hafi verið umhverfissóðar sem óku yfir holt og hæðir og helltu niður olíu um allar jarðir.
5. Lokun vega í Vatnajökulsþjóðgarði (Vikrafellsleið, Vonarskarð) var siðvæðing á ferðamennsku. Frelsi til að aka þessar leiðir kallar hann jarðvöðulshátt!
6. Hann leggur það fram hvort Ferðaklúbburinn 4×4 ætli ekki að berjast fyrir opnun slóða við Lakagígaröðina sem friðlýst var 1976.
7. Þar hafa vélknúin ökutæki skilið eftir sig ljót og óþörf ummerki (er verið að tengja F4x4 við þetta?)Ég hvet alla félagsmenn Ferðaklúbbsins til að lesa greinina og skoða upptalninguna hér að framan og spyrja síðan sjálfa sig hvort ekki sé við að eiga ofstækisfólk í náttúrvernd. Snorri hefði betur lesið greinina um hlutdeild Ferðaklúbbsins 4×4 í náttúruvernd sem var á síðu 3 í okkar blaði 25.október og leggja það til grundvallar í mati sínu á okkar klúbbi.
Það þarf líka að benda Snorra á að Ferðaklúbburinn 4×4 rekur ábyrga stefnu gagnvart því að kenna fólki að aka af ábyrgð um hálendi Íslands og eru skipulagðar ferðir í hverjum mánuði að vetri fyrir fólk á óbreyttum og lítið breyttum bílum eitt besta merkið um þetta. Klúbburinn er að berjast fyrir ferðafrelsi á ábyrgan og skynsamlegan hátt fyrir hinn almenna íslenska ferðamann á sínum óbreytta fjórhjóladrifna bíl.
Guðmundur G. Kristinsson
28.10.2011 at 10:46 #740621Sælir Kistuöldufélagar,
Mjallhvít og dvergarnir ætla að slást í hópinn upp að Kistuöldu á sunnudag:
Einar Berg (Mjallhvít) – Hilux 38"
Jón Ingi (dvergur) – Patról 48"
Guðmundur (dvergur) – Mussó 35"..og hugsanlega líka Bjössi (dvergur) – Pajero 38"
Við erum aðallega með handafl meðferðis til að styðja við reisinguna á krossinum, en látið vita ef verkfæri eða annað vantar.
28.10.2011 at 08:35 #740373[b:1eu4cdn2]Ferðafrelsið er ekki sjálfgefið [/b:1eu4cdn2]og verður frá okkur tekið ef ekkert verður að gert. Það er stundum eins og fólk gerir sér ekki grein fyrir þessu og aðhefst því ekkert í málinu. Ef við ætlum að stoppa af það ferli sem er í gangi hjá stjórnvöldum varðandi lokanir og skerðingu á okkar ferðafrelsi, verður ferðafólk hér á landi að vakna og taka þátt í baráttuni.
Í blaðinu "Ferðast um hálendið" sem kom út með Fréttablaðinu á þriðjudag var fjallað um þessi mál og eins og þar kemur fram, þá er gjörningaveður í gangi í þessum efnum og verið að loka landinu og færa hálendið í hendur einkavina stjórnvalda. Það blasir við að þurfa í framtíðinni að ferðast um landið í stórum skipulögðum ferðahópum og borga fyrir þátttökuna, gista á stöðum þar sem einkavinir stjórnvalda ráða ríkjum og greiða þar verð sem er án samkeppnis, fá ekki að ferðast um stóran hluta hálendisins og hlusta á ferðalýsingar á erlendum tungumálum þar sem ennþá má ferðast.
Hvað finnst fólki innan Ferðaklúbbsins 4×4 um þessa framtíðarsýn og eru allir sammála um þá sýn sem kemur fram í blaðinu "Ferðast um hálendið". Það væri gaman að fá fram álit og umsagnir sem flestra hér á spjallinu um þessi mál og hvort þetta blað klúbbsins endurspegli ekki örugglega stöðuna hjá okkur. Látið í ykkur heyra og komið með skoðun á þessum málum.
Guðmundur G. Kristinsson
-
AuthorReplies