Forum Replies Created
-
Replies
-
Skilst að hér sé eitthvað sem ég ætti að svara, en sé þó ekki margt. Þó af því Gummi blandar umræðu um utanvegaakstur inn í málið (ef ég skil innlegg hans rétt) þá hefur utanvegaakstur ekkert með loftmengun að gera. Hvortveggja að vísu flokkað sem umhverfismál en ólíkir hlutir engu að síður og þó sjálfsagt sé að huga að allri umhverfisvernd er afstaða mín til utanvegaaksturs af öðrum toga, eða einfaldlega vegna þess að hjólför útum allt og gróðurskemmdir af völdum umferðar spillir þeirri upplifun sem ég sækist eftir á fjöllum. Þar fyrir utan reikna ég með að nýlegur amerískur pickup með nútíma díselvél mengi ekkert meira en minn 9 ára gamli Landrover. Held að 4×4 klúbburinn geti seint gefið sig út fyrir að vera klúbbur sem beiti sér gegn útblástursmengunar, við getum alveg viðurkennt það kinnroðalaust.
Gjaldið í Hvalfjarðargöngin er í sjálfu sér ekki skattur heldur gjald sem er borgað til einkafyrirtækis. Það er engin lógísk skýring á því að Ford F-eitthvað þurfi að borga meira fyrir afnot af göngunum en Patrol eða Landrover þó hann sé örlítið lengri. Það að tollar séu lægri á þessum bílum hefur ekkert með málið að gera, tollar fara til ríkisins en gangnagjöldin til einkafyrirtækis. Það hefur heldur ekkert með málið að gera að þeir sem eigi þessa bíla eigi hvort eð er svo mikið af peningum og eiginlega efast ég um að það sé munur á þeim hvað það varðar eða eigendum ýmissa annarra tegunda. Líklega er hugsunin á bak við þessa mismunandi gjaldflokka upphaflega sú að láta bíla sem flytja fólk eða vörur um göngin í atvinnurekstri borga meira og hægt að færa rök fyrir því. En tveir pickuppar sem báðir eru notaðir sem ferðabílar fjölskyldunnar og annar borgar þrefalt á við hinn, það sé ég ekki sem neina sanngirni. Jafnvel þó ég sjálfur sé í lægri flokknum (og ekki á leiðinni þaðan)
Hins vegar sýnist mér miðað við þær upplýsingar sem ég hef fengið að undanþága fyrir þennan hóp sé ekkert sem sé auðfengið og líklegt að tilraunir okkar í þá átt myndu stofna samningi húsbílafélagsins í hættu en ekki færa okkur neinn ávinning. Hefði þetta hins vegar legið þannig að það hefði verið auðfengið hefði verið sjálfsagt að reyna. Það væri líka mjög til bóta að fá þessi 80 km/klst úr gildi en það er klárt mál að það er ekki einfalt verk. En það er reyndar annað dæmi um fáránleika þess að þessir pickuppar séu flokkaðir sem vörubílar meðan aðeins minni pickup er flokkaður sem fólksbíll.
Og hana nú!
Kv – Skúli
Það er öllu verra, í sjálfu sér ekki ástæða til að eyðileggja dílinn fyrir húsbílafólki, ef það yrði eina útkoman.
Ég er ekki sammála Gumma. Þða hvað flokkast sem vörubíll og ekki vörubíll er bara einhver reglurammi og samræmist ekki alltaf raunveruleikanum. Ford F-eitthvað er ekkert frekar vörubíll en Hilux þó hann sé stærri og notkun þessara bíla hjá 4×4 félögum er sambærileg. Auðvitað rétt að stærri bílar eru síður umhverfisvænir en þeir minni, en það er ekki hlutverk klúbbsins að stýra því hvaða bíla félagsmenn velja sér og á ekki heldur að vera hlutverk Spalar.
Kv – Skúli
Hárrétt Óskar, það er mikilvægast að ferðafélagarnir fari á námskeið. Ef ég slasast geri ég ekkert sjálfur en skiptir öllu að félagarnir kunni þetta ;o) Best að sparka í félagana og reka þá á námskeið.
Gunnar er reyndar ekki formaður Útivistar en gegnir þar sömu stöðu og Jón hjá 4×4. Þetta er allt í vinnslu og fundur í Samút í bígerð.
Kv – Skúli
Úr því það er fordæmi fyrir svona samningi ætti ekki að vera snúið að fá sambærilegan samning. Ef einhver hefur meiri upplýsingar um innihald þessa samnings Húsabílafélagsins þá væri vel þegið að fá það sent á stjorn@f4x4.is
Kv – Skúli
Ég er eiginlega viss um að þetta er ekki í samræmi við þörfina, en maður verður eiginlega að draga þá ályktun að þetta sé í samræmi við áhugann. Ég var nú eiginlega svo bjartsýnn að ég var að velta fyrir mér hvort ég ætti að reyna að komast á fyrsta námskeiðið, eða fara frekar á annað eða þriðja.
Kv – Skúli
Þetta er skemmtilegt, maður ætti kannski að taka upp á því að kaupa svona frímerki. Er ekki til eitthvað sem heitir fyrstadagsumslög sem frímerkjasafnarar safna?
Myndir af þessum frímerkjum [url=http://www.posturinn.is/Frettir/060328_frimerkibionatturajeppar.html:4bbzu6qo][b:4bbzu6qo]hér[/b:4bbzu6qo][/url:4bbzu6qo]Kv – Skúli
Nei er það nokkuð, hlýtur að vera ógeðslega kalt. Er ekki miklu betra að keyra bara í torfærubrautum.
Kv – Skúli
Stafsetningavillur í fréttum á forsíðunni hérna fara í taugarnar á mér, kannski aðallega ef það eru fréttir sem ég hef sjálfur sett inn. Það er vegna þess að á þeim vettvangi finnst mér hægt að gera kröfu um að menn annað hvort skrifi rétt eða láti lesa textann yfir. Á spjallinu finnst mér hins vegar engan vegin hægt að gera slíka kröfu og ég ber virðingu fyrir þeim sem vita kannski að þeir eru ekki þeir sleipustu í stafsetningu eða hafa við lesblindu eða ritblindu að glíma en láta það ekki stoppa sig af við að koma sínum sjónarmiðum og fróðleik á framfæri. Góð innlegg í umræðuna hérna koma ekki bara frá þeim sem eru pottþéttir í réttritun, enda löngu sannað eins og Klakinn bendir á að hæfileikinn að skrifa rétt er ekki háður greind. Reyndar ótrúlega margir snillingar og listamenn lesblindir ef út í það er farið.
Rétt sem Benni bendir á. Þetta snýst einfaldlega um að menn fylgi þeim reglum sem eru í gildi og aki ekki utan vega á auðri jörð. Það þarf ekki reglugerðabreytingu til, það er og hefur verið bannað. En ég er þegar búinn að senda svargrein í Moggann.
Kv – Skúli
Það er rétt Þorkell að það er ástæða til að taka þennan leiðara alvarlega, leiðari Moggans hefur meira vægi en mörg önnur skrif. Vanþekking höfundar sýnist mér vera talsverð, t.d. virðist hann ekki skilja hvaða reglur raunverulega gilda um akstur utan vega. Það mætti ætla af þessum skrifum að akstur utan vega á auðri jörð sé leyfilegur á Íslandi. Ég vona að leiðarahöfundur sé ekki jeppaeigandi og nokkuð viss um að félagar í 4×4 vaði ekki í sömu villu. Þessu þarf að svara og má segja að þetta sé bara kærkomið tækifæri til að koma sjónarmiðum okkar á framfæri.
Kv – Skúli
Gunni hási er hér í krapa á Kjalvegi, páskar 2005. Reyndar til að vera nákvæmur þá var hann ekki alveg fastur því hann gat juggað allnokkuð fram og til baka en náði þó ekki upp úr þessu og þurfti því spottann.
[img:2qq4f7kr]http://www.f4x4.is/new/files/photo/?file=files/photoalbums/3742/30115.jpg[/img:2qq4f7kr]
Önnur úr sömu ferð. Hér ætlaði Grettir að treysta á léttleikann og ‘plana’ yfir vafasaman stað.
[img:2qq4f7kr]http://www.mountainfriends.com/images/paskar05/pask0513.jpg[/img:2qq4f7kr]
Kv – Skúli
Ég hef farið þá leið að nota Mobil 1 á veturnar en eitthvað ódýrari olíu á sumrin, þá einhverja 10W/40. Eins og einhver sagði hérna er synthetisk hágæða olía nauðsynleg ef menn eru að fara vetrarferðir á slóðir þar sem búast má við miklu frosti. Það er ekki víst að einhver 15W/40 olía renni yfir höfuð þegar frostið fer hvað hæst. Á bílum sem ekki eru notaðir til slíkra ferða er þetta kannski óþarfi.
Kv – Skúli
Má vera rétt, en Ofsi hefur nú reyndar líka farið niður úr ís á þessum slóðum. Ég myndi nú ekki mæla með að leika sér þarna án þess að fylgjast með staðsetningu. Ég er allavega það chicken en ég fylgi helst trökkum í Tungnaárbotnum. Veit samt ekki með 40 metrana, kannski full djúpt í árina tekið
Kv – Skúli
Myndakvöldi FÍ í kvöld verður í umsjón 4×4. Bjarni Kristins. og Emil Borg sýna myndir frá jöklaferðum og segja eitthvað frá klúbbnum. Sjá hér
Kv – Skúli
Takk fyrir góða og upplýsandi skýrslu.
Kv – Skúli
Minna á félagsfundinn í kvöld. Bílabúð Benna með kynningu og svo eru auðvitað tvær fræknar ferðir að baki þannig að vonandi heyrum við sem heima sátum eitthvað um þær.
Kv – Skúli
Heyði stuttlega í Ofsa, þó samband væri svolítið slitrótt. Það er spurning hvort þetta slitrótta samband hafi verið að ásettu ráði, þar sem ég hann er víst á leið til Húsavíkur í þjónustuhlé. Hann og Gulli þurfa að komast í rafsuðugræjur af einhverjum ástæðum. Skilst þó að við fáum myndir af því, þar sem Utangarðsgengið er tilbúið með myndavélarnar, það er ekki bara Hummer sem bilar í þessum túr! Fyrr í dag voru þau búin að fara í Öskju og Herðubreiðarlindir.
Kv – Skúli
Ef upphafsdagsetning bannsins væri 10 dögum síðar eða 1. maí myndi ég telja það ásættanlegt. Sú dagsetning var í breytingatillögum Samút við reglugerðina og bak við það var samkomulag allra frjálsra félaga sem málið varðar, s.s. 4×4, LÍV, FÍ, Ísalp, Útivist og Jöklarannsóknafélagsins. Það er mjög einkennilegt að þegar öll þessi samtök eru búin að koma sér saman um svona tillögu og allir þokkalega sáttir um hana, að ekki sé farið eftir því, þarna eru fulltrúar allra sem málið viðkemur (fyrir utan að vísu ferðaþjónustuaðila). Mér fannst sjálfsagt að standa að þessari tillögu því þá hefði bannið aðeins gilt á því tímabili sem gangandi umferð er hvað mest á Hnjúkinn, en akstur væri samt leyfður á því tímabili sem akandi umferð er í miklum meirihluta, þ.e. apríl. En þó ég sé ósáttur við þetta frávik frá tillögum Samút hvet ég menn til að fara að lögum og reglum í þessu sem öðru.
Kv – Skúli
Algengast er að labba upp hlíð hnjúksins sunnan megin. Skv. reglum Skaftafellsþjóðgarðs má ekki keyra suður fyrir Hnjúkinn eftir 20. apríl þannig að ef þið eruð eftir þann tíma þurfið þið annað hvort að leggja bílunum við ræturnar norðan megin og ganga suður fyrir eða ganga upp norðurhlíðina. Við vorum nokkur þarna fyrir tveimur vikum og þá sýndist mér vera heldur lítt fýsileg sprunga norðan megin, en reyndar eru oft víða sprungur í honum (minnir á umræðurnar um búnað hér í öðrum þræði). Þegar ég gekk þarna upp í ágúst fyrir nokkrum árum voru tvær nokkuð drjúgar sprungur á vegi okkar sem þurfti að hoppa yfir.
Við lögðum bílunum á 64 00.559 N/016 40.646 W og gengum nánast upp beint þaðan, en ég held ég fari rétt með að venjuleg gönguleið skásker hlíðina nokkuð vestar. Við vorum hins vegar þarna í mjög góðum aðstæðum og ekki þreytt eftir göngu neðan úr byggð heldur í þörf til að hreyfa á okkur lappirnar og gátum því allt eins tekið brattan beint upp. Eitt sem skipti líka máli var að það var ekki þykkt snjólag á ísnum þannig að það var ekki snjóflóðahætta en að vísu sleipt á köflum þar sem var brattast. Það varð ein sprunga á vegi okkar en ekki breið og auðvelt að skoppa yfir hana. Sjá myndir [url=http://www.mountainfriends.com/html/240206a.html:2svdxiqf]hér[/url:2svdxiqf]
Ég myndi mæla með að fara fyrir 20. apríl áður en akstursbanntíminn gengur í gildi því þá getið þið líka keyrt yfir öskjuna og út að Hnöppunum og notið útsýnisins þar fram af. Varðandi Gistingu þá er best að gista á Grímsfjalli, en ef færi er gott er alveg hægt að gista í Jökulheimum eða Jöklaseli við Skálafellsjökul.
Kv – Skúli
