Forum Replies Created
-
Replies
-
Ég lengdi einhverntíma barka með því að kaupa vír og lása sem herðast að (einhverskonar U) í Ellingssen. Þetta er svolítið sveitó lausn en virkar
Gætir athugað að tala við Smára í Skerpu.
Ég heyrði þá gróusögu (sem ég á erfitt með að trúa) að það væri slatti af biluðum jeppum sem hefður verið skildir eftir á leið til/frá gosstöðvunum. Mér þykir reyndar ótrúlegt að nokkur myndi skilja bílinn eftir til lengri tíma (jeppar sem ekki eru sóttir strax verða því miður fórnarlömb þjófahyskis). En er eitthvað til í þessu eða er þetta bara kjaftæði?
Persónulega finnst mér gjaldið ekki hátt og borgaði með glöðu geði. Bensínafslátturinn sem ég hef fengið borgar líklegast árgjaldið fyrir mig (en aðra afslætti er ég yfirleitt með betri eftir öðrum leiðum). Hef ekki fjárfest í vhf stöð ennþá en þá verður hagurinn ennþá meiri. Samt er það ekki afslátturinn sem rak mig í klúbbinn, ég kynntist starfi hans á netinu (var búinn að vera jeppamaður í áratugi og ekki séð ástæðu til að vera í klúbbnum) og komst á þá skoðun að klúbburinn væri að vinna gott starf og að ég vildi tilheyra og styðja þennan hóp.
En þó 6000 kr á ári sé ekki mikill peningur fyrir flesta þá er hellingur af heimilum sem þurfa að velta hverri krónu fyrir sér. Fólk sem er farið að fara allra sinna ferða með strætó og á hjóli (fer reyndar oft á reiðhjóli í vinnuna sjálfur) sér kannski ekki hag í bensínafslætti. Þarna eru jeppamenn sem hafa ekki efni á að stunda sportið eins og er en vilja kannski geta lagt orði í belg.
En óháð því hvora afstöðuna menn taka (með eða á móti lokun) þá held ég að menn ættu að spara gífuryrði því það hjálpar engum (síst klúbbnum) og getur gefið þá mynd af klúbbnum að hér séu eintómir kverúlantar sem geta ekki rætt málin eins og fullorðnir menn.
Persónulega finnst mér einkennilegt að gefa stefnuljós þegar beðið er eftir beygjuljósi en góður vinur minn fékk sekt fyrir að gera það ekki.
Ég fór með startara í Bílaraf um daginn, þeir skoðuðu hann og gátu ekkert gert fyrir mig (en Rafstilling reddaði svo málinu). Ég var rukkaður um vinnu við skoðunina (sem ég er ekki ósáttur við) en þar sem að þetta var vinna þá fékk ég ekki 4×4 afslátt.
Ég skoðaði afsláttarlistann og þar stendur að það sé 10% afsláttur en ekkert tekið fram að það gildi ekki af vinnu.
Það kom reyndar fram í einhverri rannsókn að þeir sem gæfu ekki stefnuljós væru minna greindir en þeir sem gæfu stefnuljós þannig að ökukennarinn þinn var ekki að fara með rangt mál (svo er spurning með áreiðanleika þessarar rannsóknar). Ég er alveg sammála ykkur með óþolandi ökumenn sem gefa ekki stefnuljós og hanga á vinstri.
Annars sagði einn góður við bróður minn þegar hann var að kvarta yfir lítilli notkun stefnuljósa, "hvað, að gefa stefnuljós og láta hina vita hvað ég ætla að gera, kemur ekki til greina!" Því miður þá er svolítill sannleikur í þessu hjá honum því flestir hafa lent í því að ætla að skipta um akrein og gefa stefnuljós en þá koma þeir sem fyrir eru á akreininni í veg fyrir það.
En hvað um það, ég held áfram að gefa stefnuljós
Ég er viss um að þessi síða hefur skilað sér í fleiri félögum…..ég er dæmi um svoleiðis félaga. Ég hafði verið jeppamaður í fjölda ára en hafði aldrei dottið í hug að fara í klúbbinn, taldi þetta lokaða samkundu. Síðan fór síðan í loftið og ég skiptist á skoðunum og ráðum við félagsmenn. Í framhaldinu ákvað ég að gerast félagi og hef verið félagi í allnokkur ár núna. Síðan kynnti mig líka fyrir starfi klúbbsins er tengist hagsmunum okkar allra og það var ekki síst vegna þess sem ég gerðist félagi. Án þess að hafa þessi samskipti hefði ég líklegast ekki orðið félagi (er með hærri afslætti af flestu nú þegar en það sem ég fæ í gegnum klúbbinn).
Var með Grand Cherokee 93 með þessari sömu vél (190 hp) og millikassa sem var ekki með sídrifi. Hann var með um 16-17 í blönduðum akstri en 11 í langkeyrslu. Kunningi minn með sambærilegan bíl en með sídrifskassa var með 19 í blönduðum akstri.
Ekki sami bíll og XJ en gefur kannski smá hugmynd.
BTW, tölur á súluriti yfir meðalhita á sjálfskiptivökva eru í fahrenheit.
Hef heyrt svoleiðis sögu áður en ég þekki engan sem hefur lent í því, eflaust getur þetta gerst en ég efast um að það sé algengt.
Ég er með tvær skiptingar, TH700R4 með lockup og TH400 án lockups. Var með TH350 án lockups. Með góðum kæli og mæli þá hafa þær ekki verið að hitna.
Það er eflaust mismunandi eftir skiptingum hvernig þær beita lockupi, veit að sumar læsa í hverjum gír en flestar nota ekki lockupið nema á þjóðvegahraða. Ég hef engar áhyggjur af hita við þær aðstæður.
Þegar maður er að hjakka í þungu færi þá eru meiri líkur á að skiptingin hitni. Sama hvort þú ert með lockup eða ekki þá eru harla litlar líkur á að lockupið komi inn fyrir stall speed og þegar þú hjakkar áfram undir stall speed þá snuðar túrbinan alltaf eitthvað=hiti.
Með því að hafa mæli þá veit maður þó hvað er að gerast og getur stoppað og sett í park (alls ekki drepa á) þangað til að réttum hita er náð.
Ég stúderaði þetta töluvert þegar ég var í sömu hugleiðingum. Samkvæmt öllum fyrirtækjum sem ég skoðaði upplýsingar frá sem gerðu performance skiptingar þá á að taka fyrst í gegnum orginal kælinn og síðan hinn.
Ég keypti síðar skiptingu af mjög virtu fyrirtæki í USA (TH700R4 Raptor, gerð fyrir 650 hp/650lb.ft) og það var sama uppá teningnum.
Vökvinn sem kemur úr túrbínunni (í skiptingunni) er miklu heitari en kælivatnið í vatnskassanum þannig að þú færð strax kælingu þar. Síðan er miklu hraðari kæling þegar þarf að setja rör í gegnum vatn en rör í loftflæði. Síðan tengdi ég aukakæli í framhaldinu (svo stór að menn líktu honum við intercooler
) sem sá um að kæla vökvann enn frekar (og mjög gott að nota stacked plate kæla, hleypa ekki á allt kerfið nema vökvinn sé þeim mun heitari. Svo er mjög gott að vera með mæli á skiptinguna (reyndar myndi ég ekki vilja vera án þess, er með tvo á skiptingunni í jeppanum). Ég hef sett svona í tvo bíla og er mjög ánægður með árangurinn.Það eru mjög góðir kælar á http://www.summitracing.com en það sakar ekki að athuga hvort það séu til kælar á gamla dollaraverðinu hér heima fyrst.
Til fróðleiks sendi ég link á mynd sem sínir hve hiti á skiptingu hefur áhrif á líftíma sjálfskiptivökvans:
https://old.f4x4.is/index.php?option=com … emId=40689
kv. Jón H.
Það er einmitt lykilatriði, það er bilun í hitara (væntanlega að tala um glóðarkerti). Veit um marga sem hafa sett þetta inná þegar þau hafa verið óvirk.
Ég efast um að þetta sé af ástæðulausu, reyndar er viðvörunarmiði á lofthreinsaranum á Blazernum mínum um að það megi alls ekki nota startsprey. Ætli þeir sem að þurfa startsprey séu ekki með léleg glóðarkerti og því komi það ekki að sök (maður notar ekki startsprey nema vélin sé erfið í gang).
Án þess að ég viti það þá hef ég líka grun um að af því að díselvél virkar eins og hún virkar……og ether gæti hugsanlega sprungið töluvert áður en stimpillinn hefur náð toppstöðu…..að þetta sé ekki sérstaklega hollt fyrir díselvélina….
Annars hef ég ekki skemmt díselvél á þessu af því að ég hef ekki prófað það á díselvél…..og hef ekki hug á að gera það (keypti þessi fínu glóðarkerti á $80 meðan dollarinn var ódýr).
En ég nota alltaf startsprey á slátturvélina á vorin, það er algjör snilld
Startsprey og glóðarkerti eru hinsvegar ekki góð blanda…….
Skerpa renniverkstæði hefur líka verið með svona kassa, byggðum á NP203.
[quote="ElliOfur":1ivt10p4]Ég er mikill volvo kall, og ég spyr, hvað er B20B ??
En í þessum bíl er sjálfstæður millikassi ef mig minnir rétt. sem gefur ýmsa möguleika.
Ég mæli með B230, léttir, endingargóðir og þriggja stafa hestafatala. Ég er með svoleiðins mótor í grindinni minni með súkku millikassa og ég er mjög ánægður með það!
Go volvo![/quote:1ivt10p4]B20A er þessu dæmigerða sem var hér á landi, um 75 hestöfl með einum blöndum.
B20B var ameríkutípa með tvo blöndunga og mig minnir (orðið ansi lang síðan ég var í þessu volvo dóti) að hún hafi verið með hærri þjöppu og öðrum knastás. Allavegana var hún uppgefin í kringum 120 hp frá Volvo og var miklu skemmtilegri.Þetta tveggja blöndunga dót var frekar erfitt við að eiga (vantaði líklegast kunnáttumenn hér á landi), ég gat stillt þetta sjálfur þannig að það gekk vel en hann mengaði aðeins of mikið. Brimborg kunni hinsvegar ekkert að stilla þetta og klúðraði algjörlega öllu nema að rukka mig (bíllinn varð nánast óökufær).
Þegar ég tók hana upp þá setti ég knastás úr B20E, einn blöndung af B21 (átti grein fyrir einn blöndung) og ljósnemakveikju. Bíllinn varð miklu skemmtilegri við þetta, þrusuvann og eyddi ekki miklu
Ég var fyrst með B20A og síðar B20B sem ég tjúnaði aðeins til og það var bráðskemmtilegt, allt annað líf miðað við 1300cc 68 hestafla vélina sem var í honum áður. Vissulega þurfti svolítið að klappa þessu en þegar það var búið að gera vélina góða þá var þetta bara gaman
Þekki einn sem var með B19 sem bara virkaði og einhverjir voru með B21 og B23.Ég get því mælt með VOLVO sem góðum kosti, einfallt að koma þessu fyrir en spurning um hvort það sé ekki erfitt að fá góða mótora í dag.
kv. Jón Hörður
