Forum Replies Created
-
Replies
-
Hvað er að frétta af þessu?
Mig langar að benda á forrit sem heitir PowerDirector og er frá Cyberlink. http://www.cyberlink.com
Þetta er mjög öflugt forrit með mikla möguleika en samt einfalt að nota það.Hjalti R14
Vísindamannanefndin komst að mjög afgerandi niðurstöðu fyrir Vikrafellsleiðina. Hún skal vera opin því að upplifun ferðamanna sem vísindamennir rannsökuðu er að það skerðir ekki tilfinninguna fyrir víðernum að þessi fáfarni slóði sé þarna, auk þess sem þarna er ekki hætta á landspjöllum af völdum umferðar.
Nú er beðið eftir niðurstöðu sömu vísindamanna varðandi Vonarskarð og miðað við það hvað niðurstaða þeirra er afgerandi vaðrandi Vikrafellsleiðina, þá verður Vonarskarðið opnað líka, ef þeir nota sömu vísindi. Við skulum samt spyrja að leikslokum, sagan hefur kennt okkur að þetta lið er til alls víst.
Hjalti R-14
Ef mig minnir rétt þá átti Rúnar skómiður bíl nr. 9.
Kv. Hjalti, R-14
Sælir, Skemmtileg mynd,
18 – Ólafur Ólafsson
30 – Eyþór H. Ólafsson
32 – Kristinn Kristinsson ?
35 – Rúnar skósmiður ?
37 – Svanlaug Dögg Snorradóttir
38 – Snorri IngimarssonKv.
Hjalti r-14
Windows 8 spjaldtölvurnar sem eru í boði núna eru með stýrikerfi sem er kallað Windows8 RT. Þetta er spjaldtölvuútgáfa af Windows8. Hefðbundnu Windows forritin ganga ekki á Windows8 RT. Mér skilst að á næstu mánuðum sé von á spjaldtölvum sem muni keyra fulla útgáfu af Windows 8 og á þær ætti að vera hægt að setja upp landmælingaforritin og önnur þau GPS forrit fyrir Windows sem við þekkum.
Ég hef ekki fundið nein GPS öpp fyrir Windows 8Oziexplorer sem margir nota er til núna á Android og það er hægt að sækja á oziexplorer.com. Þetta virkar þokkalega og hægt að nota öll gömlu kortin ef þaður breytir þeim í OZFX3 format. Hægt er að sækja breytiforrit til þess á Oziexploer.com. Þessi android útgáfa er frekar takmörkuð miðað við stóru Windows útgáfuna, færri stilligamöguleikar, en vinnur með vegpunkta, trökk og ferla. Einfaldast er að opna internetbrowser á spjaldtölvunni, fara inn á http://www.oziexplorer.com og sækja android útgáfuna. Full útgáfa kostar 25 dollara. Það er alveg hægt að prófa þetta þokkalega á Trial útgáfunni.
Það er líka til ókeypis forrit á android sem heitir androzic. Það er hægt að græja einhver kort fyrir þetta forrit en ég hef ekki prófað þetta.
Það eru svo til miklu fleiri gps öpp fyrir android. það þarf bara að prófa meira.Allar þessar spjaldtölvur eru með innbyggðu GPS og því ætti ekki að vera þörf á að tengja þær við GPS tækin í bílunum.
ÉG hef prófað þetta aðeins á Asus spjaldtölvu með android. GPSinn virkar mjög vel í henni og gerir það sjálfsagt líka á Windows tölvunum.góðar stundir.
Hjalti R-14
Fyrir allmörgum árum var ég uppi á Lyngdalsheiði með nokkra útlendinga síðla vetrar.
Snjór var yfir öllu, sunnanátt, skýjað en úrkomulaust að mestu. Stöku snjókorn feyktust um loftið.Við stoppuðum jeppana og útlendingarnir stigu út. Einn þeirra gekk ca 10 metra frá bílunum á móti vindi, staðnæmdist og horfði yfir snjóbreiðuna, Hvergi dökkan díl að sjá. Hann stóð í sömu sporum smá stund, 1-2 mínútur. Þá sneri hann til baka, með skelfingarsvip á andlitinu og sagði. „Ég hef aldrei verið svona einn í lífinu. „
Þessi maður upplifði einveru 10 metra frá bílunum, Örfáa kílómetra frá mannabyggð. Á móti vindi heyrði hann ekki til okkar hinna og var algerlega einn í heiminum.
Ferðaþjónustufólk kann eflaust hundruð af svona sögum.
Þetta vitum við sem ferðumst á jeppum á fjöllum. Við upplifum mjög oft einveru þó svo að við séum nálægt vegi
eða vélknúnum farartækjum. Upplifunin þarf ekki aðvara lengi.Ef svona vitleysa kemst inn í náttúruverndarlög er líklega verið að útiloka mikinn fjölda fólks frá því að upplifa einveru.
"Óbyggð víðerni skulu vera a.m.k. 25 km2 að stærð og að jafnaði vera í a.m.k. 5 km fjarlægð frá mannvirkjum og öðrum tæknilegum ummerkjum, svo sem raflínum, orkuverum, miðlunarlónum og uppbyggðum vegum.
"Takið eftir að víðerni geta innihaldið vegi og slóða, bara ekki uppbyggða vegi.
Þetta þýðir líklega að t.d vegarslóð um Vonarskarð og Vikrafellsleið skaðar ekki þessi óbyggðu víðerni.Kveðja
Hjalti R-14
Áður en lengra er haldið er rétt að taka það fram að undirritaður hefur unnið gegn akstri utan vega í 40 ár, og er náttúruunnandi sem vill geta ferðast um landið í sátt við sjálfan sig og aðra.
Eins og allir félagsmenn eiga að vita þá var Ferðaklúbburinn 4×4 stofnaður með tvö meginmarkmið að leiðarljósi. Annað var að sporna við utanvegaakstri og bæta umgengni um landið. Hitt var að fá að nota breytta jeppa á löglegan hátt. Þessi markmið eru tilgreind í lögum klúbbsins.
Ferðaklúbburinn hefur tekið hart á félagsmönnum sem hafa gerst sekir um landspjöll af völdum utanvega aksturs. Ef ég man rétt var einum vikið úr félagsskapnum fyrir slíkt brot.Það er ýmislegt í pistli gjaldkera Ferðaklúbbsins sem kemur undirrituðum undarlega fyrir sjónir. Hæst bera þó liðir 4 og 5
Í lið 4 segir gjaldkerinn:
„Enda eru viðurlög (refsing, sektir eða eignaupptaka) við lögbrotum ekki áhyggjuefni annarra en þeirra sem geta hugsað sér að brjóta lögin.“
Slíkar dylgjur í garð félagsmanna eru að mínu mati afar ósmekklegar og ekki sæmandi fyrir stjórnarmann að láta svona lagað frá sér í fullri alvöru.
Þetta er ekki alveg svona í pottinn búið.
Skilgreingar á utanvega akstri eru óljósar og í reynd ógerningur að fara eftir þeim til hins ýtrasta. Leiðir sem við ferðumst um á hálendinu og höfum gert í áratugi eru í sumra augum akstur utan vega. Ef einhverjar þessara leiða komast ekki inn í opinbert ferlasafn sökum tímaskorts eða duttlunga einhverra þá er hægt að kæra okkur fyrir akstur utan vega þó svo að við séum að aka á greinilegri slóð eða vegi. Það fer síðan eftir mati dómara hvort þessi akstur á vegi eða slóð telst vítaverður. Það er því hægt að refsa okkur grimmilega fyrir litlar eða engar sakir. Til dæmis væri hægt að kæra fyrir akstur utan vega þegar leitað er að vaði yfir á.Í 5. Lið segir gjaldkerinn:
„Aldrei kom til greina að klúbburinn mótmælti þessari lagasetningu enda hefði það orðið gífurlegur álitshnekkir og skaði fyrir klúbbinn og vatn á myllu þeirra sem vinna gegn jeppaferðalögum.“Þarna get ég ekki verið sammála. Hvernig getur það verið álitshnekkir fyrir hagsmunafélag eins og Ferðaklúbbinn 4×4 að standa vörð um hagsmuni félagsmanna? Auðvitað á að verja félagsmenn fyrir heimskulegum og illa unnum reglum og lögum.
Að mínu mati er það hins vegar álitshnekkir að láta valta yfir sig og standa ekki vörð um þá hagsmuni sem menn eru kosnir til að verja.Við erum ekki að styðja eða samþykkja utanvegaakstur þó að við viljum ekki láta hirða af okkur bílana okkar, eða greiða himinháar sektir fyrir litlar eða engar sakir.
Við erum ekki að mótmæla því að menn taki út refsingu gerist þeir sekir um lögbrot.
Hins vegar eru þessi viðurlög við akstri utan vega allt of hörð og heimild stjórnvalda til að gera ökutæki upptæk er fáránleg . Sektarákvæði eru einnig allt of há.Eru gerð upptæk ökutæki manna sem stofna lífi samborgara sinna í stórhættu með ofsaakstri eða akstri undir áhrifum áfengis eða vímuefna, hvað þá ef þeir valda limlestingum eða dauða þeirra?
Er ekki rétt að það gæti samræmis í refsingum eftir alvarleika brotanna ?.Hjalti R-14
Vinir og félagar Freysa , Vilhjálms Freys Jónssonar, hafa beðið Kristjönu eftirlifandi eiginkonu Freysa um að stofna styrktarreikning fyrir fjölskylduna, þannig að við getum minnst hans og vottað samúð okkar í verki með því að leggja inn á reikninginn. Upphæðin þarf ekki að vera há, margt smátt gerir eitt stórt.
Ef þið viljið votta samúð ykkar með því að leggja inn á reikninginn þá eru upplýsingar um númerið hér fyrir neðan.
Reikningsnúmer:
Kristjana Harðardóttir
Kt 080159-2509 Reikningur 323-13-2827Hjalti R-14
Sæll Snorri
Ég hef farið tvisvar í Esjufjöll. Fyrra skiptið var í kring um 17. júní 1993. Þá fórum við í Grímsvötn, Hvannadalshnjúk og Esjufjöll. Í þessari ferð voru nokkrir jeppar, Guðni og Atli Bræður þínur, Freysi og einhverjir fleiri. Einhverjar myndir eru til og smá vídeó úr þessari ferð. Hin ferðin var sú sama og þú fórst í . Það er til slatti af myndum úr þeirri ferð.
Kv. Hjalti
Landsjöll af völdum utanvegaaksturs, eru ólíðandi, hvort sem um er að ræða löglegan eða ólöglegan akstur utan vega. Það er nefnilega til löglegur utanvegaakstur.
Verði landspjöll af akstri utan vega er mjög einfalt og þægilegt að kenna almennum borgurum um, hvort sem þeir eiga sök eða ekki.
Í lögum um náttúruverndar þetta ákvæði:17. gr. Akstur utan vega.
Bannað er að aka vélknúnum ökutækjum utan vega. Þó er heimilt að aka slíkum tækjum á jöklum, svo og á snjó utan vega utan þéttbýlis svo fremi sem jörð er snævi þakin og frosin.
[Ráðherra]1) kveður, að fengnum tillögum [Umhverfisstofnunar],2) í reglugerð3) á um aðrar undanþágur frá banni skv. 1. málsl. 1. mgr., m.a. vegna starfa manna við landbúnað, landmælingar, línu- og vegalagnir og rannsóknir. Ráðherra getur í reglugerð, að fengnum tillögum [Umhverfisstofnunar],2) takmarkað eða bannað akstur á jöklum og á snjó þar sem hætta er á náttúruspjöllum eða óþægindum fyrir aðra sem þar eru á ferð.
Ólögmætur akstur utan vega varðar refsingu, sbr. 76. gr.Í reglugerð um takmarkanir á umferð í náttúru Íslands er 5. grein svohljóðandi:
Akstur utan vega vegna tiltekinna starfa.
Við akstur vegna starfa við landbúnað er heimilt að aka utan vega á ræktuðu landi. Einnig er heimilt að aka utan vega á landi, utan miðhálendisins, sem sérstaklega er nýtt sem landbúnaðarland ef ekki hljótast af því náttúruspjöll.
Heimilt er ef nauðsyn krefur að aka vélknúnum ökutækjum utan vega vegna starfa við landgræðslu og heftingu landbrots, línulagnir, vegalagnir og lagningu annarra veitukerfa, björgunarstörf, rannsóknir, landmælingar og landbúnað enda sé ekki unnt að framkvæma viðkomandi störf á annan hátt. Sérstök aðgát skal viðhöfð við aksturinn til að draga úr hættu á náttúruspjöllum. Hafa skal fullnægjandi útbúnað til slíks aksturs. Við framangreindar athafnir skal leita leiða til að flytja efni og annað sem til þarf á þann hátt að ekki sé þörf á akstri utan vega.Í 7. grein sömu reglugerðar er þessi setning:
Bannað er að reka hrossastóð yfir gróið land þannig að náttúruspjöll hljótist af eða hætta skapist á náttúruspjöllum.Þarna er hestafólki ekki meinuð för um landið en því er bannað að valda landspjöllum.
Mér finnst að baráttan eigi að snúast gegn landspjöllum af völdum umferðar utan vega, eins og Snorri Ingimarsson hefur bent á. Akstur utan vega þarf ekki að valda landspjöllum. Umferð af öðru tagi þarf ekki heldur að valda náttúruspjöllum en hættan er vissulega fyrir hendi. Göngufólk þarf að hafa þetta í huga sem og vélsleðafólk, hestamenn og yfirleitt allir sem eru á ferð um landið. Þessum hópum er ekki meinuð för um landið.
Bönn og ofurbönn sem ganga í berhögg við réttlætiskennd hins heiðvirða ferðamanns eru ekki lausn á náttúruvernd á Íslandi.Snúum vörn í sókn. Berjumst gegn hvers kyns náttúruspjöllum af völdum umferðar utan vega, án tillits til þess hver eða með hvaða aðferðum þau eru unnin. Höfum að leiðarljósi að réttur almennings til að njóta landsins , innan sem utan þjóðgarða, sé ekki fyrir borð borinn.
Þ. Hjalti Magnússon R-14
Sæll
Ef þú vilt lengja hiturnartímann á tímaliðanum þá eru til einhverjar aðferðir til þess.
Ég sá eitthvað svoleiðis einhvers staðar á netinu þegar ég var að skoða þessi mál.Ég leysti þessi mál hjá mér með því að fjarlægja tímaliðann.
Í staðinn setti ég öflugan segulrofa sem er stýrt með handvirkum hnappi úr mælaborðinu.
(Segulrofinn getur verið startpungur úr gamla Bronco eða segulrofi fyrir glóðarkerti úr einhverjum díseljeppa.
Ég held að segulrofinn sem ég er með sé ættaður úr Pajeró dísel )ÉG tengdi sveran vír frá rafgeymi í aðra hliðina á segulrofanum.
Í hina hliðina úrbjó ég 2 stk tengi úr hverju koma fjórir vírar sem liggja til
glóðarkertanna, en þau er eitt fyrir hvern cylinder, samtals átta stykki.Inni í mælaborð setti ég hnapp sem tengir þegar ýtt er á hann.
Hann fær straum þegar svissað er á.Síðan tengist hann í stýripólinn á fyrrnefndum segulrofa.
Einnig tengdi ég gaumljós við útganginn fyrir glóðarkertin þannig að það
lýsir þegar stutt er á hnappinn og glóðarkertin fá straum.Þessi lausn virkar vel. Það sem þarf að passa þegar svona er gert er að hita ekki og lengi
ef glóðarkertin eru viðkvæm fyir hitunartíma.
Hins vegar er kosturinn við þetta að maður ræður hitunartímanum alveg sjálfur.Vonanadi skilur þú þessar leiðbeiningar.
Ef þú sendir mér póstfangið þitt þá get ég útbúið einhvers komar skýringarmynd af þessu
sem ég var að reyna að lýsa.Meilið hjá mér er hjaltimag@simnet.is
Kv. Hjalti
Sæll
Þeir hjá Vélum í Vatnagörðum 16 vita ýmislegt um þessi glóðarkerti.Ef ég skil þetta rétt þá eru 9G kertin fljót að hitna og virka vel með tímastillinum sem stýrir glóðarkertatímanum.
11G og 60G kertin eru hægari og þarf því að hita þau lengur til að bíllinn fari í gang
Stundum er settur hnappur í mælaborðið til að geta aukið handvirkt við hitunartímann þegar þessi kerti eru notuðKíktu á þetta http://www.dieselplace.com/forum/archiv … 11838.html
En þeir í vélum geta örugglega hjálpað þér.
Kv. Hjalti
Það eru örugglega ýmsir til sem hægt er að leita til og þá skiptir kannski máli hvað það er sem er að.
Ég hef verið með 6.2 og 6.5 í mínum bíl í meir en áratug. Auk þess að leita til vinanna þá hef ég nánast alltaf fundið svör á: http://www.thedieselpage.com/Fáðu þér netáskrift að þessari síðu og þú finnur nær örugglega svör við því sem þú leitar að.
Kv
Hjalti R-14,
Var að taka olíu áðan. Á undan mér var kona að taka bensín. Verðið sem kom upp hjá henni var 209,40, sem sagt 10 kr auka afsláttur. Aðspurð kvaðst hún ekki vita út á hvaða félag hún fengi 10 kr afslátt. Okkar 4x4x afsláttur gefur 6 kr. Þarf ekki stjórnin að taka þetta mál upp.
Hjalti R-14
Heggur sá er hlífa skyldi.
Nú hefur umhverfisráðherra staðfest hina mjög svo umdeildu Verndaráætlun Vatnajökulsþjóðgarðs.
Ætla mætti að hún og allt það fólk sem að þessum gerningi stendur séu hörðustu virkjanasinnar landsins.
Við sem ferðumst með börnin okkar um landið, bæði hálendi sem og sveitir landsins, erum að ala upp náttúruverndarfólk framtíðarinnar.
Við kynnum þeim landið og kennum þeim að umgangast það af virðingu.
Við notum jeppa til að koma þeim til fjalla og förum stuttar gönguferðir til að skoða áhugaverða staði.
Við ferðumst með þau bæði sumar og vetur. Þau skynja vel að við foreldrarnir erum ákafir föðurlandsvinir og náttúruunnendur þó svo að við ferðumst á jeppum.
Þessi börn geta ekki farið í margra daga gönguferðir.
Gerir umhverfisráðherra sér grein fyrir hvað’ hún er að taka af æsku landsins.
Þau vilja geta notið landsins þegar þau fullorðnast og skilja vel nauðsyn þess að ganga vel um í hvívetna.Stendur í raun til að koma upp kynslóðum íslendinga sem verður alveg sama um landið okkar vegna þess að þau fá ekki tækifæri til að kynnast því?
Með þessu er verið að slæva, og í framtíðinni eyða náttúruvitund unga fólksins.
Þetta unga fólk mun ekki standa vörð um náttúruna í framtíðinni ef það fær ekki að kynnast kenni að eigin raun.
Það er skylda allra sem að þessu koma að ná sátt um Vatnajökulsþjóðgarð.
Hjalti R-14
Sælir
Myndin heitir "Þungskýjað í fyrstu" og undirtitillinn er " en léttir til er líður á daginn."Hjalti
Á félagsfundinum hér í Reykjavík í gær þá var Snorri Ingimarsson með fróðlegt og skemmtilegt erindi um ofurtrukkana, þ.e. Amerísku trukkana sem búið er að setja á Unimog hásingar og 54″ dekk. Það mátti skilja á máli Snorra og þeir sem eru bara á 49″ dekkjum og ekki á Unimog hásingum séu ekki ofurtrukkar.
Víst er að þessir trukkar eru stórir og stæðilegir og hægt er að leita skjóls undir hliðarspeglunum á þeim án þess að breygja sig. En er stærra betra ?
Hjalti
Sæll,
ég sé reyndar að þetta dót er orðið miklu stærra en það var og kemst sennilega ekki fyrir í 162Map tækinu.Kannski get ég fundið gamla settið einhvers staðar ef þú vilt.
kv. hjalti
Það er hér:
[url:ouhgk295]http://www.ourfootprints.de/gps/mapsource-island_e.htm[/url:ouhgk295]kv. hjalti
