Forum Replies Created
-
Replies
-
Mér líst nú mjög vel á þessa nýju síðu þó maður eigi eftir að venjast henni betur. En persónulega finnst mér alveg handónýtt að það sé ekki hægt að renna í gegnum allar auglýsingar eins og á gamla vefnum. Fólk er nú ekkert alltaf með það á hreinu í hvaða flokk auglýsingin passar, sbr. Breyttir jeppar og Mikið breyttir jeppar; hver er skilgreiningarmunurinn.
Kv.Ásgeir
Nú er ég búinn að leita af mér allan grun og það virðist enginn eiga til réttann loftflæðiskynjara í bílnn fyrir mig nema Ingvar Helga. og þeir vilja ekki lána mér hann til að ath. hvort að þetta sé hann. Ég er líka búinn að ræða við ansi marga sérfræðinga og vilja einhverjir meina að þetta geti verið olíuverkið. Því spyr ég; er ekki einhver góðhjartaður Terrano II eigandi sem er til í að lána mér skynjarann úr bílnum sínum í ca. 10 mín svo ég geti verið viss um hvort minn sé í lagi? Endilega hafið samband í síma 8231686 ef þú ert til í að lána mér.
Kv.
Ásgeir
Tók loftflæðiskynjarann úr sambandi og hann skánaði aðeins, en varð samt ekki eins góður og áður. Er hann þá ekki bara að skammta loftið of naumt?
Kv.
Ásgeir
Nú er ég loksins búinn að verða mér úti um rétta eldsneytissíu. Á ég að reyna að fylla hana af olíu áður en ég skrúfa hana í eða bara treysta því að pumpan virki?
Kv.
Ásgeir
Það er nefninlega svo skrítið að hann gengur fínan hægagang og hefur ekki ennþá drepið á sér. Þori reyndar ekki að láta hann ganga mikið, en hann rýkur alltaf í gang í fyrstu tilraun en er svo máttlaus að hann er algerlega ónothæfur.
Kv.
Ásgeir
Eggert, hvað er það sem þú kallar hráolíusíu? Er það eldsneytissían? Það er nú ekki vitlaus hugmynd. Hvað er eðlilegt/æskilegt að skipta oft um hana?
Kveðja
Ásgeir
Sæll Haffi
Það var ekkert mál að snúa hjólinu inní bínunni og það er nóg olía á honum. Sá ekki að það væri neitt athugavert við litinn á olíunni. Það er nóg vatn á honum. Var af einhverri ástæðu búinn að athuga allt þetta á meðan ég vissi ekkert hvað ég ætti að gera næst:)
Kveðja
Ásgeir
Sælir.
Ég ætla að byrja á að taka það fram að ég veit ekkert um díselvélar. En ég á í vandræðum með 1999 árgerð af Terrano II sem er með 2.7 lítra TDI vél.Þannig er mál með vexti að ég var úti að keyra í gær og eftir að hafa ekið smá spöl í fyrsta gír (einn hringur á bílasölu) er bíllinn allt í einu alveg vita kraftlaus. Hann gengur ágætann hæga gang en ef ég gef set pedalann í gólfið er hann svolítið lengi að ná sér upp á snúning. Ég náði samt að keyra hann heim í 2. til 4. gír en átti fullt í fangi með það.
Núna áðan tók ég síðan loftinntakið af túrbínunni og sé þá að það er olía út um allt inní inntakinu á bínunni. Er það eðlilegt?? Hvað dettur ykkur í hug að geti verið að? Er mér óhætt að setja bílinn í gang svona?Kveðja
Ásgeir
Sæll Björn
Ég var að senda þér póst á póstfangið sem þú gefur upp en fæ villumeldingu um að það virki ekki. Hef semsagt áhuga á Terrano II bókinni. Endilega sendu mér póst á notandi(hjá)gmail.com
Kveðja
Ásgeir
Getur einhver lýst fyrir mér hvernig ég skrúfa klafana niður? Ég er með 1999 árg. af Terrano II og hann er orðinn mjög framlágur, svo mig langar að lyfta nefinu aðeins en skil ekki alveg hvernig þetta klafadót virkar. Á aftari endanum á vindustönginni er langur bolti sem liggur lóðrétt á stöngina, á þessum bolta eru tvær rær. Á ég að losa rærnar og herða boltann, eða bara herða rærnar meira.??
Kv.
Ásgeir
Sælir
Hvað hafa menn verið að gera í sambandi við loftinntakið á svona Terrano II? Er ekki hægt að breyta því einhvernveginn til að minnka hættuna á að fylla allt af vatni?
Kv.
Ásgeir
Úff já, talandi um að skera eitthvað í sundur sem þú vilt ekki skera. Passaðu þig líka á áfyllingarstútnum fyrir bensínið, hann er aðeins nær en maður heldur. Komst að því þegar ég reif innréttinguna úr bílnum eftir breytingu að ég var hættulega nærri slöngunni, og það voru litlar brunaholur í henni eftir neistana frá rokknum:)
Kv.
Ásgeir
Sæll
Þetta er ekkert mál að framan. Ég skar bara eins og ég þurfti fyrir aftan fram dekk, beygði svo blikkplötu og hnoðaði í sárið og setti vel af kíttisdrullu svo það væri ekki opið fyrir grjóti og drullu, lamdi svo bara með stórri sleggju það sem uppá vantaði fyrir innan og lenti aldrei í vandræðum með það. Að aftan er það aðeins flóknara. Þar kemur innra- og ytra brettið saman við brotið í brettinu. Þar sem ég er ekki mikill suðumaður, þá skar ég með slípirokki þvert uppí brettið með ca. 2-3cm millibili og braut síðan flipana inn í brettið. Þetta reyndist ekki eins sniðugt og ég hafði hugsað það því hliðin á bílnum dældaðist inn og gapið á milli kantsins og boddísins varð heldur mikið, en það virkaði. Ef ég væri að gera þetta núna myndi ég velta þremur möguleikum fyrir mér. Skera ytrabrettið burt fyrir ofan brotið (ca. 2-3cm fyrir ofan, fer eftir köntum) og reyna að beygla innra brettið yfir sárið og annað hvort setja trefjaplast í sárið eða sjóða það við ytra brettið. Eða ef þú ert góður suðumaður að sjóða blikkrenning í sárið sem myndast. Vona að þetta skiljist.
Það að fá fagmann til verksins hugsa ég að sé of dýrt til þess að velta því fyrir sér.Einlægi Löduáhugamaðurinn
ÁsgeirPs. Væri til í að fá að fylgjast með þessu ferli hjá þér.
Ég heyrði einu sinni sögu af strák sem bjó rétt fyrir utan Vík. Sá átti Lödu Lux og ákvað að fara í smá "sandspyrnu" í fjörunni. Hann keyrði fjöruna fram og til baka á fullu farti þar til hann fann allt í einu rosalegt högg með svakalegann hávaða framan úr bílnum. Þá sá hann í baksýnisspeglinum að hann hafði lent á stóru grjóti svo hann ákvað að nú væri nóg komið og tími til að halda heim. Þegar heim var komið var gangurinn í bílnum orðinn eitthvað grófari en hann átti að sér að vera svo stráksi ákveður að mæla olíuna á bílnum, hann rífur upp kvarðann en á honum var ekki svo mikið sem einn dropi. Þá lítur hann undir bílinn og sér þar hnefa stórt gat á olíupönninni. En Ladan skilað honum samt heim, algerlega olíulaus.
Ég sel söguna ekki dýrara en ég keypti hana, og ykkur er velkomið að leiðrétta mig, en svona man ég söguna.
Kv.
Ásgeir
Þetta var óþarfi Kristinn!! En fyrst þú nefnir þetta skulum við hafa staðreyndirnar á hreinu.
Hinn meinti skafl var ekki þessi venjulega skilgreining á skafli heldur svona malarbingur sem hafði snjóað yfir (komumst að því þegar við dustuðum snjóinn af honum eftir lendingu). Svo það var nú ekki mikið um að við hefðum ekið í gegnum "skaflinn" heldur hófum við okkur til flugs af "skaflinum". Ladan brotnaði heldur ekki (mikið) heldur myndaði hún hið fínasta V, þó það hafi verið fjandanum erfiðara að opna farþega hurðina. Svo varð hún miklu betri á eftir því allt í einu var hún komin með veltistýri.
Svo skil ég ekki ennþá hvernig bróður þínum tókst að standa á höndum á stýrinu þegar við lentum á stuðaranum og allan tímann sem stóðum uppá rönd á stuðaranum áður en við skullum aftur niður á hjólin.Kv.
Ásgeir
Ég stend á því fastar en fótunum að þeir sem lasta Lödur hvað mest séu þeir sem hafa aldrei átt eða haft afnot af svoleiðis eðalvögnum. Þegar ég keypti mína fyrstu Lödu gerði ég mér alveg ljóst að nú yrði ég skotmark margra jeppamanna fyrir að hafa ekki keypt mér "alvöru" jeppa. Og það stóð heima, það var ósjaldan skotið á mig föstum skotum en maður var samt of stoltur til að taka það inn á sig !! Svo þegar maður fór að ganga á þá sem skutu hvað mest, þá kom nú í ljós að eina reynsla þeirra var að hafa lent á eftir gömlum kalli á Lödu á ljósum, eða eitthvað álíka gáfulegt.
En svo voru ólíklegustu menn sem ég hélt að myndu svoleiðis skjóta mig í bólakaf, sem mærðu Lödu hvað mest þeir máttu. Töluðu svo fallega um þessa góðu bíla og hvað þeir hefðu nú farið í margar góðar ferðir á svona bíl að ég nánast roðnaði.Lengi lifi Lada Niva
Kv.
Ásgeir
Talandi um að Lödurnar sjáist aldrei á fjöllum. Þá fórum við vinur minn á sitthvorri Lödunni í 10 daga fjallaferð sumarið 2002 og spáðu allir því að við kæmum heim með rútu frá Akureyri. Það var nú aldeilis ekki svoleiðis, eina bilunin í mínum bíl var pústpakkning og svo fór þolinmóður úr löminni á húddinu á hinum (það hafði þó aðeins verið opnað einu sinni í ferðinni til að bæta á rúðupissið).
Hvar sem við komum og spurðum um færð eða aðstæður til að aka einhvert vorum við spurðir á hvernig bílum við værum og svöruðum við mjög stoltir að við værum á Lödum. Það brást ekki að svörin voru öll á sama veg : Þið verðið nú að vera á (stærri) jeppa til að komast þangað. Nema á Þórshöfn var okkur sagt að það væri boðið uppá ferðir út á Langanesið á Hummer, annars væri ekkert vit í að fara þangað á öðrum jeppum.
Við ákváðum þó alltaf að fara allavega eins langt og við kæmumst og snúa þá bara við. Við þurftum þó aldrei að snúa við!!!Bjarki, þér er velkomið að ganga til liðs við Sport-bílaklúbbinn, áhugamanna klúbb um heiður og varðveislu Lada Niva.
Kv.
Ásgeir
Það er gott að menn eru að vakna til lífsins hvað varðar bestu jeppana. Það er synd hvað menn hafa verið heilaþvegnir af þessu ameríska og japanska drasli í góðærinu og hafa haldið að af því að bíllinn er dýr þá sé hann góður. Staðreyndin er bara sú að það kemst enginn með tærnar þar sem Lada hefur hælana!
L UXURY
A UTO
D ON’T
A RGUELödukveðjur
ÁsgeirPs. Vill einhver góður maður selja mér Löduna sína:)
Sælir
Vestfirðingar þekkja engann foss sem kallaður er Dynjandi eða Dynjandisfoss, aðeins heyrt hans getið. Sá foss er aldrei nefndur annað en Fjallfoss í daglegu tali heimamanna og er þeim mikið í mun að festa það nafn í minni manns (hef þó líka heyrt Fjallbúafoss en veit ekki hvort þá var átt við sama foss).Kveðja
Ásgeir
Takk fyrir það Skúli, ég mun hafa augun opin fyrir auglýsingu um þetta námskeið.
Ég fór í dag í Garmin umboðið í Ögurhvarfi, og þar var mér sagt þetta sama og Skúli segir um áttavitann, en hvað varðar hæðarmælinn þá skildist mér að það væri hæðarmælir í báðum tækjum en bara mun nákvæmari í Vista.
Niðurstaðan er sem sagt sú að Legend tækið dugar þeim sem vilja bara vita hvar þeir eru og hvernig þeir komast heim, en Vista er fyrir þá sem eru kannski aðeins meiri nördar og vilja hafa allar upplýsingar á hreinu.
Með þökk fyrir góð svör.
Kv.
Ásgeir
