This topic contains 132 replies, has 1 voice, and was last updated by 
-
Topic
-
Sælir félagar við verðum að tryggja f4x4 aðgang að þessu kerfi.
Tetra fjarskiptakerfi fyrir öryggis- og neyðarþjónustu komið á næsta vor
Árni Mathiesen fjármálaráðherra, Björn Bjarnason dómsmálaráðherra og Sturla Böðvarsson samgönguráðherra gengu í dag frá samkomulagi við 112 hf. um stofnun nýs fjarskiptafyrirtækis, Öryggisfjarskipti ehf., sem mun byggja upp og reka fullkomið Tetra fjarskiptakerfi fyrir öryggis- og neyðarþjónustu um allt land. Gert er ráð fyrir að uppbyggingu kerfisins ljúki næsta vor.Gengið var frá samkomulaginu við setningu ráðstefnunnar Björgun 2006 og við sama tækifæri gerði nýja fjarskiptafyrirtækið samning við Slysavarnafélagið Landsbjörg um notkun kerfisins. Allir helstu viðbragðsaðilar í landinu hafa lýst yfir vilja til að nota það.
Samkomulagið er gert í framhaldi af yfirlýsingu ríkisstjórnarinnar frá 26. september síðastliðnum um ný verkefni íslenskra stjórnvalda við brottför varnarliðsins en þar var uppbygging Tetra kerfisins kynnt. Neyðarlínan, 112, eignaðist Tetra kerfið á árinu 2005 en það hefur hingað til aðeins þjónað viðbragðsaðilum á suðvesturlandi, Akureyri og Ísafirði.
Með þeirri endurnýjun og uppbyggingu sem framundan er munu Íslendingar eignast fullkomnasta fjarskiptakerfi fyrir öryggis- og neyðarþjónustu sem völ er á. Kerfið mun þjóna öllu landinu og gegna lykilhlutverki við leit og björgun.
Nýja fjarskiptafyrirtækið er að mestu í eigu ríkissjóðs en 112 hf. á einnig hlut í fyrirtækinu og annast rekstur þess. Tetra kerfið byggist á stafrænni útfærslu og fjarskiptastöðlum sem sérstaklega eru gerðir fyrir fjarskipti neyðar- og öryggisþjónustu, svo sem hjá lögreglu, slökkviliðum og björgunarsveitum.
Kerfið mun einnig henta orkufyrirtækjum, Vegagerðinni og sambærilegum aðilum vel. Unnt er að veita fleirum aðgang að kerfinu en þó þannig að neyðar- og öryggisaðilar hafi jafnan forgang. Við neyðaraðstæður er unnt að útiloka aðra en þá sem nauðsynlega þurfa að nota kerfið. Frá þess segir í tilkynningu frá fjármálaráðuneytinu.
af mbl.is
-
Replies
-
Síðan hvenær flokkaðist 4×4 undir neyðar og viðbragðaðila á íslandi!
Góðar stundir
Sæll Björn
Það hefur verið rætt um það að ef við 4×4 menn og konur hefðum Tetra kerfið í framtíðinni í okkar bílum þá opnaðist sá möguleika að stytta tíma varðandi fyrstu hjálp.
Neyðarlína gæti séð hvar bílar væru staddir í nágreni ef við notuðm gps möguleikann eða sent út kall á grúppur og tilkynnt og beðið aðstoð.
kv gundur
Síðastliðinn vetur var félögum í 4×4 boðið á tetra kynningu í Skógarhlíðinni. Þar kom m.a. fram að þeirra skilgreining á "landsdekkandi" náði yfir mun minni hluta hálendisins, heldur en NMT kerfið þjónar núna. Því yrði það stórt skref til baka ef ekki kæmi neitt skárra en Tetra í stað NMT.
Annars kom það líka fram þar að tetra kerfið væri alls ekki hannað eða ætlað fyrir almenning. Því finnst mér að við ættum að afgreiða þetta tetra rugl í eitt skifti fyrir öll, og að fjarskipta nefndin megi skila tetra stöðvunum sem henni ku hafa verið fengnar.-Einar
Ég get ekki séð, annað en dekkunin. Verði töluverð mikil í fyrsta áfanga. T,d ætti Hofsjökull að vera 99 % dekkaður. Langjökull frá Bláfelli og væntanlega Þránd, og það kæmi mér á óvara ef Strútur eða Tröllakirkja væru ekki nýttar. Skrokkalda tekur mikið af vesturhluta Vatnajökul og Slórfell mikið af norðurhlutanum. Við þurfum sennilega betri dekkun á Vatnajökul. En við megum ekki heldur gleyma því að víða er lélegt nmt samband t,d ásunnanverðum Kili. Víða að Fjallabaki og á fleiri stöðum, svo það er ekki einsog nmt hafi verið gallalaust. Gundur bendir á það að 4×4 verði að vera með, ég get fullyrt að fjarskiptanefndin er með þetta allt undir kontrol og þekkir þetta í smáatriðum þó svo þeir séu ekki alltaf á spjallinu.
Þó svo ólíklega færi að það yrðu settar tetra stöðvar allsstaðar þar sem NMT er nú, yrði dekkunuin mun lakari, vegna þess að tetra dregur mun skemmra en NMT. En það er alveg rétt að NMT kerfið er ófullnægjandi, þar af leiðir að kerfi sem með ennþá lélegri dekkun, er algjörlega ófullnægjandi. Eitt er þó borðleggjandi, og það er að kostnaður þeirra sem fara í tertra, mun margfaldast í samanburði við það sem er í NMT kerfinu.
-Einar
Ef upp verður sett kerfi sem hefur dreifingu á hálendinu (eins og allt bendir til núna) þá að sjálfsögðu eigum við sem um hálendið ferðumst að gera þá kröfu að við höfum aðgang að þessu kerfi.
Ég get ekki séð að á fjöllum sé það mikill fjöldi fólks að ekki sé hægt sé að búa þannig að málum að nægt pláss sé fyrir alla.
Á kortunum sem sýnd voru í Skógarhlíðinni í fyrra, með hugmyndum tetramanna um það sem þeir kölluðu landsdekkandi kerfi, var mestur hluti hálendissins og jöklanna utan þjónustusvæða. Ég hef ekki orðið var við að neitt hafi breyst í því efni.
En ég hef heldur ekki orðið var við að það stæði til að útiloka neinn frá kerfinu, ég held að tetra menn hafi alltaf verið tilbúinir að taka við peningum frá þeim sem vilja borga. Að vísu áskilja þeir sér rétt til að loka á aðra en "viðbragðsaðila" þegar þeim hentar. Tetra er jú marg búið að fara á hausinn á Íslandi, vegna þess að það hafa fáir séð sér hag í að nota "þjónustu" þeirra.-Einar
Held við þurfum ekki að hafa neinar áhyggjur um að fá ekki aðgang að kerfinu þar sem tetra er einkafyrirtæki en ekki ríkisbatterý og því er gerð krafa um hagnað þess fyrirtækis, því fleiri notendur því meiri möguleikar á hagnaði… og hættu svo þessu neikvæðniskarpi eik
"Nýja fjarskiptafyrirtækið er að mestu í eigu ríkissjóðs en 112 hf. á einnig hlut í fyrirtækinu og annast rekstur þess. "
Tetra er ekki rekið á markaðsforsendurm, það er löngu fullreynt að það gengur ekki, það er ákvörðun ofan frá að allir "viðbragðsaðilar" eigi að nota tetra, og Björn Bjarnason borgar brúsann.
En við þurfum ekki að hafa áhyggur af því að fá ekki eitthverskonar aðgang að kerfinu, en þar sem það er fátt sem bendir til að það virki víða utan þjónustu svæða GSM, þá sé ég ekki til hvers.Hver ætli eigi 112 h/f?
-Einar
þá er þessar umræður komnar upp aftur og ekki þær síðustu
og hvað öllum finst um þær er það að koma á dæginn að
Tetra er það kerfi sem mun koma, eins og ég var búinn að
tala um hér 4×4 síðast vetur og vitna í þær umræður hér.
það mun fleiri og fleiri bætast við tetra það komið inn í þetta
á milli 17 – 25 fyrirtæki, ég held a> 4×4 ættu að koma inn í
þetta sem fyrst svo við getum filgst með hver þróunin verður á þessu og getum bent á galla og kosti þegar það á við.
kv,,,MHN
Anonymous- Umræður: 0
- Svör: 16404
Það hefur ekki komið fram í þessum þráðum að tetra er líka talstöðvar, þ.e. það er talstöð í sama tækinu og síminn, og í að minnsta kosti því kerfi sem er við líði í dag geta hópar talað saman í símann án gjalds innbyrðis. Ég þekki tetra kerfið af eigin raun og það má mikið lagast og mikil uppbygging eiga sér stað til að það geti talist öryggistæki, eins og það þarf að vera t.d. á fjöllum fyrir þá sem mikið eru í ferðum þar.
Ok, tetra er líka talstöð, en virkar það beint milli stöðva? Og hver er sendistyrkurinn? Veit einhver á hvaða bylgulengd þetta er? (ca. þeas)
-haffi
ps. finnst engum fleiri undarlegt að nú eru á döfinni tvö kerfi sem eiga að vera á hálendinu? (þeas. cdma450 og tetra)
Það er nú varla nokkur ástæða að henda VHFinu í ruslið núna, þótt voðalega Tetravæðing sé yfirvofandi. Líklega er best að fá kerfið til að virka fyrst, og meta þá hvort þetta sé arftaki NMT, en Tetra mun að mínu mati ekki koma í staðinn fyrir VHF, enda er það snildar kerfi sem kostar lítið að reka (miðað við önnur fjarskiptakerfi) og flestir eru með.
Maður veltir fyrir sér hvort til standi að byggja bæði upp Tetra og CDMA 450 kerfi sem arftaka NMT og eins virðist langdrægni beggja kerfa vera frekar óskrifað blað. Ég er kominn með Tetra stöð í minn jeppa, og þetta minnir mig soldið á gömlu 002 símana, maður heldur inni takka til að tala, og sleppir til að hlusta, en eflaust er hægt á fá búnað sem er eitthvað betri en þessi sem ég er með. Eins virðast menn mæra mikið, hversu mikil gagnaflutningsgeta sé á þessum nýju kerfum, en mér er nokk sama, ég fer bara á netið heima, en eflaust gaggnast þetta öðrum hópum en ferðamönnum í dag.
Ég er kominn á þá skoðun að núna beri að efla endurvarpakerfi 4×4 og fara fram á hlustun á endurvörpum, enda er það tæknilega ekki neitt stórmál, en verður eflaust gríðarlegt öryggisatriði þegar NMT leggur upp laupana. Ég sé menn ekki hlaupa upp til handa og fóta og kaupa nýjar græjur fyrir marga tugi þúsunda, þegar alla reynslu vantar á kerfin, og því er ekki að neita að menn eru hálf brendir enn, eftir öll stóru orðin sem féllu um ágæti Tetra fyrir nokkrum árum.
Lang flestir, eða næstum allir sem stunda vetrarferðir í dag eru með VHF stöðvar, bæði jeppamenn, sleðamenn og aðrir, svo það segir sig sjálft hvernig best er að ná til fjöldans, og hvernig fjöldin kemur frá sér skilaboðum ef vá steðjar að. Ég vil líka geta notað "síma" á fjöllum, en veit ekki alveg hvað ég geri í þeim málum að þessu sinni.
Hlynur
Anonymous- Umræður: 0
- Svör: 16404
virkar það beint á milli stöðva, menn hafa talað í þessar stöðvar milli landshluta þ.e.a.s. héðan norðan úr landi suður á land. Í talstöð þarf maður alltaf að halda niður takka til að senda og sleppa til að taka á móti, það segir sig sjálft.
Þú fyrirgefur mig vonandi ef ég er að misskilja, en ég efast um að þessar stöðvar dragi milli landshluta án endurvarpa og það er ekki það sem ég kalla að tala beint milli stöðva eins og á VHF eða CB.
-haffi
Það væri gaman að umræða hér á vefnum gæti verið málefnaleg og uppbyggjandi.
Það hefur komið fram að Neyðarlínan stefni að því að hálendið verði eftir því sem við verður komið í fjarskiptasambandi. Enginn annar aðili hefur gefið slík fyrirheit. Þess vegna væri gott að standa með þeim og styðja í að það verði að veruleika. Það er mikilvægt, nauðsynlegt fyrir ferða- og jeppamenn að vera í góðu fjarskiptasambandi.
Eik virðist ekki skilja að Tetra er hvorutveggja farstöðvakerfi, hóptal, sími og gagnafluttningskerfi. Það er ekkert annað kerfi í boði og hér á síðunni hefur verið að lýsa eftir arftaka NMT,VHF og að hálendið verði í betra fjarskiptasambandi. Samkvæmt upplýsingum frá NL þá er verið að endurnýja miðbúnað kerfisins og alla senda. Þeim verður fjölgað í 150 sem er fjölgun um 110 senda. Í raun er unnt að nota Tetra sem talstöð, hóptal eða í bein samskipti milli bíla þannig að 3 til 5 bílar geta talað sín á milli án þess að trufla aðra. Tæknimaður Tetra hefur lofað að senda nýtt og endurnýjað útbreiðslukort í byrjun næstu viku en kortið frá í fyrra gerði ráð fyrir færri sendum en nú er ráð fyrir gert. Bláfell á Kjalvegi verður komið í samband eftir einn mánuð en það fjall er eitt af fimm fjöllum á hálendinu sem lokið verður við fyrir mitt næsta ár. Eftir það verður farið í holufyllingar í samráði við björgunarsveitirnar.Óumdeilanlega er Tetra besta kerfið. Samkvæmt mínum upplýsingum er verðið á þjónustunni sanngjörn. Klúbburinn ætti að taka upp viðræður við Neyðarlínuna og reyna að fá góð kjör fyrir félagsmenn. Neyðarlínan er í meirihlutaeigu ríkisins. Nýja félagið sem er eignarhaldsfélag sem á búnaðinn er 75 prósent í eigu ríkisins og 25 prósent í eigu Neyðarlínunnar. Ég er þeirrar skoðunnar að það sé ekki óeðlilegt að hið opinbera eigi og reki öryggis og neyðarfjarskiptakerfi. Einkaaðilar sem reka starfsemi einungis með hagnað færu ekki í að fjarskiptavæða hálendið. Það er verið að gera það í samvinnu við björgunarsveitirnar í landinu með þeirra aðstoð. Klúbburinn ætti að vera þáttakandi í þessu verkefni líka.
hvort að Tetra kerfið sé svipað og GSM að því leiti að það séu cellur sem anna ávkeðinni umferð þannig það sé möguleiki á að vera með fleiri "cellur" á þeim stöðum þar sem umferð er mikil svo sem á Langjökli?
Tetra er með allskonar fítusa sem við höfum ekkert við að gera. Öryggiskerfi sem uppfyllir okkar þarfir þarf að þekja allt hálendið, ekki bara sjónlínu innan 50 km frá 5 fjöllum eins og felst í því plani sem Gundur lýsir hér að ofan. Hingað til hafa þau loforð sem gefin hafa verið varðandi Tetra, aldrei gengið eftir. Jafnvel þótt allt af því sem talað er um að gera núna verði gert, þá verður mest af hálendinu samt án þjónustu.
Mér sýnist allt stefna í að arftaki NMT fyrir almenning verði GSM. NMT tíðnirnar verði notaðar í CDMA450 til þess að netvæða strjálbýlið, þar sem ekki svarar kostnaði að bjóða ADSL. Síðan muni herinn hans Björns Bjarnasonar nota tetra, í aðgerðum þar sem sést ekki í tetra stöð innan 50 km, verði notaðir færanlegir endurvarpar, annaðhvort í flugvélum eða bílum.
Gundur, ef þu hefðir mætt á tetra kynninguna í fyrra, þá værir þú ekki að uppgvöta það fyrst núna !
-Einar
Ég get ekki hringt útum allt þegar ég er á hálendinu og sagt öllum hvað er gaman hjá mér og hvað ég er búinn með marga bjóra og hvað er mikill snjór og hvað patrolinn minn stakk alla af í gegnum þetta Tetra dót. er ekki hægt að hækka bara mín upp í 700 kr mín og gera NMT kerfið upp, finnst líka leiðinlegt að þurfa að fella hvíta skipaloftnetið:=(
You must be logged in to reply to this topic.