Námskeið til amatörprófs

Amatörnámskeið hjá ÍRA.
Námskeið til amatörprófs verður haldið á vegum ÍRA, félags Íslenskra radíóamatöra í vetur. Kynning á námskeiðinu og afhending námsgagna verður í félagsheimili ÍRA í Skeljanesi fimmtudagskvöldið 28. janúar klukkan 20. Þeir sem áhuga hafa á að taka þátt í námskeiðinu sendi tölvupóst á ira@ira.is eða tilkynni þáttöku í GSM síma 8633399 fyrir 22. janúar. Almennt námskeiðsgjaldgjald er kr. 20.000,- en kr. 14.000,- fyrir félaga í ÍRA.

Kennt verður á þriðjudags- og fimmtudagskvöldum, tvo tíma á hvoru kvöldi. Verklegar æfingar verða í húsnæði félagsins í Skeljanesi einhverja sunnudagsmorgna meðan námskeiðið stendur yfir. Ráðgert að námskeiðið hefjist í byrjun febrúar og ljúki í apríl. Próf verður haldið um mánaðamótin apríl-maí.

Allar upplýsingar um námskeiðið verða settar á heimasíðu félagsins ira.is fljótlega.