Göngin og veggjaldið

Skilst að hér sé eitthvað sem ég ætti að svara, en sé þó ekki margt. Þó af því Gummi blandar umræðu um utanvegaakstur inn í málið (ef ég skil innlegg hans rétt) þá hefur utanvegaakstur ekkert með loftmengun að gera. Hvortveggja að vísu flokkað sem umhverfismál en ólíkir hlutir engu að síður og þó sjálfsagt sé að huga að allri umhverfisvernd er afstaða mín til utanvegaaksturs af öðrum toga, eða einfaldlega vegna þess að hjólför útum allt og gróðurskemmdir af völdum umferðar spillir þeirri upplifun sem ég sækist eftir á fjöllum. Þar fyrir utan reikna ég með að nýlegur amerískur pickup með nútíma díselvél mengi ekkert meira en minn 9 ára gamli Landrover. Held að 4×4 klúbburinn geti seint gefið sig út fyrir að vera klúbbur sem beiti sér gegn útblástursmengunar, við getum alveg viðurkennt það kinnroðalaust.
Gjaldið í Hvalfjarðargöngin er í sjálfu sér ekki skattur heldur gjald sem er borgað til einkafyrirtækis. Það er engin lógísk skýring á því að Ford F-eitthvað þurfi að borga meira fyrir afnot af göngunum en Patrol eða Landrover þó hann sé örlítið lengri. Það að tollar séu lægri á þessum bílum hefur ekkert með málið að gera, tollar fara til ríkisins en gangnagjöldin til einkafyrirtækis. Það hefur heldur ekkert með málið að gera að þeir sem eigi þessa bíla eigi hvort eð er svo mikið af peningum og eiginlega efast ég um að það sé munur á þeim hvað það varðar eða eigendum ýmissa annarra tegunda. Líklega er hugsunin á bak við þessa mismunandi gjaldflokka upphaflega sú að láta bíla sem flytja fólk eða vörur um göngin í atvinnurekstri borga meira og hægt að færa rök fyrir því. En tveir pickuppar sem báðir eru notaðir sem ferðabílar fjölskyldunnar og annar borgar þrefalt á við hinn, það sé ég ekki sem neina sanngirni. Jafnvel þó ég sjálfur sé í lægri flokknum (og ekki á leiðinni þaðan)
Hins vegar sýnist mér miðað við þær upplýsingar sem ég hef fengið að undanþága fyrir þennan hóp sé ekkert sem sé auðfengið og líklegt að tilraunir okkar í þá átt myndu stofna samningi húsbílafélagsins í hættu en ekki færa okkur neinn ávinning. Hefði þetta hins vegar legið þannig að það hefði verið auðfengið hefði verið sjálfsagt að reyna. Það væri líka mjög til bóta að fá þessi 80 km/klst úr gildi en það er klárt mál að það er ekki einfalt verk. En það er reyndar annað dæmi um fáránleika þess að þessir pickuppar séu flokkaðir sem vörubílar meðan aðeins minni pickup er flokkaður sem fólksbíll.
Og hana nú!
Kv – Skúli

Nefnið mér eina ástæðu fyrir því að Spölur ætti að gefa okkur afslátt. Ekki eru þeir í samkeppni, nema þá við Hvalfjörð sem hallar heldur betur á í samkeppninni.

Sælir félagar.

Þetta mál hefur verið rekið á síðum Mbl. um nokkurt skeið, en þar hefur Ellen Ingvadóttir tekist á um þetta við Gísla Gíslason stjórnarformann Spalar. Á umræðunni eru margir vinklar og hefur hún m.a. bent á samninga við húsbílafélagið og dregið fram fáránleikann í því að flestir á stóru ammrísku pikköppunum eru jú með pallhýsi (húsbíll) stóran hluta ársins.

Á hinn bóginn hefur Gísli bent á að einhversstaðar þurfi mörkin að liggja og að þessir stóru bílar séu vörubílar í skilningi laga og reglna.

Það má ekki gleyma því að þessir bílar eru að því er mér skilst, vsk bílar, en samt á venjulegum númerum. Þeir eru fluttir inn á lægri tollum en "litlu pikköpparnir", þar sem þetta eru vörubílar í skilningi laga og reglna. Er ekki málið þá bara að fá þá fellda út úr þeim flokki alfarið, þannig að þeir séu ekki vsk bílar á bláum númerum og að menn greiði sömu aðflutningsgjöld og á minni bílum.

Það hlýtur að verða að vera eitthvað samræmi á hlutunum – maður getur ekki bæði borðað kökuna og átt hana… eða hvað?

Ferðakveðja,

BÞV

Ég gleymdi að minnast á það að með því að kaupa 100 ferða lykil þá greiða menn á jeppa (ekki vörubíl) aðeins kr. 270 pr. ferð. Ef menn vilja ekki ráðast í slíka fjárfestingu, þá er hægt að lækka gjaldið í kr. 600 með því að kaupa 10 ferða kort.

Þetta er því almennt ekki dýrt og að mínu viti fráleitt að Ferðaklúbburinn 4×4 fari að væla um frekari afslátt fyrir félagsmenn.

Það er fullt af öðrum og þarfari verkefnum í hagsmunagæslu fyrir félagsmenn.

Ferðakveðja,

BÞV

Ég er einn þessara manna sem ek um á vörubíl samkvæmt skilning Íslenskra laga. Ég er líka einn af þeim sem hef ekið um á jeppa nánast allan minn ökuferill. Ég byrjaði minn jeppaferli á Suzuki fox og skipti síðan yfir í Toyotu Hilux (38 tommu breyttan) sem ég ók um í mörg ár. Eftir því efnahagur jókst þá skipti ég yfir í Nissan Patrlol (líka 38 tommu breyttan) og ók um á honum í nokkur ár. Núverandi bifreið mín sem er Ford F-250 (38 tommu breyttur) er án efa sá bíll sem uppfyllir mína þarfir í ferðamennsku hvað allra best. Á síðari árum ferðast ég minna á veturna en þeim mun meira á sumrin, Fordinn kemur þannig út í samanburði við mína fyrri bíla að eyðslan er svipuð í Patrolnum en aflinu og þægindunum er ekki saman að líkja bæði í samanburði við Hiluxinn og Patrolinn. Ekki nóg með að það fari mun betur um ökumann og farþega heldur er plássið alltaf nóg fyrir allt dót sem manni langar að hafa með sér á fjöllum.

Að mínu mati er þessi umræða um réttlætinguna á margfalt hærra gjaldi í göngin komin langt út fyrir öll skynsemismörk. Í fyrsta lagi er mikilvægt að hafa gjaldflokka á svona veggjaldi gagnsæja (eins og Spölur hefur réttilega bent á) en ekki þannig að þurfi beinlínis að skoða skráningarskírteini bifreiðarinnar til að átta sig á hvar hún á heima. Starfs mín vegna hef ég ekið töluvert erlendis, bæði í Evrópu og USA og víðast hvar þar sem um marga gjaldflokka er að ræða eru einfaldlega taldir öxlarnir undir bílnum, þannig að þeir bílar sem raunverulega eru notaðir til að flytja farm borga hærra gjald en hinir. Ef hinsvegar lengdin er látin ráða gjaldflokki ökutækis á það sama yfir alla að ganga þannig að bifreiðar sem draga eftirvagn, eins og tjaldvagn, fellihýsi, hjólhýsi eða húsbíll sem er yfir 6m ættu hiklaust að greiða hærra gjald. Hvað með bíl sem dregur annan bíl? . borga þeir tvöfalt gjald eða er það bíllinn sem dregur sem ræður gjaldflokkinum? . myndi þá borga sig fyrir okkur pallbýlaeigendurnar að fá að hengja spotta í fólksbílinn fyrir framan?

Umræðan um að þeir sem borgi lægra hlutfall af aðflutningsgjöldum eigi bara hreinlega skilið að borga hærra veggjald fékk mig hreinlega til að missa allt álit að Speli eða þeim sem því fyrirtækis stýra. Hvað með leigubifreiðar, bifreiðar fyrir fatlaða eða sjúkra-/ björgunarbifreiðar eiga þær þá líka að borga hærra gjald? Speli kemur einfaldlega ekkert við hvaða gjöld viðkomandi einstaklingar borga til ríkisins í formi skatta eða aðflutningsalda. Ég velti því líka fyrir mér hvort ég hafi raunerlulega borgað hærri eða lægri aðflutningsöld til ríkisins heldur en sá sem keypti sér Toyotu Corolla eða VW Golf, því þrátt fyrir að prósentan sé lægri þá er innkaupsverðið á mínum bíl mun hærra þannig að upphæðin sem skilar sér til ríkisins er vafalaust hærri.

Það dugar ekki að binda aftan í fólksbíl, lenntum í því að þurfa að draga Patrol í gegnum göngin og var hann á 2 dekkjum því framdekkin voru í kerru, bíllinn var mannlaus og það var fullt verð takk fyrir.
Mér hefði nú fundist 1/2 gjald alveg ásættanlegt sérstaklega þar sem þú borgar ekkert fyrir að vera með kerru eða fellihýsi eða hvað þetta heitir nú allt saman sem dinglar aftaní.
Kveðja Lella

Ég var að vinna hjá fyrirtæki sem fór ófáar ferðirnar í geggnum göngin. Þegar það kom til tals við Spöl að fá afslátt á ferðum gegnum göngin var sagt þið kaupið bara áskriftar lykil (vorum með 10 miða kortin) annað kom ekki til greina að þeirra hálfu ….Fyrir töluverðu síðan kom þessi umræða upp með þessa VÖRUBÍLA og ég stend enn við það sem ég sagði þá. EF og þegar ég fæ mér vörubíl þá skal ég glaður borga 3000 í göngin. þetta eru reglur sem þeir hjá Speli settu og það er ekki hnikað um sentimeter (veit það að eigin raun(og borgaði glaður 3000 kallinn))

kveðja dóri hauks A-714