Forum Replies Created
-
Replies
-
Takk fyrir ábendingarnar, Aron. Ég fann fleiri myndbönd á Youtube sem benda til að þetta sé nokkuð algeng bilun í þessum bílum.
Það eru 3 skynjarar (rofar) á millikassanum og kosta þeir ca 18 þús stykkið hjá B&L. Þeir fást líka á Partsouq.com á ca 18 USD stykkið plús frakt og vsk. Búinn að panta alla þrjá ásamt annarri framluktinni og bíð spenntur.
Án sýnilegrar ástæðu fór aðvörunarljós fyrir millikassann ?? að blikka. Þetta er ljós með mynd af fjórum hjólum og drifskafti milli fram-og afturhjólanna, lengst til vinstri í mælaglugganum. Handbókin gefur enga úrlausn aðra en að fara á Nissan verkstæði. Hefur einhver ykkar reynslu af þessu, vitið hvað er á seyði eða eigið ráð til að lækna kvillann – helst án þess að kosti heilan helling. Umræddur bíll er Nissan Navara, árgerð ca 2005 (ekki alveg viss).
Ágúst
Vinsamlegast fræðið mig um það hvaða þéttiefni hafa reynst vel við samsetningar á eldsneytistönkum (dísel) t.d. milli sendiviðnámsplötu, notaðrar gúmmípakkningar og tanks. Einnig við þéttingu á gúmmíslöngum í tankinn – áfylling/aftöppun. Efnið þarf að virka smyrjandi meðan verið er að setja saman en stífna eftir hæfilegan tíma og gefa svo 100 % þéttingu um aldur og æfi.
Einnig væri gott að vita hvaða efni menn eru helst að nota við samsetningar á kælivatnsslöngum- og miðstöðvarkerfum og leysast ekki upp í frostleginum.
ps. <span style=“line-height: 1.5;“>Ég er búinn að finna eldsneytistank úr Pajero 2800, sem virðist passa í Galloperinn minn. Það er smá munur hvort maður kaupir notaðan tank á 3000 kall í Vöku eða nýjan í umboðinu á 95 þús. jafnvel þótt þurfi aðeins að ryðhreinsa og sletta á hann málningu fyrir aðrar 3 þús kr.</span>
Kv.
Ágúst
Ég ákvað bara að taka skemmri skírn á málið og tengdi handstýrðan þrýstirofa við relayið. Hann setur straum á glóðarkertin hvenær sem mér finnst henta og bíllinn fer alltaf í gang.
Einnig tengdi ég ljós beint við glóðarkertin þannig að nú veit ég hvenær þau eru með spennu. Original glóðarkertaljósið sýnir eitthvað allt annað, það kviknar um leið og „heilinn“ setur straum á kertin, en slökknar löngu áður en straumur til kertanna rofnar.
Galloperinn minn er nýlega farinn að vera seinn í gang og einkum þegar vélin er heit. Ég hef verið að fylgjast með spennunni sem kemur á glóðarkertin og hef séð eftirfarandi:
Þegar vélin er köld fá glóðarkertin spennu um leið og ég svissa á, en hún fer af eftir 10 sekúndur. Ef vélin fer í gang þá helst spenna áfram á kertunum í einhverjar mínútur og rofnar svo (eftirglóðun ?).
Ef vélin er heit er virknin önnur: Það kemur engin spenna á kertin þegar ég svissa á, en um leið og ég byrja að starta kemur spenna á þau en hún fer af um leið og hættir að starta.
Það er sem sagt engin forglóðun ef vélin er heit – bara meðan startarinn er í gangi.
Getur verið að þetta sé „rétt“ virkni í stýrirásinni fyrir kertin eða hvernig á hún annars að vera bæði með heita vél og kalda?
Einnig væri gott að vita hvar þessi stýrieining er staðsett og hvernig hún lítur út (helst mynd?). Er hún frammi í vélarhúsinum eða inni í mælaborði?
Ath. ég er ekki að spyrja um sjálft glóðarkertarelayið – ég er búinn að skipta um það og veit nákvæmlega hvar það er. Veit að það virkar.
Hráolíusían er bara nokkurra daga gömul.
Ég hef endurtekið lent í því nú köldustu dagana að bíllinn hefur drepið á sér eftir að hafa gengið fínt í nokkrar mínútur. Einkennin eru mjög lík því þegar klárast af tankinum, missir kraft, hikstar og stoppar svo alveg. Nokkru seinna hefur svo allt verið komið í lag, hugsanlega þegar ylur frá vélinni hefur komist að hráolíusíunni.
Fyrir tveim dögum hugkvæmdist mér að setja slatta af steinolíu á tankinn saman við díselolíuna (ca 50/50) og eftir það hefur ekki borið á þessum kvilla (7-9-13).
Hafið þið lent í svona vandræðum með díselolíu frá Skeljungi (Ártúnsholti) ? Er hugsanlegt að þeir hafi verið að dæla sumarolíu á tankinn hjá manni fram í nóvember ?
Ágúst
Kominn tími til að endurnýja pústkerfið á frúarbílnum, Opel Astra 1,6 (alla leið frá grein og aftur úr).
Mér virðist bestu kjör í Reykjavík vera um 40.000 fyrir allt dótið komplett (2 kútar, barki, pakkningar og klemmur)..
Ég fann á eBay sambærilegt sett á 35 þús hingað komið með flutningi, vask og öllum gjöldum.
Vitið þið af erlendum vefverslunum eða innlendum sem eru líklegar til að bjóða betur ?
Ágúst
Smá follow-up.
Tankurinn er ekki lagervara hjá BL og ég ákvað að bíða fram yfir áramótin í von um lækkað verð vegna margræddrar lækkunar á opinberum gjöldum.
En viti menn – verðið sem ég fékk uppgefið 7. janúar var 99.000 og hafði þá hækkað um 1000 krónur frá desemberverðinu. Blókin sem þarna svaraði í símann vildi ekki viðurkenna að verðið hefði átt að lækka neitt og nennti ekki heldur að kanna málið. Næst hafði ég samband við FÍB. Þeir settu frétt á vef sinn og hafa sennilega spjallað við BL sjálfan, því nú er komið afsökunarbréf og nýtt lækkað verð á FÍB vefinn.
Ástæðan er sögð vera að gleymst hafi að breyta reiknistuðlum í forriti.
Ég hvet alla til að vera vakandi fyrir sambærilegum gleymskumálum og muna eftir að spyrja sem oftast hvort verð séu með eða án vörugjaldsins margrædda og lækkuðum virðisaukaskatti.
Ég á Galloper árgerð 2000. Veit ekki hvort hann er með sama olíverkinu, en hann fékk nokkur kraftleysisköst þangað til ég fjarlægði síu sem var í olíuverkinu þar sem inntaksleiðslan kemur inn í það. Fékk súper góðar leiðbeiningar á þessu spjalli um hvernig þetta var gert. Eru áreiðanlega ennþá inni og ættu að finnast með leit.
Svo lenti ég líka í því að eldsneytisrörin ryðguðu og hann dró inn loft, en þú virðist vera búinn að útiloka það.
Gangi þér vel
Ágúst
Sælir.
Fyrir skömmu fékk ég bíl aftan á Galloperinn minn og stuðarinn gekk aðeins inn. Við þetta virðist eldsneytistankurinn hafa skaddast. Ef ég fylli hann þá smitar olía frá tankfestingunni sem er boltuð í stuðarann. Þarna er samsetning á efri og neðri hluta tekin út í flangs sem er boltaður með brakketi í stuðarann
Tankurinn er jafn gamall bílnum (2000 árgerð) og hugsanlega orðið tímabært að skipta honum út, en ég vil fá ráð reyndra gallopereigenda áður en ég splæsi í nýjan tank (98000 kall í desember).Eru nokkrar töfralausnir í boði til að þétta svona lekadæmi eða myndu menn bara skella nýjum tanki undir ?
Hvaða fylgihluti myndu menn þá endurnýja í leiðinni (áfyllingarslöngur o.s.frv.)?Ágúst
Fínt að sjá hvernig hægt er að koma sér upp duglegri loftpressu án þess að kosti mikið.
En mig langar til að vita hvernig við getum losnað við freon öðruvísi en að hleypa því út í andrúmsloftið.
Ég á við hvort það séu einhverjir staðir sem bjóða upp á þá þjónustu að maður mætir með bílinn og einhver kunnáttumaður kemur með viðeigandi tæki til að taka við því og farga á ábyrgan hátt.
Hvar er slík þjónusta og hvað skyldi hún kosta ? Spyr sá sem ekki veit.
Þar sem allir nýir bílar eru komnir með tölvustýringu á flestum hlutum finnst mér kominn tími til að skoða tæknina aðeins nánar og helst á verklegan hátt. Í þessum tilgangi hef ég fest kaup á ódýrum ODB2 / Bluetooth ELM327 clone kódalesara, sem á að dæla hinum margvíslegu upplýsingum um kerfi bílsins út á tölvu, eigandanum til fróðleiks eða armæðu eftir því hvernig tekst til.
Meðan ég bíð eftir græjunni datt mér í hug að auglýsa hér eftir ábendingum um gott lesefni og reynslusögur þeirra sem eru búnir að prófa og stíga fyrstu skrefin og hakka sig inn í tölvukerfi bílanna sinna.
Er það ekki annars rétt skilið hjá mér að allir bílar frá árinu 2000 og þaðan af yngri séu með ODB2 tengi þar sem megi tengja svona skanna til að ná öllum helstu upplýsingum um kerfi bílsins og þá sér í lagi vél og drifbúnað?Ekki væri verra að frétta af því ef einhver sérstök áhætta felst í því að tengja svona noname kínverska lesara í bíla og gera eitthvað sem veldur vandræðum eða tjóni á heilabúi bílsins. Hvað ber þá helst að varast við notkun á þeim ?
Jóla- og áramótakveðjur.
Wolf
Hefurðu athugað hjóllegurnar ?
Ágúst
Nágranni minn hefur húsnæði í Reykjavík sem hann leigir út fyrir geymslu á hjólhúsum og svoleiðis dóti.
Ég hef ekki hugmynd um taxtann, en hér er nafn og númer skv ja.is:Kristinn Brynjólfsson innanhússarkitekt
Lágabergi 1 – 111 Reykjavík Kort
Sími:
567 0889Farsími:
846 2986 SMÁgúst
Ég ætla að endurnýja sveru lofthosurnar milli túrbínu, kælis og soggreinar á Galloppernum mínum.
Hvar hafa menn fengið hentugt efni í svoleiðis á góðu verði ?
Þetta eru 3 hosur, 2 með beygjum en sú þriðja nokkurn veginn bein.
Innanmál 45 mm og samanlögð lengd er ca 150 cm (beygjurnar meðtaldar).Er ekki til eitthvað ódýrari lausn en að kaupa nýtt sett í umboðinu á ca 45.000 kall ?
Ágúst
Mér dettur í hug að það gæti verið bilað jarðsamband, annað hvort á sjálfri vélinni, geyminum eða mælaborðinu. Ég myndi fara yfir allar helstu jarðtengingar og ef hægt er tengja aukavíra milli mínuspóls á geyminum, boddísins, vélarinnar og líka ef þú finnur jarðpól í mælaborðinu niður í boddí til að útiloka að það sé einhver jarðvír við það að liðast sundur eða skröltandi laus í tærðum eða ryðguðum tengingum.
En þetta er bara skot í myrkri og alls ekki augljóst hvað er að gerast hjá þér.
Ágúst
Furðuleg bilun.
Gerðist þetta bara allt í einu af sjálfu sér eða var einhver "snillingur" að fikta í bílnum þegar þetta byrjaði ?Ágúst
Takk fyrir svörin.
Nokkuð sem ekki kom vel fram í upphaflegri spurningunni er það hvernig menn hreinsa áður en plöstun og málningarvinnan hefst.
Um er að ræða bretti með krókum og kimum sem erfitt er að koma slípirokknum að, en þetta venjulega drullulag innan í með blöndu af öllum þeim efnum sem vegakerfið okkar er gert úr. Eru einhver leysiefni öðrum betri við að losna við gömlu Tectyllufsurnar sem ekki hafa sjálfar dottið burt?
Sum ryðgötin eru eru orðin nokkuð stór svo að ég býst við að skálda eitthvað í þau með glerdúk eða neti.Hafið þið fleiri leiðbeiningar handa mér ?
Ágúst
ps. Ryðviðgerðir eru ekki það skemmtilegasta sem ég geri og ekki bætir úr ef þær misheppnast og maður verði að endurtaka þær fljótlega aftur.
Getur einhver miðlað mér af reynslu sinni við að lagfæra ryðgöt með plastefnum. Hvaða efni hafa reynst vel og hvernig er best að vinna verkið þannig að ekki haldi bara áfram að ryðga á fullu eftir viðgerðina. Nota menn ryðbindiefni (rust converter) eða epoxymálningu og hvaða málningartegundir má nota með þeim.
Ég eyddi heilu kvöldi í að gúggla eftir þessu, fann að vísu margt áhugavert, en ekkert sem mér fannst trúverðugt eða líklegt til að henta við okkar aðstæður með tjöru og saltpækil vaðandi í öllum brettum og holrúmum.Ágúst
