Forum Replies Created
-
Replies
-
Já, auðvitað er hengibrú yfir Blöndu við Löngumýri. Það hefði ég nú átt að muna því ekki varði ég svo fáum dögum við að gera við hana. Við hliðina á brúnni yfir Jökulsá í Axarfirði var eldri hengibrú og má enn sjá stöpla hennar. Og brýrnar sem Ofsi telur upp voru allar hengibrýr og þar með taldar yfir Hörgá, Sogið og Þjórsá. Það er bara svo langt síðan þessar þrjár voru rifnar að Magnús man það ekki. Enn hangir uppi hengibrú með kláfi við Hald. Svo man ég reyndar eftir tveimur hengibrúm yfir Eyjafjarðará, á móts við Vatnsenda og Hóla. En það voru að vísu göngubrýr en það var ekkert tekið fram að þær þyrftu að vera bílfærar? Og yfir Hrafnkelsdalsá. Og er ekki ein yfir Svarfaðardalsá? Og yfir hana fór ég á Fólksvagni einu sinni. Það myndi ég ekki gera aftur. Og göngubrú á Jökulsá við Kollumúla. Og Eskifell.
Og ég þekki í sundur gerðir brúa; maður lærir það á því að vera í tuttugu ár í brúarvinnu.
Ég er sammála síðasta ræðumanni um umferðarmenningu. En hitt er staðreynd að um akstur í hringtorgum eru engar formlegar reglur til. Um þau er hvorki rætt í umferðarlögum né reglugerðum um umferð að öðru leyti en því að bannað er að leggja ökutæki í hringtorgi. Meintar reglur um ytri og innri hring, akreinaskipti og annað sem til hefur verið tekið hér hafa orðið til, ja bara einhvernveginn. Engar sérreglur settar af þar til bærum yfirvöldum gilda um hringtorg. Og umferðarstofa getur engar reglur sett. Þær getur aðeins Alþingi sett í lagaformi og ráðherra í reglugerðarformi og þá aðeins eftir heimild í lögunum. Vissulega halda ökukennarar ýmsu fram, og reyndar ágætt að þeir séu sammála, en orð þeirra verða ekki lög nema þau séu á lögunum byggð.
Á síðasta ári stóð reyndar til að breyta umferðarlögunum hvað hringtorg snertir til að aflétta lagaóvissu en það frumvarp varð ekki útrætt og hefur ekki verið lagt fram aftur.
Já. Það er að sönnu rétt að Umferðarstofa heldur því fram að ekki megi skipta um akrein á hringtorgi. Hins vegar gæti hún átt erfitt með að vísa í lagagreinar þessari fullyrðingu til stuðnings því staðreyndin er nefnilega sú að um hringtorg gilda engar formlegar sérreglur og umferð þar er á mjög gráu og óvissu lagatæknilegu sviði. Það eina sem minnst er á hringtorg í umferðarlögum er bann við að leggja ökutæki þar. Því liggur vitaskuld ljóst fyrir að í þeim gilda almennar reglur um umferð á vegum og skv. hægri reglunni á sá réttinn sem kemur hinum frá hægri, þeas er í ytri hring, og úr því almennt má skipta um akrein á vegum hlýtur að mega það líka í hringtorgi.
Hins vegar ætla ég ekki að brjóta hefðina og fara mér með því að voða og ræð öllum frá því.
Svo eiga menn almennt að keyra eftir aðstæðum, hvort sem þeir eru á 44" eða 15", en kaninn segir: Tillitsemi í bátaumferð er í öfugu hlutfalli við hestaflatölu hreyfilsins.
Þær sem eru í notkun eru: Jökulsá í Axarfirði, Jökulsá á Fjöllum, Skjálfandafljót við Stóruvelli, Hvítá við Iðu, Ölfusá og Jökulsá á Breiðamerkursandi. Svo er annaðhvort verið að gera upp brúna á Örnólfsdalsá eða því nýlega lokið en að henni var aldrei lagður bílvegur.
Þetta fjall er hérna megin við Kjósina og lítur svipað út og lítt heppnaður fjóshaugur í gróinni sveit. Eitthvað er Stórfiskafjörður og Kjalarnes að þvælast þarna, Viðey og Kerhólakambur og Kistufell og hábúnga og sitthvað fleira.
Í miðið uppi er minnismerki um Guðríði Þorbjarnardóttur að Laugarbrekku á Snæfellsnesi, niðri til vinstri er Maríulíkneskið við Maríulindina á Hellnum skammt þar frá, þar hægra megin er minnisvarði um Stefán G. á Arnarstapa á Vatnsskarði í Skagafirði og svo þetta hægrasta líkist varðanum sem er í Borgarnesi við Borgarbrautina þar.
Það er jafn vænlegt til árangurs að skipta um eldsneytissíu á bíl sem er með kúnstir og að endurræsa tölvu sem makkar ekki rétt. Sem sagt; ertu búinn að skipta um síu? Sé svo ekki; drífðu í því!
Ýmsar möskvastærðir , dýptir og lengdir.
s. 8916968
Þetta er sami bíll og L-200. Þeir eru fáséðir 38" breyttir. Segir það ekki einhverja sögu?
Farðu á leoemm.com og leitaðu þar að musso. Leó heitinn hafði talsvert álit á þessum vögnum og taldi þá vanmetna.
Covini, ferrari
Snúníngshraðamælirinn á þessum bíl er, trúi ég, tengdur við olíuverkið með rafurmagnsvír. Vír þessi er einn af þeim sem eru í tengi sem fast er á verkinu. Trúlega er vírinn í sundur einhversstaðar, sennilega verkmegin við tengið, en endarnir liggja stundum saman og gefa samband en stundum ekki. Fáðu einhvern til að sitja í bílnum í gangi og fiktaðu í víradótinu og vittu hvort viðkomandi sér ekki einhvern draugagang á mælinum. Sé svo skaltu reyna að finna hver víranna er fyrir mælinn og rekja þig eftir honum. Mig minnir mælisvírinn komi út úr hliðinni á verkinu, en get þó ekki garanterað það.
Góða skemmtun
Ég reyndi að leggja orð í belg hjá þeim. Nú er að sjá hvort kommentið telst nógu uppörvandi til að birtast.
Amen!
Já.
Skoðaðu þetta: http://www.althingi.is/dba-bin/unds.pl? … kaup#word1
Og samkvæmt lögum um lausafjárkaup hafa menn tvö ár til að kvarta yfir galla á seldum hlut, ef hann er ekki í því standi sem vænta mátti og gert var ráð fyrir við kaupin.
Á þessari mynd eru mörg stykki. Eitt þeirra er svokallaður „gormur“. Gormar eru notaðir í toyota corolla.
Nú hlýt ég að fá verðlaun!
Þessu fagna allir góðir menn, enda hætta menn vafalaust að velta fyrir sér þeirri fásinnu að veita Skaftá í gegnum Langasjó og til Tungnaár.
Slóðalokun eða ekki má í þessu sambandi láta liggja milli hluta.
Jamm. Takk fyrir það. Kom þó ekki á óvart.
Eitt dæmi. Mikið? Lauslega áætlað eru amk. hundrað vegir lokaðir á vorin. Ef hægt væri að nefna svosem þriðjung sem lokaðir væru vegna fuglafriðunar færi það að verða mikið. Og hver er aftur forstöðumaður fuglafriðunardeildar Vegagerðarinnar?
