Forum Replies Created
-
Replies
-
Kálfaströnd við Mývatn? Kálfaströnd. Stundum er þetta svæði kallað Klasar. E’ða Strípar.
Hitt svæðið á Suðurlandi þekki ég sem sagt ekki.
Þetta eru víst Kálfastrandarstrípar við Kálfaströnd. En að sönnu er rétt að Kálfaströnd er norður í landi, nánar tiltekið við Mývatn suðaustanvert.
Hér er önnur mynd af sama stað: http://www.turismoenfotos.com/items/islandia/otros/3718_lago-myvatn/
Hins vegar þekki ég ekki aðra Kálfaströnd á Íslandi, en á Vatnsleysuströndinni er Kálfatjörn.
Og ef þér tekst að sýna fram á að þetta séu mjög valtir bílar svona breyttir geri ég ráð fyrir að tryggingafélög meti þá áhættu sem þau taka með því að breyta iðgjöldum breyttra bíla. Það kann að vera gleðiefni en þó býður mér í grun að ekki myndu allir eigendur breyttra bíla taka því fagnandi.
Þetta eru Kálfastrandarstrípar við Kálfaströnd.
Stundum veltir maður vöngum. Hvernig fer um stýrisgeómetríuna í bíl sem hefur verið lengdur svo nemur tugum sentimetra eða jafnvel metra milli hjóla? Að maður tali nú ekki um beygjuradíusinn?
Tibbitt to Contwoyto Winter Road, Canada.
Eru verðlaun?
Skiltin á slánum verða 65 sm breið. Mér finnst hæpið að ef þau sjást að framan verði þau ósýnileg úr hinni áttinni.
Manni gæti dottið í hug að Magnús hafi lagst í ferðalög í sumar?
Sá til hægri held ég sé í Stórenda í Þórsmörk, en hinn þekki ég ekki.
Í tíundu greininni er stjórn heimilað að skipa nefnd um hvaðeina sem hún telur að verði starfsemi félagsins til framdráttar. Hvergi er tíundað í greininni hvað það er og skilgreinir stjórn það því augljóslega sjálf. Telji hún að skipun nefndar til að vinna að málefnum hústrukka sé félaginu til eflingar er ekkert því til fyrirstöðu í lögum félagsins að gera svo. Vilji einhver hnekkja þessari ákvörðun stjórnar er þá hægurinn á að bera fram vantraust á hana á aðalfundi sem haldinn verður innan skamms. En rétturinn er ljóslega hennar.
Kannski, en þá hefði hann aldrei fengist tollafgreiddur með því verði sem greitt var fyrir flakið þegar það kom til landsins. Þessi náungi var séður í fjármálum og hefði aldrei látið góma sig hefði verið einhver smuga að sleppa.
Kunningi minn flutti inn tjónabíl frá BNA og greiddi verulegar fjárhæðir í aðvinnslugjöld, enda varð að ljúka viðgerðinni áður en bíllinn fengist skráður.
Já, sæll. Nú er svosem óþarfi að fara að rífast um þessi mál. Þó er ég þannig gerður að ég vil gjarnan hafa það sem sannara reynist. Þess vegna get ég útskýrt fyrir þér hvernig staðsetning ráðhússins tengist 360° hring. Hnitakerfi siglingafræðinnar byggist á því að í ferð hringinn í kringum jörðina séu 360°. Þeim er skipt í minni einingar þannig að miðbaugur jarðar er á 0° breiddargráðu og pólarnir á 90°gráðu vegna þess að leiðin frá miðbaug og að pól er fjórðungur af leiðinni kringum jörðina og eins og kunnugt er verða 90×4=360. Þetta er kallað breidd og er notað þegar ferðast er í norður eða suður. Hefði nú verið upp tekinn 400°hringur væri póllinn á 100°. Nú, þegar ferðast er til austurs eða vesturs er 360°hringnum skipt í 2×180 gráður og þar er 0°miðuð við tiltekið hús í London. Sé nú farið frá því húsi til vesturs og haldið áfram í beina stefnu þar til komið er að því úr austri hefur viðkomandi ferðast 360°samtals. Því hefur maður sem staddur er á tröppum ráðhússins ferðast rúmar 64°frá miðbaug til norðurs og tæpar 22°frá London til vesturs.
Það er svo rétt að sjómíla er skilgreind sem ein breiddarmínúta eða 1852 metrar en sú tala gengur ekki upp í tommukerfinu vegna þess að ein sjómíla er 6077 fet. Má um þetta t.d. sjá á þessari síðu: http://en.wikipedia.org/wiki/Nautical_mile Þá er það rétt að ein tomma er 2,54 sm og að eitt fet er 12 tommur. En 12×2,54 er ekki 33,48 heldur 30,48. Af því leiðir að faðmur, sem er 6 fet, er ekki 1,852 metrar heldur 1,829 metrar sem ekki gengur svo upp í sjómílunni sem er, eins og áður er fram komið, 1852 metrar. Um skilgreiningu á enskri tommu má svo lesa hér: http://en.wikipedia.org/wiki/Inch. Þess má svo líka geta að nákvæm stöðlun á tommunni var ekki gerð fyrr en 1959 en þá hafði sjómílan verið til lengi og þó í mismunandi lengd eftir löndum og ekkert þeirra lét tommur ganga upp í henni. Þess má líka geta að upphafleg skilgreining á metra var 1 tíumilljónasti hluti af vegalengdinni frá miðbaug norður á pól, en þegar menn eignuðust nákvæmari mælitæki dugði sú skilgreining ekki því ekki er alveg sama hvar menn eru staddir þegar mælt er. Um skilgreiningu á metra má svo lesa hér: http://en.wikipedia.org/wiki/Metre Jæja. Er þá ekki sæmilega ljóst að tommukerfið gengur ekki upp í siglingafræðikerfinu nema með verulegum tilfæringum?
Nú; númer flugbrautanna í Reykjavík. Hvert númer táknar segulstefnu brautarinnar í gráðum áttavitans, sem eru eins og kunnugt er 360, og er þá einu núlli sleppt. Þannig er sk. norður- suður braut kölluð 01 ef lent er til norðurs því þá verður aðflugið í stefnuna 10 gráður. Sé nú vindurinn úr hinni áttinni og menn lendi á braut 19 er aðflugið, eða svosem flugtakið eftir atvikum, tekið í stefnuna 190 gráður.
Hvað snertir svo það að einhver sjái ekki eitthvað í björtu er svo skemmtilegur brandari. Ef menn lesa sér til um hvers vegna gráðurnar í hring eru 360 en ekki einhver önnur tala má sjá að margir telja að uppruna þeirra megi finna í dagafjölda ársins. Þessu hafa miklu gáfaðri menn en ég haldið fram. Aðrir telja að þar sem tímatalskerfi Babýloníumanna byggðist á 60 einingum hafi 6×60 verið þægileg tala. Í henni ganga t.d. miklu fleiri tölur upp en í 100 eða 400. Má um þetta lesa hér: http://en.wikipedia.org/wiki/Degree_(angle) og http://visindavefur.hi.is/svar.php?id=3719
Lifðu svo heill.
Já Hjörtur. Nú vill svo til að ég hef bæði flugpróf og skipstjórnarréttindi. Þar af leiðandi veit ég dálítið um siglingafræði. Og mér er kunnugt um það að í siglingafræðinni nota menn 360 gráðu hring og að miðbaugur er 0. breiddargráða og norðurpóllinn 90. gráða. Þá veit ég líka að ráðhúsið í Reykjavík er á 64°08’46 N og 21°56’33 V. Númer flugbrautanna á Reykjavíkurflugvelli, 01/19, 31/13 og 06/24, tákna stefnu þeirra í gráðum. Þessar tölur miðast allar við 360°hring og mér vitanlega verður ekki breyting á því í náinni framtíð. Þess má líka geta að tímatalsreikningur og gráðufjöldi í hring tengjast tommukerfinu ekkert og eru miklu eldri en skilgreining á tommu. Það að gráður í hring eru 360 stafar sennilega af því að dagar ársins eru uþb. 360. Lengd enskrar tommu var hinsvegar skilgreind sem lengd þriggja byggkorna samtals, eða breidd þumalfingurs fullorðins karlmanns.
En vitaskuld veit ég ekki allt og kannski hefur eitthvað farið framhjá mér. Samt hef ég ekki verulega trú á því.
Já, ég sé núna hvað þú áttir við. Hitt er svo annað að seint munu menn taka upp 400 gráðu hring í siglingafræði. Þann dag sem Bretar taka upp hægri umferð gæti það komið til mála. Hvottveggja mun þó stranda á kostnaðinum sem verður gífurlegur og ávinningur lítill, en þó sennilega meiri af hægri umferð í Oxfordstræti.
Hér er smámisskilningur í gangi. Það að brot úr mínútu séu gefin upp í hundraðshlutum fremur en sextugustupörtum verður ekki til þess að hringur verði 400 gráður. Gráðurnar í honum eru ennþá 360 í siglingafræðinni og verða það áfram amk til næstu jóla og sennilega út okkar tíð og jafnvel lengur.
„* Mikil skerðing er á för fólks um óræktað land, óháð ferðamáta“
Þetta er einfaldlega ekki rétt. Skv. frumvarpinu er réttur landeigenda til að banna för um óræktað afgirt land þrengdur frá núgildandi lögum. Nú er landeiganda heimilt að banna slíkt, skv. 14.grein núgildandi laga,en skv. frumvarpinu verða að liggja málefnalegar ástæður til slíks banns og má kæra það til Umhverfisstofnunar og síðan ráðherra. Og í greinargerð er tekið fram beinlínis í athugasemdum við 19. og 29. grein að ekki sé meiningin að þrengja rétt almennings heldur auka hann og vernda gegn meintum geðþóttaákvörðunum landeigenda.
Ég segi fyrir mig: Mér finnst gaman að þessum getraunum. Og því spyr ég: Hvar í fjandanum er þessi Getraunatakki þar sem allt á að koma í ljós?
Efst til vinstri er brúin á Mjóafirði á Djúpvegi sem er bogabrú, eða mætti líka kalla hengibrú. Þar fyrir neðan er sennilega grindarbrúin á Tungufljóti hjá Faxa og svo kemur, held ég, gamla bogabrúin á gilinu á leið upp á Bröttubrekku úr Norðurárdal. Göngubrýrnar, sem eru báðar bitabrýr, þekki ég ekki en Skeiðarárbrúin, bitabrú (tjs), stendur alltaf fyrir sínu. Þó gæti ég látið mig gruna með göngubrýrnar að þær væru ekki langt undan rg farið væri inn í Þórsmörk; önnur á Steinsholtsá og hin á Krossá.
Í miðið að neðan er vitaskuld Þjórsá. Í miðið að ofan er einhversstaðar í suðurhlíðum Holtavörðuheiðar nálægt Norðurá, enda hvergi bláar brýr nema í Norðurárdal.
