Forum Replies Created
-
Replies
-
Þrátt fyrir að pinjóns hæð sé ákvörðuð með mælingum þá þarf samt sem áður að athuga skurð með stillimaki. A.m.k. er það þannig í viðgerðabókum frá Ford verksmiðjunum. Það þarf líka spesverkfæri í að mæla hæðina sem fáir eða enginn á hér á landi. Að vísu er hægt að stilla hæð eftir mælitölum sem greyptar eru í pinnjón með að bera saman tölurnar á nýja og gamla pinnjón og reikna þannig út þykkt á stilliskífum undir pinnjón. Slíku er samt ekki að treysta nema menn viti að ekki hafi verið átt við drifin frá því bílarnir komu frá verksmiðju. Ég get reiknað þetta út og haft það til hliðsjónar því aldrei hefur verið átt við drifin í mínum bíl en samt treysti ég frekar á stillimakið. En eins og ég sagði í fyrri póstinum þá var ég í vændræðum með að fá ásættilegan skurð á kambinn. Einnig var skurður á pinnjón frekar ljótur. Það var ekki fyrr en ég fann þessa snilldarsíðu http://www.differentials.com/install.html að ég fór að skilja vandann betur og fá lausn á honum. Þar segir t.d. "In some cases an ideal heel to toe pattern can not be achieved. If the backlash is within specifications, you may disregard the heel to toe pattern. A contact pattern that is centered from face to flank always indicates correct pinion depth even if a pattern that is centered from heel to toe can not be obtained." Ef einhverjir eru að fara að stilla inn drifin sín þá er þetta vefsíðan sem mér finnst að eigi að taka alvarlega. Það er ekki hægt að stilla drif betur inn ef farið er eftir texta og myndum á henni.
það er svaka sprengja í þessum rafgeymum. Sprakk eitt sinn hjá mér geymir með húddið lokað sem betur fer. Geymirinn fór í tætlur og sýra um allt vélarhús.
Er það þekkt að það sé hreinlega ekki hægt að stilla inn 100 % rétt inn aftermarket lægri drif t.d. 4.56 ? Ég er búin að vera að dunda mér nokkur kvöld við að stilla pinjón í alla mögulega fjarlægð frá drifi og allt mögulegt backlash en það er útilokað að fá skurð sem er fullkomlega ásættanlegur. Sýnist að ég verði að velja úr skásta skurðinn eða fara að röfla í þeim sem seldu mér hlutföllin og fá önnur sem er líklega hæpið. Er það oftast þannig að það sé erfitt að fá réttan skurð og látin nægja sá skásti ?
Hef svo sem ekki mikla reynslu af innstillingum á lægri drifum en hef samt komið nálægt því áður. Ég stillti inn 5.71 drif í tveimur 36″ jeppum sem ég átti og keyrði ég annan bílinn 200.000 km og ennþá í lagi þegar ég seldi bíllinn og ekkert vesen. Hitt 40.000 og var í lagi þegar ég seldi bílinn. Vill vanda þetta betur því það munar tæplega 100 hestöflum á þeim bíl sem ég á núna og gömlu dísil túrbínulausu jöxlunum sem stóðu nú svo sem fyrir sínu.
Kannast við þetta Lyngdalsheiðar/Gjábakka/Bragabótavörðu dæmi. Bara gaman af því og stundum fræðandi vona ég. Tölvert til af fólki sem er meinilla við að kalla svæðið við Bragabótavörðu Lyngdalsheiði og einnig við að kenna Lyngdalsheiðarveg á milli Þingvalla og Laugavatns (Gjábakkaveg) við Lyngdalsheiði þrátt fyrir að það sé almenn málvenja og flestir þekkja veginn ekki undir öðru nafni. Átta sig allir á því í fljótu bragði hvað strokklok er eða hvað snertur eru. Vélarhlíf eða eldveggur ! Held að Bragabót sé við Þjófahraun. Allavega er Lyndalsheiði fyirir sunnan "Lyngdalsheiðarveginn". Skemmtilegt örnefni á hæsta hluta heiðarinnar, Þrasaborgir.
Ég náði að lykla Hlöðufell uppi á Heiðinni Háu í Bláfjöllum í gær með handstöð enda er Hlöðufell þar í sjónlínu en fékk ekkert svar þegar ég kallaði upp hvort einhver heyrði í mér. Líklega ekki mjög margir sem eru komnir með rás 58. Það verður að vera sjónlína á milli ef VHF á eitthvað að virka.
Hef ekki heyrt um að það sé notuð önnur olía en 80/90 gírolía eins og á önnur drif. Það er á diskalæsingar sem notuð er spes olía.
Allir bílar hafa sína kosti og galla. Persónulega finnst mér stórir jeppar ekki henta fyrir breytingar nema fyrir björgunarsveitir eða ferðaþjónustuaðila. Miklar breytingar þarf til og lágmark 44" dekk undir svo að þeir verði frambærilegir í snjóferðir. Ef drullutjakkur ræður ekki við bílinn, án þess að vera að skíta á sig, að framan þá of þungur.
Ég er með 36" GH negld. Það er tekið úr fyrir hverjum nagla í dekkinu frá framleiðanda. Minnir að það séu 2 göt á hverjum kantakupp. Mér finnst það koma vel út á vörubílanöglum og vera yfirdrifið nóg að negla bara í þau göt. Þegar dekkin eru svona gróf eins og t.d. GH þá er mun öruggara að hafa þau nelgd. Var búin að keyra í næstum 20 ár á naglalausum jeppadekkjum og þekkti ekkert annað áður en ég fékk mér þessi dekk nelgd. Munar öllu að dekk hafa nelgd.
Það er svo sem ekkert nýtt að menn veigri sér við kalla eftir björgunarsveit eða láta það fréttast að þeir hafi fengið hjálp frá hjálparsveitum. Megin ástæðuna tel ég hvað oft er hraunað á hina sömu frá einhverjum sem virðast halda að þeir viti betur um aðstæður eða réttmæti hjálparbeiðna og líka kannski smá sært stolt við ð kalla eftir aðstoð. Vafasamt að véfengja nauðsyn hjálparbeiðna nema þó með einni undantekningu ef hjálparsveitir þurfa augljóslega að leggja sig í bráða lífshættu við björgun á hættulegum svæðum í vondu veðri þegar ekki er þörf á skjótri neyðarhjálp. Slíkt er þó erfitt að meta og meiri líkur á af því hlotist slæm slys að hika við eða hreinlega ekki kalla á hjálp. Þetta er bara almennt mín skoðun og á ekki við í þessu tilfelli á Langjökli þar sem aðstæður við björgun hafa varla verið svo varasamar .
Jú. Held að það sé venjulega gert þannig. Þá bíla sem ég hef hækkað á boddíi þá keypti ég fiber lengjur í Poulsen eða Fossberg að mig minnir. Svo að láta renna í hólka á renniverkstæði. Reyndar i siðasta bíl fékk ég útsölusett frá Bílabúð Benna ætlað í einhvern annan bíl fyrir ca. 2 árum. Líklega ekki til lengur ? Spurning að láta Fjallabíla Stál og Stansa lengja öxul á milli maskinu og stýrirtúpu. Stimplaður frá þeim.
Takk fyrir svörin. Búin að panta ARB lása. Þetta með "Hinsvegar eftir að ég hef vanist lásunum, vill ég ekki með nokkru móti sleppa þeim." hljómaði nokkuð sannfærandi. Höfðaði svipað til mín með reynslu mína af sjálfskiptingum í jeppum. Nokkuð sem ég vildi ekki sleppa eftir að hafa kynnst kostum þeirra í ófærð.
Skiftir miklu máli að vera með 100 % (loft) driflása upp á drifgetu ? Ég hef aldrei átt jeppa með driflás sem hefur virkað almennilega og fundist það skifta litlu sem engu máli máli nema þegar undist hefur upp á fjöðrun. Að vísu er annar jeppinn hjá mér með diskalæsingu sem virkar ágætlega. Finnst hann drífa betur upp brekkur út af honum. Kannski vitleysa. Er að fara setja lægri hlutföll og er að spá í loftlása með úr því að það er verið að opna drifin á annað borð. Er ávinningurinn réttlætanlegur miðað við driflásar auka brothættu ? Er ekki sérstaklega hrifin að því að allt afl vélar getur verið leitt út í einn öxul ef allt er læst.
Hvað er stórt framdrif í þessum bílum. Svipað og í Hilux ?
Ég er ekki alveg að skilja þetta olíaeigiaðveraódýrarienbensíndæmi eftir breytingu á þungaskattsinnheimtu. Það hefur ekki verið svikið, ef því hefur þá verið lofað á annað borð, að rekstur dísilbíla yrði hagkvæmari en hann var á gamla kerfinu fyrir þjóðfélagið. Fyrir breytingu var það óhagkvæmt og dýrara fyrir þorra fólks að vera á dísilbílum með löngu úreltu og úr sér gengnu þungaskattskerfi sem átti engan sinn líkan í Evrópu. Nú er þetta breytt og hagkvæmmara en áður að vera á dísil fyrir flesta sem sést einna best á aukinni sölu dísilfólksbíla og minni dísiljeppum. Gamla kerfið var nær einungis hagkvæmara fyrir þröngan hóps fólks eins og þá sem voru að aka vel yfir 20.000 km. á ári og voru á föstu gjaldi. Einnig var dísillinn hagkvæmur þegar ekið var upp á fjöllum í snjó og þungu færi kannski heilan dag og klárað úr einum tank en samt bara eknir t.d. 60km. og greiddur þungaskattur af þeim 60km. meðan þeir á bensín klósettunum borguðu þungaskatt innifalið í bensíninu af akstri eins og þeir væru að rúnta 400 km. innanbæjar en óku bara þessa sömu 60km líka. En þessir gömlu og góðu dísildagar eru bara liðnir og bensínbíla eigendur njóta meira jafnræðis en áður en ekki að fullu því ef það er sama krónutala lögð bæði á bensín og dísil í formi þungaskatts þá fellst í því ójöfnuður. Dísilbílar eyða umtalsvert minna og aka þar af leiðandi lengri vegalengd á hverjum lítra og greiða minna fyrir slit og notkun á vegum fyrir hvern kílómeter til þess potts sem þungaskatturinn er og honum er ætlað að kosta viðhald og uppbyggingu vega. Ef jöfnuður á að vera milli eldsneytistegunda eftir komandi mótmælaðgerðir þá mætti innifalinn þungaskattur að vera að minnsta kosti 20% lægri á bensíni takk.
Það er nú ólíku saman að jafna að það séu óvarðir hliðartankar við árekstri á dísilvörubílum og á bensínjeppa þar sem bensínið er svo miklu eldfimara. Það er lítið eða minna út á hliðartanka í jeppa að setja ef það er dísilolía i þeim enda þarf tölvert til að kveikja í henni og varla hægt að segja að hún brenni en að hafa bensín í þeim er mjög vafasamt. Ég vona að slíkir tankar verði ekki almennir í umferðinni.
Er íshellirinn í Hrafntinnuskeri horfinn! Fannst mér hann vera nokkurn veginn eins og hann var fyrir tveimur árum núna fyrir um mánuði, tilsýndar reyndar. Var svo mikið hrun í honum að maður þorði ekki nær honum nema í (næstum) hundrað metra fjarlægð.
Ég get ekki séð að dísill eigi að vera ódýrari en bensín nema ef dísilolían sé með lægra innkaupsverð sem ég held að sé ekki. En það er eins með dísilolíu og aðrar vörur og þjónustu að olían á að gefa einhverja fyrirfram ákveðna framlegð af sér í sölu. Maður spyr því sjálfan sig hvort afslættir frá gefnu verði séu ekki hvetjandi á aukna álagningu vöru Það eru margir stórnotendur á dísilolíu sem hafa afslátt eins og t.d ferðaklúbburinn 4×4 sem hefur ágætan umsamin afslátt á dísil og bensín hjá einu olíufélaginu. Pay now or pay later.
Eftir því sem ég best veit hefur Jöklarannsóknarfélagið gefið skálann við Fjallkirkju frá sér í sumar og Ferðafélag Íslands á hann núna.
Ef converter er brotin þá er hætt við að brot úr honum hafi ratað inn í skiftingu og þess vegna hæpið að fá ódýra viðgerð einhversstaðar. Myndi sjálfur tala við Jeppasmiðjuna Ljónsstöðum fyrir austan fjall.
Á 36" Ground Hawk nelgd og mícróskorin. Eru bara að virka. Veit ekki um eða hef ekki vit á göllum á þessum dekkjum ennþá. Fyrir utan þó nátturulega að þau eru gróf ef einhverjum finnst það vera galli á snjódekkjum. Það gróf að þau hljóta að vera tæp í hálku nema nelgd og helst skorin.
