Forum Replies Created
-
Replies
-
Spennandi að heyra um snildarhugmynd að nota túrbínu sem loftdælu. En er ekki vandfarið með slíka breytingu. Gæti verið að túrbínan færi á yfirsnúning við að opnist rás inn á soggrein til að nýta sem loftgjafa. Það er þrýstingur beggja megin í túrbínunni púst- og sog/þrýstimegin við álag. Ekki erfitt að ímynda sér að túrbínan færi heldur betur á skrið víð fullan vinnuþrýsting við að missa þrýsting sogmegin við að opna rás inn á soggrein. Það er að segja pústhjólið er að snúa þrýstihjólinu og allt í einu léttir snökkt á þrýstihjólinu sem ætti að skjóta túrbínunni hressilega upp á snúning eitt augnablik og túrbínuspaðarnir fá extra auka miðflóttakraftsálag, meira en þeir eru kannski hannaðir fyrir og þola. Nóg snúast þeir nú samt greyin. Getur verið allt í lagi en þetta er möguleiki held ég.
Þessar kastaragrindur eru leiðindafyrirbæri. Ef þær eru ramlega festar í grind þá missir bíllinn mestalla dempun í árekstri, grjót í grjót í staðin fyrir dempun í stuðara, Og ef festar þannig að þær gefi eitthvað eftir við árekstur þá þarf bara lítið högg á grindina til að hún lemji inn að húddi og grilli og skemmi þannig frá sér meira en annars hefði orðið. Það er frekar að hafa eitthvað nógu hógvært og praktíst undir stuðara til að setja drullutjakk undir, helst tvo staka prófíla sem ganga fram langsum í lengdarstefnu grindarinnar. Ég lagði í þó nokkra vinnu hérna einu sinni í kastaragrindarsmíði en henti henni svo þegar ég sá að hún gerði ekkert gagn annað en að þyngja bílinn og festi kastarana á stuðara. Svo er aukin slysahætta af þessu drasli.
Ég myndi skoða síðuna therangerstation.com, held að þetta sé rétt stafsett. Þar getur þú séð hvað kassi er í bílnum hjá þér. Ef kúplingshúsið er losanlegt í bílnum þínum þá væri kannski hægt að skifta því út fyrir annað kúplingshús með tilheyrandi Mitsubishi vél. En dísil Rangerinn, t.d. 2000 módelið sem mest er til af, er evrópsk Ford útgáfa af Mösdu og á ekkert skylt með ameríska bílnum nema nafnið.
Það er erfitt að segja hvort skiftingin hafi lifað það af að keyra á vatnsblandaðri olíu. Fagleg vinnubrögð væru að rífa hana í sundur og skoða þannig lagað séð. En margir myndu vona það besta og tappa olíu af pönnu og bæta nýrri olíu á og reyna síðan að skola skiftinguna út með að láta renna úr henni með að aftengja annað rörið sem liggur í kælir og láta renna úr því röri með vélina í gangi og skiftingu í hlutlausu. Bæta stöðugt á skiftingu eftir því sem fer af henni. En þetta er eitthvað sem eigandi verður að ákveða hvort sé gert og taka ábyrð á. Því ef eitthvað er skemmt í skiftingu þá gæti sú skemnt eyðilagt meira frá sér.
Eftir að hafa látið alla aukafelguboltana, sem ég hafa legið í bíllnum hjá mér í ansi mörg ár,í 38 “ Hilux með annað framhjólið yfirgefið bílinn núna í sumar fór ég að spá í hvort ég megi eiga von á því sama í bílnum mínum, Ford Ranger með fimm gata minni deilingunni. Þessi deiling er líka á á Expl. og svo Wrangler og Cherokee. Litla fimmgata deilingin virkar ekki traustvekjandi á mann, bara fimm boltar og þeir eru nær miðju en algengt er sem eykur eitthvað vogarstangaraflsálag. Ég held samt þrátt fyrir það að þessi fimmgata deiling hafi komið vel út ? Er að spá í að setja 9/16 felgubolta í staðinn fyrir 1/2 en kannski óþarfi á 38″. Það gæti verið óalgengara almennt að felguboltar brotni á amerískum bílum.
Var að spá í annað, hvernig hefur það komið út ef felgumiðjugatið er of stórt og leggst ekki að öxul- eða nafmiðju heldur eru það eingöngu boltarnir sem halda og styðja við felguna. Þannig voru margar Dana framhásingar með driflokum þar sem hönnunin á framdrifslokunum leyfði ekki að felgumiðja legðist að þeim.
Ef hann er beinskiftur þá er líklega best að að fara í 4.88 hlutföll. Það skiftir of miklu máli að geta farið mjög hægt í þungu færi og það er óháð stærð vélar að mestu leyti hvað hægt er að láta bílinn labba hægt. Svo er 4.88 ekki svo lágt. Einnig segir ekki hlutfall í hásingu alla söguna heildur heildarniðurgírun. En eins og áður hefur komið fram í þræðinum þá væri best að vera með 4.56 og svo lækka hlutfallið í millikassanum/aukamillikassi en það er nátturulega orðin dálítið mál.
Ég hef ekki reynslu af þessum bílum og er ekki einu sinni viss um hvernig bíll LC60 er yfirhöfuð en það skiftir nátturulega máli hvort bíllinn sé sjálfskiptur eða ekki. Sá sjálfskifti þolir hærri hlutföll ef menn passa upp á hitan á skiptingunni. Í fjallajeppa er best að hafa samt sem lægst drif en þá kemur á móti að bílarnir geta farið að eyða meira í almennri keyrslu því snúningur á vél verður nátturulega meiri á lægri drifum. Á sérstaklega við ef vél vinnur almennt létt og erfiðar ekki við að koma bílnum áfram. Bíllinn hjá mér Ranger 92 fór allavega að eyða tveimur til þremur lítrum meira innanbæjar við að breyta 3,73 hlutfalli í 4,56 á 35" dekkjum. Þakka fyrir að hafa ekki farið í 4,88 eða 5.13 eins og mig langaði hálfpartinn því ég set stundum 36" eða 38" undir svona til hátíðabrigða og þá henta 4.88 eða 5,13 betur en 4,56 í snjó allavega. Svo hvaða hlutföll henta hverjum og einum fer tölvert eftir hvernig á að nota bílinn eða þar að að segja, í hvernig keyrslu bíllinn er mest notaður. Ég setti einnig fyrir næstum 20 árum 5,71 hlutfall í 89 árgerð af bensín Hilux og fattaði það ekki fyrir mörgum árum seinna af hverju bíllinn eyddi svona skuggalega á 35" sumardekkjunum.
Ég veit það ekki fyrir víst að það sé hægt að fá alla varahluti í 82 módel en finnst það mjög líklegt. Myndi halda að það sé hægt að fá allt í Land Rover línuna frá því að byrjað var að framleiða þá fimmtíu og eitthvað því mikið af þeim bílum eru ennþá á götunum eða í uppgerð ef marka má hin ýmsu Land Rover blöð sem gefin eru út í Bretlandi. Ég væri ekki hræddari við að kaupa svona bíl frekar en hvern annan ef menn hafa aðstöðu og nenna að leggja mikla vinnu í viðgerðir. Annars skaltu skoða grindina vel upp á hvort hún sé mikið ryðguð. Það er það atriði sem skiftir laaaaaang mestu máli en kraminu er alltaf hægt að bjarga einhvernmegin. En ef þú kaupir bílinn og hann reynist svo vera eitt stórt moneypitt þá skaltu frekar hætta við á rétta tímapunktinum og losa þig við bíllinn á einn eða annan hátt frekar en brjótast áfram í einhverju sem mun ekki sjá fyrir endann á.
Eru þetta ekki sömu hásingar og undir Defender 110 bílunum ? (Fyrir utan Salisbury útgáfu að aftan (ekki með lausum drifköggli)) Defender eru vinsælir í breytingar og fáir á sölu sem segir líklega sitt. Allavega ein björgunarsveit sem ég veit um endurnýjaði aftur í Land Rover eftir að hafa átt slíka bíla fyrir. Hægt að fá sterkari öxla en orkinalinn ef öxlar verða vandamál hjá mönnum.
[quote="erlingur":2ql6lb07]Hmmm… ef einhver er ekki ánægður með okkar síðu, ja þá bara…
Kveðja:
Erlingur Harðar[/quote:2ql6lb07]
Er ekki að skilja hvaða tilgangi þetta innlegg þjónar eða hver er kveikjan að því. Er úr tengslum við þráðinn. Einnig þætti mér fróðlegt að fá skilgreiningu á hverjir það eru eiginlega sem tilheyra "okkar" hópnum ?
Er nýbúin að ramba inn á síðuna torfaera.is. Býsna góð síða með þó nokkuð af skemmtilegum myndum,mest af gömlum mikið breyttum amerískum jeppum af gamla skólanum sem aldrei hafa séð breytingaverkstæði.
Keypti tvo í vikunni í Ellingsen en sá svo seinna að þeir voru ódýrari í Stillingu. Eiga allavega einn uppi á höfða á innan við sex þúsund minnir mig. Efast um að festingarsæti til að setja utan á bíla fáist í dag þegar brúsamenningin er ekki eins almenn eins og í denn nema kannski í lengri ferðum. Annars er hægt að fá ágætis gólffestingar (hurðarhöndlur kallaði einn afgreiðslumaðurinn þær) í BYKO til að þræða strappbönd í til að festa brúsanna.
Færðin er farinn að spillast þessa dagana svo það er ekki hægt að gera ráð fyrir sumaraðstæðum lengur á fjöllum og allt í lagi með það ef lagt er að stað með það. Ég fór Kaldadal að ganni í gær og það voru bara læti á 33" og festur og hríðarbyljir og allt þar sem vegurinn er mest niðurgrafinn sérstaklega fyrir norðan hæstu vörðuna þar sem snjórinn var farin að þjappast og setjast og ekki lengur hægt að ryðja og þyrla upp snjónum á hraðanum einum.
Jakob Þór bendir réttilega á það leiðindadæmi þegar ferðafélögin sem eiga flesta hálendisskálana læstu sínum húsum þegar ekki er gæsla í þeim. Ástæðan var jú sú að nær allt ferðafólk á vetrum stóð ekki skil á gistigjöldum og einhverjir gengu líka illa um. Það vita nátturulega flestir að þetta ferðafólk voru jeppamenn og snjósleðamenn. Eitthvað um göngufólk líka. Afleiðingin var jú sú að þessum skálum var lokað sem er mjög slæmt fyrir ferðafólk almennt og mikið óhagræði af því eins og þeir þekkja sem ferðast um hálendið á öllum árstímum. Ég man eftir því að á sínum tíma að ferðafélögin beindu tilmælum til jeppa og sleðamanna sérstaklega að þeir myndu breyta sínum háttum svo ekki þyrfti að koma til að hálendisskálum yrði læst. Á það var ekki hlustað að neinu mæli og afleiðingarnar þekkja menn. Ég heyrði það að eftir einn veturinn þá var 300 kr. í gistibauknum í skála Útivistar á Fimmvörðuhálsi en allt gasið búið og olían líka og tölverð vinna að þrífa skálann eftir veturinn. Ennþá horfir ferðafólk ekki á heildarmyndina, í þetta sinn vélhjólamenn, og aftur er svipað að gerast nú en ekki er það skálum sem á að fara loka í þetta skiftið heldur heilu landssvæðunum og slóðum fyrir umferð vélknúinna ökutækja.
Fréttin minnir mig á aðra frétt fyrir ekki svo mörgum árum þegar einhverjir krossarar veittust að manni á áttræðisaldri með hrindingum og hótunum þegar maðurinn var að setja út á að þeir væru að hjóla í landi hans norðan við Reykjanesbæ. Það þarf ekki Albert til að setja það í samhengi hver atburðarásin hefur líklega verið þarna í gær.
Nýr vinkill. Kristinn Guðmundsson sem segist vera ábyrðarmaður fyrir Samsýn sem á að hafa gefið út kortagrunninn MapSource fyrir skrifar grein í Moggann í dag. Þar segir að hann að "umræddur slóði er sýndur á kortum Landmælinga Íslands 1:100.000 blaði 66"
Landmælingakortið sýnir eins og ég skil það gamla götu Arnarfellsveg þ.e. þjóðleið sem fólk fyrr á öldum fór gangandi eða ríðandi og á ekkert skylt við jeppaslóða. Þar að auki ekki sama leiðin. Slíkar götur eru sýndar á 1:100.000 skalanum á ýmsum kortablöðum þar sem jeppar fara aldrei um t.d. um Leggjabrjót ofan við Sandvatn, Ólafskarðveg fyrir ofan Jósefsdal, Selvogsgötu á milli Hafnarfjarðar og Selvogs. Ef það á að taka jeppamenn alvarlega almennt og þeir hafi vægi við fyrirhugaðar breytingar á leyfi fólks að aka um hálendið verða þeir að sýna skilning í málum sem þessum.
Ég er með svona MapSource korta dæmisgrunndæmi frá R-Sigmundsson og ég furðaði mig á þessum slóða sem er sýndur í honum þegar ég rak augun í hann fyrst. Virkar á mig eins og hvert annað grín að sýna jeppaslóða meðfram Hofsjökli sunnanverðum á ofurviðkvæmu Þjórsárverasvæðinu. Gerði ráð fyrir að slóðinn væri miðaður við vetrarferðir en fannst samt ansi glannalegt að bjóða hættunni heim að einhver myndi taka slóðann bókstaflega og aka eftir trakkinu þegar jörð er ófrosin. Ég leitaði að þessum slóða austanverðum núna í júlí þegar ég gekk á Arnarfell hið mikla. Fyrst þar sem slóðinn endar eða byrjar eftir því hvernig á það er litið við vestanverða stíflu sem safnar vatni frá efstu upptökum Þjórsár og einnig vatni frá Fjórðungskvísl. Þar er enginn slóði sjáanlegur þar sem MapSource sýnir slóða. Að vísu skoðaði ég umhverfið ekki vel þar. En ég leitaði sérstaklega vel að honun í kverkinni á milli Arnarfellanna og einnig fyrir sunnan Arnarfell hið mikla með kíki af Arnarfelli hinu mikla. Ekki til í dæminu að það séu sjáanleg þaðan för eftir jeppa á MapSource trakkinu. Aftur á móti er gamall og ógreinilegur slóði sem liggur að Arnarfelli úr suðurátt eins og hann liggi frá t.d. Sóleyjarhöfðavaði. Mjög ógreinilegur og hafði ég ekki tekið eftir honum þó svo ég hafi tjaldað í 20 metra fjarlægð frá honum nema með yfirsýn frá stóra Arnarfellinu. Líklega gamall slóði frá gangnamönnum myndi ég giska á, þó ég hafi ekki hugmynd um það, því slóðinn endar við Arnarfellið í einhverru tilgangsleysi öðru en að ferja gangnamenn. Ef svo er þá er ég ekki að setja út á að bændur fái að smala sína afrétti á þann hátt sem þeir hafa líklega gert í áratugi. Þetta er stormur í vatnsglasi í þetta sinn að minnsta kosti á svæðinu fyrir austan Múlajökul en þetta Þjórsárveratrakk í MapSource er ekki að hjálpa neinum.
Það væri flott að fá fylgd með í ferðina. Ég veit ekki hvenær við komum austur því það ræðst að mestu leyti af veðurspá. Ég hringi þegar aðstæður leyfa og þá getum við séð hvort hægt sé að koma þessu við.
Það stendur til já að fara einbíla. Þetta er ekki eiginleg jeppaferð í þeim skilningi. Ætla að aka að jökulrönd og kannski pínu upp jökulinn á jeppa og síðan á gönguskíðum afganginn. Annars treysti ég mér ekki þessa leið að jökli ef krapi og svoleiðins verður ráðandi á leiðinni núna í vor. Annar möguleiki er líka að fara frá Hoffelsdal sunnan jökuls en gönguleiðin á þeirri leið er heldur meira fyrirtæki og torsóttari en norðanmegin. Vildi heldur fara norðanmegin því það er þægilegri leið, á aflíðandi jökli, ef aðstæður eru þannig að gott er að komast að jöklinum suðvestan frá Snæfelli.
Ég ætla að fara að skála Jöklarannsóknarfélagsins við Goðahnjúka núna í vor. Þekki ekki ferðaleiðir að skálanum. Er einhver austlendingur hér á vefnum sem þekkir leiðir að skálanum og vill greina frá þeim. Hafði hugsað mér að fylgja vegi að Snæfellsskála. Þaðan að Þjófahnjúkum og að jökli fyrir vestan Eyjabakkajökul og síðan í stóran sveig fyrir ofan Eyjabakkajökul hægt og bítandi meira og meira í austurátt að skála og koma að honum úr vesturátt. Ég er ekki að biðja einn né neinn að bera einhverja ábyrð á þessu ferðalagi þó svo einhver komi með kommemt um hvort þetta sé ekki gert nokkurnvegin svona í grófum dráttum svo þurfi ekki að finna upp hjólið í ferðinni.
