Forum Replies Created
-
Replies
-
Meira.
Fórum að gosstöðunum frá Reykjavík snemma í gærmorgun og komum að gosinu, frá Sólheimajökli, fyrir ellefu. Gott færi – komin för. Pínu þungt upp þar sem er brattast. Þetta er ógleymanlegt ævintýri að sjá gosið. Vorum á svæðinu þangað til að fór að rökkva og dimma. Þá fyrst varð sjónarspilið magnþrungið fyrir alvöru…….. Set myndir hér – kann ekki á myndaalbúmið.
Viðhengi:
[quote="wolf":19hua3a0]Hvað kostar svona hátíðni-pinnasuðuvél ?
Ágúst[/quote:19hua3a0]
Í kringum 100 þús. fyrir jól.
Talandi um pinnavélar. Er nýlega búin að fá mér hátíðni pinnasuðuvél sem er nýleg tækni eftir því sem ég best veit. Býsna sniðug, á að taka minni straum en gömlu transaranir og lítið stærri og lítið þyngri en brauðrist og ég sé ekki mun á suðu á henni og margfalt – margfalt stærri og þyngri trönsurum. Tengd í húsarafmagn með 16a öryggi. Tekur allt að 4mm pinna. 160a – kveikjuspenna 80a. Já pinnasuða er gamaldags en hún er bara svo þægileg viðureignar og meðfærileg svona heima við fyrir sjálfan sig – ekkert gas – barka eða víradæmi. Bara pinnann í haldið og byrja að sjóða og ekkert vesen. Einnig hægt að punktsjóða í boddí ef engin er að flýta sér. Þar sem hátíðnisuðuvélar eiga að nota minni orku þá gæti kannski verið möguleiki að nota bíl sem aflgjafa fyrir þær. Þessi vél sem ég keypti á að vera gerð fyrir óstöðugan aflgjafa og á því að þola litlar rafstöðvar. Er einhver sem veit hvort hægt sé að fá spennubreytir í bíl, það er úr 12v í 220v sem væri líklegur til að þola álagið og hleypur nógu mikilli orku í gegnum sig fyrir hátíðnisuðuvélar ? Þó ekki væri nema 80A út sem ætti að duga fyrir granann pinna. Ef altenator er sæmilega stór þá dugar hann kannski sem aflgjafi samanber bílarafsuðuvélarnar frá Kliptron ef spennubreytirinn kiknar ekki og ekki mikið orkutap í gegnum hann. Væri gaman að pófa ef einhversstaðar væri hægt að fá nothæfan spennubreytir. Kannski myndi allt spinga í loft upp.
Fínn þáttur- verst að missa af fyrstu fimm mínutunum. Þrátt fyrir mjög ódýra framleiðslu af áhugamanni líklega, þá var gaman að horfa á. Reyni að sjá næsta þátt án gríns.
iss – það er nóg pláss fyrir ökumann í Hilux með einföldu húsi. Mundi ekki láta það stoppa mig. Var á Hilux með einföldu í mörg ár og það var ekkert mál þó ég sé af yfirstærð. Annað mál var með farangurinn, eini staðurinn eiginlega var pallurinn. Annars voru þessir gömlu bílar ótrúlega léttir. Var að skoða hvað minn gamli, hásing fr. aft..viktaði í sérskoðun 33" breyttur – rúmlega 1600 kg og ekkert vigtarsvindl. Dreif samt lítið, þó léttur,vegna aflleysis. Það munar ekki svo mikið um 200-400 kg til eða frá. Dekkjar- og vélarstærð ræður frekar um drifgetuna.
Ekki varð reynt við þessa skíðaferð hjá mér í fyrra aðallega vegna veðurspáar og meints krapa. Ekki svo að skilja að ekki hafi verið farnar neinar jöklaferðir heldur bara annarsstaðar. Nú fer að líða að annari tilraun og á tímum hækkandi bensínverðs er ég að spá í að hvort einhver hér sem hefur farið upp Lambatungujökul frá sporði að Goðahnjúkum. Þekkt leið og eittthvað notuð af skíðafólki eða sleðamönnum ? Væri gott að fá einhver komment ef einhver nennir þar að segja. Reyni að setja inn mynd sem var tekin fyrir um það bil hálfum mánuði uppi á Jökulgilstindum í eins fallegu veðri og hægt er að fá. Snæfell í kantinum til hægri og Grendill og upptök Lambatungujökuls í austurhluta Vatnajökuls til vinstri.
Góð hugmynd. Það þarf oft ekki nema rétt að minnast á atriði sem skapa hættu í ferðum til að vekja til umhugsunar ferðalanga unga sem gamla. Atriði sem annars gætu lærst the hard way. Það sem einum þykir sjálfsagt að varast og óþarfi að minnast á er kannski nýtt fyrir öðrum. Hver veit. Það sem kemur upp í hugann hvað helst er að varast í jeppaferð á fjöllum um vetur er náttúrulega heill hellingur en helst eftirfarandi og ekki endilega í þessari röð. Snjóblinda í björtu veðri en skýjuðu og þar af leiðandi mjög erfitt að greina misfellur í landslaginu, hengjur, gil, skurði og svo framvegis. Brattar háar hengjur geta myndast á ótrúlegustu stöðum. Blinda vegna snjókomu eða minniháttar byls sem er eiginlega stundum skárra en snjóblinda í björtu því þá er oftast farið gætilega. Aldrei að treysta leið sem maður telur sig þekkja í blindni. Leiðin getur gjörbreyts við það eitt að fara ekki nema 50m. frá trakki. Bíll getur pompað niður um ís og snjó og stoppað skyndilega eða sokkið í vatn í framhaldi af því. Spotta og víradráttur er fjandi varasamur, ekki vera í skotlínunni. Renna stjórnlaust niður brekku í harðfenni, varasamara að baka til baka úr brekku en að keyra í hana. Sprungur og svelgir á jöklum, vera frekar seinni hlutar vertrar á ferð en fyrri hlutar, sérstaklega í snjóléttum vetrum. Þokkaleg veðurspá í byggð þýðir oft skítaveður þegar ofar dregur. Vond veðurspá í byggð þýðir kolvitlaust veður þegar ofar dregur. Ekki aka hratt í blindu á jöklum þó leiðin sé kannski greið, kannski er bíll stopp á leiðinni.
Hefur einhver farið upp hjá Sólheimahjáleigu og yfir niður að Mælifellssandi nýlega ? Líklega engin snjór á sandinum en hvernig ætli það sé á jökli og þá á jökuljöðrunum. Þetta er nú meiri veturinn annars. Sá versti síðan að tók að síga á ógæfuhliðina eftir 94.
Er kominn með púða takk.
Hvar er hægt að fá bddípúða universal ? Ekki til í N1 allavega. Vantar púða fyrir bolta í gegnum gat. Þ.e. efra og neðra gúmmí útfærslan. Ef einhver á svoleiðins notaða þá endilega hringja í 869-5289. Er á höfuðborgarsvæðinu. Stærð skiftir ekki öllu máli því eftir er að stilla af grindarfestingar.
Almennt er það of fljótt að fara á jökla núna eins og kemur fram í öðrum þræði. Það er aldrei varasamara en að fara á jökla þegar einungis er komin þunn hula af fyrsta vetrarsnjónum. Nógur snjór til að fela sprungu eða svelg en snjórinn heldur kannski ekki hundi. Og þó að farið sé yfir leið sem er að öllu jöfnu sprungulaus þá getur verið von á svelgum allsstaðar þar sem jökull nær að verða ber á sumri. Svelgir eru miklu óútreiknanlegri og hættulegri almennt en sprungur. Að vísu fólki frekar en bílum því fæstir eru það stórir að þeir gleypi bíla. Það getur verið ótrúlega mikið af svelgum á sumum jöklasvæðum en þeir sjást varla nema á sumrin.
Kælivökvakæld skifting er ábyggilega það besta sem völ á því framleiðendur vörubila og þungavinnutækja, sem ég veit um, eru eingöngu með slíka kælingu og þá sverar lagnir og stóra vatnskæla í réttu hlutfalli við það mikla álag sem stór fulllestuð tæki þurfa að þola. Vörubílar eru ekki með loftkælda sjálfskiftikæla enda óþarfi þegar vatnskassann er hvort sem er til staðar og hannaður fyrir dekka kælingu á vél og skiftingu við mikið álag. Annað mál er að setja síðan auka loftkælingu eftir á þegar t.d. jeppi er notaður við meira álag en hann er hannaður fyrir t.d. í snjóakstri á stórum dekkjum. Þá er einfaldara að setja loftelement en að stækka vatnskassa vélar – vatnskælielementið og lagnir að því og svo framvegis.
Annars vill ég meina að það sé takmarkað hvað hægt sé að auka kæligetu með aukakælum án þess að breyta neinu öðru en bara stærri kælir. Lögnin að kælum stækkar ekki við það og heldur ekki heldur það magn vökva sem skiftingin dælir frá sér að kælir. Það er að segja að flæðimagn að kælum verður að samsvara kæligetu kælana. Þegar ég setti þriðja kælinn og þann stærsta á skiftinguna hjá mér gat ég ekki séð að hann breytti neinu með hitann. Fyrir var í bílnum vökvakælir í vatnskassa og orginal loftkælir. Olíuflæðið að kælum var líklega ekki nóg eftir þriðja kælinn. Sumir setja þá stærri pönnur undir skiftingarnar sem taka meira olíumagn, og þá helst úr áli og með kæliraufum. Breytir ekki öllu samt en skiftingin er aðeins seinna að hitna að minnsta kosti.
Ég hef ekki fylgst með umræðum um nýja vefinn og er því lítið inni í málunum en ég hélt að núverandi myndasíða væru bara eitthvað hálfklárað til bráðabirgða sem væri verið að vinna í. Í sjálfboðavinnu vel að merkja. Eftir lestur á þessum þræði þá spyr maður sjálfan sig – getur það verið að hún eigi bara að vera svona í framtíðinni !
Ég er bæði með sjálfskiptan og beinskiftan jeppa breytta og veit ekki alveg hvað segja skal um hvort sé betra núorðið. Fer ansi mikið eftir bílnum sjálfum og vélinni eins og einhver benti á. En annars er ég að hugsa um að auka kælinguna hjá mér á sjálfskipta bílnum núna í vetur ef þarf. Það voru tveir kælar orkinal hjá mér og ég bætti við þeim þriðja fyir nokkrum árum. Stórum kælir úr E350 dísil. Fannst það ekki breyta miklu í hitastigi, eða öllu frekar engu í hitastigi. Líklega út af því að flæðimagnið að kælum samsvaraði ekki kæligetu allra kælana. Samt dugði skiftingin 300.000 þús. á 3,73. Er núna að spá í að vera með auka sjálfstæða kælingu framhjá kælunum með að taka olíu beint frá pönnu með sverri lögn og sér takkastýrði olíudælu að stóra E350 kælinum og svo aftur að pönnu. Gæti virkað ágætlega og stóreykur flæðið þegar þörf er á, sérstaklega gott í einhverri brekkunni að geta kælt olíuna í pönnunni hratt með olíu sem hefur legið í lögnunum og kælir og er köld. Kannski verið gert áður en ekki svo ég viti.
Allt fór vel þökk sé nútímafjarskiftum og öflugum björgunarsveitum.
Eins og komið hefur fram þá fer það eftir viðhaldinu ásigkomulagið á gömlum mikið eknum bílum. Meira ekið þarf þess vegna ekki að vera svo mikið verra en minna ekið. Það er að segja þegar bíll er kominn í 150 þús fer oftast að koma tími á ýmislegt- hjóllegur-spindla- stýrisenda og svo framvegis. Ef það er búið að fara í þesii atriði á bíl sem er ekin tvöhundruð þúsund þá er það kannski ekki svo mikið verri kostur en að kaupa minna ekin bíl sem er að detta í þetta viðhald ef vélbúnaður og kassar og drif í viðkomandi bíl hafa orð á sér að endast vel ríflega 200 þúsundin.
Olíuverk sem ekkert rafmagn kemur nálægt nema þá í mesta lagi ádreparinn.
Það er ýmislegt sem mætti athuga meira áður en olíuverkið er tekið úr og sett í prufubekk. Er réttur tími á olíuverkinu, setja kastklukku aftan á það með sérverkfæri eða dropastilla. Athuga ventlabil. Er kambás réttur á tímamerki. Eru knastar (kambar) á knástásnum slitnir. Hef séð það á Hilux 83 sem ég átti lengi með 2L vél sem er fyrirrennari þinnar 4L vélar. Vélin hjá mér var með haugslitin kambás sem gerði það að verkum að tíminn sem ventlarnir voru opnir var ekki réttur og ekki nógu langur. Gæti verið að innsogsbarki að vél sé orðin það trosnaður og veikur að hann leggist saman við vacum á milli vélar og loftsíu við álag og hindri eðlilegt loftflæði. Mæla bakþrýsting á spíssum (slefið). Er tregða í pústkerfi, rör kýlt saman eða í vinkil. Hef lent í því að kýla saman púströr í torfærum svo að bíllinn varð tölvert aflminni og með skrýtið hljóð í mótor. Uppgötvaðist ekki fyrr en komið var út á þjóðveg. Gæti ádrepari staðið á sér að einhverju leyti. Er rétt olíuþykkt á drifum og kössum. Eru hásingar skakkar undir bílnum og mynda þannig þvingun við akstur. Er rétt millibil (toe in). Eins og ég sagði þá átti ég Hilux með ennþá minni dísilvél en þú ert með og mér fannst hún hljóta að vera eitthvað biluð öll þau ár sem ég átti bíllinn og keyrði mjög mikið en fann aldrei neitt að vélinni. (byrjaði á vélarupptekt og kámbás skiftum við kaup á bílnum) Það var ekki fyrr en ég prófaði eins bíl á svipuðum dekkjum að ég gerði mér grein fyrir því að þetta væri bara svona. Sem var svo sem allt í lagi því bíllinn eyddi litlu og var fínn í lága drifinu,seiglaðist alltaf áfram í lága drifinu (5.71)ef réttur gír var valinn en ekki var hægt að spítta upp brekkur samt
Kemur ekkert sérstakt upp í hugann hvað getur verið að dísilvél, með gömlu gerðinni af olíverki, sem gerir það að verkum að aflið í vélinni sé mismunadi. Að vísu geta dísilvélar farið að ganga pendúlgang með goveroninn í olíuverki bilaðan en ég veit ekki til að það hafi komið niður á afli og slík bilun er stöðug. Kannski þá maybe hitastig og hitaþensla. Þá þetta sígilda – stífluð hráolíusía í kuldum eða vatn í loftsíu sem frýs og hættir að hleypa lofti í gegn. Stífluð öndun á hráolíutank með tilheyrandi rennslistregðu frá honum ? Dregur falskt loft að olíuverki ? Eða t.d. rifin stimpil sem þenst út við vinnuhita og myndar viðnám við stimpilslífina með meðfylgjandi vélarbanki eða þá dísa í spíss sem hefur rifnað vegna ónógar smurningar í eldsneyti eða ofhitnun og stífnar við vinnuhita og stendur þá hálfopin. Ef ætti að gera eitthvað í þessu þá myndi ég þjöppumæla og láta athuga úða og opnunarþrýsting á spíssum. Það sakar alla vega ekki og vélin ekki verri á eftir hvað sem kemur svo sem út úr því.
Tók báðar stangir undan hjá mér. Gormar framan – fjaðrir aftan. Dálítið skrýtið fyrst að keyra bílinn á eftir sérstaklega í hringtorgum en annars allt í lagi. Er ekki á leiðinni að setja þær undir aftur því bíllinn hefur meiri óþvingaða sveigju svona í torfærum. Hef fengið skoðun með bílinn svona hvort sem það er tilviljun eða ekki veit ég ekki. Myndi mæla með að prófa allavega.
