Forum Replies Created
-
Replies
-
Sæll
Ég held að Friðrik Ólafs hafi sett þessa kubba í fyrir Ingvar Helgason á sínum tíma. Guðlaugur hjá Samrás skoðaði þessa kubba í Patrol á sínum tíma. Ef ég man rétt þá virka þeir í tröppugangi og hita vélina verulega. Ég myndi aldrei nota þá nema með 3" pústi og hitamæli til að fylgjast með.
Standard Patrol 3ja lítra með 3" pústi er að hita langt yfir 800 °C ef ekki er fylgst með, kubburinn eykur hitann og er þá voðinn vís.
Flottar myndir og ferðasaga hjá þér Barbara. Þetta framtak, að bjóða ráðherra o.fl. með í ferð er til fyrirmyndar og hefur vonandi mjög góð áhrif á okkar baráttu.
Það verður líka að segjast að Jónína sýnir mikinn áhuga með því að takast þessa ferð á hendur. Hvar eru allir hinir sem boðið var með?
Þið eigið hrós skilið
Þorsteinn
Fáum við einhverja ferðasögu? Hverjir fóru með og hvernig gekk? Þið hafið örugglega staðið ykkur með sóma og verið til fyrirmyndar.
Getur fjarskiptanefnd upplýst okkur um stöðu NMT kerfisins á hálendinu? Það hefur ítrekað komið fyrir undanfarið að ekki næst í NMT síma á hálendinu.
Er búið að leggja einhverja senda niður eða láta þá deyja, eða er allt í lagi með kerfið?
Fáum við upplýsingar hjá Símanum þegar slökkt er á sendum, þetta skiptir okkur talsverðu máli að vita stöðuna hverju sinni.
Eru einhverjar fréttir af ferðalöngum?
Hefur komið í ljós hverjir fara í ferðina?
Kveðja Þorsteinn
Það fást 4.2 lítra Patrolar í sameinuðuþjóðar útgáfu. Mér reiknaðist til að slíkur bíll kosti rúmar 4 millj. hingað kominn. Veit ekki hvaða vinna liggur í að koma honum í gegnum viðurkenningarferlið eins og Arctic hafa gert það við 105 bílana.
Ég get ekki annað en verið sammála gummaj og finnst talsvert tækifæri liggja í þessu. Afhverju er ekki gefinn kostur á að greiða beint til f4x4 og greiða t.d. 1500-2.000 kr. Fyrir það fæst límmiði með kallnúmeri sem settur er í bílglugga (eins var með FR). Kallnúmerin má þá skrá á vef klúbbsins, og þá er hægt að hafa meira "móralskt" eftirlit með því að ekki sé verið að misnota f4x4 rásirnar. Tekjurnar renna til þess að greiða leyfið til PoF og til þess að standa undir enn betra kerfi með endurvörpum o.fl. Það sama má gera með HF stöðvarnar, fá að greiða af þeim til f4x4 og fá afslátt hjá PoF.
Ferðaþjónustuaðilar komast ekki upp með að skrá ekki og gætu verið rukkaðir um hærra gjald. Hafi þeir ekki kallnúmer þá lítur það illa út fyrir þá.
Eigum við ekki að líta á tækifærin en ekki grafa okkur í óánægju.
Þorsteinn
Dagur, hvar er þessar umsagnir um Vatnajökulsþjóðgarð að finna?
Það gefur réttari mynd að staðsetja hann fyrir túrbínu. Það er oft meira mál að gera það, nema þú sért með vélina í höndunum hvort eð er. Ég lét setja nippil í greinina fyrir framan túrbínu þegar hann fór í túrbínuskipti og nippil í pústgreinina þegar ég stækkaði pústið í 3". Ef þú veist hvað hitinn fellur yfir túrbínu þá er mælir eftir túrbínu nokkuð góður. Þetta snýst sennilega líka um það að vita hvar mestur hitinn er og fara aldrei svo hátt nema í stuttan tíma. Ég hef lært að keyra vélina, skipta meira niður og láta hana vinna léttar með því að fylgjast með mælinum. Það sama geri ég með hitamælum á sjálfskiptingunni.
Hitinn eftir túrbínu er minni. Hitafallið (mismunurinn) fer eftir því hvað vélin er að gera. Við inngjöf þá er hitamismunur meiri (150 C) en minnkar við stöðugt álag. Þegar ég skrifa pústmegin þá átti ég við eftir túrbínu. Ég reyni að halda hitanum undir 750 C fyrir og 650 eftir (þar sem þinn mælir er) og það í stuttan tíma. Þetta er þó bara ágiskun.
Þorsteinn
Ég er sammála Bazza. Guðlaugur í Samrás þekkir þetta mjög vel og miðar sína kubba við rúmlega 700 C. Ég er með hitamæli beggja vegna við túrbínuna í 3ja lítra Patrol, 3" púst. Hitinn getur farið yfir í 850 C fyrir framan og ca 750C pústmegin, sem mér er sagt að sé full mikið í lengri tíma. Ég held að nýleg Toyota HiLux sé með rúmlega 700 C.
Ég renndi yfir Blogg formannsins og verð að segja að hann situr ekki auðum höndum. Það sama á við Bloggið hjá Jóni Snæland.
Þetta er greinilega ein besta leiðin fyrir okkur að fylgjast með því sem er að gerast í starfi stjórnar og klúbbsins. Ég vil hrósa stjórninni fyrir gott starf og formanni og Jóni fyrir að halda þessar dagbækur.
Þorsteinn
Sæll
Fremst á intercoolernum er mælipungur sem tölvan notar. Með því að nota þetta gat er hægt að tengja eigin mæli og halda original mælinum. Þetta var gert fyrir mig af FÓ en þeir aftengdu bara originalmælinn. Þú skalt ekki gera það, ef loftflæðimælirinn eða annað fer að klikka þá færðu enginn skilaboð um bilun og skilur ekkert hvað er að gerast.
Þorsteinn
Þessi dómur er að sjálfsögðu fagnaðarefni, en þetta er ekki unnið enn. Hæstiréttur á örugglega eftir að fjalla um þetta mál og við vitum ekkert um útkomuna þar.
Ég held að sýslumaðurinn á Selfossi hafi farið í þessar aðgerðir til þess að fá dóm sem sýnir hvar lögin standa. Næsta skref er breyting á lögum til þess að tryggja "verndun" náttúrunnar samkvæmt skilningi Alþingis (embættismanna) þá stundina. Þetta er gert með fulltingi embættismanna í ráðuneytunum en er ekki bara ákvörðun sýslumanns.
Við þurfum að vera á varðbergi og vinna hratt og vel í þessum málum. Það þarf ekki annað en breytingu á nokkrum setningum eða málsgreinum í núgildandi lögum til þess að það verði ólöglegt að ferðast eftir öðru en "vegum" sem hafa verið skilgreindir af einhverri nefnd í umhverfisráðuneytinu. Allta annað verði ólöglegt!
