Forum Replies Created
-
Replies
-
Prófaðu að tala við Gunnar Egilsson á Selfossi, þú finnur hann undir Icecool breytingar. Hann er búinn að keyra mikið 44" Trxus og lætur vel af því.
Kv. Steinmar
Sælir félagar
Var með svona K&N síu í Trooper, munaði smá í togi en ekki neinu í eyðslu. Sían endist vel, en það segir í leiðbeiningum frá framleiðanda að það megi ekki þvo hana oftar en 25 sinnum. Í bílum sem eru keyrðir mikið í ryki fyllast þessar síu jafn hratt og pappasíur en STÓRI gallinn við þær er sá að þær hleypa ekki bara lofti í gegnum sig heldur líka ryki, sem eyðileggur túrbínuna, been there, done that
Líklega væri gott að nota pappasíur á sumrin en K&N síur í vetrarferðum, mest vegna þess að þær eru ekki eins viðkvæmar gagnvart raka.Kv. Steinmar
Já það passar, þetta er í raun sama blokk og 305, bara styttri, afturendinn er sá sami.
Kv. Steinmar
Sælir félagar
7,3 lítra vélin kemur fyrst í econoline 1991. Á þeim tíma er hún túrbínulaus og með hefðbundið olíuverk. 1996, ef ég man rétt, kemur Power stroke. Sú vél er með túrbínu og tölvustýrða innspýtingu og skilar ca. 235 hö. Á sama tíma kemur tölvustýrð 4 gíra skipting. Þessar vélar og skiptingar hafa reynst mjög vel þó alltaf megi finna Skátaflokka sem hafa ekki góða reynslu af þeim. Power stroke
vélin er vandræðalaus í gang í mklum kulda og ef einhver segir að þessar vélar reyki, Þá er eitthvað mikið að.
Ég hef ágæta reynslu af þessum bílum og það er ekki spurning
að þeir eru hagkvæmari í rekstri með díeselvél.
E-350 bíl langur með 7,3, 14 manna, 4,56:1 drif, 44" dekk,
viktar ca. 3.600 kg. tómur. Sami bíll með 10 farþega er að eyða 22l á hundraði í blönduðum akstri. Hann getur auðveldlega eytt meiru eins og allir aðrir bílar, en verður samt alltaf hagkvæmari en benzínbíll, þetta er bara spurning um vasadýpt.
Econoline er ekki fáanlegur ennþá með 6 lítra vélinni en sú vél er mun léttari og kraftmeiri og með mjög skemmtilegri
5 gíra skiptingu sem nýtir vélaraflið mjög vel.
Kveðja Steinmar
Sælir félagar
Ég er eigandi að Trooper sem ég keypti nýjan í jan. 99.
Þennan bíl er ég búinn að keyra ca. 190.000 km. Hann hefur reynst mjög vel, aldrei neinar óvæntar bilanir en af eðlilegum ástæðum hefur hann þurft reglubundið viðhald.
Ég get þessvegna mælt með Trooper sem góðum kaupum, sérstaklega vegna þess að verðið á þeim er mjög hagstætt.
Þjónustan hjá Pöntunarfélaginu gæti verið betri en við því er ekkert að gera, hún fer batnandi.
Terrano er góður kostur með 2,7 tdi vélinni, léttur og aflmikill en minna pláss en í Trooper, þekki þó ekki hvernig
bilanatíðni í þeim hefur verið.
Ef þið eruð að spá í notaðan jeppa, skoðið og prufukeyrið allt sem að kjafti kemur, nógir eru kostirnir.
Kveðja Steinmar
Þér er óhætt að fara upp hvoru megin sem er, þó er sprungusvæði upp af Skálpanesi sem ber að varast. Prófaðu að hafa samand við Guðbjörn í Jaka S:854-4533 og spurðu hann út í leiðir.
Mundu bara að ef þú þarft að fara yfir troðnar sleðabrautir
á jöklinum, farðu þá þvert yfir til að valda sem minnstum skemmdum á þeim.
Góða ferð
Steinmar
Prófaðu að tala við Stál og Stansa, þeir hafa gert við svipaða stýrisliði í Musso með góðum árangri.
Kveðja Steinmar
Sælir félagar
Ég var að koma í bæinn í kvöld þegar ég heyrði einhvern óm
í talstöðinni. Þegar ég var búinn að skila af mér farþegunum
fór ég að hlusta (alltaf jafn forvitinn) og kom þá í ljós að
á rásum 49 og 54 var í gangi leiðsögn fyrir erlendan ferða-
hóp.
Er þetta leyfilegt og ef svo er hver gefur leyfið ?
Ég hélt satt að segja að þessar rásir væru eingöngu fyrir
félagsmenn 4×4. Það kostar ekki nema örfá þúsund að fá einkarás og er mjög einfalt.
Hvað finnst mönnum um þetta ?Kveðja Steinmar
Lúxilíus sagðist hafa farið á Langjökul frá Arnarfelli, eða þannig skildi ég það. Mig rekur ekki minni til að sé til fjall með því nafni í jaðri jökulsins.
En ef svo er vil ég vita hvar það er.
Kv. Steinmar
Mig langaði bara að benda á að ÞURSABORG er í eintölu og og
nesið títtnefnda heitir SKÁLPANES. Getið þið sagt mér hvar
Arnarfell er við Langjökul?
Bara forvitni.
Kveðja Steinmar
Sæll Snorri
Þetta vandamál með að menn séu að stytta (auðvelda) sér leið vegna þess að þeir nenna ekki eða geta ekki keyrt yfir skaflana hefur að mínu áliti aukist.
Þegar ég fór yfir Kaldadal í vor (til að ath. ástand vegarins) voru einir 4 litlir skaflar í veginum sunnan við Langahrygg. Ég á við sama vandamál að stríða og þú og keyri ekki út fyrir vegi. Á þessum 4 stöðum voru för út fyrir veginn, beggja vegna, eftir bíla á 38" dekkjum. Þannig háttaði til á þessum stöðum að þar var mosi á melnum, einn af fáum stöðum þar sem er gróður. Skaflarnir voru ekki lengri en svo að það kostaði mig kannski 10 mín. aukalega að hjakka yfir þá, alla til samans.
Ég hef hingað til ekki látið það eftir mér að skilja eftir spor eftir bílana mína, þó það gæti sparað mér örfáar mínútur yfir daginn.
Þessi akstur út fyrir vegi er líka vandamál þar sem eru pollar. Það er engu líkara en þessir breyttu og vel búnu bílar þoli ekki vatn, en kannski eru menn bara svona latir, að þeir nenni ekki að þrífa drullusullið af bílunum þegar þeir koma heim.
Ég er hræddur um að ef þetta breytist ekki til batnaðar sem fyrst, gæti það komið okkur í koll.
Ég vil gjarna geta farið með ferðamenn um fjöll og jökla án þess að þurfa að afsaka aulahátt örfárra manna sem ekki kunna eða geta ferðast án þess að stórsjái á umhverfinu eftir þá.
Ég vil líka taka fram að þegar ég fó yfir Kaldadal var vegurinn mjög tekinn að þorna, en þó voru djúpir skurðir víða í veginum eftir menn sem höfðu verið að fara þarna um of snemma.
Vonandi taka menn sér tak og halda sig á vegunum, til þess eru þeir.
Kveðja Steinmar (Mountain-Taxi)
Sælir félagar
Ég verð að segja fyrir mina parta að þetta umboð er að standa sig sæmilega og er batnandi. Nokkrum sinnum höfum við hjá Mountain Taxi þurft að fá hjá þeim varahluti, sem hafa ekki verið til á lager og hefur það einungis tekið 3 daga með hraðsendingaþjónustu.
Aftur á móti mætti lagerinn oft vera betri en ég vil benda á það kostar óhemju mikla peninga að halda stóran lager hjá bílaumboði sem þessu.
Förum varlega í að alhæfa um kosti og galla hjá fyrirtækjum út í bæ, sérstaklega ef menn eru að segja; "ég hef heyrt að…" Maður dæmir ekki eftir því !Svona í framhjáhlaupi, Langiskafl er í þokkalegu standi, en það styttist í að sprungur fari að opnast, svo fyrir alla muni farið varlega
Kveðja Steinmar
Trooperinn hjá mér vigtaði 2180 í sérskoðun en með þeim aukahlutum sem eru í honum er hann 2300 kg. Gamli Patrolinn er mun léttari en sá nýji með 3ja lítra vélinni, þar munar um ca. 350 kg. Munurinn liggur í stærri yfirbyggingu, meiri klæðningu og þyngri vél.
Annars hefur mér fundist í gegnum tíðina að mínir bílar hafi verið þyngri en aðrir, jafnvel bílar sömu tegundar, og einnig eytt miklu meira eldsneyti. Kannski er nestið mitt svona þungt, ásamt benzínfætinum, eða menn kannski hræddir við sannleikann þegar kemur að þyngdinni.
Ég varð var við rugl í gps kerfinu í upphafi vikunnar, en það var þó mest í hæðarsetningu, sýndi allt að 320 m. meiri hæð en venjulega. Skekkjan í staðsetningu var u.þ.b 70-80m sitthvoru megin við trakkið, nóg til að gera hættuleg mistök við erfiðar aðstæður, en ef maður þekkir til aðstæðna á hverjum stað ætti það ekki að koma að sök. Síðustu daga hefur skekkjan verið smávægileg, eða innan við 20m. Ég hef fylgst vel með þessu síðan USA menn byrjuðu að stríða og starfs míns vegna nota ég gps mikið,en ég tel þetta ekki vera vandamál ef menn eru vakandi yfir því sem þeir eru að gera.
Ferðakveðjur Steinmar
Sælir félagar
Ég sé mig knúinn til að leggja orð í belg vegna skrifa Jóns þessa Stefánssonar.
Það er með öllu ljóst að hann skrifar umrædda grein af vanþekkingu, svo ekki sé meira sagt.
Þeir sem starfa sem ökuleiðsögumenn fá EKKI vinnu nema að hafa til þess tilskilin réttindi,meirapróf,og ef þeir starfa sjálfstætt þurfa þeir einnig að hafa hópferðaleyfi. Þar fyrir utan hefur Vegagerðin,í samstarfi við Ríkislögreglustjóra,virkt eftirlit með þeim sem stunda þennan akstur. Það að þessir bílar valdi meiri tjónum en aðrir er úr lausu lofti gripið, enda færir maðurinn engin rök fyrir því. Í greininni nefnir hann það heldur ekki að leigubílstjórar fá niðurfellingu á innflutnings- og vörugjöldum sinna bíla en ekki þeir sem stunda akstur á jeppum, þeir þurfa að borga sína bíla fullu verði!
Einungis bílar sem falla undir að vera "hópferðabílar" fá niðurfellingu af téðum gjöldum, en ekki af breytingakostnaði. Hópferðabílar eru t.d. Econoline, og bílar sem taka 8 farþega og fleiri.
Öfund er orð sem kemur upp í huga minn þegar þetta er rætt,
en það verður hver að dæma fyrir sig.
Rétt er að fram komi að ég hef starfað í þessum geira í á 5ta ár og tel mig hafa einhverja þekkingu á málinu, einnig hef ég oft þurft að hlusta á tal misfróðra manna um vinnuna mína, en af kurteisisástæðum ekki blandað mér í umræðuna. Ég hef alla jafna litið svo á að fólk sem talar um hluti sem það hefur ekki vit á, sé ekki þess virði að á það sé hlustað, en núorðið er fólkið sem hlustar og tekur mark á því sem þessir spekingar segja, af mjög svipuðu sauðahúsi og ræðumenn.
Vonandi var þetta ekki of mikil langloka
Bestu kveðjur
SteinmarP.S.
Líklega er hægt að ræða þetta út í jafnmikinn hörgul og misjöfn gæði bílategunda.
