Forum Replies Created
-
AuthorReplies
-
25.11.2013 at 21:30 #44016425.11.2013 at 20:59 #440162
Sæll
Ég skal reyna að hafa upp á því sem er til um þessar miðstöðvar, ég veit hvaða miðstöð þetta er þegar þú talar um kaffibrúsa-útlitið.
Þetta samanstendur af nokkrum hlutum:
1) Hitabrúsinn
2) Vatnsdæla (hringrásardæla)
3) Olíudæla (eldsneytisdæla)
4) Stýribox
5) KlukkaÞetta er svona það helsta sem ég man eftir, en við sjáum til hvað verður hægt að grafa upp.
Sjálft húsið hitnar ekki svo mikið, verður kannski ylvolgt, en afgasrörið snarhitnar.Kv. Steinmar
25.11.2013 at 10:36 #440132Hvaða týpa af Ardic er þetta ?
Bílabúð Benna seldi þessar fýringar um tíma og ég fékk þjálfun í ísetningu, bilanagreiningu og viðhaldi á þessum miðstöðvum. Ég gæti útvegað upplýsingar, nú eða kannski hjálpað á einhvern annan hátt.
Kv. Steinmar
15.07.2013 at 18:59 #766797Sæll
Það voru til 2 mismunandi gerðir hásinga og drifa í Musso; önnur gerðin fra Dana og hin fra Ssang Yong og það er EKKI hægt að nota hluti úr annarri yfir í hina gerðina.Til að fá sem gleggstar upplýsingar um hvernig er hægt að þekkja þetta í sundur, mæli ég með símtali til Bílabúðar Benna og þú biður um að fá að tala við Tóta (gamla) í varhlutum.
Kv. Steinmar
02.06.2013 at 19:36 #766285Sælir félagar
Nú er ég ekki mikið fyrir að blanda mér í svona mál vegna búsetu minnar, en; er ekki málið að vanda valið og velja það sem best hentar aðstæðum hverju sinni ?
Steni klæðningin hefur enst mjög vél á Setrinu, en það þýðir ekki að það megi ekki íhuga aðra möguleika. Það að hafa allt í sama stíl eða lit, gefur ekki endilega skemmtilegustu sýnina þegar komið er upp á hólinn…Persónulega finnst mér valið standa á milli þess að velja eitthvað sem er EINS, eða að velja eitthvað sem kostar ekki hvítuna úr augunum, en gæti enst jafnvel. Við megum ekki missa okkur þegar kemur að því að láta Klúbbinn borga… klúbburinn erum við og peningarnir koma frá okkur og þeim sem á undan hafa komið.
Bárujárn (aluzink) hefur reynst vel á Íslandi, og það hefur Steni líka gert. þetta er spurning um að velja af skynsemi og með tilfinningu fyrir umhverfinu, en ekki að gleyma því að einsleitni er ekki endilega það sem við sækjumst eftir…
Með kærri kveðju
Steinmar R191
31.03.2013 at 14:46 #764985Sæll Gísli
Prófaðu að tala við Tóta (Þórarinn G. Guðmundsson)í varahlutasölunni hjá Bílabúð Benna, hann er lílegur til að geta upplýst þig eða beint þér í rétta átt.Kveðja frá DK
Steinmar
09.09.2012 at 19:56 #757337Sælir félagar
Ég las lauslega í gegnum 46.grein og tók eftir að þar er talað um Hornstrandir í tengslum við "Víðerni". Í gamla daga, þegar Hornstrandir voru byggðar fjölda fólks, hefði þá nokkrum manni dottið í hug að skilgreina svæðið sem víðerni ? Eða þjóðgarð ?
Er þetta fólk sem er að "skipuleggja framtíðina" í nokkru standi til að segja til um það hvernig landnýting ÞARF að vera eftir 100 ár ? Þá veit enginn nema að það þurfi hreinlega að nota víðernin til búsetu ! Hvernig verður þá brugðist við ?
Bara svo það sé á hreinu; ég er ekki fylgjandi hafta eða stjórnunar-stefnu, hvorki af hendi stjórnvalda eða hagsmunasamtaka, en vil aftur á móti leggjka ríka áherslu á fræðslu og kynningu lands og náttúruauðlinda, sem aftur stuðla að "bættri" umgengni fólks um náttúruna ásamt virðingu fyrir náttúru og fólki.
Eins mikið og ég vil fá að njóta einveru í náttúru Íslands, verð ég að gera ráð fyrir að fleiri séu sama sinnis og ekkert nema gott um það að segja en í þessu samhengi verður að gilda það sama og í daglegum samskiptum fólks; gagnkvæm virðing, bæði fyrir náttúru og náunga. Það er nokkuð sem ekki kemst á með lagasetningu eða sektum, heldur með fræðslu og sú fræðsla þarf að byrja í vöggu.
Ef þeir sem rugga vöggunni eru hvor á móti öðrum verður gatan til framtíðar grýtt og torfær.Kv. Steinmar
07.09.2012 at 17:17 #757323Ef við skilgreinum "víðerni" sem einhvern stað sem er ósnertur, er það þá ekki staður sem enginn hefur komið á ?
Hvernig í ósköpunum ætla menn að skilgreina hugtök ? Hugtök eru jú eitthvað sem hver einstaklingur getur lagt mismunandi skilning í og það er hlutur sem lagasetning getur aldrei nokkurn tíma túlkað.Ef við skoðum aðeins hvernig notendur vélknúinna faratækja "eiga" að haga sér í nágrenni vegafrenda sem annaðhvort ferðast á skíðum, reiðhjólum eða gangandi, þá hlýtur það að valda minnstu ónæði að fara hjá á sem skemmstum tíma og ef einhver á að stoppa er það labbakúturinn, skíðamaðurinn eða sá sem nota rúgbrauðsmótorinn, frekar en sá sem fer hraðast yfir.
En, hvað sem öðru líður, þá er nóg pláss fyrir okkur öll, óháð ferðamáta og ef einhver heldur sig eiga forgang er það helber misskilningur, það er enginn einn ferðamáti rétthærri en annar.
Kv. Steinmar
20.08.2012 at 18:44 #756743Nú er ég ekki kunnugur Skóda, en hef lent í svipuðu vandamáli með Mözdu 626, sem reyndar er kominn rétt yfir 300 þús. km.
Ég skipti um diska og klossa, gerði upp báðar bremsudælur að framan (skjálftinn var að framan) en ekkert virkaði til batnaðar. Svo var einn daginn að ég fór með felgujárn undir bílinn og prófaði að spenna til hjólspyrnunar (wishbone). Þá kom í ljós að gúmmíin í þeim voru orðin slitin og ég einfaldlega skipti um spyrnurnar og bíllinn hefur ekki skolfið neitt eftir það og það gildir einu hvort maður er að bremsa niður innanbæjar eða á hraðbrautunum hér í kring (Horsens, Danmörk).
Nú er þinn bíll ekki mikið keyrður, en athugaðu spyrnugúmmi og eins hvort bremsustimplar eru farnir að stífna ásamt því að athuga hvort dælurnar færast átakalaust fram og tilbaka á pinnunum/boltunum.Kv. Steinmar
14.05.2012 at 07:23 #739893Sælir félagar
Þetta er flott og vel gerð svargrein, enda ekki við öðru að búast frá frábærri tækninefnd. Takk kærlega fyrir þetta strákar.
Kv. Steinmar
12.05.2012 at 19:02 #739883Ég var að enda við lesa greinina í blaði FÍB og mér er skapi næst að segja að annan eins lestur hafi maður ekki séð í áraraðir. Það er engu líkara en þessum Meistara sé ekki kunnugt um þær reglur sem gilda um breytta bíla og þær kröfur sem þeir verða að uppfylla. Hann talar um að breytingar á stýrisbúnaði séu framkvæmdar án alls eftirlits; allar breytingar þar að lútandi þurfa að vera vottaðar og jafnvel röntgenmyndaðar.
Þó svo að einhverjum kappaksturskalli þyki undarlegt að sjá breytta jeppa á Íslandi er það ekki næg ástæða til að frussa út úr sér vanhugsuðum yfirlýsingum sem stangast algjörlega á við þann veruleika (lagaumhverfi) sem við þekkjum þegar kemur að skoðun breyttra jeppa og þeim kröfum sem gerða eru til breyttra ökutækja á Íslandi.
Kv. Steinmar
22.12.2011 at 07:58 #744015Við fáum okkur bara eina kollu eða tvær, næst þegar leiðir okkar liggja saman Hlynur. Jú ég bý í Skattaparadís Þórhildar og geri ráð fyrir að vera þar eitthvað lengur. Stöku sinnum á ég erindi til landsins, en veit ekki hvenær ég verð þar næst.
Kveðja
Steinmar
21.12.2011 at 21:09 #744569Þetta er virkilega snyrtilegt og vel fram sett andsvar við dylgjum þjóðgarðsvarðar.
Kv. Steinmar
21.12.2011 at 21:03 #744011[quote="Hlynur":jjcfinjy]Þetta gátu þeir.
Óheppnir þið sem vilduð ekki veðja
Reyndar frétti ég það, að þeir höfðu ný för eftir ein 6×6 Ford til að elta og keyra í á pólinn. Annar af bláu 6×6 Fordunum sem Gunni breytti var sendur á pólinn til að rúnta um með forsetisráðherra norðmanna, sem var þar staddur. Þannig að samanburður á þessum ferðum er ekki sanngjarn.
Svo maður sé nú samkvæmur sjálfum sér, þetta eru bara aumir faramenn…
Góðar stundir[/quote:jjcfinjy]
Humm, ég bauð þér eina kippu af Grolsch með smellutappa, en þú mátt alveg eiga hana…
14.12.2011 at 22:19 #744199Góður pistill og lýsir í stuttu máli Ferðamanninum…
Kv. Steinmar
13.12.2011 at 18:21 #743965[quote="Hlynur":3su034fo]Engin sem vill veðja ?
:-)[/quote:3su034fo]
Ég get nurlað saman fyrir einum 6-pack af Grolsch með smellutappa. Ekki það að ég hafi trú á því að þetta gangi hjá þessum köllum, en ég má ekki vita af þér þurrbrjósta.Kveðja
Steinmar
11.12.2011 at 13:31 #742931Eftir að vera búinn að lesa megininntak 6. kafla fann ég nokkurskonar útskýringu á orðinu "vistkerfisnálgun":
”Vistkerfisnálgun fylgir einnig að víðtækt samráð er haft við alla hagsmunaaðila
og almenning þegar teknar eru ákvarðanir um nýtingu og stjórn auðlinda og
náttúruvernd. Á síðustu árum hefur verið lögð síaukin áhersla á þátttöku almennings
í töku ákvarðana um umhverfismál og í samræmi við það settar reglur til að
tryggja aðgang að upplýsingum. Hér á landi gilda um þetta lög um upplýsingarétt
um umhverfismál nr. 23/2006. Markmið þeirra er að tryggja almenningi aðgang
að upplýsingum um umhverfismál, sem stjórnvöld hafa yfir að ráða eða geymdar
eru fyrir þeirra hönd, til að stuðla að sterkari vitund um málefni á umhverfissviði,
frjálsum skoðanaskiptum og aukinni þátttöku almennings í töku ákvarðana um
umhverfismál. Upplýsingar sem lögin taka til varða m.a. ástand afmarkaðra þátta
umhverfisins, til dæmis vatns, jarðvegs, lands, landslags og náttúruminja, líffræðilegrar
fjölbreytni og þátta hennar, og samspil milli þessara þátta. Einnig ráðstafanir
í tengslum við stefnumótun, löggjöf, skipulags- og framkvæmdaáætlanir og
samninga á sviði umhverfismála.”Þarna er farið fögrum orðum um samvinnu, upplýsingaaðgang og skoðanaskipti við almenning. Minna virðis samt vera gert af hálfu stjórnvalda að fara eftir þessu.
Eins og Jón Snæland benti á eru sumir hlutar Hvítbókarinnar fyrir utan okkar hagsmuna/áhrifasviðs en samt tel ég rétt að sem flestir lesi í gegnum tekstann, þó ekki væri nema á hundavaði. Ég er að lesa þetta í smáskömmtum, þar sem ég er frekar tímabundinn við gerð lokaverkefnis í námi, en ég geri það sem ég get.Kveðja
Steinmar
11.12.2011 at 12:53 #742929Eftir að hafa lesið 5. kafla Hvítbókar, gerði ég eftirfarandi samantekt á niðurstöðum kaflans. Mér þætti vænt um að fá feedback á skrifin og endilega að bæta við ef menn sjá gloppur og glufur, sem sjálfsagt er nóg af.
5. Kafli Hvítbókar Umhverfisráðuneytisins
Tilvitnun í samantekt 5. Kafla ásamt athugasemdum skrifara
<em>„Draga má saman helstu sjónarmið sem felast í þeirri stefnumótun og áætlanagerð
sem gerð hefur verið grein fyrir hér að framan þannig að lögð sé áhersla á eftirfarandi
þætti:
1. að vernda beri það sem er sérstætt og fágætt í íslenskri náttúru,
2. að vernda beri líffræðilega fjölbreytni,
3. að leggja þurfi aukna áherslu á vistkerfisnálgun,
4. að efla þurfi kortlagningu náttúrunnar og greiningu vistgerða
5. að efla þurfi rannsóknir og vöktun,
6. að tryggja beri möguleika almennings til að njóta náttúrunnar,
7. aukin áhersla á jafnvægi verndar og nýtingar náttúruauðlinda,
8. að tryggja beri að nýting lands, lífríkis og annarra auðlinda sé sjálfbær,
9. að tryggja þurfi öryggi gagnvart dreifingu erfðabreyttra lífvera og ágengra
framandi tegunda.</em>Þessi upptalning sýnir að stefna stjórnvalda einkennist í auknum mæli af náttúruhyggju
þar sem lögð er áhersla á vernd og þróun náttúrunnar á eigin forsendum
hennar. Ofangreindar áherslur endurspeglast í þeim framkvæmdaáætlunum
sem mótaðar hafa verið á síðustu misserum þar sem m.a. er hugað sérstaklega að
vernd víðerna, landslags og sérstæðra jarðmyndana og vistgerða á hálendinu og
vernd og endurheimt votlendis og birkiskóga. Þar má einnig greina aukna áherslu
á fyrirbyggjandi aðgerðir og skráningu og útfærslu viðmiða til að tryggja markvissa
vernd. Í þessu sambandi er einnig rétt að minna á sérstakar aðgerðaáætlanir
umhverfisráðherra annars vegar um akstur utan vega og um útbreiðslu, varnir
og nýtingu lúpínu og skógarkerfils.”
1. Það er óumdeilanlegt að full þörf er á verndun þess sem sérstætt getur talist og er fágætt í Íslenzkri náttúru. Þar aðhyllist ég persónulega aðferðafræði Hellrannsóknafélagsins; staðsetning hella er ekki gefin upp, það er eina leiðin til að koma í veg fyrir skemmdir á náttúrumyndunum. Við vitum öll að vonlaust er að loka fyrir aðgang að landssvæðum, það er einungis til að hleypa illu blóði í fólk.
2. Líffræðileg fjölbreytni er víða til staðar, en þó síst á miðhálendinu, þar þrífast aðeins jurtir sem hafa aðlagast veðurfari og jarðvegi viðkomandi svæða. Hafa ber í huga að flestar plöntur á hálendinu eru ákaflega viðkvæmar fyrir öllum ágangi manna, dýra og farartækja. Skoðum aðeins eftirfarandi:
Hvað erum við að gera í skógrækt ?
Hvað með lúpínuna ?
Í báðum tilvikum erum við að hafa bein áhrif á lífríkið með því að planat trjám og dreifa fræjum, en allt í nafni umhverfisverndar.
3. Hér verð ég að játa mig sigraðan; ég veit ekki hvað þetta orð „vistkerfisnálgun“ þýðir.
4. Til að geta sett lög og reglur verður vera sterkur bakgrunnur fyrir lagasetningum, sem og fræðilegur grunnur. Er ekki ráð að efla þennan þátt áður en lög og reglur sem flestir eru ósáttir við, eru sett ?
5. Hér bendi ég á 4. lið. Vöktun er kannski svolítið í ætt við rannsóknir ?
6. Að tryggja almenningi möguleika á að njóta náttúrunnar!!! Þetta ætti í raun að vera hornsteinn náttúruverndarlaga; náttúra sem enginn sér eða getur notið er einskis virði.
7. Það virðist frekar vera stefna stjórnvalda í dag að friða náttúruna til að koma í veg fyrir alla nýtingu.
8. En svo á að samræma nýtingu og friðun; þessi kafli býður upp á nokkrar (margar) þver- og mótsagnir.
9. Hvernig tryggir maður öryggi gegn dreifingu utanaðkomandi jurta (lúpínu) ? Einfaldasta leiðin væri algjört bann við dreifingu fræja sem og að uppræta viðkomandi tegundir.
a. Velkomin í sandbyl á Mýrdalssandi
b. Einu sinn var Skógarsandur svartur, en það breytist hratt
Þetta eru mínar hugleiðingar varðandi 5. Kafla Hvítbókar. Það er hægt (að einhverju leiti) að lesa inngang og samantekt hvers kafla til að gera sér grein fyrir raunverulegu innihaldi.Kveðja
Steinmar
07.12.2011 at 21:31 #742905Það er náttúrulega einfaldast að banna allt, það einfaldar alla stjórnsýslu….
En að öllu gamni slepptu;
Fær stjórn klúbbsins ekki að koma nálægt nokkrum sköpuðum hlut í þessu ferli ?
Er klúbburinn hafður algjörlega útundan ?
Skyldi það vera vegna þess að klúbbmeðlimir eru ekki jábræður umhverfisráðherra ?
Við hvað eru stjórnvöld hrædd ?
Hverjir hafa tangarhald á möppudýrum umhverfisráðuneytisins ?Ég aðhyllist náttúruvernd, en eins og maðurinn sagði; fyrr má nú rota en kviðslíta. Hættan er sú að þegar búið er að setja boð og bönn einu sinni, er oft ansi erfitt að fá hróflað við þeim seinna meir.
Í Svíþjóð er hverjum manni leyfilegt að ferðast um landið, óháð eignarhaldi, svo framarlega sem ekki hlýst tjón eða ónæði af. Sömu reglur ERU í gildi á Íslandi, ennþá.
Í ríki Þórhildar gilda aðrar reglur; þar má enginn ferðast yfir land í eign annars nema að fengnu leyfi landeiganda, sveitavegir eru margir í einkaeigu og umferð um þá bönnuð nema með leyfi eiganda, skógarnir eru margir í einkaeigu en vegna sérstakrar lagasetningar er umferð heimil um flesta skóga, en strangar reglur gilda um vernd náttúrunnar, t.d. máttu ekki tína sprek, blóm eða sveppi í skógum í einkaeign, eða á nokkurn hátt nýta þér gæði skógarins til eigin hagsmuna/framdráttar. Sömu sögu er að segja um Jósku "heiðarnar" sem er lítið spillt heiðarland sem liggur á hæstu hryggjum Mið-Jótlands. Það hefur lyngið verið friðað í áraraðir og er svo komið að það er að hverfa í gras!!! Það er vegna þess að þar er engin beit eða áníðsla sem heldur lífi í lynginu. Það skortir umferð!!!Nóg um útlönd; Íslendingar verða að hugsa um sitt eigið land á forsendum landsins, ekki erlendra lagasetninga. Skynsamleg stjórnun umferðar er einungis af hinu góða. Svo er aftur spurningin um hvernig "skynsamlegt" er skilgreint. Það má samt ekki gleymast að hefðir er erfitt að brjóta og það er mörgum okkar í klúbbnum í blóð borið að geta ferðast um allt land, allan ársins hring, með fullri virðingu fyrir náttúrunni og þannig viljum við hafa það í framtíðinni.
Ég veit svo sem ekki hvað ég get gert til hjálpar frjálsu ferðafólki, til að vernda þann rétt sem mér finnst ég og aðrir landsmenn vera fæddir til að njóta. Það þarf samt að vera þannig að við eigum í vændum framtíð þar sem við getum sýnt börnum okkar og barnabörnum landið sem við elskum og berum virðingu fyrir, með berum augum, hallandi sér fram í vindinn, þurrkandi rigninguna af gleraugunum, berjandi sér til hita og baðandi sig í heitum laugum á framandi stöðum.
Landið er ekki vermætt á myndum eða í sjónvarpi, heldur fyrst og fremst af eigin reynslu. Ekki útiloka komandi kynslóðir frá því að upplifa Íslenska náttúru af eigin raun, óháð ferðamáta.
Höfum eftirfarandi í huga: Segðu mér og ég gleymi, sýndu mér og ég man, láttu mig gera og ég kann…Ég er ekki í neinni aðstöðu til að dæma um það hvort stjórnin er að vinna í málunum eða ekki, en ég á bágt með að trúa því að þessi mál séu látin reka á reiðanum. Það er ekki nóg að krefjast aðgerða af hálfu annarra ef maður vill ekkert gera sjálfur, en allt aðhald er af hinu góða.
Með jólakveðju frá Danmörku
Steinmar
02.11.2011 at 19:47 #739957Ég hef fylgst með þessari umræðu frá byrjun og er gaman að sjá hversu víða menn fara. Það sem ég hef kannski helst til málanna að leggja er það að vera sammála Árna Alfreðssyni. Það er hverjum jeppamanni nauðsynlegt og ætti að vera krafa um, byrja jeppamennskuna/ferðamennskuna á litlum lítið eða óbreyttum bíl.
Þannig byrjaði ég sjálfur á Lödu 1200 árg. 1974. Eftir því sem buddan þykknaði og áhuginn ókst, stækkuðu ökutækin og urðu öflugri. Á gömlum Rússajeppa á 36" dekkjum taldi maður sig færan í flestan sjó og sömuleiðis á 1960 módelinu af MB Unimog á 33" dekkjum (900-20)
Þessir bíla voru notaðir til ferðalaga allt árið um kring, þó mest í námunda við heimahagana (höfuðborgarsvæðið). Seinna komu alvöru trukkar eins og Ford F-250 med Bedford díesel og 37" dekk. Sá var notaður mikið í Mörkina og fleira slark, enda á þeirra tíma mælikvarða mjög öflugur bíll.
Seinna komu svo öflugri heimasmíðaðir bílar eins og Mazda B2600 pallbíll á 44" dekkjum með V8 benzínmótor. Samt var þarna á milli bíll sem varð þekktur í þröngum hópi sem "öflugasti bíllinn". Þar var á ferð Lada Sport á 32" dekkjum með lægri drif og lægri hluföll í gírkassa (til að nýta vélaraflið betur). Sá bíll reyndist vel í allskonar slarki bæði í krapa og þaðan af lakara færi.
Það hefur nú alltaf staðið til að setja inn myndir af þessum ökutækjum en alltaf hefur eitthvað orðið til þess að ekkert hefur orðið úr verki.
Það að það "þurfi" ofvaxinn mikið breyttann trukk til að komast út í búð, er náttúrulega út í hött, maður reynir að gera sitt besta með það sem maður hefur í höndunum hverju sinni, 44" Patrol eða gamall Zetor með fjórhjóladrifi skiptir ekki máli ef maður getur gert það sem til stóð.Kv. Steinmar
-
AuthorReplies