Forum Replies Created
-
Replies
-
Ég tel það nokkuð öruggt að allar þessar "leikfangastöðvar" sem seldar eru á bensínstöðvum, Europris, Hagkaup, Elko og Rúmfatalagernum séu allar 8 rása og á sama tíðnisviði. Það sem er mismunandi eru óhljóðin sem er hægt að senda á milli stöðva sem "call". Ég hef heyrt allan andskotann á þeim stutta tíma sem ég reyndi að nota þetta.
Annars er mjög gaman að stríða bensínafgreiðslufólki með þessum tækjum. "25 lítrar af mótorolíu á Yaris á dælu 5"
Ég keypti svona stöðvar á Esso á einhverju tilboði fyrir löngu, kostuðu minnir mig 1500 kall og einhverja safnpunkta. Ég hef notað þær 2svar og kem ekki til með að nota þær aftur. Þvílíkt og annað eins aflóga drasl hef ég aldrei séð, mæli með því að menn vandi valið í þessum Uhf stöðvum og fari frekar í þektari merki eins og Cobra og Midland.
ALLS EKKI kaupa þetta sem Esso var að selja.
Svo er einn möguleikinn enn að setja á tankinn eins og kostaði fyrir þungaskattsbreytingu af diesel og fylla svo upp með ókeypis biodiesel úr bílskúrnum. Með því þá hækkar frostþolið á biodieselnum og orkuhlutfallið.
Það væri munur að tanka fyrir 4000 kall aftur.
Það myndi hjálpa mikið ef að þú tækir það fram hvernig bíl þú ert að spá í að setja lás í.
Dana 60 og 5,86:1 hlutföll.
Ef að menn eru forvitnir þá rúlla þeir bara framhjá honum þar sem hann stendur að öllu jöfnu. Heimilisfangið hans er í prófílnum hans.
https://old.f4x4.is/new/profile/?file=3559
Það er rétt hjá Ingimundi, þú verður að taka skinnuna sem liggur á milli kerta í burtu og Ohm mæla hvert kerti fyrir sig. Mælir á milli pinnans í kertinu og niður í boddý á kertinu eða hedd. Þú átt að fá einhverja X mótstöðu sem er mismunandi á milli kerta en ef að þú mælir ekki neitt þá er það ónýtt.
Byrjaðu að laga til allt þetta litla og ódýra áður en þú ferð að rífa spíssana úr og fara með þá í yfirhalningu. Eins getur verið gott að fá upplýsingar um hvar er hægt að mæla glóðarkertatölvuna ef að ekkert annað virkar.
Það er því miður ekki til nein töfralausn á lélegum dísum, það eina sem þú getur gert er að láta skipta um þær.
Hringdu í Framtak í hafnafirði og tékkaðu á þessu.
Getur verið Ási að IROK’inn sé byggður upp með aðrar forsendur í huga heldur en fyrverandi Super Swamper dekk. Getur verið að gúmíblanda og byggingarlag dekksins henti einfaldlega ekki okkur sem keyrum á mjög lágum loftþrýstingi í lengri tíma?
Ef að svo er þá er ég svekktur því að ég hafði jafnvel hugsað mér að kaupa svona gang næsta sumar því að ég hef ekki séð þessi dekk gera neitt annað en góða hluti bæði í snjó, sandi og drullu. Ég lennti einmitt í því í sumar að eyðileggja 35" BFG AT dekk vegna úrhleypinga og ykkur til hrós þá voru það prófesorarnir í GVS sem benntu mér á það að dekki var vírslitið og rukkuðu ekki fyrir að reyna að balancera það. En það skildist mér að væri ekkert einsdæmi með þau dekk. Leiðinlegt fyrir þá sem hafa keypt sér 37" IROK til að nota á sumrin og þurfa svo að skipta strax við fyrsta snjó yfir á vetrardekkin afþví að það er ekki þorandi að hleypa úr.Ég vona bara að þessi dæmi sé einhver spes tilfelli bæði ykkar vegna og jeppamanna því að það tæki mjög gott dekk út sem valmöguleika.
Hvernig brúsar eru þetta sem maður fær hjá Agli Skallagríms. Er þetta eitthvað í líkingu við ekta bensínbrúsa eða bara 20L dunkur.
"svo að lokum það mindast ekki salli í dekkjum nema það komi eitthvað fyrir…."
Ég má til með að leggja mitt á vogarskálarnar hérna. Það vill svo skemmtilega til að ég var að vinna á verkstæði sem þjónustaði yfir 60 ökutæki hérna í reykjavík sem eru lang flest hvít með fallegum borðum eftir hliðini. Í yfir 3 ár sá ég um allt viðhald og þar á meðal dekkjaskipti ásamt vinnufélögum og svona salli eins og þið talið um í dekkjum er eitthvað sem ég sá oftar en einu sinni.
Þeir bílar sem komu oftast inn voru bílar sem maður þekkti eins og handabakið á sér og þeir voru ekki að koma með dekkja vandamál. Maður sá þetta frekar í vetrardekkjum en sumardekkjum, afhverju veit ég ekki.Þannig að þessi fullyrðing þín Ási er ekki alveg rétt.
P.s.
Ég er EKKI dekkjasérfræðingur en hef smá reynslu.
Var ekkert betra færi uppá jökli?
Ertu búin að skoða öll öryggi undir mælaborði og fram í húddi, líka stóru stofnöryggin sem eru boltuð í?
Ef að það er allt í lagi þá áttu sjálfsagt við jarðsambandsvandamál að stríða og þá færðu alla mína vorkun. Eitthvað af ljósarelayum eru staðsett fyrir ofan öryggjatöfluna bakvið vinstra kick panelið. Ef að framtíðin er svört þá er gott ráð að fjárfesta í Haynes manual í Bílanaust, mikið af góðum fróðleik þar sem getur sparað mikin tíma.
Nú afhverju ekki, ertu með eitthvað á samviskuni.
Ég sá ekki betur en það á þessari síðu sem var gefin upp í fyrstu þráðunum að það væri boðið uppá fyrirframgreidd kort frá $650 og uppúr.
Ef manni er ekki einu sinni gefin séns á að útskýra mál sitt með það að það finnist litarefni í olíuni þá má passa sig ef maður fær lánaðan brúsa af olíu á fjöllum. Er einhver leið að sjá það á olíuni sjálfri hvort hún er lituð eða ekki þegar maður hellir henni á.
Gaman að því þegar klakinn talar um að planið hjá Jeppaþjónustuni sé fullt af pajeroum. Ég hef nefnilega mjög gott útsýni yfir það þegar ég er að bóna pæjuna og fara í miðstöðvaraufarnar með eyrnapinna og það er að jafnaði fullt af brotjárnshaugum frá IH sem þurfa að setja í lága drifið til að komast inn á gólf. Svo koma þeir út á nýjum túttum og falla á skuggann af hálfbreyttum pæjum sem bera af þegar þær sjást þar.
Hérna um árið var talað um að Double Cab eigendur væru með þolinmæðispillur í hanskahólfinu en ég sé það núna að það þarf að framleiða veruleikapillur fyrir patrol eigendur.
Á ferðum mínum ég eitt sinn sá
Hedd og stimpla og brot úr gaffli
patrol brak í reykjarkófi
fastur fremst í skafli.
Að heyra þetta frá Patrol eiganda fær mann til brosa. Við pæjueigendur getum þó allavegna tekið skaflana á ferðini annað en sumir. 😉
ætlar að gefa kjölsvíninu og setja vacuum í poka?
P.s
Það þarf ekki að draga pæjur, þær eru með bakkgír sem má nota ef allt rekur í stopp.
Eftir því sem ég fæ best séð þá eru þessi síuhús í Pajero og Toyota mjög lík og kæmi ekki á óvart ef að það væri hægt að mixa þau á milli. Einstreymislokinn er í húsinu á toyotuni og er að mig minnir ekkert merkilegra en kúla og gormur. Væntanlega eins í pæjuni.
