Forum Replies Created
-
Replies
-
Þessi ventill opnar í 18psi og er til þess að passa það að þú sprengir ekki vélna. Ef þú vilt taka sénsinn og láta túrbínuna blása meira en það þá þarftu að taka þetta úr og setja tappa í gatið.
N1 við Gagnveg í grafarvogi var með svona inniaðstöðu, held að það sé ennþá í boði.
Ég get staðfest það að svona 4D56 er talsvert þyngri en ’72 módelið af Ford 302 sem er bara komin með álmillihedd, allt annað er pottur. Allavegna stendur Pajeroinn í það minsta 6-7cm hærri að framan en hann gerði.
Xenon perur gerfa frá sér margfalt meiri UV geislun en halogen perur og eru þarafleiðandi best geymdar í ljóskeri sem er úr gleri eins og linsur á nýjum bílum. Það er ekki af ástæðulausu að bílaframleiðendur notast bara við þannig búnað þegar þeir bjóða uppá Xenon, fyrir utan einstaka Cadillac og Lincoln. En hvort að plastljósin verði að kornflexi áður en bíllinn drepst er annað mál. Eflaust duga nýleg ljós ótrúlega lengi með svona perum og sjálfsagt ekkert til að hafa teljandi áhyggjur af, það eiga að vera til perur húðaðar með einhverju efni sem stoppar útfjólubláa geislun upp að einhverju marki. Bara versla við Benna og þá er þetta ekkert vesen ef einhverju þarf að breyta eða skipta út, það er nefnilega styttra norður en til kína þó það séu ekki allir sammála því.
Það er mun meiri útfjólublá geislun af Xenon perum heldur en venjulegum halogen og með tímanum þá grillar það allt plast. En þar sem tíminn er afstæður og bílar verða ekkert sérstaklega gamlir þá er sjálfsagt ekkert til fyrirstöðu að nota Xenon í staðin fyrir H4. Reyndu bara að fá peru með hlíf fyrir háageislan svo þú blindir ekki alla sem þú mætir í myrkrinu. Einhvarstaðar sá ég líka svona hlíf til að smella á peruna til að taka háa geislan út.
[quote="gudbjorng":20enxzzn]En myndi þá ljósið koma lika .
kv Guðbjörn[/quote:20enxzzn]Ef að það er bara einn póll á skynjaranum þá er sjálfsagt einhver elektrónik sem kveikir ljósið eða annar skynjari, en ljósið ætti að koma á þegar engin þrýstingur er.
Gæti þetta ekki bara verið mælirinn sem er bilaður, furðulegri hlutir hafa nú gerst. Ef þú finnur sensorinn fyrir vélahlutann og jarðtengir vírinn þá ætti mælirinn að fara í botn. Svo getur verið að sá skynjari sé ónýtur.
Hvernig er að nálgast spólur og fætur fyrir stangirnar í dag, er einhver að selja þetta eða þarf maður að kynda undir smiðjuni og fara að föndra sjálfur.
Gaman að sjá hvernig þessi umræða er að þróast, HF stöðvar og stór loftnet er eitthvað sem verður að vera á öllum alvöru fjallajeppum. Svo að vera með eitthvað eins og þessa Icom IC-7000 stöð er eitthvað sem setur dótastuðulinn í nýjar hæðir, maður þyrfti jafnvel að taka eitthvað af ljósum af bílnum til að vera ekki með hann í öfgum.
Þetta er örugglega alveg jafn mikið vandamál og að setja sjálfskiptingu í hvern annan beinskiptan bíl.
– Þú þarft annan startkrans eða flexplötu eins og það er kallað.
– vatnskassa fyrir sjálfskiptan,
– lagnir á milli vatnskassa og skiptingar,
– sjálfskiptingu og convertor (auðvitað),
– eitthvað drasl til að koma honum úr parki í D eins og skiptistöng og tilheyrandi úr eins eða samskonar bíl
– Gætir lennt í því að þurfa að breyta sköptum ef skiptingin er lengri eða styttri
– Í sumum bílum er annar millikassi fyrir sjálfskiptu bílana með stöngina öfugu megin miðað við beinskipt.Það erfiðasta er semsagt að koma sér að verki, ef að Toyota gamli getur sett saman svona lagað þá getur þú það.
Það mætti laga nokkur atriði til að gera myndaalbúmið aðgengilegra þeim sem þjást af tölvulesblindu.
Til dæmis mætti stækka aðeins letrið á efstu skipununum eða gera þær meira greinilegar, breyta ‘Your Album’ yfir í ‘Albúmið Þitt’ eða ‘Mappan þín’. Jafnvel mætti breyta þeim í hnappa sem væru upphleiptir. Eins væri gott að breyta þýðinguni þannig að fyrsta stopp kallist ‘Albúm’ og öll albúm þar innan kallist ‘Möppur’ eða eitthvað álíka, svona smáatriði geta gert gæfumuninn í allri umgengni við myndaalbúmið.
Það mætti líka setja skipanir eins og Add item sem hnapp í röðina þar sem fellilistinn er með öllum skipununum og setja þá mest notuðu skipanir þar eins og slideshow og Add comment. Það er nokkuð ljóst að mjög fáir setja inn Tag við myndirnar sínar þannig að það ásamt rest af skipunum gæti verið í svona fellivalmynd.
Vandamálið virðist ekki vera að albúmið sé erfitt í notkun heldur að þessar grunnskipanir sem maður notar til að setja inn myndir eru ekki þýddar á íslensku og ekki á nógu áberandi stað.Annars mæli ég með því að menn setji upp hjá sér Picasa eða eitthvað af þessum forritum sém styðja innfluting í Gallery 2 og noti það þá bara fyrir jeppa og ferðamyndirnar sínar. Það er svo lítið mál að velja og vinna myndir, merkja og setja texta við þær í svoleiðis forritum og svo gubba bara öllu draslinu inn í einni ferð og taka kanski einn Sudoku eða Kapal á meðan.
Það þurfa allir að leggja eitthvað smá á sig til að ná málamiðlun með myndaalbúmið og það á ekki bara við um vefnefndina heldur líka þá sem ekki skilja upp né niður í þessu.
Ef þú getur notað úr Hilux þá getur verið að ég eigi eina lítið notaða handa þér. Ég skal róta í haugnum á morgun og athuga hvort hún er ekki örugglega enþá þar.
[quote="ingi2bio":25ylks10]Já Volvo B230, hún er ekkert að standa sig illa helst til þyrst stundum en ég ætla að skipta út þessu SU blöndungsdóti fyrir venjulegan tveggjahólfa af hinni Vovlovélinni sem ég á og þá lagast eyðslan eitthvað.[/quote:25ylks10]
Eins og nokkrir hafa skrifað hér að framan þá fer það mikið eftir bílnum og vélini hvort sjálfskiptingin sé betri en kassi, ég er algjörlega sammála þeim og að því gefnu væri best fyrir þig að finna þér B230E vél úr 240 bíl, ca árgerð 89-91. Þá ertu komin með grófa mynd af innspýtingu sem ekkert óþarfa vírarrusl fylgir, vél sem er gangvissari en andskotinn, minni eyðslu en á K vélini og mun sprækari og duglegri vél.
Ef maður leitar aðeins þá er hægt að fá svona gamla volvo jálka fyrir skít og ekkert þessa dagana og í langflestum tilfellum er kramið í góðu lagi þó það sé keyrt fyrir allan peninginn.
Eru ekki flestir af þessum jeppum sem við notum með internal wastegate, ég man ekki eftir því að hafa séð hilux, pajero eða patrol öðruvísi en með þessum hefðbunda 3gja bolta flangs og einu röri. Svo getur það verið vitleysa í mér.
Fyrirgefðu Elli en maður verður pirraður þegar það sem maður skrifar í góðri trú um að vera hjálplegur þeim sem spyr í upphafi er viljandi misskilið og kryddað með ímyndun og minnimáttarkend til þess eins að koma svona löguðu af stað. Sumir eru því miður duglegri við það en aðrir.
[quote="brjotur":1j1mdma0]haha ég ólst upp á dráttarvélum svo ég held að þú kennir mér ekki neitt[/quote:1j1mdma0]
Gott að sjá að þú hefur haldið þig við dráttarvélarnar síðan.
[quote="brjotur":2hk6xgxs]já Stebbi menn komast nú yfirleitt í förunum á minni dekkjunum 😉
Alltaf jafnfyndið að lesa þessi komment….. ég kemst allt á litlu dekkjunum og þarf ekki stór dekk……….
furðulegt að menn séu að fá sér stærri dekk alveg stórfurðulegt ef það gerir ekkert gagn.[/quote:2hk6xgxs]Ææææjjii þú er svo sorglegt grey Helgi, hvernig fékstu það út að ég færi alltaf í förin, ertu miðill ?
Ég er ekki og verð ekki faramaður, en ég kanski umfram þig lærði að keyra á sínum tíma og þurfti þarafleiðandi ekki að stækka dekkin svo mikið.
No-Spin að framan og aftan eða bara að aftan, svona gamall hilux er svo léttur að framlásinn er bara bónus til að geta sagt frá honum. Ég var á svona díselbíl í den sem var máttlausari en andskotinn en hann dreif samt allt og aðeins meira til. Mönnun þótti það stundum pirrandi að vera búin að sigrast á einhverjum ófærum og svo kom eftir smá stund rauður dísel hilux og jafnaði metin.
36" og 12" felgur eru málið ef þú ætlar ekki á 38", í mínu tilfelli var mynstursdýpt aukaatriði og fúi í hliðum var bara kærkomin hjálp í úrhleypingum, svona náttúrulegur úrhleypibúnaður.
[quote="tommitota":3dbyanun]Ég er búin að mæla þetta fór með patrol i bekk og mældi með orginal pústinu og skifti um púst setti 3“ frá bjb og mældi aftur og niðurstaðan var sorgleg billinn skilaði sömu kw en togið minkaði um ca 20 nm þannig að ég á útprentunina úr bekknum ef menn vilja stúdera þetta eitthvað. kv Tommi[/quote:3dbyanun]
Ég ætla ekki að efast um niðurstöðurnar úr þessu Dyno testi en hvernig er þá hægt að útskýra það að meirihluti þeirra sem svera upp pústið á stóru jeppunum með litlu díselvélarnar græða 1 gír í brekkum eins og Kömbunum og Skíðaskálabrekkuni?
Ég er mikill efasemdamaður að uplagi á svona hókus pókus hestaflaaukningar en ég get staðfest svona dæmi í 2.5 Pajero, og þá vill ég meina að fremsti parturinn sé mikilvægastur afþví að orginal pústið var farið í sundur fyrir aftan millikassa og þar var ein opin sprengitúba, hann batnaði við að svera upp þann hluta. Fór í 2.5" með einni túbu aftast og fann strax tilfinnanlegan mun á frískleika og dugnaði í löngum brekkum. Og allar gírskiptingar úti á vegi minka eins og í framúrakstri.
Ef ég myndi einhverju breyta hjá mér í dag þá færi ég í 3" downpipe og kanski aðeins lengra afturúr.
Þessi gella í vídeoinu var bara rétt svo hádegismatnum frá því að vera kölluð eitthvað annað en kona.
