Forum Replies Created
-
Replies
-
Hefur einhver nýlegar og ferskar upplýsingar um færð á Langjökli, þá sérstaklega upp hjá Þjófakrók og upp á Geitlandsjökul? Aðallega að spá í hvort sé komið niður í ís þarna og yfir höfuð hvort eitthvað mikið hafi breyst á síðustu 2 vikum.
Kv – Skúli
Það má reyna að kalla út hjálparsveitina, það væri þá fyrsta útkallið á starfsárinu … og þó lengra væri farið aftur í tíma.
Ég held hins vegar að það sé óþarfi, Setrið er örugglega á leiðinni. Ég hef haft einhverjar spurnir af seinkun, en held að það sé að styttast í það.
Kv – Skúli
Takk fyrir það. Borgarfjarðarmóri vefnefndarinnar er búinn að græja þetta inn á fróðleik. Örugglega hægt að finna marga gamla þræði sem eiga heima þar, svona með smá grúski og upprifjun. T.d. rámar mig í mjög fróðlegan þráð um boost og túrbínur fyrir einhverjum árum. Örugglega hægt að senda vefnefnd ábendingar um slíkt.
Kv – Skúli
Sammála Benna, þetta er klassi. Hefði verið miklu sorglegra að sjá þennan eftir alla vinnuna og útfærslurnar líta svo út eins og alla hina.
Ef þetta væri Land Rover ætti hann heima í sérstökum klúbb fyrir þá sem þora að leika sér með lakkvinnuna, þ.e. [url=http://www.annsam.se/zebraclub/home.html:2timgkfn]Sebraklúbbnum[/url:2timgkfn]
Ástæðan er sú að þessi listi er settur þannig upp að hann sækir upplýsingarnar á "Mínar upplýsingar" hjá hverjum og einum. Það þýðir að upplýsingarnar birtast ekki hjá þeim sem ekki setja þessar upplýsingar í prófílinn sinn.
Sennilega þarf að breyta þessu þannig að þetta verði fyllt út handvirkt, en núna er kerfið svona og það skýrir eyðurnar.
Kv – Skúli
Þá er komið út nýtt kort hjá Vegagerðinni. Eins og sést er búið að opna Kjöl núna og inn í Kverkfjöll, en Sprengisandur og Fjallabak ennþá lokað. En rétt að hafa það í huga að núna er 6-10° hiti á hálendinu og búin að vera úrkoma. T.d. hætt við að þar sem enn er snjór sé snjóröndin blaut og gljúp.
Mér líst vel á þessa tiltekt hjá vefnefndinni. Það þarf ekki að vera allt á forsíðunni, aðalmálið er að finna út lógíska flokkun á efninu sem gerir það að verkum að auðvelt sé að ramba á hlutina með smá rökhugsun. Þetta fannst mér alltaf skorta aðeins á gamla vefnum, allavega átti ég fyrst í vandræðum með að finna hluti og það verður ekki auðveldara ef forsíðan er mikið kraðak.
Og húrra fyrir atburðadagatalinu.
Kv – Skúli
Sem einlægur aðdáandi Breska heimsveldisins hef ég öðru hvoru verið að grípa niður í fróðleik um sögu þess ágæta landbúnaðar- og fjallabifreiðar sem Land Rover kallast. Smá brot hérna úr sögunni
Upphafið er rakið aftur til 1947 og þó stundum sé sagt að ekkert hafi breyst síðan þá, er það nú kannski ekki alveg nákvæmt. Þá var Rover í eigu Wilks fjölskyldunnar, en auk þess átti fjölskyldan búgarð. Á búgarðinum var Willys jeppi frá stríðsárunum notaður við bústörfin og auðvitað var sú pæling áleitin að framleiða sambærilegt verkfæri undir Rover nafninu. Prótótýpan hefur enda ýmis samkenni með þeim ameríska forföður allra jeppa sem notaður var sem fyrirmynd. Þó má sjá það að þessi fyrsta útgáfa af Land Rover er hugsuð til landbúnaðarstarfa en ekki hernaðar m.a. á því að bílstjórinn sat fyrir miðjum bíl með gírstöngina milli fóta líkt og á traktor. Hugsunin var m.a. að þetta væri praktískt því þá hentaði hann jafnt þar sem væri hægri handar og vinsti handar umferð, því sem kunnugt er aka allir nema bretar og nýlendur heimsveldisins á röngum vegahelming og sjálfsagt að taka tillit til þess. Þessu var hins vegar breytt áður en til framleiðslu kom því það mun hafa verið frekar óþæginlegt að keyra bílinn í umferð sitjandi fyrir miðju.
Annað sem vert er að geta varðandi þessa fyrstu prótótýpu og það er að þá þegar var boddýið gert úr áli. Ástæðan var einfaldlega skortur á járni á þessum tíma, ekkert flóknara en það. Þetta hins vegar virkaði og hvers vegna þá að breyta því þó áratugirnir líða! Hann var málaður dökk grænn, sami litur og algengur var í stjórnklefum flugvéla á þessum tíma og ástæðan einfaldlega sú að nóg var hægt að fá af þessum lit. Herlegheitin voru svo knúin áfram af 1389 cc vél úr Rover 10 Saloon. Því miður er ekki til í dag upphaflegt eintak af þessum bíl, þar sem líklega hafa þeir verið rifnir til að nota í sjálfa framleiðsluna þegar hún hófst. Einhverjum sögum fer þó af því að einhver snillingur sé með fullkomna eftirgerð af honum í smíðum og kannski tilbúið.
Hagnýtt landbúnaðartækiÞað er mat margra að Land Roverinn sé síður hannaður með þægindi ökumanna í huga. Hvað sem því líður í dag var allavega í upphafi litið svo á að ending væri þægindum framar því þessi ágæta setning var höfð eftir einum ágætum manni sem vann að þróun bílsins: ‘Durability was based on drivers discomfort – we damaged more drivers then vehicles during testing.’ Ágætt sjónarmið þvi það má alltaf finna nýjan driver, en góður LandRover er þyngdar sinnar virði í gulli. Reyndar má láta þá sögu flakka að þeir Land Roverar sem hingað komu í denn voru enn hastari en þeir áttu að sér að vera. Skv. sögunni stafaði það að því að forsvarsmenn Heklu töldu rétt að fá hingað vel sterka bíla og töldu stífar fjaðrir sérlegan kost fyrir íslenska bændur. Því voru þeir pantaðir með stífustu fjöðrum sem völ var á. Hekla var reyndar eini kaupandinn af bílunum svona útfærðum fyrir utan breska herinn, en herinn hafði einmitt látið hanna þessar fjaðrir sérstaklega fyrir sig með það í huga að hægt sé að láta bílana falla úr þyrlu í 20 m hæð eða svo. Þannig kom það semsagt til að Robbinn fékk viðurnefnið fóstureyðingatækið. Tek þó fram að ég hef ekki séð þessa sögu staðfesta, en má þó vel vera að satt sé.
Árið 1948 hefst svo framleiðslan fyrir alvöru á Land Rover Series 1. Þó ýmislegt hafi breyst í Landanum síðan þá eru samt ákveðin sérkenni sem hafa haldið sér allar götur síðan. Sérstaklega áberandi eru frambrettin, en þau voru mótuð með sléttum hliðum til að losna undan vandamálum við móta álið til. Breskir bændur hafa æ síðan lagt þunga áherslu á að þessu verði ekki breytt þar sem hentugt er að leggja frá sér tebollann á brettin. Sama gildir í fjallaferðum á Íslandi, t.d. eftir að komið er á tjaldstað og baukur hefur verið opnaður. Ótvíræður kostur! Í öðrum málum hafa verksmiðjurnar ákveðið að láta ‘framþróunina’ ekki stöðvast af notagildissjónarmiðum, enda er það hjá flestum öðrum í jeppaframleiðslu orðið ‘the name of the game’ að fórna öllum alvöru jeppaeinkennum fyrir þróað plastdrasl og þróað hitt og þetta. Þannig bárust margar kvartanir þegar járngrindargrillið var látið víkja fyrir plastgrilldraslinu, einkum hjá þeim sem notuðu Land Rover til ferðalaga í Afríku og víðar. Ástæðan var sú að járngrindin nýttist svo ágætlega á annars konar grill, þ.e. steikargrillið.
Hentugur ferðabíll með aukahlutumSvo að lokum ein ágæt saga um það hvernig Hekla missti umboðið. Þannig var að einn góðan veðurdag gekk vel klæddur, virðulegur, enskumælandi maður inn í umboðið, hittir þar ungan og ákafan sölumann og segist vilja kaupa Land Rover jeppa. Sölumaðurinn lítur á hann og segist svo hafa miklu heppilegri kost fyrir hann heldur en Land Rover og fer í óða önn að reyna að ota að honum einhverjum leðurklæddum Pajero. Kom þó sölumanninum heldur á óvart þegar hann sér að herramaðurinn verður hinn illasti og rýkur út. Enda hvernig gat hann vitað að þarna væri á ferðinni breski sendiherrann sem var búinn að ákveða að viðeigandi væri að ferðast um landið á þessari stórkostlegu afurð bresks iðnaðar, hvað þá um kunningskap hans við æðstu stjórnendur hjá Rover. Sagan er góð þó líklega liggi skýringin á því að B&L fékk umboðið í öðrum þáttum.
Það hvað þeir eru seinir til að opna er eiginlega hið versta mál. Það hefur verið sjónarmið klúbbsins að bannmerkin eigi að virða, bæði að því að það er lögbrot að fara framhjá þeim og eins vegna þess að þau eiga að vera til þess að koma í veg fyrir skemmdir á vegum og jafnvel náttúrunni. Þegar í ljós kemur að allt er þurrt og engin hætta á skemmdum en lokunarmerkin ennþá uppi minnkar virðing manna fyrir bannmerkinu og það er bara ekkert sniðug þróun.
Vill hins vegar biðja menn að fara sérstaklega varlega þegar snjóþekjan fer að verða flekkótt og blautt undir. Við þær aðstæður geta auðveldlega myndast för. Vorin eru eftir sem áður viðkvæmasti tíminn.
Kv – Skúli
Bara ítreka það að fundurinn í kvöld er í FÍ salnum í Mörkinni en ekki á Loftleiðum. Gengið inn í vesturendann og þar niður í kjallara.
Kv – Skúli
Helv. vorum við samtaka um að vera ósammála þarna ;o)
Jú þetta skil ég, reikna með að þetta fyrirbæri sé það sem þú ert að tala um:
[img:s84cgqby]http://www.mountainfriends.com/images/laug.jpg[/img:s84cgqby]
Þarna á myndinni má einmitt sjá stjórnar- og umhverfisnefndarfulltrúa skoða fyrirbærið. Það er rétt að þetta er hvorki fallegt né náttúrulegt og ég get alveg tekið undir efasemdir um þetta mannvirki.
Kv – Skúli
Já Skari, það gerðist ýmislegt skrítið meðan þið voruð að leika ykkur á jökli.
Fimmtíusentímetrareglan var drepin í fæðingu.
Lella tók úr einum Guinness í gegnum skaft af drullutjakki
Árni hjá UST fjárfesti í 44“ jeppa og sprautaði niður Skeiðarárjökul með Eik sem kóara
Hlynur Snæland fékk sér Pajero
Björn Þorri setti rör undir Dömuna (don’t get me rong, er að tala um hásingu og Pajero)
Runólfur hjá FÍB flautaði fyrir utan Alþingi til að mótmæla olíugjaldinu
Laugi litludeildarforingi setti 44“ undir Terranóinn.
Ási GVS keypti Mudder hjá Benna
Fastur setti Toyota 2,4 díselvél í Willisinn
Lúther komst áfallalaust á Patrol niður í bæ og til baka
Geiri Harði lofaði að fella niður allt eldsneytisgjald
Breska heimsveldið bilaði (sprakk öryggi í sígarettukveikjaranum)
Man svosem ekki fleira í bili!Kv – Skúli
Rakst á þessa mynd á vefnum hjá Vesturlandsdeild:
Lítur út fyrir að verið sé að brynna fákunum, en ég kannast ekki við að þurfa þess á Land Rover. Kannski er það vegna skyldleika Landroversins við úlfaldana og þess vegna sé sá ágæti bíll vinsæll í eyðimörkum Sahara.
Kv – Skúli
Skv. [url=http://www.vegagerdin.is/vefur2.nsf/Files/Opnunfjallvega/$file/fjv_isl.pdf:1r3qr5eh]þessu[/url:1r3qr5eh] ættu Fjallabaksleiðir að opna fljótlega eftir helgi, en núna er aðeins búið að opna inn í Landmannalaugar. Ég hélt að það væri búið að opna Nyðra-Fjallabak en það virðist vera einhver vitleysa, [url=http://www.vegagerdin.is/vefur2.nsf/Files/Astandfjallvega/$file/halendi.jpg:1r3qr5eh]bannmerkið ennþá þarna[/url:1r3qr5eh].
Kv – Skúli
Rétt að upplýsa það hér að ég er búinn að fá ákveðna staðfestingu á því frá ráðuneytinu að snjóþykktarákvæðinu verður breytt með hliðsjón af umsögnunum hér að ofan.
Kv – Skúli
Og límmiðar með utanvegaáróðrinum hafa verið límdir í alla bílaleigubíla. Hugmyndin var að fá tollarana fyrir austan til að setja þá í torfærutröll sem koma til landsins en tollgæslan taldi sig ekki hafa heimild til slíks. S.s. þó þeir megi róta í öllum farangri mega þeir ekki setja uppbyggjandi límmiða inn í bílana.
Kv – Skúli
Jú mikið rétt, það að setja svona skilti niður á bryggjuna á Seyðisfirði er í farvegi. Sennilega er þetta skilti hreinlega í framleiðslu nú þegar. Ég held að það geti virkað ágætlega að menn sjái þetta um leið og þeir koma í land og svo þegar þeir koma að skálum á hálendinu sé samsvarandi korti otað að þeim. Væri líka eins og ég segi óvitlaust að menn séu með nokkur eintök með sér í sumarferðirnar og rétti þeim útlendingum sem þeir hitta.
Kv – Skúli
Útivist og sport keypti auglýsingu í næsta Setur, bara svona til að fylgja því eftir að þau eru að bjóða okkur 50% afslátt af vörum. Auk þess sparaði þetta okkur sendingakostnað á utanvegaaksturskortunum, sem ég vona að allir félagsmenn hafi fengið. Reikna með að menn hafi svosem vitað þetta en gæti verið óvitlaust að hafa þetta í jeppanum í sumarferðum og sýna það útlendingum og öðrum sem ekki gera sér grein fyrir þessu.
Kv – Skúli
Okkar umsögn til ráðneytisins var svohljóðandi:
Reykjavík 4. maí 2005
Umhverfisráðuneytið,
Skuggasundi 1,
150 ReykjavíkEfni: Umsögn um drög að reglugerð um takmarkanir á umferð í náttúru Íslands.
Ferðalúbburinn 4×4 er í meginatriðum samþykkur drögum að"REGLUGERÐ um takmarkanir á umferð í náttúru Íslands", enda eru flesta atriði í samræmi við gildandi lög og stuðla að verndun náttúru slands.
Við leggjum þó til að 3. málsgrein 4. greinar:
"Jörð telst snævi þakin ef snjólag er 50 cm. þykkt eða meira" falli brott en í stað hennar komi svohljóðandi texti:
"Akstri á snjó ber að haga þannig að ekki skapist hætta á náttúrspjöllum"Ef heimild til aksturs á snjó er takmörkuð við að snjóþykkt sé 50 cm eða meira, er í raun verið að afnema heimld til aksturs á snjó utan jökla. Því samræmist þetta ákvæði ekki 17. grein Náttúrverndarlaga sem heimilar slíkan akstur.
Á Hálendi Íslands er snór næstum aldrei jafnfallinn, hann fýkur af hæðum og safnast í lægðir. Þó meðal snjóþykkt sé meira en 50 cm þá liggur leið alltaf yfir hæðir og brúnir þar snjólag er þynnra.
Vindbarinn snjór bindst fljótt og verður það þéttur að gangandi maður, eða jeppi þar sem búið er minnka þrýsting í hjölbörðum, markar aðeins örfá sentimetra í snjóinn og vélsleði enn minna. Því dugar 5 til 10 cm snjólag yfirleitt til að verja jörð fyrir áhrifum umferðar, þó það sé ekki algilt.
Á hinn bóginn geta aðstæður líka verið þannig að 50cm snjólag dugi ekki til að verja fyrir spjöllum af völdum þungra ökutækja, t.d. vinnuvéla, ef snjórinn er laus, t.d. þegar snjóað hefur mikið í logni eða litlum vindi, og ekki hvesst síðan.
Ef koma á í veg fyrir að akstur á snjó valdi spjöllum, er óhjákvæmilegt að ökumenn meti aðstæður og hagi akstri í samræmi við þær. Í orðalagi tillögu okkar felst að náttúran njóti vafans þar sem óvissa er í mati á aðstæðum.Ennfermur leggjum við til að skilgreining á Náttúruspjöllum í 3. grein verði svohljóðandi:
"Spjöll á gróðri, dýralífi, jarðvegi, jarðmyndunum og landslagi, hvort sem um varanlegan eða tímabundinn skaða er að ræða. Ennfremur myndun slóða og hjólfara á landi, hvort sem það er þakið gróðri eða ekki. Þó teljast för þar sem tryggt náttúran muni afmá öll ummerki innan skamms tíma ekki til náttúruspjalla. Þetta getur t.d. átt við um akstur í fjörum, árfarvegum, foksandi eða á snjó."
Í upphaflegu greininni voru óþarfa endurtekningar og þar var ekki minnst á dýralíf. Í orðalagi okkar tillögu felst að náttúran skuli njóta vafans við mat á spjöllum.
F.h. Ferðaklúbbsins 4×4
Skúli H. Skúlason
formaður.Umsögn Útivistar var á mjög svipuðum nótum og segir í henni m.a.:
"Þegar leitað er í reynslu þeirra jeppamanna sem mesta þekkingu hafa á vetrarferðum, og hafa jafnframt stundað náttúruvernd í verki, þá er ljóst að í vetrarferðum þurfa ferðamenn að taka matskenndar ákvarðanir. Þær ákvarðanir snúa þá að öryggi ferðamanna, vernd náttúrunnar og leiðarvali. Í hverri einustu ferða á hálendi Íslands að vetri til er alls óvíst hvernig veður og veðurlag verður í ferðinni. Veðurfarið hefur síðan óhjákvæmilega áhrif á snjóbreiðuna. Ferðamenn vita ekki fyrir víst hvernig snjóalög verða ferðalagið á enda. Enn síður hvort styrkleiki og burður snævarins breytist á meðan á ferð stendur."
Síðan er lagt til að í stað sentimetraákvæðisins komi viðmiðanir um matskenndar ákvarðanir.
