Forum Replies Created
-
Replies
-
Sjálfsagt er það rétt hjá Smára að þetta mál kemur upp vegna þess að um er að ræða þetta tiltekna svæði. Í rökstuðningi sveitarfélagsins er talað um umræður um framtíð svæðisins og að þar sé ekki gert ráð fyrir akstursleið um Vonarskarð, en ef gert verði ráð fyrir akstursleið inn að Köldukvísl muni sveitarfélagið hafa hönd í bagga um staðsetningu hans. Ég skil reyndar ekki afhverju sveitarfélagið ætti að fara að færa veginn frá núverandi staðsetningu. Ef þeir eru hins vegar að spá í akstursbann í Vonarskarði hefði nú verið vit að hafa samráð við þá sem eru að ferðast um svæðið í dag, en meðan það er ekki gert er útilokað fyrir okkur að taka mið af svoleiðis hugmyndum.
Aftur á móti segir í upphafi erindis Ásahrepps að ‘Ásahreppur lítur svo á að stikun vegslóða utan alfaraleiða á Holtamannaafrétti sé framkvæmdaleyfisskyld framkvæmd.’ Ef það væri réttur lagaskilningur og okkur gert að fara að því hlýtur eitt yfir allt að ganga og sömu lög að gilda alls staðar. Annað hvort þarf leyfi fyrir tiltekinni framkvæmd eða ekki. Núna er utanveganefndin með það verkefni að skoða alla vegaslóða á hálendinu, þannig að það er allt landið undir. Hins vegar engin glóra í því að frysta allar stikunarframkvæmdir meðan beðið er eftir niðurstöðum hennar, til þess eru einfaldlega of margar leiðir illa stikaðar með þeirri afleiðingu að of mikið af förum sjást utanvega.
kv – Skúli
Það sem þarna kemur til álita er væntanlega 27. greinin en þar er skilgreiningin á framkvæmdum sem undir þetta falla svona:
"Meiri háttar framkvæmdir, sem áhrif hafa á umhverfið og breyta ásýnd þess, svo sem breyting lands með jarðvegi eða efnistöku". Ég sé því ekki annað en að þessi umræða snúist í hnotskurn um það hvort það að setja niður tréstikur meðfram vegslóðum eða gönguleiðum ef því er að skipta falli undir þetta. Ásahreppur lítur væntanlega svo á.
Það hvort við stikum upphaflega fyrirhugaða leið er aukaatriði í þessu og sársaukalaust af minni hálfu að verða við beiðni þeirra um að geyma þessa leið. Hitt er mun stærra mál, þ.e. hvort lagaskilningur Ásahrepps standist. Það mætti líkja því við umhverfisslys ef svo er, því þar með væri framtak hinna ýmsu félagasamtaka í stikun og sennilega flestum umhverfisbótum á hálendinu úr sögunni.Kv – Skúli
Nú er boltinn bara hjá ritnefndinni að leita til þeirra sem bjóða hér fram krafta sína. Það auðveldar þeim örugglega sitt verk að geta dælt textunum á góða menn.
Kv – Skúli
Jóhannes, skrópaðir þú á síðasta fundi? Þar komu fram þær tímamótafréttir að það er gámur á leiðinni með 800 dekk og hægt að tryggja sér gang með því að panta hjá þeim.
Þetta var bara eitt af skúbbunum á síðasta fundi, ýmislegt annað kom fram sem ekki má setja fram opinberlega.Kv – Skúli
Það er auðvitað alveg rétt að það er æskilegt að útrýma stafsetningavillum í Setrinu eins og öðru útgefnu efni. Ritnefndin á hins vegar samúð mína í þessu. Ég tel mig kunna að skrifa íslensku en stend mig samt iðulega að því að gera villur, bæði innsláttar- og stafsetningavillur og að prófarkarlesa eigin texta er býsna erfitt. Ég held að þetta gildi um flesta, má í því sambandi benda á að annar þeirra sem gagnrýnir stafsetninguna í blaðinu er með villu í fyrirsögninni. Það er mikil vinna að koma blaðinu út og þau hafa engan nema sig sjálfa til að fara yfir.
En auðvitað er einföld lausn á þessu, hún fellst í því að Valdi eða annar félagsmaður með góða íslenskukunnáttu bjóði fram krafta sína í verkefnið og lesi allt efnið yfir fyrir prentun. Ætti ekki að vera mikið mál.
Kv – Skúli
Ég held að það hljóti að vera einhver mistúlkun á lögum hjá Ásahrepp að það þurfi framkvæmdaleyfi til að stika leiðir og það er rökstutt í svarbréfi okkar. Hins vegar ef sú krafa þeirra stendur þá er það alvarlegt mál og af því Ofsi nefnir Árna Bragason þá held ég það hljóti að vera ekki síður áhyggjuefni fyrir hann en okkur, bæði vegna þess hvað stikun vegslóða er mikilvæg í umhverfisverndarskyni og svo ekki síður vegna þess að það myndi gera hans starfsmönnum verulega erfitt fyrir. Landverðir víðsvegar um landið eru mikið í því að stika gönguslóðir og ef þeir þurfa að sækja um framkvæmdaleyfi fyrir slíkum aðgerðum hækkar nú pappírsvinnukostnaður hjá umhverfisstofu verulega og litlu hægt að koma í framkvæmd. Jafnvel spurning hvort það þegar landverðir inn í Laugum raða steinum eftir veginum falli ekki líka undir það, slík aðgerð er meira áberandi framkvæmd en stikun. Ég held að það geti hreinlega ekki staðist að skipulagsvaldið nái svona langt.
Annað í þessu. Ef þetta verður svona að það þurfi framkvæmdaleyfi til að stika mun nokkuð örugglega leggjast af framtak bæði okkar og annarra á þessu sviði, hvorki við né önnur félög myndu standa í því að fá leyfi til reka niður tréstikur og mjög líklega gildir sama um landverð. Það hefur ekki bara áhrif á akstursleiðir heldur verður erfiðara að glíma við skemmdir á gönguleiðum á fjölförnum stöðum, Þórsmörk nærtækt dæmi þar. Þá stendur það upp á sveitarfélögin að standa fyrir þessum aðgerðum á eigin kostnað. Ég verð að játa að ég hef efasemdir um að það yrðu gróskumiklar framkvæmdir.
Kv – Skúli
Áin var ekki vatnsmikil núna og minni en við áttum von á, enda ekki bara náttúrulegir þættir sem hafa áhrif á rennslið heldur kemur hönd Landsvirkjunar þar nærri. En botninn er gríðarlega grýttur, eiginlega svo að mér finnst með ólíkindum að menn fari þarna yfir á minni dekkjum.
Ég sendi þér trakk á tölvupósti.
Kv – Skúli
Fyrir u.þ.b. mánuði var hér þráður þar sem Setur þess mánaðar var gagnrýnt. En það er ekki nóg að gagnrýna heldur rétt að lofa líka það sem vel er gert. Blaðið núna flott og fullt af áhugaverðu efni. M.a. gaman að lesa grein Péturs Ingasonar um Vatnajökulsferð fyrir 24 árum og greinina um Ofur-Fordinn.
Kv – Skúli
Og til að svara sjálfum mér hérna eða bæta við þetta þá vil ég benda á að það eru komnar skemmtilegar myndir úr ferðinni inn á http://www.siv.is.
Kv – Skúli
Stjórn stóð núna um helgina fyrir þingmannaferð sem aðeins hefur verið rædd hérna á vefnum. Við buðum semsagt öllum þingmönnum upp í Setur til að gefa þeim kost á að upplifa jeppaferð á hálendinu og kynnast klúbbnum. Að vísu voru aðeins fjórir þingmenn sem áttu heimangengt þegar til kom. Hefði verið gaman að hafa fleiri, en þessir fjórir bættu það vel upp þar sem þau reyndust eðal ferðafélagar á fjöllum. Þetta voru þau Anna Kristín Gunnarsdóttir, Ásta R. Jóhannesdóttir, Pétur Blöndal og Siv Friðleifsdóttir. Auk þeirra komu með okkur Sigurður Jónsson eiginmaður Önnu Kristínar, Einar Örn Stefánsson eiginmaður Ástu, Hákon Þorsteinsson sonur Sivjar, Magnús Guðmundsson forstjóri Landmælinga Íslands og Sigurbergur Björnsson skrifstofustjóri í samgönguráðuneytinu.
Farin var Klakksleið inn í Setur með viðkomu við Svínárnesskála og Klakksskála, auk þess sem Kisugljúfur voru skoðuð. Ég komst að því að þessi gljúfur eru vel þess virði að skoða. Á heimleiðinni var farið um Sóleyjarhöfða, inn á Sprengisand og tekið matarhlé í Rottuholunni í Illugaveri. Kom í ljós að rottur geta verið býsna gestrisnar.
Þessi ferð tókst í stuttu máli frábærlega vel og var held ég megi segja fróðleg og skemmtileg fyrir alla sem tóku þátt, bæði okkur og gesti okkar. Ég held ég geti líka fullyrt að okkur tókst að koma því vel til skila út á hvað starfsemi klúbbsins gengur og hvaða mál séu öðrum fremur mikilvæg fyrir okkur.
Kv – Skúli
Þú þarft væntanlega ekki annað en kapalinn á milli, þú færð hann örugglega hjá R.Sigmundssyni.
Kv – Skúli
Þetta er eiginlega meira eins og hann hafi fengið fullhlaðinn flutningabíl inn í hliðina á fullri ferð, virðist ekki vera eftir veltu.
Kv – Skúli
Reyndar er það rétt að það er hægt að falsa eða stela kennitölu frá einhverjum. Þess vegna var upphaflega pælingin að menn yrðu að sækja um aðgang þannig að hægt sé að koma í veg fyrir það. Það var hins vegar of þungt í vöfum. Hins vegar ef kemur í ljós að einhver kemur fram undir öðru nafni en sínu eigin er hægt að eyða honum út. Það hefur gerst og þá þannig að viðkomandi var að þvæla einhverja steypu hérna. Alltaf hægt að tékka á þeim sem eru grunsamlegir.
Kv – Skúli
Þetta eru ágæt rök nema hvað hérna rétt fyrir ofan kemur skýrt fram hjá Hrafnkeli að þetta er bara ekkert svona. Það er ekkert lokað á utanfélagsmenn. Menn verða hins vegar að geta staðið á bak við orð sín og gefa upp kennitölu, en geta ekki vegið úr launsátri. Það hefur sjálfsagt fælt einhverja frá að þurfa að koma fram undir nafni, en satt að segja sakna ég ekki slíkra penna.
Kv – Skúli
P.s. Til að sannreyna þetta nýskráði ég mig undir nafni og kennitölu sonar míns og það svínvirkaði allt þannig að þetta er allt satt og rétt.
Góðan dag. Á einhver flotta mynd þar sem sést skálasvæðið í Kerlingafjöllum og jeppar? Ef einhver lumar á einni slíkri má gjarnan senda á mig meil, skulihs@internet.is
Kv – Skúli
Var þetta tilraun til að bjarga sér útur blindgötunni;o)))
Þessi viðbót með göngulagið myndi nú eiginlega flokkast undir að strá salti á eftir hnífnum.
Ég hallast að því eftir þessa lýsingu að Rallý sé ekkert annað en öflug leið til að eyðileggja góða fjallabílabíla. Bilanatíðnin í fjallaferðum hjá félaga Jón Ebba skýrist þá af því að þar er á ferð gamall Rallý-refur. En annars talandi um Ebbann þá er náttúrulega eitt rifið dekk ekki neitt, hef heyrt að menn nái þeim árangri jafnvel í fjölskylduferð yfir Sprengisand.
Já er Tomcatinn framtíðin??? Það er spurningin.
Roverkveðjur – Skúli
Flott mál, frábært að fá stikur á þessa leið. Þetta er í raun mjög mikilvægt framtak í baráttunni gegn utanvegaakstri.
En þið hinir sem ekki eruð í svona mikilvægum erindagjörðum mætið auðvitað hjá gundi og hinum hjálparsveitargúrúunum.
Kv – Skúli
Ráðamenn Reykjavíkurborgar hefðu náttúrulega átt að taka mið af fjölskylduhátíðinni hjá okkur þegar þeir dagsettu menningarnóttina.
En annars er það rétt hjá Magnúsi að það hefði þurft að hafa þetta í huga á fundinum í vor, en svona hlutir vilja gleymast. Hins vegar oft ekki gott að vera að hræra í dagsetningum eftirá, þá eru alltaf einhverjir sem hefðu getað mætt og ætluðu að mæta en komast ekki á nýrri dagsetning.
3.-4. sept gengur ekki því að því ég best veit er Setrið pantað þá fyrir "þingfund".Kv – Skúli
Verð að játa að síðustu ár er það orðið tilviljun ef ég fylgist eitthvað með torfærunni, en góðar fréttir að Willi gamli sé að koma sterkur inn á ný.
Kv – Skúli
