Forum Replies Created
-
Replies
-
Gunni er sloppinn af pólnum. Flutningaflugvél fór í gær frá Chile til Patriot Hill að sækja kappann og trukkinn. Skv fréttum sem ég fékk í gærkvöldi leit út fyrir að hann kæmi heim á jóladag, en á Sudurland.net í dag segir að hann sé væntanlegur á íslenska grund kl. 16 á aðfangadag. Ekki veit ég hversu raunhæft er að smala jeppum saman á þeim tíma, út frá því má ætla að hann væri að fara í gegnum höfuðborgarsvæðið u.þ.b. kl. 18.
Ef þetta er málið finnum við bara aðra leið til að sýna hug okkar til afreksins.
Hjörtur, skipstjórajaxl eins og Gunni þurfa ekki að sofa ef því er að skipta. Ég gæti best trúað að þetta sé ekki fyrsta sinn sem hann vakir nokkra sólarhringa.
Kv – Skúli
Mikið sammála síðasta ræðumanni.
Ég held að Jón Sigurðsson hafi ekki enn áttað sig á því að jeppar eru ekki lengur þau stöðutákn sem þeir voru fyrir nokkrum árum, við því hlutverki hafa tekið jepplingar frá BMW, WV og Lexus og fleirum. Sjálfsagt ágætis kerrur fyrir þá sem hafa áhuga á þeim og því að flagga ríkidæmi sínu. Það er hinsvegar kristaltært þegar þessi þráður er lesinn og skoðaður að alvöru jeppamenn kunna að meta jeppa sem eru röff og bera handlægni eigenda sinna og hugmyndaflugi glöggt merki. Enda sýnist mér allir þessir öldungar falla vel undir það og reyndar líka þeir yngri bílar sem hér eru.
Nýju bílana getur Jón hinsvegar skoðað á heimasíðum bílaumboðanna, getur örugglega skemmt sér vel yfir þeim.
Brotajárnskveðja – Skúli
Sammála því að Roverinn hjá Dassa er ekki síðri kandidat en margir sem hér eru tilnefndir. Hann líka uppfyllir það skilyrði að skera sig úr öðrum. Það er fullt af myndum af honum og smíðinni hérna:
http://islandrover.rangur.net/myndir/sh … hp?cat=526Kv – Skúli
Var að fá þær fréttir að Gunni er ennþá fastur á Patriot Hill. Ekki er það þó drifgeta trukksins sem orsakar það heldur fluggeta vélarinnar sem á að sækja hann en það er 25 hnúta vindur þarna og snjókoma, s.s. blind bylur. Spáin svipuð á morgun þannig að það lítur ekki vel út hjá honum að komast heim fyrir jól.
Þeir sem vilja taka þátt í að taka á móti honum með jeppaheiðursverði bendi ég á að fylgjast með þessum þræði. Þegar ég fæ fréttir af heimkomunni set ég þær hér inn ásamt upplýsingum um hvar við stillum upp. Ein hugmynd er að það verði við Rauðavatn og lestin fylgi honum svo austur fyrir fjall eða áleiðis. En semsagt, nánari fréttir birtast hér þegar málin skýrast.
Kv – Skúli
Jóhannes, í skýrslunni kemur fram að pickupar eru flokkaðir sem jeppar. Mér sýnist að það sé reynt að láta flokkunina spegla notkun á bílunum en ekki notuð flokkunin í bifreiðaskrá (enda er hún handónýt). Það má samt auðvitað deila endalaust um hvað sé rétt flokkun og hvað ekki.
Það eru margar góðar athugasemdir hér og mér sýnist þau sem gera skýrsluna gera sér grein fyrir að einhverjir anmarkar á þessu. Fjölmiðlamenn gera sér hins vegar ekki alltaf grein fyrir slíku eða kynna það.
Kv – Skúli
Mig langar líka að benda mönnum á að lesa þessa grein hérna:
http://www.sudurland.net/frettir/nr/5185/Þarna skýrir Arngrímur Hermannsson á skilmerkilegan hátt hvernig afrek Gunna getur skipt miklu máli fyrir íslenskan jeppaiðnað og jeppamennsku. Þó fæstir okkar gætum leikið þetta eftir Gunnari, þá er hann að ryðja braut sem getur skapað heilmikil tækifæri í framtíðinni.
Kv – Skúli
Það sem Eik er að benda á hérna er að Laugarfell er ekki sama og Laugafell. Norðan við Hofsjökul er Laugafell með engu R en ekki Laugarfell.
Smámunir segir kannski einhver en það er ágætt að reyna að halda í rétta útgáfu af örnefnum. T.d. heitir fossinn í Markarfljóti … nei best að vera ekkert að fara út í það núna þó Rúdolf heiti auðvitað Rúdolf.
Kv – Skúli
Suðurland.net hefur sett upp spjallborð um afrekið. Þar er bæði hægt að spjalla með texta og on line með mæk og webcam.
Þið finnið þetta á http://www.sudurland.net/forsida/a-polinn-fyrir-jolin/
Kv – Skúli
Má samt bæta við þetta að þegar hraðinn er kominn mikið yfir löglegan hraða eru menn kannski komnir á hála braut. Sérstaklega sé hafður í huga sá möguleiki að það fjúki úr framdekki. Þegar það gerist á stórum dekkjum munar það meiru heldur en á litlu dekkjunum og menn ráða ekkert við bílinn í slíkum tilfellum þegar hraðinn er á öðru hundraðinu.
Kv – Skúli
Það sem skiptir mestu máli varðandi öryggi er að bílarnir séu í lagi og ökumaður í lagi. Breyttur bíll þar sem bremsur eru eins og þær eiga að vera og stýrisgangur heill og laus við slit og dekkin ekki komin á síðasta snúning, á að vera jafn góður og óbreyttur. Helsti munurinn er að snertiflötur við jörðu er meiri á þeim breytta sem er bara betra. Ég er sammála Frey um að það á frekar að fækka ökutækjum sem eru sett á einhvern afbrigðilegan hámmarkshraða heldur en fjölga þeim, enda stafa alvarlegustu slysin í flestum tilfellum af framúrakstri. Á þjóðvegunum stafar meiri hætta af bíl á 60 heldur en af breyttum jeppa á 90-100.
Hins vegar held ég að það skipti meira máli á breyttum bílum að hafa hlutina í lagi en á óbreyttum. Þetta er að vísu bara eitthvað sem mér hefur sýnst frekar en að ég sé með einhver vísindi á bak við það. Bíll á stærri dekkjum virðist finna meira fyrir sliti í stýrisgangi, vitlausri stillingu á spindillegum (kemur fram í skjálfta) og þess háttar. Það er hins vegar bara kostur því það gerir það að verkum að menn endurnýja slitfletina fyrr. Enda hef ég í gegnum árin látið nægja árlega skoðun á fólksbílnum á heimilinu og kíki aldrei á hann fyrr en eitthvað fer en á jeppanum er ég alltaf reglulega að hrista til dekkin og leita eftir sliti í legum eða stýrisgangi.
Kv – Skúli
Ívan var mjög flottur og fellur vel að útnefningu. Síðast þegar ég sá hann stóð hann á bílasölu upp á Höfða. Neita því ekki að hjartað tók kipp og lítill púki fór að hræra í mér að fara út í einhverja ævintýramennsku. Þegar ég skoðaði hann nær sá ég hins vegar að ryðið var farið að herja frekar illa á hann. Vona að núverandi eiganda hafi tekist að vinna bug á því og Ívar verði heill heilsu aftur.
Kv – Skúli
Sammála Frey, einmitt búið að vera pæling með þetta. Það er hugmynd í gangi að stilla upp góðum hóp af jeppum í einskonar heiðursvörð á leið hans þegar hann kemur heim. Það er óvíst hvenær hann kemur, ræðst af því hvenær aðstæður skapast til að fljúga frá Patriot Hill, þannig að nánari upplýsingar koma síðar.
Kv – Skúli
Fegurð er náttúrulega afstætt hugtak Benni, það er auðvitað rétt hjá þér. Ég vil meina að hér sé verið að tala um flotta bíla en ekki fallega sbr. fyrsta póstinn (titillinn að vísu fegurðarsamkeppni, en í meginmáli talað um flottasta bílinn) og það er sitthvort í mínum huga. Þessir nýju Patrolar, Pæjur og Krúserar, þetta er nú allt eins svona í stórum dráttum og maður tekur varla eftir þeim á götu. Ef t.d. hvítur Patrol fengi titilinn myndi það kjör gilda um 500 aðra bíla a.m.k. Þetta er auðvitað eins og í Ungfrú Heimur keppninni, það er ekki bara ytra útlit sem gildir heldur innri maður og frumleiki. Eða var það ekki það sem okkar stúlka leiddi okkar stúlku til sigurs þarna úti!
Kv – Skúli
Lumarðu nokkuð á mynd af Rússanum?
Kv – Skúli
Því miður fyrir okkur hina þá liggur þetta svo ljóst fyrir að það þarf ekki að setja í gang neina keppni. Það er skjalfest eða að minnsta kosti varðveitt í munnlegri geymd að Hrollur er flottasti jeppi flotans. Því verður ekki breytt frekar en afstöðu himintunglanna. Austurlandsdeild vinnur þetta því fyrirfram. Það er kannski hægt að skapa spennu um 2. sætið og þá væri Gaz 69 auðvitað öflugt útspil og svo lumar Suðurnesjadeildin á efnilegum keppanda sem er rauði Overland dobblarinn sem alltaf heillar.
En hvernig er það með þessa Rússajeppa fyrir norðan og Overlandinn, eru þessi verkfæri eitthvað á fjöllum núna í seinni tíð, eða hvernig er staðan?
Kv – Skúli
Það er rétt að vekja sérstaklega athygli á því að það heimilsfang sem sett var inn hér að ofan og vefnefnd hefur núna tekið út reyndist rangt. Hér er ein ástæða þess að birting á svona upplýsingum er varasöm, saklausir einstaklingar geta liðið fyrir.
Kv – Skúli
Við verðum að athuga það að þegar göngin verða komin til Eyja verður miðja Íslands staðsett þar og varðan sennilega hlaðin úr … ja förum ekki nánar út í það.
Það er alveg á hreinu að þetta framtak kemur Johnsen ekkert við. Miðja landsins er miðja landsins en ekki miðja lands og eyja
Kv – Skúli
Það held ég geti ekki gert neitt annað en gott. Slíkir aðilar geta bæði lumað á gagnlegum upplýsingum og svo er alltaf rétt að vera í góðu samráði við heimamenn á svæðinu (að svo miklu leiti sem hægt er að tala um heimamenn á miðju landsins). Við þurfum líka að hafa samráð við sveitarfélagið.
Kv – Skúli
Rétt að uppfræða hér um það að boltinn er farinn að rúlla með þetta. Það er fullur áhugi hjá Landmælingum á að hafa samstarf við okkur um að reisa þarna myndarlega vörðu með góðum upplýsingaskildi. Við gerum örugglega eitthvað skemmtilegt úr þessu þannig að uppátækið fái verðskuldaða athygli. Ein hugmynd sem hefur flogið er að hver deild komi með grjót af sínu svæði þannig að í vörðunni verði grjót alls staðar af landinu.
Ef einhver hefur meiri upplýsingar um slóðann sem Smári nefnir væri gott að heyra. Þetta verður væntanlega staður sem ferðamenn vilja geta heimsótt og nauðsynlegt að fær vegslóði liggi þangað.
kv – Skúli
Það er langsótt túlkun að með orðum mínum að ofan felist eitthvað vantraust á Jón. Hann er að mínu viti mati mjög hæfur stjórnarmaður og hefur margsannað það. Orð mín hér að ofan eru einfaldlega til að koma í veg fyrir að það sem Jón sagði sé mistúlkað, enda ef menn lesa báða pistlana sjá menn að þeir ganga fullkomlega saman. Það að meirihluti stjórnarmanna sé á einhverri skoðun þýðir ekki að stjórnin sem slík hafi formlega tekið þá afstöðu. Þó meirihluti stjórnarmanna telji Patrol bestan, þá er það ekki formlega séð afstaða stjórnar, svo dæmi sé tekið sem ætti að skiljast.
Kv – Skúli
