Forum Replies Created
-
Replies
-
Mér er sagt að þessar grindur á Rovernum hafi stuðning alveg niður í grind og boddýbitana. Veit hins vegar ekki hvernig það er útfært en væntanlega einhverjar stoðir sem taka við að innan.
Kv – Skúli
Svona utanáliggjandi veltigrindur er hægt að kaupa tilbúnar á Land Rover:
[img:1fldsdpc]http://www.f4x4.is/new/files/photo/?file=files/photoalbums/3742/28837.jpg[/img:1fldsdpc]
Það spilar kannski inn í að hugtakið loftmótstaða var ekki sérstakt áhyggjuefni við hönnun þessa glæsilega bíls og því verður vindgnauð kannski ekki svo mikið vandamál. Eins og sjá má á myndinni eykur þetta bara á glæsileikann. Það er samt örugglega rétt sem Rúnar segir að í vissum tilfellum sé vörnin meiri ef búrið er inni í bíl en oftast held ég að það myndi koma að gagni
Kv – Skúli
Söfnunin fyrir Gísla var ekki á vegum stjórnar á neinn hátt þó svo stjórnarmeðlimur hafi sett hana af stað (sem einstaklingur í klúbbnum en ekki stjórnarmaður). Það voru ferðafélagar Gísla í þessum tiltekna túr sem setja þetta af stað. Eina sem stjórnin sem slík kemur að þessu máli var að lána reikningsnúmer fyrir peningana.
Kv – Skúli
Engin spurning, undirritaður leggur 1000 kall inn á reikninginn. Þeir sem þekkja Gísla og/eða hafa ferðast með honum vilja fá hann aftur á góðan jeppa.
Kv – Skúli
Eins og fram kom í frétt fyrir nokkru (https://old.f4x4.is/new/news/?file=201) verður aðalfundur í byrjun maí og rétt að huga að því að manna allar nefndir og stjórn fyrir næsta starfsár. Ég tók saman lista yfir hverjir sitja áfram og hverjir fara út miðað við kosningar á síðasta aðalfundi. Þessi listi segir samt ekkert um það hvort einhverjir sem eru að fara úr nefndum ætli að gefa kost á sér áfram eða hvort einhverjir vilji losna sem ættu að sitja í annað ár.
Minni á að þeir sem eru til í að gefa kost á sér til starfa sendi póst á stjorn@f4x4.is og/eða á viðkomandi nefnd þannig að það sé hægt að hafa góða yfirsýn yfir þau framboð sem liggja fyrir. Einnig hægt að hafa samband við okkur og melda áhugann.
En hér er listinn:
Nefndarkjör á aðalfundi 2006
Stjórn
Áfram sitja:
Bjarni Kristinsson
Agnes K. Sigurðardóttir
Varamaður Elín B. RagnarsdóttirÚt fara:
Jón Snæland
Emil Borg
Varamaður Hlynur SnælandKosið um 2 sæti meðstjórnenda og 1 sæti varamanns
Ritnefnd
Áfram sitja:
Halldór Sveinsson
Hjördís S. Jónsdóttir
Steinar ÞórarinssonhÚt fara:
Halldóra Ingvarsdóttir
Birgir Már GeorgssonKosið um 2 sæti
Skálanefnd
Áfram sitja:
Óskar Hafþórsson
Theodór KristinssonÚt fara:
Bjarki Logason
Gísli Þór Þorkelsson
Eyþór GuðnasonKosið um 3 sæti
Tækninefnd
Áfram sitja:
Sigurður Jónsson
Magnús SigurðssonÚt fara:
Ásgeir Ásgeirsson
Sigurður Sveinn Jónsson
Ásgeir B. BöðvarssonKosið um 3 sæti
Hjálparsveit
Áfram sitja:
Guðmundur Guðmundsson
Sindri GrétarssonÚt fara:
Friðrik St. Halldórsson
Ásgeir ÁsgeirssonKosið um 3 sæti
Umhverfisnefnd
Áfram sitja:
Vilhjálmur Freyr Jónsson
Dagur BragasonÚt fara:
Jóhannes Kristjánsson
Einar Kjartansson
Ásgeir HalldórssonLitla nefndin
Áfram sitja:
Sigríður Hilmarsdóttir
Kjartan Rúnarsson
Kristinn FriðjónssonÚt fara:
Sigurlaugur Þorsteinsson
Stefán BaldvinssonKosið um 2 sæti
Vefnefnd
Áfram sitja:
Hrafnkell Daníelsson og
Óskar ErlingssonÚt fara:
Bjarni Gunnarsson
Birkir Jónsson og
Soffía BjörgvinsdóttirKosið um 3 sæti
Fjarskiptanefnd
Áfram sitja:
Kjartan Gunnsteinsson
Jóhannes JónssonÚt fara:
Sigmundur Sæmundsson
Bergþór Júlíusson
Agnar BenónýssonKosið um 3 sæti
Til viðbótar þessu vantar framboð í formann, ég geri ekki ráð fyrir að bjóða mig fram aftur.
Kv – Skúli
Þetta er glæsilegt blað hjá Einari.
Kv – Skúli
… og verð á góðum Landrover aðeins gefið upp í kýrgildum.
Kv – Skúli
Góður punktur með sementspokann, reyni það næst. Lætur það ekki fara lengra!!!
Þægindi eru náttúrulega bara hégómi og ástæðulaust að velta því fyrir sér í fjallabíl, því eins og einn ágætur maður sagði sem vann við hönnunina ‘Durability was based on drivers discomfort – we damaged more drivers then vehicles during testing’. Þarf ekki að hafa fleiri orð um það. Endingu Landrover þarf ekki að fjölyrða um, 70% þeirra sem framleiddir hafa verið eru ennþá ökufærir (skv. einhverri umfjöllun úr BBC held ég sé). Og eins og eik bendir á væri skorið á rampinum líklega hærra ef upphaflegu Rover gormarnir væru á sínum stað.
Varðandi kenningar um að framleiðslu Defenders verði hætt þá væri slíkt náttúrulega menningarlegt slys, en við treystum á breska bændur, þeir hafa hrundið á bak aftur öllum hugmyndum um að breyta meginlínum í boddýinu og munu vafalaust afstýra þessu slysi.
Kv- Skúli
Skilst að það séu stífari gormar undir hjá mér en orginal gormarnir, þannig að þarna gæti verið einn þáttur. Reyndar held ég sé rétt að Rúnar Ingi sé líka með þessa stífari gorma, er það ekki rétt munað?
Kv – Skúli
Ég ætla ekki einu sinni að reyna að klóra í bakkann. Nú þarf eiginlega að leggjast yfir það (eða undir það) hvað er að. Kannski um að kenna nýju dempurunum að aftan
Ég fór á rampinn í fyrra og fór þá 20 cm lengra, en þá reyndar á þurru og góðu gripi.
Miðað við þessar fyrstu tölur er Cherokee á toppnum og reyndar Cherokee almennt að koma vel út. Þessi Cherokee sem þarna er efstur var líka býsna flottur á rampinum.
Kv – Skúli
Góðar ábendingar með 14. greinina, það er ljóst að hana þarf að laga eitthvað. Ég held að vefnefndin sé á fullu að vinna í að laga hana til þannig að hún þjóni hlutverki sínu án þess að ganga óeðlilega á höfundarétt manna.
Kv – Skúli
Ofsi spyr hvað ráði afstöðu manna til virkjana á Kerlingafjallasvæðinu. Í mínu tilfelli er það einfaldlega það að slík virkjun þýðir óhjákvæmilega að sú landnýting sem núna er á svæðinu og snýst um að njóta óspilltrar náttúru verður að víkja fyrir annars konar landnýtingu. Það finnst mér óæskilegt vegna þess að ég hef mikinn áhuga á þeirri landnýtingu sem núna er stunduð þarna og sú landnýting hefur þurft að víkja aftur og aftur og aftur. Við sem viljum njóta hálendisins sem óspillts víðernis erum svolítið eins og hagamýsnar sem eru fyrir á svæðum sem tekin eru undir byggingaframkvæmdir, okkar þarfir þurfa einfaldlega að víkja.
Það má kalla þetta tilfinningarök, enda snýst málið um þá einstöku tilfinningu sem það er að upplifa óspillta náttúru. Miðað við það eru tilfinningarök ekkert óæðri en önnur rök og ættu eiginlega að fá miklu meira vægi en þau fá í dag.
Kv – Skúli
Þannig að No-spinnarar fái a vera með er þá ekki málið að hafa þessa tvo flokka, með og án læsinga. Þeir sem eru með handstýrðar læsingar geta þá keppt í báðum.
Í öðrum er þá keppt hver kemst hæst og í hinum hver þorir hæst!!!
Hægt að taka undir allt að ofan. Sérstaklega hrós til Palla að standa fyrir jákvæðni á vefnum, þarna er karakter hans í hnotskurn.
Svo vil ég leyfa mér að hrósa Lellu fyrir framtak sem er kannski ekki orðið opinbert ennþá (þetta er skúbb!), ég vona að ég geri henni ekki óleik með því að leka þessu út þar sem þetta er bara rétt á byrjunarreit. En hún semsagt er búin að taka upp á sína arma frumkvæði í að koma á laggirnar skyndihjálparnámskeiði fyrir félagsmenn. Það er sérstaklega þetta frumkvæði sem mér finnst frábært.
Og númer þrjú er það Siggi Harðar. Án hans ætti klúbburinn ekki eitt öflugasta fjarskiptakerfi hálendisins.
Kv – Skúli
Hnitin á skálum Útivistar er á heimasíðunni, http://www.utivist.is. Þú velur Skálar og síðan hvern skála fyrir sig, þá ættir þú að finna þetta.
Kv – Skúli
Það er mikið til í því sem Eik segir hér að ofan að sá sem dregur ræður miklu um það hvort tjón verði. Kannski ekki algilt og stundum eru aðstæður þannig að það þarf að kippa hressilega, en sá sem situr fastur getur afskaplega lítil áhrif haft á dráttinn.
Það er annað sem ég vil nefna í sambandi við þetta og það er að tjón á bílunum er bara minnsti hlutinn af þessu. Hættan sem fólki getur stafað af slitnum spotta, svo ekki sé talað um dráttarkúlu eða krók sem gefur sig, er mikið alvarlegri hlutur. Það er því full ástæða til að leggja meiri vinnu í að fyrirbyggja slysin frekar en skriffinnsku. Velti því líka fyrir mér hvort orðin “…öllu því tjóni sem gæti orðið við þá aðstoð…“ feli í sér ábyrgð á líkamstjóni. Veit að þetta er ekki hugsað þannig en spurnng hvort hægt sé að túlka það þannig. Hvað segir tryggingafélagið sem ætti að borga bætur í slíkum tilfellum ef annar aðili er búinn að undirrita að hann taki á sig alla ábyrgð?
Kv – Skúli
Magnús í skemmtinefnd reddar þessu.
Kv – Skúli
Takk fyrir svarið Eik, einmitt þetta sem ég var að pæla í. Þyngingar þurfa því allavega að vera nægjanlegar til að koma í veg fyrir að slitinn spotti nái ferð eða nái að koma þyngingunni á ferð, að öðrum kosti er bara verið að auka hættuna. Spurning hvort það virki ekki að setja hreinlega fallhlífar á spottann sem mynda loftmótstöðu ef hann fer af stað!
Kv – Skúli
