Forum Replies Created
-
Replies
-
Ansi vorum við samtaka Lúther að setja inn fréttir, þó þær hafi óneitanlega verið safameiri hjá þér.
Kv – Skúli
Ég heyrði aðeins í Ofsanum. Þeir voru að nálgast Marteinsflæður og bara bullandi gangur og vandræðin allavega ekki meira en vant er. Flott færi og aðstæður þannig að brosið hverfur ekki.
Kv – Skúli
Veit einhver hvernig færð er á Kaldadal þessa stundina, er fært fyrir framdrifsrútur og óbreytta jeppa?
Kv – Skúli
Þar sem mér er kunnugt um að Ofsi kom eitthvað nálægt því að skipuleggja óvissu þessarar ferðar og er að auki þátttakandi, þá segir reynsla síðustu helgi að óvissan verður mest eftir að heim er komið um það hvort ferðin hafi yfir höfuð verið farin og hverjir voru á ferð.
Kv – Skúli
Saga H.C. Andersen um litla ljóta andarungann á greinilega upp á pallborðið hjá Rottunum. Þannig var það að einu sinni voru litlir ljótir jeppakarlar sem enginn kærði sig um eða vildi vita af og var því rætt um þá sem rotturnar. Þetta gekk svo langt að þeir gengust við þessu viðurnefni og samsömuðu sig þessum nagdýrum eins og frekast var hægt og fóru jafnan mikinn en þó aðeins í skúmaskotum í skjóli myrkurs. Svo fór að þeir gerðu líkt og nagdýr ræsanna gera gjarnan, lögðu undir sig yfirgefinn húshjall eða hesthússskúr á eyðilegum söndum suðurhálendisins og hreiðruðu um sig þar, drógu að sér stolinn hálm og annað sem að gagni gæti komið. Nú veit ég ekki hvar innkoma ráðherrans samræmist sögu Hans Kristjáns Andréssonar en allavega er ljóst að Rotturnar eru nú orðnar sannfærðar um eigin fegurð og ágæti í alla staði og vantar ekki annað en þeir breyti um nafn og fari að kalla sig Svanagengið. Þó vissulega sé ágætt að sjálfsmynd þessara brotnu sála byggist upp til hins betra, kann ég nú samt betur við þá sem Rottur.
Kveðja frá Kára
Þær Kristín, Agnes og Siv meiriháttar flottar í sjónvarpinu og góð umfjöllun. Thumbs up!
Kv – Skúli
Ég get alveg tekið undir það hjá Benna að jeppamenn eða allavega megin þorri 4×4 félaga eru vel búnir og geta brugðist við 99% þeirra atvika sem kunna að koma upp á. Hér er einfaldlega til umræðu einn þáttur af mörgum sem við höfum ekki spáð mikið í og raunar merkilega lítið. Kannski vegna þess að þörfin kemur ekki oft upp, menn varast yfirleitt að vera að labba mikið þar sem eru sprungur, kannski varast full mikið að labba yfir höfuð ;o) en þó eru menn að labba á Hnjúkinn og í honum eru oft sprungur og ég held að engir nema jeppamenn fari þar upp án þess að vera í línu og á mörgum stöðum á jöklum þar sem vert er að stíga út úr bílnum og labba aðeins eru einmitt nokkrar líkur á sprungum því það er gjarnan þar sem klettar koma upp úr jöklinum með tilheyrandi broti.
Hinn punkturinn að það sé hætta á að menn fari fram úr sjálfum sér ef þeir hafa réttu græjurnar en ekki þekkinguna eða skynsemina þá á það nú eiginlega við allt í þessu sporti. Góður og vel útbúinn jeppi er stórhættulegur í höndum þess sem ekki kann með hann að fara eða ekki kann að ferðast. Þetta er ekki útúrsnúningur, þetta er sambærilegt dæmi.
Kv – Skúli
Það er alveg rétt að Karl tekur stórt til orða og notar líflega samlíkingu eða þannig og ekki laust við hroka, en ég held að kjarninn í málflutningi hans sé nokkuð réttur. Allavega tókst honum að hressa upp á þessa umræðu sem er ágætt.
Eins og Eik segir hér í hinum þræðinum um þetta mál (Búnaður) þá eiga menn að reyna að vera sem mest sjálfbjarga. Höskuldur segir hér að ofan að það séu ‘takmörk hvað hægt er að fara fram á að menn græji sig fyrir svona ferði’ en hér er verið að tala um smápeninga miðað við margt annað í þessu sporti. Mér finnst menn líka kannski aðeins vera komnir á villuslóð þegar þessu er stillt upp þannig að það sé annað hvort að vera með fullkominn björgunarsveitarbúnað og vera ekki minna en þrautþjálfaður í björgunarstörfum eða standa bara og bora í nefið. Með lágmarkskunnáttu, lágmarksbúnaði (og hámarks skynsemi) er hægt að gera býsna margt. Gönguhópur sem ég hef gengið talsvert með lenti í því fyrir tveimur árum að einn datt ofan í sprungu og þó ekki væri annað af búnaði en lína, broddar og ísexi, þá var viðkomandi bara dreginn þarna upp, enda óslasaður. Það hefði verið frekar aumt að þurfa að kalla út björgunarsveit fyrir þetta smáræði. Það er nefnilega ekki endilega rétt hjá Benna að það þurfi alltaf að vera alvarlegt slys úr því þó einhver pompi ofan í sprungu og náttúrulega enn síður ef hann er í línu og á hinum endanum á línunni er einhver með ísexi sem kann að negla sig niður. Svo ef einhver er slasaður og ofan í sprungu og menn treysta sér ekki til að draga hann upp, þá er þó strax betra að geta farið niður og hlúð að honum frekar en að láta ræfilinn hýrast einann þarna niðri. En auðvitað hárrétt hjá Þóri að ef menn eru illa slasaðir þurfa menn að vita hvað þeir eru að gera og þá eru menn tæpast dregnir upp nema í börum. Svo er náttúrulega kannski mikilvægast og það er að hafa útbúnað til að geta aukið öryggið ef maður þarf að vera að spígspora á vafasömu svæði. S.s. lína, broddar, ísexi, belti (ö.n. sigstóll) og eitthvað af járnadrasli ásamt einhverri grunnþekkingu á að nota þetta og menn eru bara fjandi góðir. Og kostnaðurinn er að hámarki tvö dekk. Ég held líka að Benni vanmeti eigin getu þegar hann segist ekki vera maður til að síga ofan í sprungu eftir að hafa farið á námskeið í fjallamennsku.
Pointið er svo ég reyni að gera shortcut á það; aðstæður og atvik geta verið allavega, stundum sjálfsagt er ekkert hægt að gera (nema bora í nefið) þar til sérhæfð hjálp berst, stundum er hægt að gera helling með því að hafa einhvern lágmarksbúnað og allavega lágmarksþekkingu á hvernig þú notar hann. Verst er að standa eins og þvara og geta ekkert gert af því þú ert ekki með neitt nema sandala og moonboots. Þú bjargar kannski aldrei öllu við allar aðstæður en það eru meiri líkur á að þú getir gert eitthvað að viti ef þú ert búinn til þess.
Kv – Skúli
Ég var að hlusta á fréttirnar í kvöld og heyrði þá af dómtöku málsins vegna sjóslysins úti á Viðeyjarsundi þar sem maður er ákærður fyrir manndráp af gáleysi á þeirri forsendu að mér skilst að hafa verið drukkin við stjórnun sportbáts. Ég ætla ekki að fara að fjalla um það mál hér né hvort hann sé sekur eða saklaus, en þetta leiðir hugann að akstri á fjöllum og áfengisneyslu. Tek fram að ég hef ekki séð mikið af slíku á síðustu árum og held eða vona að minnsta kosti að það sé ekki stórt vandamál. Það er hins vegar klárt að það að stýra báti á sundunum og keyra jeppa á fjöllum á það sammerkt að hvortveggja krefst fullrar aðgæslu og óskertrar dómgreindar. Ef sambærilegt mál kæmi upp þar sem dauðaslys yrði á fjöllum og grunur léki á að ökumaður hafi verið ölvaður eru allar líkur á að það mál fengi svipaða meðferð og þetta mál vegna sjóslysins.
Ég er eiginlega bara að hafa orð á þessum pælingum til að hvetja jeppamenn til að láta slíkt mál ekki koma upp. S.s. bara horfa til framtíðar í þessu. Þetta er dauðans alvara.
Kv – Skúli
Rétt Benni að það er betra að kunna eitthvað á þetta dót, annars er þá aðalatriðið að kunna góða hnúta. Svokallaður áttuhnútur er venjulega notaður á línuna. Karabína er einfaldlega lás sem hægt er að nota til að festa línuna einhvers staðar, hvort sem er í þig sjálfan (sigbelti ef þú ert með svoleiðis flottheit), bílinn eða hvað sem hentar. Handhægt og gott. Með spilið þá gæti það örugglega virkað vel til að síga, en það er ekki endilega víst að þú komir bílnum að. Stundum rekur líka bara forvitnin eða ævintýramennskan mann til að labba á staði þar sem betra er að hafa línu á milli sín.
Það væri kannski sniðugt að taka eitt fimmtudagskvöld í að fara í gegnum þetta járnadrasl og hvernig sé hægt að nota það.
Kv – Skúli
Ég get alveg tekið undir þetta með línuna, þó mér hafi aldrei dottið í hug að hug að vera með línu upp á 100-150 metra. Jafnvel ekki frá því að styttri lína (og þar með léttari) geti nýst betur. Tilgangur hennar er að geta tryggt sig ef sú staða kemur upp að maður þarf að vera að spígspora eitthvað á sprungusvæði eða ganga á undan bíl svo dæmi sé tekið. Lengri lína gæti nýst við að vaða ár. Þegar ég hef tekið upp á að vaða ár hef ég hins vegar frekar viljað sleppa línunni og treysta á sjálfan mig. Þegar löng lína liggur í straumnum tekur hún býsna vel í og auðveldar manni ekki að standa í straumnum. En ég er alveg sammála því að lína, karabína og jafnvel belti og ísöxi ætti að vera staðalbúnaður í jeppanum í jöklaferðum.
Kv – Skúli
Takk fyrir það Einar, leiðréttingin komin inn núna.
kv – Skúli
Bara að minna á að það er EKKI fundur í kvöld heldur eftir viku.
Kv – Skúli
Það eru nú athyglisverðar merkingar á nokkrum hnöppum þarna og örugglega ýmsar nýjungar sem verður orðinn staðalbúnaður í öllum alvöru fjallajeppum þegar menn fara að átta sig á þessu. T.d. Engine Fire Control og undir því fjórir hnappar. Engine Anti-Iceing sýnist mér vera þarna líka, það væri t.d. í þá bíla sem eiga til að fylla lofthreinsara af snjó. Líka frábært að hafa svona Storm off/on hnapp, hefði t.d. verið gott að hafa svoleiðis í Hofsjökulstúrnum í fyrra til að fá eitthvað kikk út úr túrnum. Svo er náttúrulega þarna No smoking hnappur og klárt mál að Ofsi myndi setja hann á Off og ekki hreyfa hann úr þeirri stöðu.
Flottar myndir hjá fulltrúa þingheims í ferðinni. Ég veit ekki hvaða áhyggjur þetta eru strákar, greinilegt að stelpurnar eru fullfærar bæði um að koma sér í vandræði og leysa úr vandræðunum aftur.
Kv – Skúli sem bæði er með bíl og konu heima við.
Þetta er sama bókin og var seld á einhverja þúsundkalla fyrir nokkrum árum. Megnið af upplaginu er hjá útgefanda, en klúbburinn er með takmarkað upplag til sölu, fyrstur kemur fyrstur fær. Það er auðvitað svekkjandi að hafa keypt hana fullu verði og sjá hana svo selda á slikk nokkrum árum síðar, en skýringin er auðvitað sú að hún seldist illa á sínum tíma og nú er útgefandinn líklega að reyna að ná aðeins upp í kostnað og rýmka til á lager. Þannig er nú það, svona ganga hlutirnir bara fyrir sig.
Kv – Skúli
Við vorum nokkrir á Grímsfjalli um helgina og fórum m.a. þaðan á Öræfajökul. Við fórum yfir útfallið eiginlega beint í suðaustur frá skálanum eða tæplega hálfum km sunnar en eldri leiðir. Skv. hnitum sem ég er með er sigketillinn sem myndaðist 2004 austan við fjallið 64 24.747 / 17 13.847.
Kv – Skúli
Það fylgir því auðvitað heilmikil ábyrgð að setja fram upplýsingar um þessa hluti, sama hvort það er gert með því að kortleggja hættuleg svæði eða setja fram öruggar leiðir. Ef hættuleg svæði eru merkt inn á kort álykta menn sjálfkrafa að hægt sé að sprauta alls staðar utan þeirra og þá er líka eins gott að taka með öll varasöm svæði og ekkert gleymist og eins þarf þá að uppfæra upplýsingarnar nokkuð örugglega ef breytingar verða á jöklum. Hins vegar ef öruggar leiðir eru kortlagðar kemur spurningin um hversu öruggar þær eru. Það þarf t.d. ekki mikið að breytast til að leiðin sem við fórum í stóru Hofsjökulsferðinni í fyrra breytist og verði ekki svo mjög örugg og menn þurfa alltaf að gæta að sér á allavega flestum leiðum. Má kannski segja að það sé ekkert til sem heitir örugg leið.
Hins vegar held ég að þetta sé eitthvað sem verði að gera, menn þurfa bara að gera sér grein fyrir þeim fyrirvörum sem eru á svona upplýsingum. Réttu aðilarnir til að gera þetta er auðvitað Ferðaklúbburinn 4×4 og Jöklarannsóknafélagið og reyndar höfum við Magnús Tumi þegar rætt saman um þetta. Nú er bara spurningin um að fá okkar reyndustu og færustu menn í vinnuhóp til að vinna að þessu í samvinnu við þá Jöklarannsóknafélaginu.
Kv – Skúli
Sælir félagar
Það kom mér nú ekki á óvart að það væru skiptar skoðanir um þau ummæli að ég teldi koma til greina að lögbinda veltigrindur í breyttum bílum. Núna eru þær reyndar lögbundnar í blæjujeppum og plasttoppum, þannig að þetta væri þá spurning hvort það ætti að víkka út þá reglu. Palli á móti nefnir Hiluxinn hérna að ofan, enda hefur hann barið upp toppinn á þeim nokkrum. Við semsagt vitum nokkuð vel hvernig þeir leggjast saman í veltu, en hvað ætli hlutfallið sé milli breyttra hiluxa með veltigrind og án grindar? Hvernig væri það hlutfall ef það væri skylda að hafa grind? Fjalli sagði í gær í fréttunum að veltigrindin ætti að vera það sem kæmi fyrst, en við verðum bara að viðurkenna það sem Jón Ofsi segir, við erum margir hverjir svo miklir slúbbertar að fyrst kemur allt sem þarf til að koma dekkjunum undir, svo allt sem eykur drifgetuna og svo einhvern tíman seinna förum við að spá í svona öryggisatriði. Gleymum því svo aftur af því okkur vantar nú eiginlega aukatankinn fyrst, það er svo leiðinlegt að standa í þessu brúsaveseni. Svo rifjast þetta upp næst þegar við heyrum af slysi … bara vonandi að við séum þá ekki í því slysi sjálfir. Svona er þetta bara!
Það var kannski lýsandi fyrir þetta að þarna stóð ég hélt þessu fram fyrir framan Landróverinn minn … veltigrindalausann.Hitt er hins vegar alveg hárrétt sem Óskar og fleiri segja hérna að ofan að það er full þörf á að skerpa aðeins virðingu manna fyrir hættunum á fjöllum. Fáum okkur veltigrind í bílana og stefnum svo að því að hún komi aldrein að neinu gagni.
Kv – Skúli
Votta aðstandendum unga mannsins sem lést mínar dýpstu samúðarkveðjur. Hugur Ferðaklúbbsfélaga er með þeim.
Vona að þeir sem slösuðust um helgina nái bata sem fyrst.
Kv – Skúli
