Forum Replies Created
-
Replies
-
Ég held að rás 45 sé eina rásin sem allir hafa rétt til að hafa og svo er annað háð sérstakri heimild eða félagsaðild (sbr. 4×4 rásirnar).
Kv – Skúli
Frábært að þeim tækist að stoppa þetta, fáránleg hugmynd sem var í gangi að setja björgunatækin á kílómetragjald. Það er líka athyglisvert að það mótmælin skyldu verða til að breyta afgreiðslu Alþingis, almenningur getur þá haft einhver áhrif.
Kv – Skúli
Það er alveg rétt sem bent hefur verið á að torfæruhjólin þurfa sína aðstöðu. Hins vegar er þetta sem maður sá þarna í fréttunum eitthvað sem mér finnst ekki hægt að afsaka með aðstöðuleysi en kannski hugsunarleysi á háu stigi. Það þarf að fara að gera eitthvað sniðugt til að koma einhverri hugarfarsbreytingu í gang fyrir alvöru.
Kv – Skúli
Fyrst hverfur kamarinn og svo sjónvarpið. Mér er spurn; er eitthvað samhengi þarna á milli??? HM er náttúrulega að nálgast og því má láta sér detta í hug að kamarþjófurinn hafi séð sér leik á borði, nappað sjónvarpinu og sett það á kamarinn þannig að hann missi ekki af marki þegar hann þarf að gegna kalli náttúrunnar á kamrinum.
Maður má allavega spekúlera!
Kv – Skúli
Það getur varla verið fyrirstaða fyrir nokkurn að borga 1000 kr. á bíl í svona ferð, tala nú ekki um úr því matur er innifalinn í því. Eiginlega of ódýrt ef eitthvað er.
Kv – Skúli
Það ætti að vera Tdi300 vélin í þessum (4 cyl 2,5 l). Hún er mjög hagstæð, virkar ágætlega og eyðir litlu. Hjá mér í Defendernum er þessi vél að eyða á bilinu 13-15 l, án þess að ég spái mikið í sparakstur.
Kv – Skúli
Rotturnar höfðu heyrt um það að kosningarnar eigi skv. kosnigalögum að vera leynilegar og pössuðu því upp á að ekkert um þær læki út. Sem var eins gott því það er nokkuð ljóst að niðurstöðurnar þola ekki dagsljósið.
Kv – Skúli
Var það nokkuð nýji formaðurinn sem var á þessum Hummer ;o)
Kv – Skúli (sem ekki er lengur formaður og má því terrorisera)
Ég hef reyndar bara heyrt hvorkynsmyndina af þessu, þ.e. Fjallabakið.
Kv – Skúli
Örugglega allt satt og rétt hjá Guðmundi og vandamálið oft að málvenjur eru mismunandi þó það sé ekki nema ein á eða hreppamörk sem skilja á milli. Sennilega er ég smitaður af því að dvelja lengi á Rangárvöllum, en einnig af Árbók FÍ 1976 sem reyndar heitir Fjallabaksleið syðri, en þá bók hef ég drukkið í mig nokkrum sinnum. Þar segir Árni Böðvarsson í upphafi: ‘Við … ætlum að skoða okkur um á Fjallabaksleið, sem lengi var svo nefnd en nú er oft kölluð Fjallabaksleið syðri til aðgreiningar frá Landmannaleið sem þá er nefnd Fjallabaksleið nyrðri’. Þetta rímar einhvern vegin í mínum kolli miðað við það sem ég hef heyrt og jafnframt hef ég einhvers staðar séð á prenti þá fullyrðingu að rangt sé að tala um Landmannaleið aðeins að Landmannalaugum eins og gjarnan er gert í dag. Spurning hvort þetta sé úr þessari sömu Árbók eða hvar þetta var. Á hinn bóginn er þetta mjög lógískt hjá Guðmundi og örugglega jafnrétt og annað í þessu, rétt og rangt í svona hlutum ræðst alltaf af því hvar þú ert.
Kv – Skúli
Minn skilningur hefur verið að sú syðri (eða þær slóðir) sé hin eiginlega Fjallabaksleið. Væntanlega hafa menn jafnan farið um Mælifellssand og yfir Markarfljótið við Krók. Þetta var ekki óalgengleið samgönguleið milli byggðalaga eins og sést á frásögnum af slysinu við Slysaöldu þó hugsanlega hafi dregið eitthvað úr ferðum þar eftir það.
Nyðri leiðin sem í frásögninni sem Klakinn er með kallast Norðurvegur var allavega vestan fjalla kölluð Landmannaleið. Það er væntanlega sú leið sem var vörðuð. Eins og Gummi segir er þetta tal um Syðri og Nyðri Fjallabaksleið seinna tíma fyrirbæri.
Kv – Skúli
Meira um þenna bíl [url=http://www.ystafell.is/bilaogtaekjaskra.htm:1kgjokh0][b:1kgjokh0]hér[/b:1kgjokh0][/url:1kgjokh0]
Skv. þessu voru þessir ekki með hátt og lágt drif, gæti verið að þar skilji á milli ættar Carry-all og Carry Weapon eða milli WC og M???
Þarna er líka fyrsti snjóbíllinn hans Guðm. Jónassonar, ekki vissi ég að hann væri þarna. Maður þarf nú eiginlega að gefa sér tíma til að skoða þetta safn við tækifæri.
Kv – Skúli
Það liggur alveg fyrir að fundurinn var boðaður með þeim lögbundna hætti sem kveðið er á um í lögunum, en ég hef stórar efasemdir um að umrætt fundarboð breytin neinu til að frá um mætingu. Aðalfundir hafa hingað til aðallega verið frekar fámennir og nánast aðeins mannaðir af þeim sem eru á kafi í starfinu og vita nokkuð vel af fundinum. Það kæmi mér því verulega á óvart ef þessi póstsending sem slík skili einhverjum á fundinn sem ekki hefði komið annars. En lögbundnu ferli þarf að fylgja og það var gert og því kannski ekki rétt að segja að þetta hafi verið peningasóun, þ.e. meðan lögin gera þessa kröfu. Eik það sem ég var að tala um var að nota fjármuni klúbbsins í eitthvað skemmtilegt en ekki tilgangslitla bjúrókratíu, nóg af henni samt í þessu þjóðfélagi.
Kv – Skúli
Fundarboðið var póstsett á alla skuldlausa félaga, alls eitthvað um 2100 einstaklinga. Það getur gerst að eitthvað klikki í pósti eða að menn séu skráðir með rangt heimilisfang, þannig að þeir sem hafa greitt félagsgjald í ár og ekki fengið fundarboðið ættu kannski að hafa samband við skrifstofu og athuga skráninguna í félagatali.
Allir félagsmenn í klúbbnum eiga rétt á setu á aðalfundi óháð hvaða deild þeir tilheyra, enda er þetta aðalfundur klúbbsins í heild.
Það eru vissulega ýmsar hliðar á þessu með lagabreytinguna um hvernig fundur skuli boðaður, en hugmyndin bak við þessa breytingatillögu er að einfalda það og minnka kostnað. Það er bara svo margt sem væri skemmtilegra að leggja peninga klúbbsins í en að eyða hundruðum þúsunda í svona póstsent fundarboð, núna á þessum rafrænu tímum. Klakinn er nærri lagi um kostnað ef bara er horft í póstburðagjld, þau eru rúmlega 100 þús, en svo bætist við kostnaður við prentun.
Kv – Skúli
Ólsarinn spyr:
Mig langaði til að vita hvort það væri rétt, að Dodge WC (Weapons Carrier) og við höfum kallað vípón hér á Skerinu, og Dodge CA (Carry-All) sem við köllum flest "karíol" að þetta væru hvorttveggja útfærslur á M-37Ég er nú ekki sérfróður um þessa gömlu höfðinga en er þetta ekki Carry-All eða sá sem var kallaður karíol:
[img:1jty9c3n]http://www.olive-drab.com/images/id_wc53_full.jpg[/img:1jty9c3n]
Þessi Dodge hefur tegundaheitið WC-53 og er þá úr WC seríu af þessum Dodge trukkum, en ekki M línunni eins og Víponinn. En best að halda áfram með spurningar, var eitthvað af þessum karíol bílum hér í notkun að ráði og er til eitthvað eintak ennþá?
Kv – Skúli
Greinilega hin flottasta uppákoma og frábært framtak hjá Davíð og þeim félögum sem sáu um skipulagningu með honum. Tólf stig til þeirra, ekki spurning.
Kv – Skúli
Þegar eru komin tvö framboð í að vinna í þessu máli (eða eitt skv. kirkjulegri túlkun að maður og kona séu eitt), en betur má ef duga skal. Það hljóta að vera fleiri sem eru til í að vinna í þessu, enda er svona vinna yfirleitt mjög skemmtileg. Enga feimni eða hlédrægni, koma nú!
Kv – Skúli
Nú vantar nokkra góða félagsmenn til að taka að sér að vinna að þátttöku okkar í sýningu Bíla&sport í Laugardalshöllinni, sem kynnt var hér í einhverjum þræði. Við fáum líklega pláss fyrir 2-3 jeppa sem þessi hópur þarf að velja og svo vera með einhvers konar kynningu á klúbbnum. Svona vinna er bara skemmtileg. Þeir sem vilja taka þátt í þessu sendi póst á stjorn@f4x4.is. Einnig tillögur að áhugaverðum bílum á sýninguna.
Kv – Skúli
Vegagerðin hefur gefið út kort yfir lokuð svæði á hálendinu. Eins og sést eru flestar leiðir á hálendið lokaðar. Þó sé ég ekki betur en heimilt sé að aka á Langjökul um Húsafell og svo er hægt að fara á Vatnajökul hjá Skálafellsjökli.
Kv – Skúli
Þetta er réttmæt athugasemd hjá Eik og Kjartani. Til stóð að að fundarboð ásamt lagabreytingatillögum birtist í Setrinu, en eins og félagsmenn (allavega eik og Kjartan) hafa tekið eftir hefur Setrið ekki enn borist. Af þessum sökum var aðalfundi slitið strax í upphafi og verður boðað til annars fundar. Væntanlega verður hann þriðjudaginn 23. maí, en þó er enn fyrirvari á þeirri dagsetningu, nánari auglýst síðar.
Þetta var því stuttur og ákaflega hnitmiðaður fundur þó ekki væri stór mál afgreidd.
Kv – Skúli
