Forum Replies Created
-
Replies
-
Persónulega tæki ég AT dekkin. Ég eiginlega gleypi allt hrátt sem sagt er um gripið og að það leggist betur og grípi betur. Það sem mælir með Muddernum hins vegar er að það eru yfirleitt mjög "save" kaup, dekk sem hafa reynst vel í fjölmörg ár meðan aðeins ársreynsla er komin á AT.
Kv – Skúli
Þetta bleika rjóður, er það ekki örugglega inni á Sprengisandsleið?
Kv – Skúli
Það er ekkert skrýtið eða nýtt við það að nýr jeppi líkist einhverjum sem fyrir eru á markaðnum, þetta er allt hverju öðru líkt og stæling á því sem fyrir var. Örfáir eftir sem hafa sjálfstæðan karakter, svosem Defender, Hummer og einhverjar útgáfur af Jeep. Not my cup of tea!
Kv – Skúli
Ekki ælta ég að fara að gera lítið úr skaðsemi sauðkindarinnar, en það er kannski aðeins einföldun í þessu hjá Einari. Gróðurþekjan veikist ekki bara vegna beitar heldur vegna ofbeitar. Ástæðan fyrir að þetta tengist sauðkindinni er að það er helst hægt að finna dæmi um ofbeit af hennar völdum á Íslandi og reyndar mikið af slíkum dæmum. Saman með þessu fara veðurfarsaðstæður í meiri hæð yfir sjávarmáli og stuttur vaxtartími. En allavega stöndum við einfaldlega frammi fyrir því að gróðurþekjan er veikburða á stórum hluta hálendisins og óháð því af hvaða orsökum það er, þýðir það að rof hennar af völdum umferðar getur sett í gang ferli sem leiðir til uppblásturs. Það þýðir ekkert að segja bara að þetta sé sauðkindinni að kenna þó hugsanlega myndi gróðurinn þola meira rask ef Íslendingar hefðu ekki ofbeitt landið í gegnum áratugina.
Kv – Skúli
Mínus 40 poki! Benni minn, færðu aldrei að sofa inni í skála? Eða stendur til að fara í einhverja alvöru ferð?
Kv – Skúli
Nú veit ég ekki hvort ég er að misskilja komment King-1 en stundum hefur maður heyrt þá réttlætingu á utanvegareið hestamanna að hestar séu hluti af náttúrunni og fari um landið eins og hver önnur dýr. Því gildi annað um það þó reiðhópar fari um heldur en þegar keyrt er utanvega. Það gleymist hins vegar að taka það inn í dæmið að hestar hafa aldrei verið hjarðdýr á Íslandi og íslensk náttúra myndi ekki þola það þó gróðurlendur víða annarsstaðar þoli það. Háfjallagróður hér á landi sparkast mjög auðveldlega upp þegar járnað hestastóð er rekið yfir og ég hef séð slíkt stóð fara yfir grösuga sléttu hreinlega eins og plóg, um 10 metra breitt moldarsvað stóð eftir þar sem áður hafði verið gróður. Við getum alveg búið hér áfram, en það er algjör óþarfi að umgangast náttúrna svona og það er alveg hægt að ferðast um án þess að skilja eftir sig skemmdir.
Ég sá athyglisverða ljósmynd í gær. Það var nokkuð brött brekka þar sem var gróðurlaust gap í miðri brekkunni en gróið sitt hvoru megin. Það sem þarna hefur gerst er að einhver hefur keyrt þarna upp og skilið eftir sig för, vatn byrjað að renna eftir förunum og komist undir gróðurlagið og á endanum torfan hreinlega runnið niður brekkuna og eftir stóð eitt stórt sár. Í sumum tilfellum hverfa ummerkin á einhverjum x árum en í öðrum tilfellum aukast þau ár frá ári. Í verstu tilfellum getur svo vindurinn tekið við og krafsað í brúnina smám saman og fyrir rest jafnvel umhverfið orðið eitthvað þessu líkt:
[img:3cti3n2e]http://www.mountainfriends.com/images/sum04/sum04_03.jpg[/img:3cti3n2e]
Hljómar kannski ýkt en er langt frá því að vera óraunhæft, uppblástur byrjar sem lítið sár í jarðveginum þar sem jarðvegurinn byrjar að fjúka burt þar til eftir ár eða áratugi ekkert er eftir.
Kv. – Skúli
Svo eru það bækurnar. Að sjálfsögðu er í Ofsabókunum (Ekið um óbyggðir og Utan alfaraleiða) lýsing á ýmsum leiðum þarna og vel þess virði að kynna sér þær. Eins Hálendishandbækurnar hans Páls Ásgeirs, þar fjallar hann um helstu leiðir þarna og segir frá ýmsum útúrdúrum. Best að hafa bara allar þessar bækur í bókasafninu í bílnum og þá getur kóarinn flett í þessu fram og til baka.
Kv – Skúli
Takk fyrir þetta Gundur, hvar sem þú grófst þetta upp. Skemmtileg lesning og athyglisvert að spá í hvað sumt í umræðu um bíla er nákvæmlega eins í dag. Áhyggjuefnin eru t.d.verð á eldsneyti sem hefur sjálfsagt verið talsvert dýrara þarna en í dag miðað við meðalvinnulaun, slæmir vegir (slæm færð á Laugaveginum) og svo hvað hver bíll sé mörg hestöfl. Thomsen var náttúrulega framsýnn og keypti kraftmikinn bíl, heil 7½ hestafl. Virðist heldur ekki hafa veitt af til að komast upp brekkur og drífa á íslenskum vegum. Greinilegt líka að íslenskir vegir gátu farið illa með ‘lofthringina á vagnhjólunum’ og það náttúrulega þekkjum við jeppamenn. Samt var Thomsen ekki á neinum 38 tommu lofthringum. Ég sé þó að það hefur orðið framför á einu sviði. Það er að ekki þarf lengur vjélstjóra með hverjum vagni, allavega ekki hjá flestum okkar.
Talandi um vjélstjórann þá segir Thomsen að það þurfi að borga honum allavega 120 kr. á mánuði sem má þá ætla að séu lágmarkslaun iðnaðarmanns. Viðhaldskostnaður ársins á vagninum var 1109,32, þannig að það eru hátt í 10 mánaða laun. Þá er væntanlega eldsneytiskostnaður o.fl. eftir. Bensínkostnaður er 75 aurar á hverja mílu sem þýðir þá væntanlega að eldsneytiskostnaður á 100 km er 45 kr. Mánaðarlaun vjélstjórans hefðu því dugað til aksturs um 267 km ef reiknikunnátta mín er ekki að afvegaleiða mig einhvers staðar. Sennilega bæði eyðsla á kvikindu verið hraustleg og bensínverðið óheyrilega hátt. Það er því líklega ekki rétt að bensínverð hafi aldrei verið dýrara en í dag, allavega ekki sem hlutfall af meðallaunum.
Að lokum legg ég til að við tileinkum okkur orðaforða Thomsen. Hér eftir deilum við um hvaða mótorvagn sé bestur og spyrjum félagana á hvernig lofthringum mótorvagninn þeirra sé. Og Jón ofsi verður að kalla Danna hér eftir vjélstjóra og borga honum 120 kr. á mánuði, enda held ég að Slóðríkur taki aldrei feilpúst öðru vísi en [url=http://www.siv.is/i_mynd/myndir.lasso?id=7165:21x2ykev]Danni sé kominn undir vjélarhlífina[/url:21x2ykev].
Kv – Skúli
Ég þorði ekki að hafa orð á því Hjördís svona af því ég er vel upp alinn, en þegar ég las þetta fyrst vaknaði einmitt spurningin hvort þú ætlaðir ekki á sumarhátíðina með karlinum. Ég geri ráð fyrir að þú ætlir núna með, úr því sem komið er!
Kv – Skúli
En n.b. þarna er talað um heildarþyngt 750 kg. sem þýðir þyngd kerru+hlass.
Kv. – Skúli
Sennilega rétt hjá Eik þetta með fleirtöluna, að vísu er það Verkfræðingurinn og vinur hans og aukasjálf Jóhannes (eða hver er annars aukasjálfið í þessu tvíeyki?) en þeir félagar teljast reyndar í eintölu.
En það má reyndar nota nöldrið í honum (þeim) til að leiðrétta misskilning sem hugsanlegt er að fleiri hafi. Það hefur engum slóðum verið lokað á hálendinu í tengslum við þetta slóðaverkefni, hvorki fyrir afskipti okkar né eftir. Kortið eins og það stendur núna er eða kannski frekar var hugsað til leiðbeiningar en er engin heimild um hvað sé lokað og hvað sé opið. Hins vegar liggur það fyrir að á næstu árum á að fara í gegnum það hvaða slóðir eru opnar og hverjar ekki og að þær upplýsingar verði á þessu korti og væntanlega aðgengilegar eftir fleiri leiðum. Það sem var verið að tryggja núna er að 4×4 taki þátt í þeirri vinnu sem er mjög mikilvægt fyrir klúbbinn, félagsmenn, alla landsmenn sem ferðast um hálendið og ekki síst fyrir þetta starf sem slíkt.
Kv – Skúli
Ég hef oft notað appelsínugul blikkandi ljós í blindbyl á fjöllum til að auðvelda ferðafélögunum að sjá mig og sjá aðra og svo heppilega vill til að allir bílar eru búnir svona ljósum á hverju horni og ganga þau undir nafninu stefnuljós. Það svínvirkar að keyra með hazardið kveikt við slíkar aðstæður.
Kv – Skúli
Heyrði það frá jöklarannsóknamönnum að þegar þeir voru í vorleiðangri sínum á Vatnajökli hefði verið talsverður snjór ennþá á Breiðbak, en það eru náttúrulega einhverjar vikur síðan þannig að það er óvíst að það sé ennþá. Hins vegar er leiðin inn að Langasjó fín og ekkert annað að gera en kíkja á þetta.
Með tjaldstæði þá er hægt að tjalda við flesta skála á svæðinu, s.s. Álftavatni, Hvanngili, Strút, Hólaskjóli og undir Sveinstindi.
Kv – Skúli
Það er einhver vakning í gangi og þegar hún er farin að ná inn í stjórnmálin fer maður loksins að geta talað um árangur. Það var líka frábært að sjá niðurstöður Gallup könnunar um það hvort menn vildu frekar sjá endurbætur á hringveginum eða uppbyggðan veg yfir Kjöl. Held það hafi verið í leiðara Moggans í gær, þriðjudag, þar sem bent var á að það hljóti að vera umhugsunarefni fyrir Halldór Blöndal að 60% svarenda í hans kjördæmi völdu frekar endurbætur á hringveginum.
Kv – Skúli
Einhver sagði mér í dag að þarna væri á ferðinni maður sem leitast við að afla sér stuðnings sem flestra jeppamanna. Þetta er vissulega ein leið að kaupa bara allar helv…. tegundir sem til eru á markaðnum, hverja á fætur annarri og verða þannig óumdeildur. Ég fór hins vegar einfaldari leið að markmiðinu með því að aka um á Defender sem alltaf stendur utan við tegundaágreining og rembing en stendur samt alltaf fyrir sínu. En Benni er stórtækur og það lofar bara góðu fyrir starfsárið.
Kv – Fyrrverandi
Þetta er líklega alveg rétt Lella og get alveg játað að hafa freistast til þess þegar erfitt er að finna stæði. Eitt sem má alveg hafa í huga í þessu sambandi og það er að blindir nota gangstéttabrúnina til að rata eftir með því að renna stafnum eftir henni. Þegar hár jeppi er hálfur uppi á gagnstétt er hugsanlegt að stafurinn fari undir bílinn og þeir finni ekkert fyrr en þeir skella á bílnum.
Ágætt þegar fjölmiðlar vekja athygli á þessu og gott að þeir leita eftir kommentum frá okkur þegar þegar þeir fjalla um þessi mál. Það pirrar mig hins vegar alltaf hvað það er oft farið rangt með nafn klúbbsins. Bæði er að það veldur enn frekari ruglingi og svo er nafnið Ferðaklúbburinn 4×4 bara svo miklu fallegra.
Mæli með að menn taki með sér tjaldborð og stóla og tryggja sér þannig sæti við veisluborðið.
Ég lét taka frá pláss fyrir 10-15 tjöld og vagna og miðaðst þá við skráninguna í morgun. Það hefur hins vegar fjölgað hressilega síðan þá. Það væri hins vegar hægt að fá fullt af plássi inni í Þvergili, en það hefur þann galla að þaðan er svolítið labb á varðeldinn.
Kv – Skúli
Þetta er allt að koma og stefnir greinilega í góða ferð. Frábært að vera í veðurblíðu á Merkurrananum í uppgræðslustörfum og Guðjón Landgræðslumaður sér til þess að verkefni eru fyrir alla fjölskyldumeðlimi. Síðan er þessi líka fína grillsteik í boði klúbbsins laugardagskvöld. Útivist sér svo um hörkustemningu við varðeldinn um kvöldið og heyrist mér að það verði einir 7 eða 8 spilarar sem spili undir söng. Varðeldurinn hefst kl. 9.30 stundvíslega. Semsagt í boði eru Básar eins og þeir gerast bestir.
Af því einhver spurði þá er alveg á hreinu að allir félagar klúbbsins eru velkomnir, hvaða deild sem þeir tilheyra. Vesturlandsdeildinn hefur oft verið drjúg í mætingu í þessa ferð, hvar eru Skagamenn núna?
Kv – Skúli
