Forum Replies Created
-
Replies
-
Þessi kíkir ekki með góðu móti undir nema sæmilega upphækkaða bíla.
En flott klór í bakkann Benni, eins og Galileó tautaði fyrir munni sér þegar hann gekk út frá spánska rannsóknaréttinum eftir að hafa afneitað kenningum sínum; ‘hún snýst nú samt’.
En fullyrðingu þinni hér að ofan dettur mér reyndar ekki í hug að mótmæla, þ.e. að Pajeróinn sé með ÞÆGINLEGRI fjöðrun en margir aðrir, en Ford-fjós með rörum sé mun öflugri að flestu eða öllu öðru leiti. Allavega í öllum atriðum þar sem skiptir máli.Áfram fjósamenn!
Skúli
Þessi þráður er mikið skemmtiefni og gnægtabrunnur gullkorna. Skrollaði þarna niður og af einhverjum ástæðum datt ég um þessa setningu hjá Benna formanni vorum þar sem hann lýsti dásemdum Pajero:
"Gæsavatnaleið fór ég líka á þessum sama bíl án nokkurra vandræða meira að segja þó ég hafi verið með Ford fjós dinglandi á eftir mér – oft í spotta"
Rörakveðjur – Skúli
Eitt sem ég vil stinga upp á að sé bætt við þessa ágætu hugmynd. Það er að vera líka með verð með 4×4 afslættinum. Við viljum auðvitað að þessi fyrirtæki bjóði félagsmönnum sem mestan afslátt og um leið versla við þá sem gefa okkur afslátt. S.s. að verð til 4×4 félaga séu með.
Kv – Skúli
Hingað til hafa mánudagsfundir verið stærsti þátturinn í starfsemi klúbbsins og margir sem koma lítið nálægt klúbbstarfinu utan þess að mæta á fundina. Þess vegna er eðlilegt að menn spái aðeins í það hvort húsnæðið sé heppilegt fyrir þá og hvað verði um þá. Ég held að miðað við þann fjölda sem hefur verið á þessum fundum síðustu ár dugi salurinn í Flubbahúsinu, en kannski ekkert meira en svo. Hins vegar býður þetta húsnæði upp á að blása lífi í annars konar starfsemi innan klúbbsins, s.s. að klúbbstarfið verði lifandi meira en eitt kvöld í mánuði. Þetta getur orðið einskonar félagsmiðstöð, staður þar sem menn hittast á hinum ýmsu tímum bæði formlega og óformlega. Það er hægt að hafa myndasýningar, undirbúningsfundi fyrir ferðir, kynningar, námskeið, hægt að setja upp myndasýningar á veggina, stilla upp skáp með ýmsu dóti úr sögu klúbbsins, vera með ýmiskonar dót til sölu, bjórkvöld, hugsanlega fjarskiptavakt þegar stórar ferðir eru í gangi, o.s.frv. Ég lít semsagt svo á að þetta sé kannski ekki endilega besti kosturinn út frá mánudagsfundunum þó það megi vel vera að þeir gangi þarna, en flottur kostur fyrir ýmsa aðra starfsemi innan klúbbsins.
Kv – Skúli
Flott síða Gummi, fullt af góðu efni þarna.
Gott rötunarnámskeið fer yfir hluti eins og:
Uppbygging hnitakerfisins, vörpun í grunnatriðum, mismunandi gerðir korta, kortalestur (t.d. lesa landslag úr korti sem kemur einmitt inn á þessa hluti sem Kalli nefnir), misvísun og hvernig hún virkar, taka stefnu á korti og nota, taka stefnu á kennileiti í landi og færa á kort, stinga út punkt á korti (t.d punkt sem tækið gefur manni), notkun áttavita s.s. taka stefnu af korti, hvað eigi að gera með misvísun o.s.frv., Örugglega eitthvað fleira sem ég er að gleyma.
Námskeið á GPS tæki er eiginlega bara námskeið í því hvernig þú getur látið tækið auðvelda þér að gera þessa hluti og til að skilja það að einhverju viti þarf maður að vita hvað maður ætlar að láta tækið gera fyrir sig.Svo er eitt í þessu. Stundum kemur fyrir að jafnvel hörðustu jeppamenn yfirgefa jeppan um stund til að labba að einhverju sem þeir vilja skoða. Þá geta menn auðvitað verið með handtæki, tekið punkt á bílnum og labbað af stað. En þegar maður labbar eftir GPS tæki gerir maður það þannig að tækið gefur þér upp stefnuna (með eða án misvísunar, eftir því hvernig tækið er stillt) og svo seturðu stefnuna í áttavitann og tekur mið. Þó svo hægt sé að ganga eftir tækinu, þá er það mikið ónákvæmara. Þú þarft að vera á ferð til að tækið átti sig á stefnunni og það á oft erfitt með það á gönguhraða, sérstaklega ef gengið er í ósléttu landslagi.
Smá punktur Kalli, S á áttavitanum er ekki í suður! Þessi villa er nægjanleg til þess að fyrir hvern kílómeter ferð þú 300 metra út úr leið.
Kv – Skúli
Er búið að breyta honum þannig að stýrisendi komi inn í hann neðan frá?
[img:3h8zif3v]http://www.mountainfriends.com/images/breti/br01.jpg[/img:3h8zif3v]Sést líka hér:
[img:3h8zif3v]http://www.mountainfriends.com/images/breti/after07.jpg[/img:3h8zif3v]Kv – Skúli
Úr því ég er kominn með bandamenn er rétt að halda áfram. Sá sem lærir að slá punkt inn í tækið, lærir að velja goto og elta svo einhverjar leiðbeiningar frá tækinu um hvort hann sé að stefna rétt í punktinn eða hvað, hann getur hugsanlega bjargað sér en er í mikilli hættu að gera einhverja vitleysu. Það dregur hins vegar mikið úr hættu á villum að hafa góðan skilning á því hvað tölurnar í punktinum þýða. Sem dæmi þá er ekki víst að allir myndu kveikja á perunni að eitthvað sé ekki rétt ef þeir eru að fara í vestur og fá punkt þar sem lengdargráðan er lægri en punktuinn sem þeir eru í. Semsagt skilningur á uppbyggingu korta skiptir miklu máli þegar verið er að nota GPS tæki. Það skiptir líka máli að þekkja áttavitarósina þannig að þú vitir nokkurn vegin strax hvaða átt er verið að tala um þegar tækið segir að stefnan sé 270°. Kannski er hugmyndin að kenna þetta allt saman á GPS námskeiðinu, fara alveg í grunninn, uppbygginguna og kortalestur, en þarna var bara tiltekið sérstaklega kennsla á tækin sem slík og forritin sem getur vel verið að sé ágætt en ÁÐUR þurfa menn að vera aðeins búnir að fara í undirstöðuatriðin í rötun. Og svo eins og Klakinn segir réttilega þá er áttavitinn það sem aldrei klikkar.
Kv – Skúli
Nýja skoðanakönnunin um námskeiðahaldið er athyglisverð og sennilega til komin vegna þess að þau mál eru komin í góðan farveg í klúbbnum sem líklega skilar okkur heilmiklu framboði af námskeiðum.
Eitt sem mér finnst samt skrýtið í svörum þarna og það er að það námskeið sem flestir hafa hakað við þarna (ennþá allavega en þegar þetta er skrifað aðeins eru aðeins 31 svör komin) er GPS námskeið!!! Kennsla á tækin og forritin. Til að læra á helv… tækin les maður bara bæklinginn og þar sér maður hvað hver takki gerir. Til að skilja hins vegar þær upplýsingar sem tækið er að sýna þarf hins vegar að kunna rötun en mjög fáir hafa hakað þar við.
Er þetta vegna þess að klúbbfélagar kunni almennt allt sem þarf að kunna í rötun en eru haldnir tækjafóbíu sem gerir það að verkum að þeir þurfa námskeið til að læra á takkana á tækjunum sínum? Eða er hugmyndin að kenna rötun á GPS námskeiðinu?
Bara aðeins að vera leiðinlegur!
Kv – Skúli
Mikið rétt, hér er eitthvað slíkt:
http://www.orkutolur.is/mm/eldsneyti/el … otkun.htmlAð vísu tölur þarna aðeins til ársins 2004. Eiginlega forvitnilegast að sjá tölur síðustu ára og hvort olíugjaldsbreytingin hafi haft áhrif á innbyrgðis hlutföll milli bensín og dísel. Væri líka forvitnilegt að sjá saman tölur um eldsneytisnotkun og svo eldsneytisverð.
Kv – Skúli
Þetta er alveg að koma með dagsetningu á stikuferðinni, það er ánægjulegt að það sé svona mikill áhugi á ferðum umhverfisnefndar. Hlynur minn, ég skal láta þig vita fyrstann manna.
Kv – Skúli
Þetta er sæmilegasta safn, við Landrover menn getum gleymt okkur í nokkra klukktíma yfir þessu án þess að leiðast.
Kv – Skúli
Var ekki Þórsmerkursvæðið afréttarland en ekki beinlínis eignarland einstakra bænda? Þori ekki að fullyrða um það en hef allavega staðið í þeirri trú. Síðan var landið falið Skógræktinni til umsjónar og beit lögð af og þau félög sem reka þarna skála og tjaldsvæði gera það raunar í umboði Skógræktarinnar. En allavega þá hefur almenningur haft góðan aðgang að þessu svæði og fengið að njóta þess í fjölda áratuga og engin vandamál með það. Það er hins vegar klárt mál að ef þetta væri eignarland og sú eign hefði lent í höndum ‘lögfræðinga að sunnan’ (vona að ég móðgi ekki lögfræðinga í klúbbnum, þetta lesist: peningamenn af höfuðborgarsvæðinu sem kaupa lönd og jarðir úti á landi) væri málum öðruvísi háttað þarna og ef það væri ekki beinlínis lokað fyrir almenning þá þyrfti væntanlega að greiða vel fyrir að horfa á náttúruna þarna. Þetta er eiginlega stóra hættan í þessum málum, en samkomulag ferðafólks og bænda held ég gangi í meirihluta tilfella vel. Auðvitað undantekningar þar sem til árekstra kemur og er það örugglega bæði um að kenna viðhorfum einstakra bænda og svo tillitsleysi ferðafólks, sbr. dæmið sem Vignir nefnir og fjölda annarra dæma.
En stóra hættan í þessum málum er þegar eignarlönd eru keypt upp af hvítflibbum sem hafa allt annan skilning á því hvað felst í að eiga land heldur en tíðkast til sveita. Þetta eru þeir aðilar sem harðast hafa gengið fram í því að loka og læsa, því í þeirra huga er ekki munur á garðinum í kringum einbýlishúsið í Arnarnesinu og heiðanna sem tilheyra jörðinni. Og ef við þurfum svo að sanna gagnvart þessum aðilum að vegslóðinn upp á heiðina sé ekki einkavegur, þá gæti nú farið að fækka leiðum til fjalla.
Kv – Skúli
Auðvitað rétt hjá þér Siggi með veiðiréttinn, minn punktur er að þarna er þversögn við þennan almannarétt sem náttúruverndarlög kveða á um. Þú mátt labba yfir landið en ekki vera með byssu. Eða öllu frekar ef ég skil þetta rétt, ef þú skýtur fugl mátt ekki hirða hann upp eftir að hann lendir á landi landeigandans því hann á allt sem á landinu lendir.
En athyglisverður þessi síðasti punktur með að njóta vafans og að ef einhver lokar veg þurfi að leggja fram gögn um að vegurinn sé gerður fyrir opinbert fé. Þetta flækir málin allverulega því ekki er einu sinni víst að neitt fé hafi verið notað í veginn, ef þetta er slóði af einföldustu gerð.
Kv – Skúli
Ekki að ástæðulausu að áhyggjur af þessum málum koma upp. Ég held að þegar árekstrar komi upp milli ferðafólks og landeiganda sé oftar en ekki ferðafólkið í fullum rétti, svo fremur sem menn séu að ganga vel um og sýna eðlilega tillitsemi. Nokkrar tilvitnanir í [url=http://www.althingi.is/lagas/126b/1999044.html:3g77gyhe]Náttúruverndarlög[/url:3g77gyhe] sem styðja það:
12. gr. Réttindi og skyldur almennings.
Almenningi er heimil för um landið og dvöl þar í lögmætum tilgangi.
Öllum er skylt að ganga vel um náttúru landsins og sýna ýtrustu varúð þannig að henni verði ekki spillt.14. gr. Umferð gangandi manna.
Mönnum er heimilt, án sérstaks leyfis landeiganda eða rétthafa, að fara gangandi, á skíðum, skautum og óvélknúnum sleðum eða á annan sambærilegan hátt um óræktað land og dveljast þar. Á eignarlandi í byggð er eiganda eða rétthafa þó heimilt að takmarka eða banna með merkingum við hlið og göngustiga umferð manna og dvöl á afgirtu óræktuðu landi.20. gr. Heimild til að tjalda.
-Við alfaraleið í byggð er heimilt, sbr. þó 2. málsl. 1. mgr. 14. gr., að tjalda hefðbundnum viðlegutjöldum til einnar nætur á óræktuðu landi, en leita skal leyfis landeiganda eða annars rétthafa áður en tjaldað er nærri bústöðum manna eða bæ og ætíð ef um fleiri en þrjú tjöld er að ræða eða ef tjaldað er til fleiri en einnar nætur.
-Við alfaraleið í óbyggðum, hvort heldur er á eignarlandi eða þjóðlendu, er heimilt að setja niður hefðbundin viðlegutjöld.
-Utan alfaraleiðar, hvort heldur er á eignarlandi eða þjóðlendu, er heimilt að setja niður göngutjöld nema annað sé tekið fram í sérreglum sem kunna að gilda um viðkomandi landsvæði.
-Á ræktuðu landi, sbr. 7. tölul. 3. gr., má aðeins slá upp tjöldum með leyfi eiganda þess eða rétthafa.
-Við tjöldun skal ætíð virða ákvæði 17. gr. um bann við akstri utan vega, svo og gæta fyllsta hreinlætis og varúðar á tjaldstað.Og svo í 23 greininni er allur vafi tekinn af varðandi það að lokað er fyrir fornar þjóðleiðir með girðingum:
23. gr. Girðingar.
Óheimilt er að setja niður girðingu á vatns-, ár- eða sjávarbakka þannig að hindri umferð gangandi manna. Þegar girða á yfir forna þjóðleið eða skipulagðan göngu-, hjólreiða- eða reiðstíg skal sá sem girðir hafa þar hlið á girðingu eða göngustiga.Svo eru það þær greinar sem takmarka réttinn eða gera kröfu um almenna tillitsemi:
13. gr. För um landið og umgengni.
Á ferð sinni um landið skulu menn sýna landeiganda og öðrum rétthöfum lands fulla tillitssemi, virða hagsmuni þeirra, m.a. vegna búpenings og ræktunar, þar á meðal skógræktar og landgræðslu, og fylgja leiðbeiningum þeirra og fyrirmælum varðandi ferð og umgengni um landið.14. gr.
För um ræktað land, sbr. 7. tölul. 3. gr., og dvöl þar er háð samþykki eiganda þess eða rétthafa. Sama gildir um skógræktarsvæði í byggð sem ekki eru í eigu eða umsjá ríkis eða sveitarfélaga, önnur en náttúrulega birkiskóga og kjarr. Sé skógrækt styrkt með opinberu fé skal kveða svo á í samningi við eiganda eða rétthafa lands að hann tryggi almenningi með reglum sem hann setur frjálsa för um landið eftir að fyrstu stigum skógræktar er lokið.Svo er þetta með tjaldsvæðin sem Jón spyr um:
21. gr. Takmarkanir á heimild til að tjalda.
Þegar sérstaklega stendur á getur eigandi lands eða rétthafi takmarkað eða bannað að tjöld séu reist þar sem veruleg hætta er á að náttúra landsins geti beðið tjón af.
Hafi eigandi lands eða rétthafi útbúið sérstakt tjaldsvæði á landi sínu er honum heimilt að beina fólki þangað og taka gjald fyrir veitta þjónustu þar.Þetta eru raunar býsna fróðleg lög og vel þess virði að lesa og jafnvel hafa afrit af þeim með í ferðalögum með merkt við þessar greinar. Ef menn hafa ekki gefið höggstað á sér í 13. greininni eða öðrum takmarkandi greinum með því að fara fram með yfirgangi, þá ætti rétturinn að vera alveg skýr. Þetta eru þó ekki allar greinar sem þetta varðar en nokkar af þeim mikilvægustu.
Þetta svarar samt ekki öllum spurningum Jóns og sumt sem er stundað er kannski í þversögn við þetta. T.d. með veiði, landeigandi á væntanlega landið en ekki loftið! Eða hvað? Og ef hann á ekki loftið þá á hann væntanlega ekki heldur fugla himinsins. Göngumenn mega ganga um landið, er þá hægt að banna þeim að hafa byssu á öxlinni og skjóta á það sem er í eðli sínu utan landareignarinnar (svo fremur sem veiðileyfið sé á hreinu).
Kv – Skúli
Þetta er eiginlega sama hugmynd og er bak við fenjaskóna svokölluðu sem hafa verið í hönnun hjá ágætum manni í árabil. Þeir byggja á því að festa hjólböruslöngur undir gúmmískó með það að markmiði að fljóta á þeim yfir fen og votlendi. Þetta farartæki hentar samt sennilega síður í hraungrýti.
Kv – Skúli
Kerran er klár fyrir næstu ferð, þannig að vonandi rústast ekki kerrur í næstu ferð. Stebba tókst eftir allnokkra leit að finna þá varahluti sem vantaði og möndla þeim saman. Vonandi fer legan ekki hinum megin því þá er hætt við að þurfi að kaupa hlutina dýrum dómi í umboðinu.
Kv – Skúli
Nánari skilgreining á því hvað sé utanvegaakstur og hvað ekki er mjög mikilvæg af tveimur ástæðum. Annars vegar til þess að hægt sé að taka á klárum utanvegaakstri og tilviljanakenndri nýslóðamyndun. Hins vegar til þess að löghlýðnir ferðamenn sem einfaldlega vilja ferðast um hina ýmsu slóða á hálendinu og kanna leiðir fái að vera í friði án þess að eiga á hættu að fá yfir sig kæru fyrir vel meintan akstur á góðum og gildum slóðum. Það er aðeins farið að örla á meira eftirliti með utanvegaakstri, m.a. úr þyrlu og það er ágætt mál en stóra spurningin er eftir hverju eftirlitsaðilarnir fara þegar þeir taka ákvörðun um kæru eða ekki kæru. Sennilega er það svolítið brotakennt eins og Ofsi bendir á. Hins vegar kemur fyrir að maður rekst á nýjar slóðir þar sem engin slóð var áður, svo ekki sé talað um helv… hringspólið sem Ofsi nefnir. Eða bara akstur eftir einn bíl langt utan vega. Bætt eftirlit er því af hinu góða.
Hvort utanvegaakstur hafi aukist eða ekki er kannski ekki aðalatriðið, fer sjálfsagt eftir því hversu langt aftur er horft. Ég er allavega viss um að almennt er allt annað og mikið betra hugarfar hjá almennum ferðamönnum í dag en var fyrir 20-30 árum. Hins vegar kemur á móti að þeim sem ferðast á eigin jeppum á hálendinu hefur fjölgað heilmikið.
Kv – Skúli
Hér er ekki annað að segja en amen eftir efninu. Góður pistill Ofsi.
Kv – Skúli
Það sem til þurfti var að Pajeromaður talaði við Pajeromann, þeir tala sama tungumál. Ég er nokkuð viss um að þetta kerruvandamál er komið í réttar hendur núna, Stebbi er vanur að græja það til sem hann tekur að sér.
Kv – Skúli
Sælir og takk fyrir stutt en gott spjall við sjoppuna í Varmahlíð í gær.
Frásagnir sem þessar er sjálfsagt oft byggðar á einhverjum sannleiksgrunn þó svo einhver ‘smáatriði’ skolist til með árunum. Þegar frásagnir geymast í munnlegri geymd taka þær eðlilega einhverjum breytingum. Ég held því ekkert útilokað að Þórunn hafi verið í Laugafelli til að forðast einhverja mannskæða pest. Finnst þetta sannfærandi söguskýring hjá Ólsaranum.
En annað, ég spurði þig í gær hvort þú kannaðist við að hún hefði verið dóttir Jóns Arasonar og úr því þú gast ekki staðfest það spurði ég annan sem lumar á ýmsu, nefnilega félaga Google. Þar fann ég þetta:http://www.ferlir.is/?s=frodleikur&naid=1104
Samkvæmt þessu stóð hún fyrir hefndum fyrir föður sinn og bræður.
Kv – Skúli
