Forum Replies Created
-
Replies
-
Ég hallast að því að miðja formannsins sé uppi á Höfða. Eru það álög á formanninum að jeppamennska hans snúist aðallega upp í að halda verkefnastöðunni uppi á ákveðnu breytingaverkstæði! Voru það mistök hjá klúbbfélögum að Landrover eign var ekki gerð að skilyrði formennsku.
Bara að spekúlera.
Kv – Skúli
Hér er ekki annað að sjá en að dómarinn hafi sama skilning og viðtekin hefur verið innan 4×4 og víðar um það hvað telst vera vegur og hvað ekki. Þessi dómur hlýtur því að hafa fordæmisgildi í öðrum samsvarandi málum. Þyrlusveitin getur því snúið sér að því næsta sumar að taka þá sem eru raunverulega utan vega að valda náttúruspjöllum og þarf ekki að eyða tíma sínum í að elta þá sem eru á hinum ýmsu slóðum hálendisins. Þetta er því tvöfalt fagnaðarefni, annars vegar þar sem maður getur óhræddur ferðast með sama hætti og hingað til og hins vegar vegna þess að orka löggæslunnar getur núna farið í að ná þeim sem eru að valda náttúruspjöllum.
Kv – Skúli
Ágætt að það séu hertar refsingar, sérstaklega við endurtekin ofsaakstur og eitthvað sé gert til að reyna að koma í veg fyrir að fleiri drepi sig eða fleiri séu drepnir með þessum hætti. En aðferðirnar eru stundum sérstakar hjá honum Opinbera Geira.
Ef málið snýst um að koma í veg fyrir þennan ofsaakstur sem hefur verið í gangi, sé ég ekki að málið sé að minnka skekkjumörkin úr 10 km niður í 5 km. Ágætt að hækka sektargreiðslur, en ég er ekki viss um að það sé það sem ræður úrslitum um hvort menn missi pinnan niður í gólf. Stóra málið er kannski ekki endilega að BREYTA reglunum heldur að tryggja að reglunum sé fylgt. Sé ekki að það sé nein önnur aðferð í því en aukið eftirlit og svo eins og bent er á hér að auka fræðslu. En þetta kostar peninga og frá sjónarhóli ráðuneyta er alltaf einfaldasta lausnin að setja í gang vinnuhóp og breyta reglum. Þá fær ráðherra viðtal í fjölmiðlum og getur sagt að hann hafi gert eitthvað.
Kv – Skúli
Það eru fleiri en jeppamenn sem eiga í stríði við löggæslu til að fá að stunda áhugamálið. Kayakmenn eiga ekki síður undir högg að sækja og merkileg tilviljun að það er ekki síst fyrir austan fjall. Héraðsdómur Suðurlands var að fella þennan dóm yfir kayakmanni sem var svo ósvífinn að sigla Ölfusá.
Eftirfarandi setning er lýsandi fyrir skilningsleysið sem er í gangi:
‘Ölfusá sé víða hættuleg yfirferðar vegna mikilla strauma víða í ánni sem séu hættulegir og iðukasts og hylja sem séu varasamir. Því sé nauðsynlegt að takmarka ferðir manna á ánni í þeim tilgangi að draga úr hættu og óþægindum og tryggja öryggi fólks eins og kemur fram í 3. gr. laganna.’
Það er einmitt straumur og iðukast sem straumkayakmenn sækjast eftir og út á það gengur sportið. Kayakmenn sjálfir eru fullfærir um að meta aðstæður eða allavega betur til þess fallnir en lögregluyfirvöld á Selfossi.
Vekur spurningar um hvort við getum átt á hættu að vera bannað að aka á jöklum af því það sé hættulegt!
Kv – Skúli
Úr 35 í 38 er innan 10% marka, en ég held að það sé klárt að stýrisbreyting kalli á breytingaskoðun og raunar gildi sama um breytingu á fjöðrun. Allavega veit ég til þess að samviskusamur skoðunarmaður gerði athugasemd við kunningja minn þegar hann hafði sett gorma undir Hiluxinn sinn.
Svo kveða reglurnar á um að færa skuli bílinn til skoðunar á stærstu dekkjum sem notuð eru.En veit enginn um fordæmi í svona máli gagnvart tryggingafélagi, þ.e. tilfelli þar sem bíll sem ekki er breytingaskoðaður fyrir þá dekkjastærð sem hann er á lendir í tjóni? Bíll sem ekki er með rétta breytingaskoðun er ólöglegur, en þýðir það að menn séu ótryggðir?
Kv – Skúli
Fossberg er líka með þær og eru með umboðið fyrir Fini. Þær kosta þar líka eitthvað um 36 þús en 4×4 er með 10% afslátt.
Kv – Skúli
Ef rétt er sem þarna er sagt er það enn eitt dæmi þess að vinnubrögðum í þessum málum er verulega ábótavant og slæmt mál ef barátta gegn utanvegaakstri er dregin út í svaðið með þessum hætti. Miðað við það sem BÞV segir þarna í fréttinni eru þeir með nokkuð klárar sannanir fyrir þessu máli, en sýsli fullyrðir að aðeins einn lögreglumaður hafi verið á svæðinu og hann hafi verið í för með gæslunni. Eins og Snorri segir er ásökunin alvarleg og ef hún er sönn minnkar það ekki alvarleikann að sýsli skuli fullyrða hið gagnstæða. Ég ætla svosem ekkert að fullyrða um hvað sé rétt, það hlýtur að eiga eftir að koma í ljós svart á hvítu og vona ég að fjölmiðlar fylgi eftir fréttum af þessu.a
Kv – Skúli
Ég get staðfest þetta sem Jón vísar til að upphaf umrædds fundar fór í að okkur voru sýnd all misjöfn skeyti sem sýslumanninum hafa borist. Sum auðvitað málefnaleg þar sem einfaldlega var bent á góð rök í málinu en önnur síður til þess fallin að styrkja málstað okkar. Það versta er þegar menn senda slíkt og kynna sig sérstaklega sem félagsmenn í klúbbnum. Stóryrt og jafnvel dónaleg skeyti, eða eigum við að segja skeyti þar sem reiði stýrir stílþrifum, gera í raun ekkert annað en torvelda baráttuna fyrir málstað okkar. Þetta á bæði við um það sem skrifað er hér á vefinn og það sem menn senda beint til ráðamanna eða annarra sem tengjast málum.
Staðreyndin er sú að við höfum gríðarlega góð rök og málefnastöðu í málum sem tengjast ferðafrelsinu og það getum við nýtt okkur. Það sem þarf til þess að það gangi er að halda þessum rökum á lofti með málefnalegum hætti og vera opin fyrir öllum hliðum málsins. Ómálefnalegur málflutningur hleypir hins vegar upp kergju og þá verður oft erfiðara að komast í gegn með röksemdirnar. Við þurfum að skapa og viðhalda þeirri ímynd að Ferðaklúbburinn 4×4 standi fyrir málefnalega og skynsama umfjöllun um þessi mál öll. Þannig náum við bestum árangri, stóryðrin eða fullyrðingar um að þessi eða hinn sé hálfviti hjálpar okkur ekki.Kv – Skúli
Er ekki VHF kerfið okkar hreinlega að slá út bæði þessi kerfi (Tetra og NMT) í dekkun. Á ekki einhver kortið yfir dekkunina í okkar kerfi á tölvutæku?
Kv – Skúli
Ja mikið hafa menn af skynsemi ef þeir telja hana nægjanlega til að tryggja öryggi sitt í ferðum að vetrarlagi í margbreytilegu og stundum all óblíðu íslensku veðurfari. Ég held að flestir sem eitthvað hafa farið í vetrarferðir að ráði séu fljótir að átta sig á því að það getur býsna margt komið upp á. Eina skynsemisráðið sem tryggir öryggi fyrir því er að halda sig heima – eða vera með nauðsynlegan búnað til að geta brugðist við því sem upp á kemur, þ.m.t. fjarskiptatæki.
Kv – Skúli
Mig langar aðeins að heyra frá mönnum varðandi breytingaskoðun og tryggingamál.
Þeir sem hafa stækkað úr t.d. 38″ í 44″, hversu samviskusamir eru menn með að fara með bílinn í breytingaskoðun eftir slíka stækkun?
Ég veit um nýlegt dæmi þar sem 38″ breytingaskoðaður bíll á 44″ dekkjum lenti í tjóni (veltu), en þar sem bíllinn er á stærri dekkjum en breytingaskoðunun segir til um neitar tryggingafélagið að borga. Veit einhver um fordæmi í sambærilegu máli? Það má benda á í þessu máli að veltan hefur ekkert með dekkjastærð eða búnað bílsins að gera og væri sjálfsagt valtari á 38″ ef eitthvað er. Hins vegar ef tryggingafélagið getur staðið á þessu ættu menn að huga að þessu ef þeir eru á stærri dekkjum en skoðunin gerir ráð fyrir.
En allavega væri mjög gott að heyra af sambærilegum málum.
Kv – Skúli
Ein spurning til gúruanna í fjarskiptanefnd. Snorri hefur sett fram ágæta hugmynd um að staðsetja nokkrar HF stöðvar í byggð og nettengja þær þannig að hægt sé að hlusta í gegnum netið. Á margan hátt skemmtileg hugmynd en nú spyr ég; er nokkuð því til fyrirstöðu að gera það sama í VHF kerfinu, þ.e. setja upp nettengdar stöðvar sem hlusta á endurvarpana okkar? Þyrfti þá að skoða hvaða endurvarpar eru að ná einhversstaðar sambandi niðri í byggð þar sem er nettenging. Svo hefur verið talað um að lítið mál sé að láta endurvarpa tala sama þannig að einn endurvarpi getur endursent frá öðrum. Sem dæmi er skrifstofa FÍ hér inni í Mörk að hlusta á 42 á Háskerðing í gegnum Bláfjöll.
Það sem ég er að pæla er að við erum búin að byggja upp þetta fína endurvarpakerfi en erum kannski ekki að nýta það eins vel og mögulegt er. Meðal annars er hlustun ekkert örugg þó hún sé kannski meiri en á SSB. Má vera að VHF verði alltaf með einhverjum skuggasvæðum en við erum samt býsna víða í sambandi við endurvarpa á fjöllum og þegar búin að fjárfesta heilmikið í þessu, þarf kannski ekki svo mikið til að gera það svo miklu betra, annars vegar með þéttingu endurvarpana og svo þessari nettengingarhugmynd. Plús það að nánast allir sem eru að ferðast á jeppum um hálendið á vetrum eru komnir með þessar stöðvar í bílana. Afhverju hætta í hálfnuðu verki og fara í nýtt (öllu heldur gamalt) kerfi?
Ein spurning í lokin, hvernig eru talgæðin í SSB samanborið við VHF?Kv – Skúli
Ég vil að hundar sem reykja verði bannaðir á skálum.
Það er vond lykt af hundum inni í húsum (sorry hundaeigendur finna það kannski ekki en við hin finnum það) og það kemur vond lykt af fötum sem eru þar sem mikið er reykt (jafnvel ég finn það þó reykingamaður sé).
Hins vegar er ekkert að því að hundar séu með í ferðum, en þá verða menn að hafa aðstæður fyrir þá í bílunum.
Kv – Skúli
Líklega rétt hjá Eik að þetta er ekki Hólsgerðislaug, hún er minni en sú sem Simmi svamlar þarna í og ekki svona háir bakkar.
Birkir, hvar er Hrunalaug nánar tiltekið.
Kv – Skúli
Ég skýt á að laugin sé í Eyjafirði!
Kv – Skúli
Einhvern tíman var brugðið á það ráð þegar menn settu auglýsingar hér inn að menn komu hver á fætur öðrum og rökkuðu niður vöruna sem verið var að selja. Það bragð dugði nokkuð lengi til að halda spjallinu lausu við auglýsingar, kannski þarf að fara að taka þennan ágæta sið upp aftur. Það er jú boðið upp á það með því að setja auglýsingu á spjallþráð, þar er jú ætlast til þess að menn setji inn komment.
Kv – Skúli
Ég skal ekki fullyrða um hvað elstu menn á svæðinu segja en ég er uppalinn á Rangárvöllum og hef alltaf heyrt notað Hattfell. Má líka benda á að Árbók FÍ 1976 um Fjallabak notar Hattfell og nefnir þar hvergi Hattafell. Þessi árbók er skrifuð af Árna Böðvarssyni sem er borinn og barnfæddur rangvellingur og mér hefur reynst nokkuð gott að treysta örnefnanotkun þar. Er þó sennilegt að hún sé í samræmi við málvenju rangvellinga þar sem munur er milli hreppa. Þó hef ég séð víða hjá honum að hann tiltekur ef munur er á, t.d. varðandi Strútslaug sem vestan megin var nefnd Hólmsárbotnalaug eða einfaldlega laugin í Hólmsárbotnum en austan megin Strútslaug þó Strútur sé auðvitað nokkuð fjarri.
Kv – SkúliP.s Og að sjálfsögðu talar Árni Bö um Emstrur en ekki Emstur
Tek undir það sem hér er sagt um að umræður á landsfundi eru jafnan góðar og gagnlegar, með því málefnalegasta sem gerist innan klúbbsins. Mjög æskilegt að gögnum fundanna sé haldið vel til haga og send deildum og núna þegar við erum komin með lokað svæði á vefnum ætti ekkert að vera því til fyrirstöðu að setja efnið hér inn. Hins vegar sé ég ekki ástæðu til að þessi stefnumótun klúbbsins sé aðgengileg hverjum sem er. Eflaust hefði mátt vinna meira með niðurstöður fyrri landsfunda, en samt hafa þeir verið mjög stefnumótandi í raun og stjórn á hverjum tíma fengið þaðan hugmyndir og línu til að vinna eftir.
Kofinn á Urðunum, en nafn hans ekki eitthvað tengt síma. Kjaftakofinn kannski.
Kv – Skúli
Laugavegurinn liggur klárlega yfir Emstruá og þá bæði Fremri og Innri en Emsturá hef ég hvorki heyrt af né séð. Myndi álykta að þetta sé ritvilla, hvar svosem þetta hafi verið skrifað.
Kv – Skúli
Ákæran er tvíþætt, annars vegar er ákært fyrir brot á lögum um veiðar og hins vegar brot á náttúruverndarlögum vegna utanvegaaksturs. Dómurinn tekur afstöðu til hvors atriðis fyrir sig sérstaklega.
Kv – Skúli
