Forum Replies Created
-
Replies
-
.
Hefur einhver hér ferskar upplýsingar um færð á Kjalvegi, hvort sé þungt, krapi eða hvort það sé kannski fært fyrir minna breytta jeppa?
Kv – Skúli
Þetta eru einhverjir snillingar úr rússnesku súperpoppi. Þú gætir prófað að leita [url=http://rusmuz.ru.funpic.de/modules.php?name=Mediacatalog&pa=list_Mediacatalog_search&customletter=%CC:25bdoq6s][b:25bdoq6s]hér[/b:25bdoq6s][/url:25bdoq6s]
P.s. Uppgötvaði hér nýjan galla á vefnum, það er ekki hægt að nota rússneska stafi. Ótrúlegt að enginn hafi kvartað yfir þessu fyrr, eins og menn hafa nú verið glöggir að finna gallana.
Hér er umsögn Ferðaklúbbsins eins og hún fór inn. Mjög svipuð og umsagnirnar að framan en þó farið dýpra í 15. gr. enda varðar hún okkur umtalsvert.
Athugasemdir varðandi frumvarp til laga um Vatnajökulsþjóðgarð
Sendandi:
Ferðaklúbburinn 4×4
Mörkinni 6
105 ReykjavíkFerðaklúbburinn 4×4 fagnar áformum um stofnun Vatnajökulsþjóðgarðs. Lítt snortin náttúra Íslands er líkleg til að verða í framtíðinni mestu verðmæti Íslendinga og verðum við því að umgangast hana með fyllstu gát. Verndun náttúrunnar sem miðar að því að halda mannvirkjagerð á hálendinu í lágmarki en jafnframt gefa hinum ýmsu ferðahópum kost á að stunda ferðalög og útivist á svæðinu, er að okkar mati mikilvæg
Frumvarp til laga um Vatnajökulsþjóðgarð stuðlar í megin dráttum að þessum markmiðum. Þó veldur það óneitanlega vonbrigðum þegar horft er til þess að það ferðafólk sem í dag nýtir til ferðalaga svæðið sem fyrirhugað er að verði þjóðgarður skuli ekki vera með í ráðum við mótun frumvarpsins. Kunnátta þessara hópa og ást þeirra á svæðinu hlýtur að vega þungt og því ætti rödd þeirra að hafa áhrif. Á þetta ekki jafnt við um þá sem stunda jeppaferðir á jöklinum, vélsleðaferðir, gönguferðir eða gönguskíðaferðir, en samtök allra þessara hópa eiga aðild að SAMÚT.
Sérstök ástæða er til að vekja athygli á því sem segir í 2.gr. frumvarpsins um markmið þjóðgarðsins:
Auðvelda skal almenningi aðgengi að þjóðgarðinum eftir því sem unt er án þess að náttúra hans spillist og veita fræðslu um náttúru , sögu og mannlíf svæðisins.
Samhliða því sem aðgengi er opnað fyrir nýjum hópum að þeim náttúruperlum sem þjóðgarðurinn inniheldur hlýtur að vera kappsmál að þeir sem í dag ferðast um Vatnajökul og nágrenni hans geti haldið því áfram, enda hafa þessir hópar kappkostað að ferðast í sátt við náttúruna og án þess að spjöll eigi sér stað.Hér á eftir eru athugasemdir við einstakar greinar frumvarpsins.
4 grein:
Ekki er gert ráð fyrir að notendur þjóðgarðsins eigi aðild að stjórn hans líkt og aðrir hagsmunaaðilar og er þó óumdeilanlegt að hér er um verulega hagsmuni að ræða. Ferðaklúbburinn 4×4 er ásamt öðrum útivistar- og ferðafélögum aðili að SAMÚT, Samtökum útivistarfélaga. Við teljum að eðlilegt væri að SAMÚT tilnefni fulltrúa í stjórn Vatnajökulsþjóðgarðs. Að baki þeirra félagasamtaka sem mynda SAMÚT eru um 30.000 félagsmenn og innan þeirra er meginþorri þeirra Íslendinga sem í dag stunda ferðalög á Vatnajökli.12 grein:
Við leggjum til að fulltrúi SAMÚT komi að gerð verndaráætlunar frá upphafi. Þar ber að geta að kunnátta á svæðinu liggur hjá ferðafólki og mikilvægt að tryggja umferðarétt almennings um svæðið. Verndunaráætlun þarf að miða að því að vernda náttúruna, en jafnframt að taka tillit til þess að almenningur hafi tækifæri til að njóta hennar. Mikilvægt er að almenn og góð sátt ríki um verndaráætlun og er það best tryggt með því að rödd ferðafóllks hafi áhrif á gerð hennar..15. grein
Hér er fjallað um umferð í þjóðgarðinum og er því sú sem hvað mest snertir hagsmuni þeirra sem í dag ferðast um það svæði sem fellur undir þjóðgarðinn eftir stofnun hans.
Í náttúruverndarlögum er bann við akstri utan vega með undanþáguákvæði um akstur á snjó og frosinni jörð. Samkvæmt ákvæðum greinarinnar er gengið nokkuð lengra innan þjóðgarðisins.
Annars vegar er kveðið á um að gerð sé grein fyrir öllum vegum sem heimilt er að aka á innan þjóðgarðsins. Þetta þýðir að þjóðgarðsyfirvöld ákveða hvaða vegir og vegslóðar eru viðurkenndir og hverjir ekki. Vissulega má segja að hér sé um nokkra þrengingu að ræða þar sem þetta ákvæði opnar á að vegum sem notaðir eru til umferðar í dag sé lokað til frambúðar af þjóðgarðsyfirvöldum. Engu að síður er það okkar mat að þetta ákvæði sé nauðsynlegt til að unnt sé að koma með markvissari hætti í veg fyrir utanvegaakstur innan þjóðgarðsmarkanna.
Hins vegar er ákvæði sem þrengir að heimild til akstur á snjó og frosinni jörð þar sem slíkur akstur virðist vera bundinn leyfðum vetrarakstursleiðum. Þetta ákvæði er veruleg atlaga að frjálsri ferðamennsku og verður ekki séð að þjóni þeim tilgangi að vernda náttúruna. Auk þess er þessi leið ekki framkvæmanleg og tekur ekki tillit til margbreytilegra aðstæðna í vetrarríki hálendisins.
Ferðamennska hefur breyst mikið síðustu tugi ára. Í árdaga voru menn að ferðast frá A til B, en nú ferðast fólk til að njóta náttúrunnar. Í því felst að fara víða um og skoða það sem fyrir augu ber. Til þess þarf að fara víða um til að geta notið þess sem þjóðgarðurinn hefur upp á að bjóða. Að aka um að vetri gefur okkur tækifæri til að njóta náttúrunnar án þess að hætta sé á náttúruskemmdum enda skal aka á snævi þakinni og frosinni jörð.
Þess ber að geta að snjóalög leggjast mismunandi eftir árstíðum og veðurfari og þessvegna verður að vera möguleiki að velja mismunandi leiðir eftir hvernig snjór leggst. Samkvæmt athugasemdum við frumvarpið virðist ætlunin með þessu ákvæði vera að stýra vetrarumferð þannig að hún sé einungis á þeim svæðum sem þola slíka umferð. Það má hins vegar vera ljóst hverjum þeim sem þekkir til vetrarferða á hálendinu að með þessu skapast þvert á móti hætta á að umferð sé stýrt á svæði sem síður þola umferð, þ.e. svæði þar sem skyndileg hlánun hefur átt sér stað. Í dag leitar ferðafólk að leiðum þar sem aðstæður til aksturs eru góðar og þannig stýrist umferðin sjálfkrafa. Það er með öllu óvinnandi vegur fyrir þjóðgarðsverði að hafa þá yfirsýn sem þarf til að stýra þessu með vitrænum hætti.
Jöklar hlaupa reglulega og verða ófærir og hættulegir, sprungur eru misjafnlega opnar eftir árstíðum og eftir hvernig jöklabúskapur hefur verið og því þarf að velja leiðir upp á jökla eftir aðstæðum hverju sinni. Það er í alla staði farsælla að ferðafólk velji sér leiðir sjálft en að slíkt val eigi sér stað af yfirvöldum.
Þegar hlýindakaflar hafa verið að hausti eða vetri safnast vatn og krapi í lægðir og verður því að geta valið vetrarleiðir eftir landslagi og hættu á náttúruskemmdum.
Það er mat allra sem þekkja til vetrarferða að framangreint ákvæði sé ekki aðeins óframkvæmanlegt heldur geti beinlínis verið hættulegt bæði ferðafólki og náttúrunni.Við leggjum því til að þetta ákvæði verði fellt út og í staðin gildi ákvæði náttúruverndarlaga um akstur á snjó og frosinni jörð, enda er það besta leiðin til að skapa aðgengi að náttúrunni án þess að henni stafi hætta af umferðinni.
18 grein
Í greininni er þjóðgarsverði gefið vald til að loka svæðum fyrirvaralaust ef hætta er á að umferð geti spillt náttúrunni eða lífríkinu, enda geta þær aðstæður komið upp að slíkar lokanir séu óhjákvæmilegar. Ekki virðast vera tímamörk á slíkum lokunum en æskilegt væri að þær þurfi að staðfesta af stjórn þjóðgarðsins inna ákveðinna tímamarka.19 grein
Sérstaklega er tiltekið að umhverfisverndarsamtök eigi kærurétt varðandi ákvarðanir sem teknar eru á grundvelli laganna. Það skýtur mjög skökku við að útivistarsamtök virðast ekki eiga sambærilegan kærurétt, enda eru þau hagsmunasamtök notenda þjóðgarðsins.20 grein
Eins og rökstutt hefur verið hér að framan er full ástæða til að fulltrúar útivistarsamtaka komi að gerð reglugerðar um þjóðgarðinn, enda er innan þeirra veruleg þekking á þessu landsvæði. Aðkoma SAMÚT að þessu hlýtur því að vera verulegur fengur fyrir framgang þessa máls.21 grein
Það telst til verulegrar stefnubreytingar í ferðamennsku á Íslandi að ferðafólki sé gert að greiða fyrir það eitt að njóta náttúrunnar (svonefnt glápgjald). Væntanlegur Vatnajökulsþjóðgarður kemur til með að ná yfir 15% af landinu og 70% af jöklum landsins. Við vörum stórlega við öllum hugmyndum um að selja aðgang að þessari náttúru. Gjaldtaka skal vera fyrir veitta þjónustu en ekki fyrir það eitt að njóta náttúrunnar. Það má benda á að ferðafólk á stærsta hluta þess svæðis sem fer undir þjóðgarðinn er ekki að njóta neinnar þjónustu og æskir ekki neinnar þjónustu, heldur er þvert á móti að sækjast í einfaldleikann og ósnortna náttúru.F.h. Ferðaklúbbsins 4×4
Benedikt Magnússon
formaður
Já Ofsi, það var ánægjulegt að sjá sterka vísbendingu um að umhverfisráðherra skilji út á hvað verndun hálendisins gengur og hvaða framkvæmdir eyðileggi það.
Annað í þessari grein er að þarna er talað við verkefnastjóra hjá Norðurvegi sem segir að þetta sé algjörlega afturkræf framkvæmd þar sem ef menn vilja seinna meir sé hægt að ryðja veginn niður með jarðýtu!!! Og hvað, verður þá allt eins og það var áður??? Ég verð að játa að mér hefur oft fundist sérkennileg notkun á þessu orði, afturkræfni, en ef þetta er afturkræfni þá er þetta gjörsamlega gagnslaust hugtak.
Kv – Skúli
Ég hallast að því að þetta sé rétt hjá Axel. Það er fullt af andstöðu gegn þessu, þar á meðal innan ríkisstjórnarflokkanna. Formaður umhverfisnefndar Alþingis hefur m.a. lýst yfir efasemdum og mig grunar að fleiri áhrifamiklir aðilar bæði meðal Sjalla og Frammara séu á móti þessu. Margir eru að átta sig á því að það sé ekki lengur sjálfsagt mál að taka stór hálendissvæði og eyðileggja þau, þó svo enn séu ýmsir sem skilji þetta ekki ennþá. Svo sýnist mér Mogginn vera á móti og það er nú alltaf gott að hafa hann með sér.
Eitt sem var verið að vekja athygli á í fréttum er að vegurinn á að liggja yfir Guðlaugstungur sem voru friðlýstar á síðasta ári. Ég hef að vísu heyrt málefnalega gagnrýni á þessa friðlýsingu á Guðlaugstungum, meðal annars að þar megi ekki ganga með hundinn sinn til að styggja ekki rollur (og reyndar annað dýralíf), en það er samt lýsandi fyrir annað með þessi plön að þeim sem að þeim standa virðist þykja sjálfsagt að fá að leggja uppbyggðan veg fyrir þungaflutninga í gegnum friðlandið.
Kv. – Skúli
Þetta er mikill pistill hjá Issa (Jóhanni), jafnvel Ofsi nær ekki svona lengju. Gott mál að hér koma fram mismunandi sjónarhorn. Ég er nokkuð viss um að hann og hans meðeigendur setja ekki stein í götu útivistarfólks sem vill ferðast um landið þeirra, enda útivistarmenn sjálfir. Það á samt örugglega ekki við alla landeigendur.
En fyrir þá sem vilja heyra meira um þessi þjóðlendumál, þá er Skotvís með opinn fund með fjármálaráðherra fimmtudaginn 15. febrúar kl. 12:00. Á fundinum leggur Skotvís fram áskorun til samþykktar þar sem ríkisstjórn Íslands er hvött til að gæta hagsmuna útivistarfólks og landlausra Íslendinga.
Kv – Skúli
Sjálfsagt má deila um einhver útfærsluatriði í ræðu Snorra en mér sýnist þetta rýma ágætlega við þau sjónarmið sem hafa verið ríkjandi í klúbbnum að það eigi að friða náttúrna en þó þannig að fólki sé gefinn kostur á að njóta hennar. Það er ekki hægt að segja þetta en um leið, aðeins þeir sem eiga öfluga jeppa og þá íslendingar eigi að fá að njóta hennar. Þetta þýðir ekki að það eigi að vera fólksbílafært út um allar trissur eða að alls staðar þurfi að vera hægt að komast á bílum. Hins vegar að þeir sem vilja geti komist á hálendið á eigin vegum eða með því að kaupa þjónustu þeirra sem flytja fólk þangað.
Vegir á hálendinu eiga að þjóna þeim sem eru að sækja inn á hálendið til að njóta þess og þeir eiga að vera þannig að þeir spilli sem minnst öræfastemningunni. Það held ég megi segja að hafi verið grunntónninn í klúbbnum og kemur ágætlega fram í pistli Snorra.
Kv – Skúli
Myndin er ekki frá okkur komin, en vel valin hjá þeim moggamönnum. Eins og sést var komið á móts við athugasemdir við orðið láglendisvæðingu. Þó það sé í huga okkar Ofsa afskaplega lýsandi fyrir það sem þarna er um að ræða, er ekki gott ef allur almenningur misskilur þetta og of langsótt að vera með orðskýringar í svona fréttatilkynningu.
Kv – Skúli
Það kom líka athugasemd við orðið láglendisvæðing á félagsfundinum í gær þar sem það var samþykkt að senda þetta frá klúbbnum. Persónulega finnst mér þetta frábært orð og hefur ekkert með viðhorf til fólks að gera eða íbúa á láglendi, enda búum við líklega öll á láglendi, svona að staðaldri. Þetta orð þýðir hins vegar að breyta hálendinu þannig að það líkist láglendi og missi þannig sérstöðu sína og sjarma. Það gerist t.d. þegar gerðir eru uppbyggðir malbikaðir vegir eða ef reistar væru hamborgarasjoppur á hálendinu, eða ef sett yrði upp lúxushótel á Hveravöllum í formi steinsteypu- og glerhúsa, eða annað í þessum dúr.
Kv – Skúli
Var þetta ekki einhver keppni, haldin árið 1907! Veit ekki nöfnin á bílunum.
Held að við ættum að fara varlega í að nefna menn vitleysinga og annað í þeim dúr, menn hafa hins vegar mismunandi sjónarmið á notagildi hálendisins og því miður enn nokkur hópur sem sér það bara sem ónotað landssvæði og átta sig ekki á því að þetta er landssvæði sem er í fullri notkun undir annað en samgönguæðar og orkuframleiðslu.
Ef við spáum aðeins í umfangið, þá er þarna verið að taka gríðarlega mikið land af okkur sem stundum ferðalög á hálendinu. Byggðalaga á milli eru um 160 km í beinni loftlínu þarna. Það er talað um að áhrifa svona vegar gæti í 5 km til beggja átta og það er örugglega ekki ofáætlað. Það sem þarna er semsagt verið að fara fram á er að fá það samþykkt að 1600 ferkílómetrar séu teknir af einu fjölsóttasta hálendissvæði landsins undir þennan bisness. Vekur upp spurningar um hvort þjóðinni verði greitt eitthvað fyrir þetta land? Afhverju má reisa 160 km langt mannvirki á hálendinu þegar varla fæst leyfi til að reisa kofa til að gista í og vegslóðar sem sjást varla þó maður sitji á þeim eru að valda áhyggjum? Fær FÍ bætur þegar búið er að gera skálum varðaða gönguleið þeirra frá Hvítárvatni að Hveravöllum einhverjar bætur? Verður Kerlingafjallaleiðinni inn í Setur lokað eða verður hún gjaldskyld.
Málið er eiginlega svo fráleitt að það getur ekki verið að það verði samþykkt.
Ein rökin sem ég hef heyrt er að það komi fyrr eða síðar vegtenging milli landshluta þvert yfir hálendið, þetta sé bara spurning hvar hún liggur. Nokkuð klók rök en auðvitað er þetta ekki svona, ef við metum hálendið og óspillta náttúru einhvers sleppum við einfaldlega svona skemmdarverkum.
Og hana nú!
Kv – Skúli
Sigurður skrifar:
Samút á fyrir hönd allra þeirra útivistafélaga sem að þeim standa að beita sér fyrir því að ekki verði stór hluti hálendis íslands lokað fyrir öllu nema gegn gjaldi og um það verði lagt malbik og útsýnisskífur og vegrið til að koma í veg fyrir að neinn geti farið útfyrir malbikið til að skemma náttúruna, í skugga þjóðgarðs.Ég er alveg sammála þessu, þetta er eitt af mörgum málum sem Samút á að beita sér fyrir og gerir það. Það þýðir samt ekki að þetta eigi að vera eina málið sem eigi að skoða. Það þarf líka að vinna í því að koma í veg fyrir að keðjur, lásar og girðingar séu settar þvert yfir slóða sem menn hafa verið að ferðast um og um það atriði hefur m.a. verið fjallað á landsfundi 4×4. Þar veltu menn jafnvel fyrir sér hvort vírklippur eigi að vera staðalbúnaður í jeppum.
Annars var ég aðallega að velta fram spurningum og árétta hvaða þætti þarf að skoða varðandi hagsmuni ferðafólks. Það hvort þjóðlendulögin séu réttlát sem slík er umræða sem ég blanda mér ekki í að svo stöddu og hefur ekkert með hagsmuni jeppamanna að gera eða annarra útivistarfélaga. Á hinn bóginn hef ég áhyggjur af breyttu eignarhaldi á landi og þá ekki vegna þess að ríkið sé að eignast meira land.
Kv – Skúli
Já Ofsi kann að henda sprengunum og er það vel. Þetta er mál sem snertir heilmikið hagsmuni okkar, ekki síður en þjóðgarðamál. Þetta er kannski viðkvæmt af því þetta snertir hagsmuni fleiri aðila en ferðafólks og þá auðvitað all verulega. En 4×4 klúbburinn þarf að horfa í það eitt hvaða áhrif málið hefur á réttindi ferðafólks, það eru þeir hagsmunir sem klúbburinn á að verja og ekki aðra. Því er það sem skiptir megin máli er hvernig réttarstaða almennings er í þjóðlendum annars vegar og í landi í einkaeign hins vegar. Það er í sjálfu sér rétt sem Borgþór segir að fólk hefur yfirleitt fengið að ferðast um lönd bænda og afrétti óáreitt, kannski ekki undantekningalaust, en flestir bændur hafa fullan skilning á þessum hlutum og vita hvað almannaréttur er. Sama virðist hins vegar ekki gilda um ýmsa sem í dag eru að kaupa upp jarðir í stórum stíl og gera ekki greinamun á bakgarðinum á Arnarnesi og heiðarlöndum í landareign sinni. Eiginlega finnst mér Borgþór skjóta sig í fótinn með því að líkja þessu við húsnæðiseign í þéttbýli, án þess að ég geri honum upp það hugarfar sem hér að framan er lýst. Spurningin er því hvaða lög gilda um ferðarétt almennings í þjóðlendum eða einkalandi og svo hvar sé hættan mest á árekstrum og vandamálum.
Ef Setrið og Ingólfsskáli stendur á landi sem einhver gerir tilkall til að eiga sem sína einkaeign, þá finnst mér það sterk rök fyrir að kröfurnar séu langt teygðar og finnst nokkuð eðlilegt að landsvæði á þeim slóðum sé í þjóðareign.
Kv – Skúli
Ég er að spá í að setja upp ‘Húsbóndaferð’ helgina sem kvennaferðin verður. Það er semsagt ferð fyrir þá okkar sem erum húsbændur á okkar heimilum og höfum forgang á jeppann.
Kv – Karlremban
Þetta hefði ég flokkað undir Bíla og breytingar en ekki fjarskiptamál!
Fyrirgefið nöldrið, en ég fylgist með af áhuga því sem skrifað er um fjarskiptamál, en hef hvorki þekkingu né áhuga á aukatönkum á Grand. Nema tankurinn sé fyrir Grand Mariner
Kv – Skúli
Þessi útfærsla á skírteinum sem núna gildir kom í staðin fyrir kerfi þar sem greiðsluseðillinn gilti sem félagsskírteini. Það var óþolandi kerfi, þá þurfti að borga félagsgjaldið hjá gjaldkera í banka, fá stimil á seðilinn hjá honum, föndra svo úr honum einhverja skírteinisómynd sem passaði í veskið og velktist þar. Ef þú lést hjá líða að gera þessar fönduræfingara var næsta víst að seðillinn væri týndur næst þegar þú ætlaðir að nota afslátt. Þessi breyting að fá einfaldlega límmiða og skella honum á skírteinið þar sem það er á sínum stað í kortaveskinu er náttúrulega snilld, ódýrt og einfalt, enda fleiri félög sem nota þessa aðferð, s.s. FÍB, Íslandrover og svo er Útivist að taka upp þetta fyrirkomulag.
Örugglega lítið mál að fá nýtt skírteini ef það skemmist eða týnist, bara hafa samband við Agnesi.
Kv – Skúli
Ég held að þetta sé hárrétt hjá Ólsaranum, eins og jafnan þegar hann leggur orð í belg. Það eru auðvitað ýmsar hliðar á þessu þjóðlendumáli og í gegnum áratugina höfum við víðast hvar getað ferðast nokkuð óáreittir um hvort heldur er eignalönd bænda og afrétti, kannski ekki undantekningalaust en engu að síður er þetta algengara en hitt. Núna þegar eignarhald á landi er að breytast hefur þetta líka breyst veulega og eignarhald á landi að færast yfir á hendur sem gera ekki greinamun á garðinum sínum á Arnarnesi og óræktuðu landi sem tilheyrir hestajörðinni sinni. Þessu hefur fylgt keðjur og lásar og almannaréttur um landið verið fótum troðinn (ekki undantekningalaust en því miður mörg dæmi). Ríkið er þó allavega bundið af ákvæðum náttúruverndarlaga um almannarétt eða rétt almennings til umgengni um landið. Þetta er örugglega eitt af þeim málum sem samtök eins og Samút þurfa að skoða vel, ásamt því að berjast fyrir því að fá umsagnarrétt um öll lög og reglur sem hugsanlega takmarka þennan almannarétt.
Kv. – Skúli
Samtök útivistarfélaga eða SAMÚT hélt fund í gær. Hér fyrir neðan er fundargerð fundarins.
Rétt að benda mönnum á að skoða á vef Alþingis frumvarp til laga um Vatnajökulsþjóðgarð
Fundur í SAMÚT, samtökum útivistarfélaga 23. janúar 2007
Mættir fulltrúar frá eftirfarandi félögum:
Ísalp, Skotvís, Ferðaklúbbnum 4×4, Jöklarannsóknafélaginu, Ferðafélagi Íslands, Vélhjólaíþróttaklúbbnum, LÍV, Útivist, Kayakklúbbnum, Mótorhjóla og snjósleðaíþróttasambandi Íslands.Fundur settur kl. 20.00
1. Karl Ingólfsson gerði grein fyrir starfi SAMÚT og hlutverki samtakanna.
2. Vatnajökulsþjóðgarður. Fyrir Alþingi liggur frumvarp til laga um stofnun Vatnajökulsþjóðgarðs og lýsti Karl bakgrunni þessa máls og hvernig það er statt í dag. Almennar umræður voru um frumvarpið og var það eindóma álit fundarmanna að á því væru verulegir vankantar. Einkum telja menn gagnrýnisvert að ekki er gert ráð fyrir að fulltrúar ferðamanna komi að stjórnun þjóðgarðsins og mótun hans. SAMÚT þarf að leggja megin áherslu á að:
a) SAMÚT komi að gerð reglugerðar um þjóðgarðinn og mótun hans.
b) SAMÚT fái aðild að stjórn þjóðgarðsins þar sem samtökin eru fulltrúi þeirra ferðamanna sem í dag nýta Vatnajökul og umhverfi hans til ferðalaga.
c) Almannaréttur sé virtur og tekið verði fullt tillit til réttar þeirra sem í dag ferðast um það landssvæði sem fellur undir þjóðgarðinn, enda áratuga hefð fyrir nýtingu þeirra hópa á jöklinum og nágrenni hans til útivistar og ferðalaga.
d) Samtök útivistarfólks og ferðamanna fái kærurétt varðandi ákvarðanir sem teknar eru á grundvelli laganna.
Núna þegar lagafrumvarpið hefur verið lagt fram á Alþingi og bíður umræðu er mikilvægt að SAMÚT bregðist við. Fyrsta skrefið í þeirri vinnu er leggja fram ályktun þar sem gerð er krafa um aðkomu útivistarfólks að málsmeðferðinni. Í kjölfarið þarf að senda umhverfisnefnd Alþingis umsögn um frumvarpið þar sem áréttaðar eru þær breytingar sem gera þarf. Samhliða munu fulltrúar í SAMÚT vinna málinu fylgi með fundum með þingmönnum.3. Stjórnarkjör. Á aðalfundi SAMÚT vorið 2006 var kosin bráðabirgðastjórn með það í huga að nýtt stjórnarkjör færi fram á haustdögum. Fundurinn samþykkti að bráðabirgðastjórnin sitji áfram fram að aðalfundi í maí.
4. Umræður um starfhætti og verkefni SAMÚT. Fyrir liggur að starfsemi SAMÚT hefur verið í lágmarki um skeið, en mörg mikilvæg verkefni fyrirliggjandi á næstu árum þar sem hægt er að beita samtakamættinum. Má þar nefna almannarétt og aðgengi að náttúrunni, verndun ferðafrelsis einstaklinga, aðkoma ferðafólks að stjórnun útivistarsvæða, samræming sjónarmiða aðildarfélaga í málum sem tengjast ferðamennsku og umgengisrétt. Til þess að sinna þessum verkefnum þurfa samtökin að hafa mun meira bolmagn og vera virkari í þjóðfélagsumræðu sem snertir hagsmunamál aðildarfélaganna. Í því sambandi var rætt um möguleikann á að samtökin hafi starfsmann sem sinnt getur þessum verkefnum og væri stjórn og framkvæmdastjórn til aðstoðar við að fylgja eftir málum. Hugsanlega er hægt að fjármagna starfsmanninn með styrk frá umhverfisráðuneytinu, auk innheimtu gjalda af aðildarfélögum, jafnvel styrkjum frá fyrirtækjum. Ákveðið að halda þessari umræðu opinni.
5. Skipan fulltrúa SAMÚT í Samvinnunefnd um miðhálendi Íslands. Aðalfulltrúi var kjörinn Einar Haraldsson frá Skotvís og varafulltrúi Karl Ingólfsson frá Ísalp. Lögð áhersla á að fulltrúar SAMÚT í nefndinni miðli upplýsingum til aðildarfélaga og það munu þeir gera með því að senda út fundargerðir nefndarinnar.
Fundi slitið kl. 10.30
Gæti verið að þú hafir fyrst tekið eftir þessu þegar kólnaði í veðri? Hitaelementið í miðstöðinni er óttalegur ræfill í þeim og þegar er svona kalt nær það ekki að hita loftið almennilega. Þannig að; ekki búast við funhita frá henni.
Auk þess nær vélin varla að hita kælivatnið almennilega á móti kælingu í vatnskassanum þegar frostið eykst. Ég er að staðaldri með spjald framan við vatnskassan að vetri til að ná hitanum upp. Bara að muna að kippa því burtu við álag (þungu færi etc.)
Kv – Skúli
