Forum Replies Created
-
Replies
-
Hvaða bull er þetta. Þið vitið að þungaskattsbreytingin var gerð í umhverfisverndarskyni til að auka hagkvæmi díselvéla og gera þær betur samkeppnisfærar við bensínvélarnar!!! Og hér geysast menn fram með það fagnaðarerindi að einmitt með þessari breytingu séu loksins komnar forsendur til að setja bensínvélar í bílana því dísel sé hvort eð er orðið jafn anskoti þungt á budduna.
Þetta var reyndar þróun sem 4×4 benti á og varaði við ef álögur á dísel yrðu eins og fyrirhugað var í frumvarpinu. Glanni, Lella og fleiri góðir félagar hrundu af stað öflugum mótmælum þar sem hundruð díselbíla rúntuðu framhjá Alþingishúsinu og flautuðu og Geir hinn norski kom út og tók við pappírum og lofaði út og suður. Í fréttum um kvöldið kom svo framkvæmdastjóri FÍB og sagði þetta ‘sérhagsmunaleg’ mótmæli og álögur á dísel ættu að vera sambærileg og á bensín, en það myndi ekki breyta neinu því díselbílar eyði svo mikið minna og munu lækka í verði og þar með myndi breytingin ná tilgangi sínum. Ég þrasaði eitthvað við hann í einhverjum útvarpsþætti og hélt því fram að ef breytingin yrði framkvæmd eins og hún var sett upp myndi það auka bensínnotkun í ferðajeppum, einmitt á því sviði þar sem komin væri allnokkur hefð fyrir notkun á dísel. Mér sýnist að viðvaranir 4×4 séu að sanna sig. Díselnotkun kann að hafa aukist í fólksbílum en hún fer greinilega minnkandi í ferðajeppum.
Kv – Skúli
P.s. Snorri, varðandi þetta síðasta innlegg þá hljómar þetta þannig að ákvarðanir um bílakaup þarna byggi klárlega ekki á því hvað sé hagkvæmast fyrir sveitina og hvernig best sé spilað úr hagnaðnum af flugeldasölunni. Ég hef reyndar oft undrast bílakaup sveitanna. Mun samt halda áfram tryggð við þær og kaupa flugeldana á réttum stað.
Úr því þráðurinn er farinn að snúast um diskusjón um frammistöðu Palla þá fær hann hiklaust mitt atkvæði. Það er örugglega rétt sem Dagur segir að þessi umfjöllun getur hafa farið öfugt ofan í einhverja sem ekki eru innvígðir í sportið, en það er klárt mál að ef fulltrúi klúbbsins þarna hefði tekið þann pól að halda því fram að allt sé í himna lagi og afneita öllum vandamálum hefði það ekki bara farið öfugt ofan í fólk heldur hreinlega sannfært þjóðina um að þessir breyttu jeppar séu ekki bara hættulegir heldur líka stýrt af vitleysingum. Þá er skárra að þjóðin viti að eitthvað sé ekki nógu gott í eftirlitsþættinum en jeppakarlar hafi þá ímynd að vera flestir ábyrgir einstaklingar sem taka þessi mál alvarlega. Það var sú ímynd sem Palli presenteraði í þættum og gerði það mjög vel. Staðreyndirnar sem Benni telur upp hér að ofan hverfa nefnilega ekkert þó svo reynt sé að þaga yfir þeim. Nú myndi ég vilja sjá tækninefndina og stjórnina nota þetta tækifæri til að koma viðræðum í gang við þá aðila sem ráða eftirlitsþættinum, koma þessu í það horf sem við getum verið sátt við og stolt af og svo komum við þeim betrumbótum í fréttir og allir verða voðalega glaðir. Ef við hins vegar gerum ekkert til að koma hreyfingu á þessi mál, þá gera einhverjir aðrir það og þá mjög líklega af vanþekkingu og málin færu í einhvern miður heppilegan farveg. Það er búið að vera yfirvofandi nokkurn tíma, óháð þessari Kastljósumfjöllun.
Góð blaðagrein væri líka tilvalin núna sem útskýrir hvað sé í lagi og hvað sé í ólagi og hvað skiptir máli í þessu.
X-Palli
Kv – Skúli
Kannski rétt að nefna það hér að skv. því sem fróðir menn hafa sagt mér má líka finna suður eftir róbota í nýjum bílum sem eru þannig að enginn bílskúrsfúskari myndi láta sjá það eftir sig. Margt af því sem er verið að gera í bílskúrum jeppakarla er vandaðra og betra en gert er í bílaverksmiðjum. En það er kannski önnur saga, þó ágætt sé að halda því til haga.
Kv – Skúli
Ég ætla svosem ekki að fullyrða mikið um þessi einstöku mál sem þarna voru til umræðu, en það lítur hreint ekki vel út þegar boddý fer af grind við árekstur og á sama tíma benda aðstæður og áverkar til að högg hafi komið ofan frá. Það er hins vegar alveg klárt í mínum huga að hagsmunir jeppaeigenda er að skoðun á bílum þeirra sé sem best og nákvæmust og að jeppar í hættulegu ástandi séu stoppaðir. Það er engum greiði gerður með því að sleppa honum út í umferðina á einhverju sem ekki er þokkalega öruggt. Það hefur margoft verið umræða hér um hættuna sem felst í því að boddý sé hækkað alfarið með klossum í stað þess að boddýfestinga séu færðar upp. Líklega eru slíkar aðferðir aflagðar í dag (vonandi) en hugsanlegt að finnist í eldri jeppum og þá hætta á að ryð sé farið að gera vart við sig. Nú veit ég ekki hvort það hefur verið málið með þennan Patrol en spurning hvort bílar með slíkum hækkunaraðferðum séu stoppaðir af í skoðun.
Með Landroverinn í Þjórsárdal þá fór hásingin af í veltunni, en var ekki orsök slysins skv. skoðun Rannsóknanefndar umferðaslysa. Hvort það að hún færi undan hafði áhrif á veltuna er svo aftur annað mál sem ég treysti mér ekki til að fullyrða um.
Ágætt að þessi mál séu til umræðu og mín skoðun er að klúbburinn eigi bæði að fagna umræðunni og taka þátt í henni. Það er hins vegar alltaf hætta á að umræðan fari út í einhverja vitleysu og fram komi sleggjudómar eða fullyrðingar sem ekki standast raunveruleikann. Því miður höfum við alltof oft orðið vitni að því, en þá er bara að svara því með vitrænum hætti. Til þess höfum við tækninefndina auk ýmissa sérfróðra manna sem kunna vel að koma fyrir sig orði. Bara gott mál að upp komi tækifæri til að ræða hlutina og koma um leið staðreyndum málsins á framfæri
Kv – Skúli
Ofsaakstur í umferðinni er svipað og stunda leirdúfuskytterí á Lækjartorgi. Það er hægt að renna niður á Kvartmílubraut og gera þetta þannig að öðrum sé ekki stefnt í hættu, en eitt af markmiðum Kvartmíluklúbbsins var einmitt að koma kappakstrinum af götunum. Hins vegar mætti alveg vera fleiri möguleikar fyrir hendi í þessu, en það réttlætir ekki ofsaakstur á götunum.
Með því að spyrða ábyrgðarlausan akstur við karlmennsku finnst mér gert heldur lítið úr okkur karlmönnum og karlmennsku.
Kv – Skúli
Hva, var ekki bannað að gagnrýna stafsetningu og málfar hérna. Önd beygist eins og hönd sbr. að gera eitthvað með einari hönd eins og einhver sagði.
Það er aldeilis vöxtur í Austurlandsdeildinni ef númeraröðin er að nálgast 1000. Úr því Ella er með númerið hans Andrésar Önds, þá fæ ég kannski fanganúmer Bjarnabófanna, 176-671. Kannski við hæfi.
Ég er þegar búinn að festa mér 14 tommu felgur þó það sé náttúrulega bara mjóar felgur á Austfirskan mælikvarða.
Kv – Skúli
Hmm, ég ætti kannski að skipta um lið og færa mig í Austurlandsdeild. Ætli Villi tæki við mér? Alltaf gaman að hitta Austfirðingana á fjöllum og ég held að Breska heimsveldið kunni betur við sig innan um þeirra bíla þar sem Rover er hátt skrifaður og Hrollurinn fegurstur bíla. Þá myndi ég líka verða hluthafi í milljónkrónaskálanum!!!
Villi skrifar:
‘Við hérna fyrir austan teljum okkur nú líka alveg kunna að setja dekk á felgu’
Bull og vitleysa Villi, þið kunnið ekkert á þetta, hér er fjöldi sérfræðinga sem kann þetta allt miklu betur. Munið bara ef þið þurfið að gera þetta að það er munstraða hliðin út.
Annars var ég nú á ferð í þínu lénsveldi um helgina eins og þú reyndar vissir (helv. VHF kemur alltaf upp um mann) og þurfti þá umfelgun. Ég veit ekki hvort ég eigi að þora að játa það hér, en ég fékk Austfirðing í djobbið og verð eiginlega líka að játa það að ég fékk frábæra þjónustu á sunndagskvöldi hjá Kristdóri í Dekkjahöllinni á Egilsstöðum. Þeim sem starfa á dekkjaverkstæðum þarna fyrir austan er óneitanlega nokkur vorkun að þurfa að setja dekk á þessar metersbreiðu tunnur sem þið kallið felgur. Sennilega hefur það bara verið afslöppun fyrir hann að setja dekk á mínar 12 tommur.
.
Ella, þú ert liðhlaupi, þú átt að standa með sunnanmönnum. Það er landshlutastríð í gangi hérna og sýnist mér því miður að mínir menn séu eitthvað að draga í land.
Kv – Skúli
Það er spurning. Vegurinn er víða horfinn en sést þó á stöku stað. Á hinn bóginn fór kóngurinn þetta mest ríðandi, vildi sjálfur hafa þann háttinn á og svo komu hestvagnar á eftir með vistir.
Kv – Skúli
Gott að sjá að Hæstiréttur leiðrétti svona dóma, dómskerfinu er þá ekki alls varnað. En forsendurnar hjá Héraðsdómi eru margar alveg furðulegar. Þarna segir m.a.:
‘Dómari fór á vettvang og kynnti sér aðstæður. Á vettvangi var aðeins hægt að greina vegslóða skamman spöl frá skipbrotsmannaskýli á Ytri-Melum að næsta ál á sandinum, svo og á stuttum kafla næst kofunum á Rauðamel, en þar er landið gróið og jarðvegur mjúkur og blautur. Þar á milli var ekki hægt að greina með skýrum hætti að lægi vegslóði, enda flýtur vatn í álum eftir sandinum og er yfirborð hans stöðugum breytingum undirorpið. Með vísan til þessa og framburðar vitnanna, D og A um mjög takmarkaða umferð fólks um sandinn, verður ekki talið að leið sú, er ákærði ók í umrætt sinn sé vegur í skilningi umferðarlaga nr. 50/1987…’Hann semsagt sér slóðann á nokkrum stöðum en af því hann sést ekki allstaðar og af því þetta er fáfarn leið telur hann þetta ekki veg.
Svo kemur þetta:
‘Þykir þá engu skipta þó að umrædd leið sé merkt inn á svokölluð NATO-kort, en komið hefur fram að það var ekki gert með leyfi landeiganda. ‘Semsagt þó vegslóðinn sé sjáanlegur, þó akstur þarna eigi sér langa sögu og þó hann sé á kortum, þá er þetta ekki löglegur slóði. Virðist vera að dómarinn líti svo á að landeigendur eigi að ráða þessu og ef vegur þjóni ekki tilgangi fyrir landeiganda sé hann ekki til. Þetta er nánast eins og 18. aldar réttarfar.
Það er eins gott að það sé hægt að áfrýja svona dómum
Ef afköst Alþingis væri alltaf jafn rosaleg og þessa síðustu daga væri skelfilegt að búa á Íslandi, þá væri hreinlega búið að setja lög um allt. En ég er í sjálfu sér feginn að þetta fór í gegn núna en lenti ekki í frestun, því næst hefði verið komið nýtt þing, ný umhverfisnefnd og (hugsanlega) nýr umhverfisráðherra og við hugsanlega orðið að byrja allt upp á nýtt. En auðvitað var búið að ræða þetta í þaula og ekkert annað eftir en að stimpla það samþykkt.
Kv – Skúli
Á dagskrá þingisins núna í kvöld er frumvarp um Vatnajökulsþjóðgarð og má fastlega gera ráð fyrir að það verði samþykkt með áorðnum breytingum frá umhverfisnefnd Alþingis. Uppaflegt frumvarp er að finna á vef Alþingis og sömuleiðis Breytingatillögur umhverfisnefndar.
.
Í breytingatillögunum felst að við erum að ná í gegn nokkrum mikilvægum breytingum sem var að finna í athugasemdum SAMÚT, 4×4 og fleiri félögum innan SAMÚT (FÍ, Útivist, Jörfí svo nokkur séu nefnd).
Í fyrsta lagi og veigamest er að útivistarsamtök fá fullgilda fulltrúa í allar svæðastjórnir en þjóðgarðinum er skipti í fjögur svæði sem hvert um sig hefur sína stjórn. Í þessum svæðisstjórnum eru 3 fulltrúar sveitarfélaga á hverju svæði, 1 frá ferðamálasamtökum á svæðinu, 1 frá umhverfisverndarsamtökum og 1 frá útivistarsamtökum. Í breytingatillögunni er okkar fulltrúa semsagt bætt við þarna. Þetta er mikilvægt þar sem í svæðaráðum eru unnar tillögur að verndaráætlunum og þaðan koma því tillögur er varða umgengnisrétt almennings og starfsemi útivistarfélaga á hverju svæði fyrir sig. Auk þess fáum við áheyrnarfulltrúa í yfirstjórn þjóðgarðsins. Þessi fulltrúi hefur málfrelsi og tillögurétt en ekki atkvæðarétt. Þrátt fyrir að þessi fulltrúi hafi ekki atkvæðarétt er hann okkur mjög mikilvægur þar sem hann gefur okkur tækifæri til að koma sjónarmiðum ferðafólks á framfæri innan stjórnar. Við getum semsagt haft áhrif á reglur og ákvarðanir um þjóðgarðinn á öllum stigum en það held ég að sé í fyrsta sinn sem við erum í slíkri stöðu. Hingað til höfum við í besta falli fengið reglugerðir til umsagnar á lokastigi.
Á 15 gr. sem fjallar um umferð í þjóðgarðinum eru ekki miklar breytingar í orðum en þó er einu orði breytt sem skiptir miklu máli. Þar var í upphaflegu frumvarpi talað um ‘vetrarakstursleiðir‘ en núna er talað um ‘vetraraksturssvæði‘. Þetta er í samræmi við breytingatillögu Jörfí. Á mannamáli þá þýðir þetta að frumvarpið var lagt upp þannig að utan jökla væri heimilt að aka á snjó og frosinni jörð á eftir ákveðnum leiðum en núna er akstur leyfður á ákveðnum svæðum. Fyrri útgáfan var auðvitað alveg fatal vitleysa, en sú síðari þýðir að þjóðgarðsstjórn getur undanskilin ákveðin svæði akstri, svipað og er með Hvannadalshnjúk, Öræfajökul og Skeiðarárjökul í dag (bannið er bundið tímabilum nema á Hnjúkinn gildir það allt árið). Þarna reynir á fulltrúa okkar í stjórnunum. Það verða vafalaust einhver bönn og persónulega get ég verið sáttur við bann á Öræfajökli eftir 1. maí þegar mesta traffíkin er af gangandi fólki á Hjúkinn (þ.e. þá útfærslu á því banni sem Samút lagði til á sínum tíma) og ég held að það sé ekki hægt að afneita öllum aksturstakmörkunum. En þau þurfa að hafa einhvern raunsæjan tilgang, annað hvort til að vernda náttúruna eða til að koma í veg fyrir árekstra milli ferðahópa (og í síðara tilfellinu þarf að taka tillit til þarfa allra, ekki bara göngumanna). Hægt er að hugsa sér bann við akstri í náttúruverndarskyni t.d. ofan í sjálfum Hveradölunum í Kverkfjöllum þar sem jarðhiti gerir jarðveginn gljúpan allt árið, enda held ég að engum hugsandi jeppamanni dytti í hug að aka þar. En aðalmálið er að fulltrúar okkar í stjórnunum þurfa hér að tryggja að við og önnur útivistarsamtök fái tækifæri til að koma sjónarmiðum sínum á framfæri um allar hugsanlegar lokanir.
Þriðja breytingin sem skiptir okkur máli er í 19.gr. laganna sem fjallar um kærurétt, en skv. breytingunni fá útivistarfélög kærurétt gagnvart ákvörðunum sem þjóðgarðsyfirvöld taka. Kærurétt hafa þeir aðilar sem hafa svokallaða lögvarða hagsmuni og eru þeir tilgreindir í greinni. Í upphafi voru útivistarfélög ekki tilgreind þar en breytingatillagan bætir þar úr.
Við gerðum líka athugasemd við 21. gr sem fjallar um gjaldtöku þar sem segir að það megi taka gjald af gestum fyrir veitta þjónustu og aðgang að þjóðgarðinum. Okkar tillaga var að aðeins mætti taka gjald fyrir veitta þjónustu en ekki fyrir það eitt að njóta náttúrunnar í garðinum (glápgjald). Á þessu fengum við ekki breytingu þannig að ráðherra getur sett í reglugerð aðgangsgjald. Þarna reynir þá enn og aftur á fulltrúa okkar í stjórnum að standa vörðinn. Þó fulltrúinn í yfirstjórninni hafi ekki atkvæðarétt, þá hefur hann 16 félagasamtök að baki sér með líklega um 30.000 félagsmenn og þessi hópur getur alveg beitt þrýstingi ef okkur sýnist svo.
Svo vona ég bara að þessi þjóðgarðsstofnun verði til þess að tryggja verndun náttúrunnar á svæðinu fyrir skemmandi framkvæmdum, spilli ekki ferðavenjum á svæðinu sem áratuga hefð er fyrir en auki í einhverju ánægju ferðafólks og þurrki burt bannið við akstri á Skeiðarárjökli sem gerir ekkert annað en spilla ímynd þjóðgarða á Íslandi. Núna verður tækifæri til að stoppa þá vitleysu í hugsanlegri endurfæðingu.
Kveðja
Skúli
umhverfisnefnd 4×4 og fulltrúi í SAMÚT
Alvöru veiðimenn hafa séð ljótar myndir hér af ummerkjum kamraskyttanna og [url=http://www.hlad.is/forums/comments.php?forumid=2&threadid=55665:13gfavb7][b:13gfavb7]vanda þeim ekki kveðjur[/b:13gfavb7][/url:13gfavb7] . Þetta er svipað fyrir þá eins og fyrir okkur þegar ljótur utanvegaakstur sést eða jeppaspól í skíðabrautunum í.
Einhvern tíman fékk ein ágæt skytta á sig viðurnefndið ‘hundaskítur’ því honum varð á að skjóta hund (eða tók á sig sök, veit ekki hvort). Vitleysingurinn sem hér hefur verið á ferðinni er þá væntalega ‘kamraskítur’
Varðandi önnur félög þá er Útivist með 4.500 og FÍ með 4.600. Innifalið í gjaldinu hjá FÍ er árbókin sem er nú í sjálfu sér að verðmæti hátt í þetta og hjá Útivist tímarit. Þetta eru þau félög sem F4x4 ber sig gjarnan saman við en að vissu leiti er mjög ólíku saman að jafna. Það er vegna þess að bæði þessi félög hafa umfangsmikla starfsemi sem gefa tekjur og félagsgjöldin eru aðeins hluti af heildarveltunni, raunar frekar lítill hluti hjá Útivist. Á móti kemur að þessi starfsemi (ferðir og skálarekstur) tekur verulega stóran hluta af vinnuframlagi skrifstofu félaganna. Fyrir 4×4 á hinn bóginn eru félagsgjöldin ALLT og eini raunverulegi möguleikinn til að auka veltuna er að hækka félagsgjöld eða standa fyrir fjáröflun í sjálfboðavinnu . en þá þarf sjálfboðaliða til að vinna að því. Áhersla 4×4 á hagsmunagæslu er aftur á móti miklu meiri en hjá hinum félögunum og í miklu fleiri horn að líta í þeim efnum. Starfsemin er einfaldlega gjörólík þegar grant er skoðað. Ég held því að þessi samanburður segi okkur frekar lítið um hvað félagsgjald 4×4 á að vera eða hversu mikið starfsmannahald. Kannski frekar að líta til LH, SVFÍ, FÍB eða annarra félaga.
Einhver nefndi hér hvort ekki sé hægt að kalla eftir sjálfboðaliðum til að starfa við útgáfu á Setrinu (fréttablaðinu altso). Ef mig misminnir ekki var mikið reynt að kalla eftir framboðum í ritnefnd fyrir síðasta aðalfund og með herkjum að tókst að manna ritnefndina. Fyrir hvern aðalfund er það höfuðverkur og pína að manna framboð í nefndir og stjórn, tómt basl og tekur fullt af tíma af sjálfboðaliðastarfi þeirra sem þegar hafa gefið kost á sér, og vildu frekar eyða þessum tíma í áríðandi hagsmunamál. Það er þvi staðreynd að af 2000 félagsmönnum í klúbbnum er bara lítill hluti tilbúinn til að gefa tíma sinn í starfið. Stjórnarmenn geta ekki endalaust verið að ganga á eftir mönnum í þessu, þannig að ef menn vilja starfa bjóða þeir fram krafta sína en ef þeir ætla að bíða eftir að vera beðnir um að vinna fyrir klúbbinn verður kannski lítíð úr málum. Mig langar að nefna í þessu samhengi að einn ‘óbreyttur’ félagsmaður gaf sig fram við umhverfisnefndina og bauð fram krafta sína í þeirri hagsmunavörslu sem nefndin hefur verið að vinna í og hefur skilað góðu starfi fyrir nefndina og þar með klúbbinn og alla jeppamenn. Frumkvæðið er ennþá til og má alveg vera meira.
Kv – Skúli
Þetta er svolítið viðkvæm umræða eins og svo margt. Ég held að það sem Benni segir sé allt satt og rétt í sjálfu sér. Þeir sem komnir eru með góða reynslu í ferðum geta tekist á við slæm veður, beðið af sér og baslað án þess að það sé einhver stórkostleg hætta því samfara. Reyndir menn geta auðvitað lent í því að eitthvað klikkar og þurft aðstoð og slys geta alltaf gerst hvort sem veður er gott eða slæmt. Í vondu veðri þarf ekki meira en að fatnaður sé orðinn blautur og bílar fastir eins og mér skilst að hafi gerst um helgina og það hjá vönum ferðamönnum. Þá er gott að geta haft samband og beðið björgunarsveit um að koma og redda málum og það gera sveitirnar með glöðu geði og bara kátar með verkefnið.
Það getur verið varasamt að tala þannig að það sé allt í lagi að fara af stað þó spáin sé slæm því menn þurfa að hafa reynslu og kunnáttu til þess að takast á við slíkt og svona orð mega ekki gefa þeim sem eru að byrja að ferðast þær ranghugmyndir að þetta sé allt í lagi. Skotheld kunnátta í rötun, hafa einhverja hugmynd um landslagið sem verið er að ferðast um og svo auðvitað þessi nauðsynlegi búnaður.
Hins vegar er leiðinleg þessi fjölmiðlahystería sem fer alltaf í gang í svona tilfellum og einhverjir ljósvaka- og blaðaspesíalistar sem helst eru ekki úti ef vindurinn fer yfir 10 metra og eru hrædd við snjó, blása út einhverja þvælu um að það eigi að sekta þessa vitleysinga sem hætta sínu lífi og annarra með því að fara út fyrir malbikið og eru að þvælast á svæðum þar sem ekki nýtur skjólsins af steinveggjum Smáralindar og Kringlunnar. Það virðist vefjast fyrir sumum hvað fólk er að gera utandyra á veturnar þegar hægt er að vera inni. Þessi umræða kemur hreinlega alltaf upp ef fréttist af útkalli björgunarsveita, nema kannski þegar björgunarsveitir eru að hjálpa fólki á fólksbílum og lakkskóm úr snjóföl á Holtavörðuheiði. Kannski er bara eina leiðin að svara þessu bulli svona eins og Benni gerir.
Kv – Skúli
Væntanlega gilda einfaldlega sömu reglur og um fyrstu breytingaskoðunina, þ.e að þú þurfir að koma með hraðamælavottorð og vigtunarvottorð.
Kv – Skúli
Svona áður en maður fer að setja þetta í gang, hvað er þetta stórt? Er þetta vistað innan eða landsteinanna? Það væri þæginlegra að geta niðurhalað fælnum beint til að skoða seinna.
Kv – Skúli
Fyrirtækin geta auðvitað sett hverjar þær takmarkanir sem þeim sýnist á veitingu afslátta, en auðvitað ekki einstakir starfsmenn. Þannig t.d. hefur Útilíf tilkynnt sérstaklega að afslátturinn gildi aðeins um útivistarvörur. Væntanlega þarf að fá það á hreint hvort þessi hugmynd sé komin frá þeim aðilum innan fyrirtækisins sem taka ákvarðanir um afsláttarsamninginn eða hvort þetta sé bara eitthvað sem viðkomandi skoðunarmanni datt í hug sjálfum.
Kv – Skúli
Ég hef sjaldan verið sammála umræddum fyrrverandi orkumálastjóra þegar hann tjáir sig um hálendið, né heldur að ég deili með honum sýn á umhverfismál. T.d. þegar hann hefur tjáð sig um fegurð uppistöðulóna. Mig minnir að það séu allnokkrar tilvitnanir í greinar Jakobs í bókinni Draumalandið. Það er auðvitað mismunandi sýn sem menn hafa á náttúrufegurð og kannski ekkert við því að segja, en sem betur fer held ég að sú sýn á hálendið sem kom fram í ályktun klúbbsins um Norðurveg eigi sér marga fylgismenn. Þó svo við notum eldsneytisbrennara til að komast um hálendið líkt og flestir aðrir eru margir til að taka undir með okkur í þessu máli.
Vissulega er loftmengun mikil ógnun en ég held að fáir séu tilbúnir til að hætta ferðalögum til að koma í veg fyrir hana. Í sjálfu sér er það allt annars konar vandamál en eyðilegging á hálendinu. Ef menn ætla að fara út á þessa braut væri líklega rétt að draga fyrst úr ferðalögum í flugi því allur jeppafloti íslendinga er aðeins dropi í hafið á móti blessuðum þotunum.
Kv – Skúli
