Forum Replies Created
-
Replies
-
Verð er á svipuðu róli og önnur 38 tommu dekk. Ég grunnaði undir dekkjasætið með ætigrunni einhverjar 3 umferðir og lét svo líma dekkin og það dugði vel í þessum fyrsta túr þó lágt væri farið í loft. Ég gat ekki séð annað en að þau væru þokkalega til friðs ef vel er gengið frá þessu, líka í skriðgírsátökum í brattri brekku þar sem togaði hressilega í. Ég hef heyrt sögur um að þau spóli í felgunni og þess vegna lagði ég upp úr því að hafa sætið vel undirbúið og dekkin vel límd.
Þetta eru eiginlega hálfgerð vandræði hvað er orðið mikið úrval af nothæfum dekkjum. Þegar Freysi var að þróa AT dekkið var eiginlega ekkert í boði að viti annað en hoppandi Mudder og GH og svo DC ef menn lögðu ekki mikið upp úr gripi. En auðvitað á langtímareynslan eftir að koma á þessi dekk, líkt og AT.
Rétt hjá Klemez, þetta eru dekkin sem var stolið heilum farm af. Ég held þó að gaurinn hafi náðst og megnið af dekkjunum fengist aftur. En í þessum bransa er hreinlega stórvarasamt að kaupa vörur af einhverjum út í bæ, ekki síst ef það er ónotað.
Kv – Skúli
Sæll. Ég er ný kominn á þessi dekk eftir að hafa verið GH og þar áður Mudder. Get ekki sagt að ég sé kominn með svera reynslu af þeim þar sem ég hef aðeins einu sinni komist í snjó síðan og í fyrstu ferð vilja ný dekk oft vera frekar stíf. Ég skýri með því það að mér fannst þau ekki fara að virka almennilega fyrr en í tveimur pundum en þá líka svínvirkuðu þau. Mikið grip í þeim og auðvelt að grafa sig niður ef maður gætir ekki að sér, en það er frekar kostur í mínum huga. Flutu vel og gekk vel að læðast ofan á krapa. Eina sem ég get nefnt sem mínus við þau eftir þessa einu ferð er að í hliðarhalla fann ég fyrir því að hliðarmunstrið átti til að éta út úr förum þannig að hann leitaði undan halla. En kannski verður þetta allt orðið breytt eftir 5 túra eða svo. Allavega sé ég hreint ekki eftir kaupunum. Líka mjög góð í almennum akstri, hljóðlátari en GH, kringlótt og mjúk.
Ég tók MTZ, leist einfaldlega best á munstrið. Hæfilega gróf.
Kv – Skúli
P.s. Það er rétt sem þú segir að þessum dekkjum er að fjölga mikið undir bílum, í þessum túr sem ég fór voru 11 bílar, þar af 7 á MT-MTZ.
Hvað með Landrovera sem ganga á matarolíu sbr. frétt sem var á Stöð 2 fyrir skömmu. Á Akureyri er nefnilega einn aldinn og traustur Rover knúinn áfram á úrgangs matarolíu frá veitingahúsum og gengur fínt. Það gerist ekki öllu umhverfisvænna og spurning hvort eigandin sleppi ekki með eina eða tvær hríslur. Allavega ef miðað er við verðmæti eldsneytisins, því þetta er úrgangsolía sem hvort eð er þarf að eyða og kostar ekkert en sparar pening að brenna henni svona.
Kv – Skúli
Það er ljóst að hér er á ferðinni maður sem hefur góða þjálfun í að prutta um lóðir. Ef Magnúsi og umhverfisnefndin ræður ekki til sín lögfræðing strax er hætt við að við að við verðum komin í skuld við Jón Ebba fyrir það að hann hafi sett upp tjaldvagninn sinn í landgræðsluferðinni. Jón Ebbi, þú færð í næstu landgræðsluferð lóð á besta stað í fínu og flottu hverfi ef þú borgar inn á hana strax. Bara spurning hvernig við eigum að útskýra fyrir öðrum íbúum hverfisins allan rottuganginn sem fylgir þér svo gjarnan.
Kv – Skúli
Mér finnst þetta dæmi sem þú nefna styrkja það enn frekar að eitthvað þurfi að bæta í eftirlitinu. Ef ég kaupi breytingu af verkstæði sem er þannig að bíllinn er óeðlilega valtur, stýrið hrynur úr sambandi og hjól fjúka undan fyrirvarlaust þá keyri ég út í umferðina í góðri trú. Fer síðan í gegnum breytingaskoðun án athugasemda. Þá er eitthvað ekki alveg í lagi.
Eik segir ‘Ef menn ætla að gera þá kröfu að breytinga skoðun tryggi að bíll sé öruggur…’ Mér finnst eiginlega að það sé ekkert EF varðandi þá kröfu, eins hægt að sleppa þessu ef það er ekki málið. Þetta styrkir mig enn frekar í þeirri trú að það sé ekki allt í himna lagi í þessum málum.
Kv – Skúli
Breyttur jeppi er auðvitað alltaf á ábyrgð eiganda rétt eins og óbreyttur bíll. Það er hins vegar hlutverk skoðunarmanna að skoða öryggisbúnað bíla, jafnt breyttra sem óbreyttra. Það breytist auðvitað ekkert og er ekkert nýtt við það. Bara spurning um að tékklistinn í breytingaskoðuninni sé aðeins ítarlegri. Ef ómenntaður bílagrúskari getur breytt bílnum sínum (sem er eitthvað sem við viljum halda í) ætti fagmenntaður bifvélavirki að vera fullfær um að taka út breytinguna og úrskurða um hvort ákveðin grundvallaratriði séu í lagi.
Kv – Skúli
Fyrir þá sem yfir höfuð fara eitthvað á fjöll á jeppanum sínum er þessi hækkun hrein lækkun því sama hvort ferðast er að vetri eða sumri er VHF stöð með aðgang að endurvörpum eitthvað sem menn ættu að vera með í bílunum. Fastur út í á í júlí og þá getur VHF stöðin komið þér í samband við aðra jeppa í næsta nágrenni sem koma umsvifalaust og redda málinu.
Það getur hins vegar verið að einhverjir greiði núna félagsgjaldið sem eiga kannski óbreyttan jeppa og fara í einstaka tjaldferð yfir Kjöl og um Fjallabak í góðra vina hópi, en finnst þessi hækkun yfir mörkum þess sem þeir eru tilbúnir til að styrkja klúbbinn. Ég veit ekki hvað það er stór hópur, en efast um að hann sé einhver 20% félagsmanna.
Ég hef efasemdir um þrepaskipta félagsaðild. Annars vegar er líklegt að þetta myndi flækja allt utanumhald töluvert. Hins vegar og það sem er mikilvægara þá finnst ekki rétt að búa til svona uppskiptingu á félagsaðild í svona klúbb. Allir félagsmenn eiga að vera jafnir gagnvart klúbbnum í svona félagsstarfi, þó svo menn séu mis virkir í starfi. Með því að setja upp fyrirkomulag þar sem þú færð mismunandi réttindi eftir því hvað þú borgar mikið, er komin upp sú staða að sumir félagsmenn eru ekki jafn miklir félagsmenn og aðrir og þá er kominn upp mórall sem ég held að sé klúbbnum ekki hollur.
Styð tillögu stjórnar heilshugar.
Kv – Skúli
Síðasta sem ég vissi er mjög blautt þarna og snjórinn orðinn býsna skellóttur þannig að það er erfitt að finna forsvararnlegar leiðir á köflum. Ekki alltaf hægt að fara hefðbundnar krapaleiðir vegna snjóleysis.
Kv – Skúli
Að mínu mati er reglugerðin í megindráttum nokkuð góð, setur ramma sem hefur þó ekki verið að hamla mikið þróun breytinga hingað til. Mér hefur hins vegar sýnst breytingaskoðunin gera lítið meira en mæla einhverja millimetra á upphækkunum og telja draslið í sjúkrakassanum. Án þess að ég ætla að fara út í að týna til einhver dæmi hérna, þá veit ég um dæmi þar sem breyting er framkvæmd á óviðunandi hátt sem orsakaði alvarlega veikleika, þó svo breytingin stæðist öll mál. Slíkt getur gerst hreinlega vegna kunnáttuleysis og ekkert skrítið að slíkt gerist, það hafa ekki allir sem eru að dunda sér við breytingar á bílnum sínum þá kunnáttu sem til þar. Skoðunin þarf að stoppa slíka bíla af en er ekki að gera það í dag. Það þarf ekkert nýtt eftirlitskerfi til þess, bara endurskoða handbókina fyrir breytingaskoðun. Sjálfsagt verður þá meira mál að fara í gegnum skoðunina, en ég hef litið svo á að ég vill hafa vissu fyrir að allt sé í lagi þegar ég keyri út úr skoðunarstöðinni og alveg til í að eyða aðeins meiri tíma í að fara í gegnum undirvagninn.
Kv – Skúli
Hlynur, er það rétt að þú hafir verið að draga Toyotuna upp úr kvíslinni, en ekki viljað bleyta Pattann? Mér finnst nú Patrolmenn vera farnir að ofdekra þessar tíkur hjá sér aðeins of mikið þegar þegar þeir draga fótgangandi frekar en leggja pattana í það.
Kv – Skúli
Leitt að missa Benna úr starfi. Það er hins vegar ekki spurning að Agnes hefur alla burði til að sinna verkefninu með sóma. Þekkir alla þætti starfsins út í hörgul og kemur örugglega til með að stýra öflugu klúbbsstarfi a.m.k. næsta árið. Þó það sé of snemmt fyrir hamingjuóskir áður en kosning hefur farið fram, þá segi ég nú samt til hamingju Agnes.
Kv – Skúli
Haffi segir:
Það verður eiginlega að segja að við erum löngu búnir að þróa jeppabreytingar til fulls hér á íslandiÞað sem ekki er í þróun er staðnað. Sömu setningu hefði örugglega verið allt eins hægt að segja fyrir 10 árum en samt hefur mikið gerst síðan. Hugsanlega á félagi minn eik m.a. við mig (o.fl.) með raddir innan klúbbsins sem kalla á eftirlitsbákn. Ég er nefnilega þeirrar skoðunar að breytingaskoðun og almenn skoðun breyttra jeppa (og reyndar bílaskoðun yfirleitt) eigi að vera þannig að hún stoppi af bíla sem eru hættulegir í umferðinni. Of mörg dæmi sýna að svo er ekki, þarna er greinilega eitthvað sem þarf að lagfæra. Frelsi til bílabreytinga stafar meiri hætta af of lélegu eftirlitskerfi heldur en ströngu eftirlitskerfi og ef tækninefndin eða klúbburinn tekur þá stefnu að rugga ekki bátnum og láta eins og allt sé í himna lagi, verður það bara til að gera aðkomu að málunum erfiðari þegar á þeim verður tekið. Það er einmitt það sem gæti orðið til þess að þróunin verði stoppuð.
Það að gera ekkert tryggir ekki endilega að ekkert gerist. Hins vegar ráða þeir sem gera ekkert afskaplega litlu um það hvernig hlutirnir gerast.
Kv – Skúli
Við búum á eldfjalli eins og Gundur bendir á. Við eigum að nýta þær auðlindir sem okkur hefur verið úthlutað og njóta þeirra, en þær liggja í ótrúlega fallegu og fjölbreytilegu landslagi og þeirri frábæru upplifun að ferðast um land sem er í mótun með kraumandi jarðhita, hrauni, litríkum vikri og svo gróðurvinjar inn á milli á ótrúlegustu stöðum. Einstakt um alla veröld. Auk þess höfum við ennþá þokkalega stór svæði laus við mannvirki og rask af völdum manna, maður getur ennþá fundið hérna fjallstinda þar sem hægt er að horfa í allar áttir án þess að sjá mannlegt rask (allavega ef skyggnið er ekki þeim mun betra).
.
Varðveitum þessa auðlind með því að fjölga rauðum punktum og helst breyta öllum upphrópunarmerkjum á hálendinu í rauða punkta. Í þessu liggja raunverulegar gullnámur íslendinga.
Það sem mér finnst jákvætt í þessu er að þetta er dæmi um það sem þarf að gera, þ.e. taka ákvarðanir um hvað verður verndað og hvað ekki. Það verður sennilega seint sátt um alla virkjanakosti en það verður einfaldlega að taka ákvarðanir. Umræðan snýst alltaf um það sem Landsvirkjun lætur sér detta í hug að gera næst og svo ef einhverjum af þeirra hugmyndum er hafnað virðist þurfa að láta þá fá eitthvað annað í sárabætur (sbr. Kárahnjúkar sem voru samþykktir af því Eyjabökkum var hafnað). Þannig hefur Landsvirkjun algjörlega stýrt umræðunni fram að þessu.
Svo er ég ánægður með rauðu punktana en myndi þó vilja sjá þá allnokkuð fleiri. Tek undir þeim sem að framan skrifa um Skaftárveitu og Hólmsárvirkjun. Langasjó má bara ekki eyðileggja og allavega efri virkjunin í Hólmsá með stíflu neðst í Hólmsárbotnum myndi eyðileggja ótrúlega flotta perlu sem alltof fáir hafa séð (Rauðibotn og fallegir fossar í Hólmsá neðan við lónið).
Norðlingaalda hélt ég að væri úti, menn væru hættir að láta sig dreyma um það. Ætti að vera hægt að setja rauðan punkt þar og tryggja Þjórsárverin þar með endanlega. Enda vart nema formsatriði að taka þá ákvörðun.
Upphrópunarmerkið ofan við Vonarskarð er væntanlega Skjálfandafljót, eða hvað? Einhverjar framkvæmdir við það þarna lengst inni í landi er gríðarleg eyðilegging á svæði sem er ósnortið í dag. Það fellur hins vegar ekki inn í þjóðgarðinn, mörkin voru snyrtilega sniðin að því að loka ekki á möguleika á eyðileggingu þar. Þess vegna hef ég sagt að það versta við Vatnajökulsþjóðgarð er að hann er ekki nógu stór.
Jökulsárnar í Skagafirði, þýðir virkjun í þeim ekki lón upp undir Hofsjökul? Það er ýmislegt undir þar á svæði sem í dag er ósnortið og sannkölluð öræfi.
Með aðeins fleiri rauðum punktum gæti þetta orðið málamiðlun sem ég gæti sætt mig við. Auðvitað má setja spurningamerki við margt fleira þarna, árnesingar sjá t.d. ekki glóru í því að eyðileggja falleg svæði við Þjórsá í byggð, Þeystareyki þekki ég ekki en skilst að sé nokkuð fallegt svæði og svo auðvitað blessað Reykjanesið. Þetta er náttúrulega einskonar prútt og í svona áætlun er ekki hægt að hafna öllu.
Kv – Skúli
Sammála Hlyn, verður fengur af Nóna nái hann kjöri. Það þó hann drífi ekkert Hlynur þá er það engin breyting frá fyrri stjórn, það hefur enginn stjórnarmaður drifið neitt síðan við fórum úr stjórn.
Kv – Skúli
Man eftir að hafa séð þennan eðalvagn ykkar bræðra Snorri, hvað varð um gripinn?
Ég sé að það eru margir ‘fyrrverandi’ á listanum Leiðir hugann að því að það væri hægt að lengja limalistann langt yfir þann fjölda sem er í Jeep-deildinni með því að bjóða upp á eins konar ‘wannaby’ aðild, fyrir okkur sem höfum aldrei stigið þetta stóra skref að eignast alvöru rússa en lengi látið okkur dreyma.Það eina sem fengi mig hins vegar til að gerast aðili að Jeep-klúbbnum er ef ég kæmi höndum yfir eintak af Overland. Þessi heigð mín til þessara bíla hefur sjálfsagt eitthvað latneskt sjúkdómsheiti og hefur þær afleiðingar að af nýrri bílum er það bara Defender sem kemur til greina. Overlandarnir voru nokkrir glæsilegir til hér í eina tíð. Í seinni tíð er það eiginlega bara rauði pickuppinn á Suðurnesjum og svo allavega einn til í Fornbilaklúbbnum, ef mér skjátlast ekki.
Kv – Skúli
Það væri ekki leiðinlegt að geta tekið þátt í þessum félagsskap en til þess vantar mig viðeigandi sjálfrennireið. Þó minn eðalvagn komi frá breska heimsveldinu en ekki alþýðulýðveldinu sem var í austri, þá verður að játast að þessir bílar voru náttúrulega toppurinn og það verður eiginlega jafnframt að játast að hér á árum áður voru þeir að þjóna þeim róttæku bændum sem óku þessum eðalvögnum jafnvel betur en Landroverinn. Það var auðvitað áður en Roverinn fór að koma með fjaðrandi fjöðrunarkerfi.
Hvað er annars mikið af þessum gömlu rússum ennþá á götunni? Alexander, þú hefur verið að gera einn upp, er hann kominn í umferð? Liggja ekki viða rússar sem þarf að bjarga frá glatkistunni?
Kv – Skúli
Akstursbannið gildir bara þar sem bannmerkið er yfir. Rauðir vegir eru ófærir, en þú getur farið þær leiðir upp á þína ábyrgð. Yfir vetrartímann eru allir slóðar á hálendinu (allir F-vegir) merktir þannig á þessum kortum og gjarnan skilti þar sem farið er inn á þá sem segir Ófært eða Impassable. Svo þegar búið er að ryðja kemur þetta 4×4 merki sem þýðir þá að leiðin sé fær jeppum (öllum jeppum, auðvitað samt með fyrirvara um vatnsmagn í ám og slíkt). Núna er búið að ryðja inn í Þórsmörk og því merkir Vegagerðin þá leið svona. Engu að síður getur leiðin auðvitað verið ófær minni jeppum í vatnavöxtum.
En bottom-line er að akstursbannið gildir aðeins þar sem bannmerkin eru komin upp. Það er því brot á umferðalögum að fara þá vegi en aðra vegi geturðu farið sértu útbúinn til þess.
Kv – Skúli
Þakka Þorvarði Inga fyrir svarið við spurningunni og ykkur hinum góð ráð og skemmtun. Eg vona að sá aðili sem þurfti þessar upplýsingar (sem var semsagt ekki ég sjálfur) hafi fundið svarið.
Kv – Skúli
P.s. samkvæmt korti Vegagerðarinnar er Gjábakkavegur (Hlynsstræti eins og Ofsi nefnir veginn) ekki lokaður, s.s. ekki bannmerki á veginum þó hann sé merktur ófær. Virðum bannmerkin þar sem þau eru sett til að loka fyrir umferð og koma í veg fyrir skemmdir á vegum og náttúru, en vegir sem ‘aðeins’ eru ófærir er okkur í sjálfs vald sett hvort við ökum.
P.p.s. Davíð þú getur séð þetta [url=http://www.vegagerdin.is/umferd-og-faerd/faerd-og-astand/faerd-og-vedur/faerd-um-allt-land/island1.html:4sq6ups2]hér[/url:4sq6ups2] hvað sé lokað og bannað að aka og hvað sé bara ófært
Hefur einhver hér farið Gjábakkaveg alveg nýlega? Það sem mig vantar upplýsingar um er hvort allt sé á floti á Laugarvatnsvöllum, svipað og var hérna á dögunum þegar jeppinn fór þarna á kaf. Er bæði með í huga hvort það sé aksturs- og göngufært þar yfir.
Kv – Skúli
