Forum Replies Created
-
Replies
-
Ég mæli með að 2. gr. laganna sé breytt og verði svohljóðandi:
2. grein.
Markmið félagsins eru:
.. Að ná til sem flestra sem áhuga hafa á ferðalögum um landið á fjórhjóladrifsbifreiðum með millikassa, lægsta punkt undir kvið hærri en 20 cm og hásingar að framan og aftan.Að öðrum kosti legg ég til nafnabreytingu og klúbburinn heiti Yarisvinafélagið 4×4.
Kv – Skúli
Geri það. Það eru nokkrar kvíslar þarna sem getur verið sandbleyta í, en mig minnir að þær verstu sem mynda Vestari-Jökulsá séu austar. Þú keyrir niður vestan við hana og ættir því ekki að þurfa að fara þar yfir. Samt eru einhverjar kvíslar þarna, Strangakvísl og líklega eitthvað fleira sem ég held að sé ekki vandamál.
Kv – Skúli
Sæll Agnar. Jú það liggur leið þarna niður að Skiptabakkaskála og niður Goðdalafjall. Beygt af leiðinni austan Hofsjökuls einhvers staðar nærri Eyfirðingahólum.
Held ég eigi bæði vetrar- og sumartrakk af þessu í Nobeltec.
Kv – Skúli
Það er kannski ástæða til að spá aðeins í afhverju þessi umræða kemur upp? Það er vegna þess að allrahanda dót ótengt jeppum og ferðamennsku er gríðarlega fyrirferðamikið á vefnum. Kannski minna af búsáhöldum en þeim mun meira af fólksbíladollum sem eiga jafn mikið skylt við ferðamennsku eins og búsáhöld.
Sem dæmi tók sig einhver til og setti fjórum sinnum í röð inn auglýsingu þar sem hann er að bjóða einhverjar 13 tommu felguskífur undir fólksbíla. Lancer drusla er auglýst þarna fimm sinnum á örstuttum tíma og talandi um Lancer þá er ljóst að þetta er frábær staður ef maður er að leita að gömlum Lancer tíkum því á síðustu dögum er að finna 11 auglýsingar þar sem slíkt hró er auglýst til sölu. Svo er það nú eiginlega grófasta dæmið sem líklega ýtir þessari umræðu af stað. Yaris er auðvitað frábær til fjallaferða eins og viðskiptavinir á bílaleigum vita eða telja, enda er að finna hér síðustu vikur hátt í 20 auglýsingar þar sem slík sardínudót er auglýst. Reyndar skekkir það myndina verulega að ég sé ekki betur en þarna sé SAMA AUGLÝSINGIN BIRT 16 SINNUM á jafn mörgum dögum. Ég ætla svosem ekki að fullyrða að þetta sé misnotkun, ekkert sem bannar þetta, en í þessu ljósi er ekki skrýtið að mönnum fari að leiðast þessar auglýsingar, þetta er svolítið dropinn sem fyllir mælinn. Þetta gæfi eiginlega tilefni til að banna sérstaklega að auglýsa Yaris dollur. Það væri kannski athugandi að skoða bílinn með því skilyrði að fá að fara prufutúr á honum um Vatnahjallaleið eða Arnarvatnsheiði.
Kv – Skúli
Kosturinn við svona auglýsingasíður á sérhæfðum vefum eins og þessum er að þar er oft hægt að browsa eða skoða auglýsingar á tilteknu sviði eða á að vera þannig. T.d. finnst mér oft áhugavert að fara í bílaflokkinn og skoða hvað sé af jeppum til sölu, hverjir séu að selja, hvaða verð séu í gangi etc. Þegar önnur hvor auglýsing eða meira í þessum flokki er fyrir einhverja fólksbílatík verður þetta bæði leiðinlegra og tímafrekara, þetta drasl er bara að flækjast fyrir og ég mun aldrei kaupa fólksbíl sem er auglýstur þarna. Að þessu leiti er vefurinn ekki að virka sem sérhæfður jeppa- og ferðavefur. Þetta myndi batna mikið með því að þessar fólksbíladollur fengju sérstakan flokk, þá gætu þeir sem reyna að nota þennan vef til að selja þetta drasl sett auglýsingar þar inn án þess að þetta sé að flækjast fyrir augunum á okkur sem lítum á f4x4 sem 4×4 ferðavef. Og helst að auglýsingar í þeim flokki birtist ekki á yfirlitssíðu auglýsinga, þó það sé svosem ekki aðalatriðið.
Einar Elí, þetta útilokar ekki prímus eða fellihýsi, enda liggur það í orðana hljóðan að það er eitthvað sem á heima á vef ferðaklúbbs. Enda höfum við sérstakan flokk fyrir það. Hins vegar gegnir kannski öðru um eldavél í eldhúsið eða hjónarúm og ég hugsa að flestir yrðu frekar þreyttir á því ef vefurinn væri fullur af búsáhaldaauglýsingum.
Kv – Skúli
Kærar þakkir fyrir þetta. Mér heyrist á öllu að það ætti að vera óhætt að hleypa minna breyttum bílum með án þess að hafa neinar áhyggjur, sérstaklega þegar veðurspáin er eins og hún er.
Kv – Skúli
Það voru væntanlega ekki þeir sem voru að spóla upp gróðurlendi á Arnarvatnsheiðinni! Ætli það hafi ekki verið hreinræktaðir íslendingar á ferðinni þar, merkilegt nokk.
Kv – Skúli
Líst vel á þessa hugmynd að bæta við fólksbílaflokk þá er fljótlegra að browsa í gegnum jeppana þegar maður vill skoða hvað sé verið að selja. Samhliða yrði náttúrulega að vera klár heimild til vefnefndar til að eyða út auglýsingum sem ekki eru í réttum flokk (eða augljóslega frá fyrirtækjum)
Þetta leysir þó ekki þetta vandamál með hvað veltuhraðinn er mikill og auglýsingar stoppa stutt á forsíðu og fyrstu auglýsingasíðu. Það stafar bara af því hvað vefurinn er vinsæll auglýsingamiðill.
Kv – Skúli
Hvað segja þeir sem voru á fjöllum um helgina, hvar er ennþá snjór og hvar ekki?
Hefur einhver fréttir af Sprengisandi og Vonarskarði? Spyr af því jeppadeild Útivistar er með ferð um Vonarskarð um næstu helgi og nú þarf að meta hversu litlum bílum má hleypa með. Er snjór á þessum slóðum ekki örugglea nægjanlega lítill til að allt verði marautt eftir rigningarnar og hlýindin sem spáð er seinnipart vikunnar?
Kv – Skúli
Þetta virðist vera samskonar fyrirbæri og Hiclone sem mikið hefur verið skrifað um [b:dbvv8an9] [url=http://www.f4x4.is/new/search/default.aspx?search=hiclone&category=16:dbvv8an9]Hér á vefnum[/url:dbvv8an9][/b:dbvv8an9] og sitt sýnist hverjum.
Kv – Skúli
Nú er illt í efni. Félagi Ofsi slengir því hérna fram (óbeint) að Defender sé ekki jeppi!!! því Defenderinn er jú með þessum umdeilda sídrifsbúnaði. Manni getur nú sárnað en mikið létti mér að sjá ólsarann taka upp hanskann fyrir sídrifið. Auðvitað skiptir miklu að geta læst millikassanum, því án þess gæti drifið verið að fara á aðeins eitt hjól miðað við að ekki séu læsingar í hásingum. Eiginlega finn ég ekki stóran mun á að vera með hefðbundinn millikassa og sídrifið að öðru leiti en því að þegar Ofsi fer út til að setja lokurnar á færi ég skiptistöngina aðeins til hliðar og er kominn með fjórhjóladrif sem virkar á nákvæmlega sama hátt og hjá honum. Svo fylgist ég með karlinum basla við hvort framhjólið fyrir sig í norðangarranum um stund og ek svo af stað.
En með klafana, ég er nú hættur að þora að segja upphátt að bílar á klöfum geti ekki talist jeppar, þeir verða allavega að flokkast sem hálf-jeppar greyin. Engu að síður staðföst skoðun mín að þetta sé jafnan ekki eins heppilegur búnaður í jeppa (dj. er maður orðinn dipló). Það er nú búið að þrefa svo mikið um þetta hérna að það væri hægt að gefa það út á bók og yrði sú bók álíka þykk og bækurnar hans Ofsa allar til samans (báðar til samans átti þetta að vera). [b:18hebke5] [url=http://www.f4x4.is/new/forum/default.aspx?file=bilarogbreytingar/1959:18hebke5]Þessi þráður[/url:18hebke5][/b:18hebke5] var nú t.d. bæði langur og lífsseigur.Á hinn bóginn er alveg rétt að þessi tilhneiging bílaumboða til að kalla einhverja slyddara jeppa er stórhættulegt og hefur orðið til þess að fólk fer til fjalla og yfir fljót í góðri trú á þess að vera með neinn búnað til þess.
Kv – Skúli
Ólsari, aldrei er góð vísa of oft kveðin, alltaf gott að endurtaka það sem maður segir, endurtaka það sem maður segir.
Kvarðinn sýnir cm. þannig að 300 cm myndi gera 3 metra. Gott væri ef satt er en líklega rétt að 30 cm er líklega nær sanni skv. fréttaþræði smælingjanna. Og vindhraðinn eitthvað um 25 m/sek þannig að hugsanlega er þessi snjór á einhverri hreyfingu fýkur af melum og sest í skafla.
Kv – Skúli
Því miður held ég að snjódýptarmælirinn sé ný eitthvað að reyna að gefa tálvonir núna, allavega á ég erfitt með að trúa því að í enni svipan hafi komið þriggja metra snjódýpt þarna. En var ekki eitthvað að frétta af snjóalögum í fréttaþræðinum um Litlunefndarferðina!
Kv – Skúli
Því miður held ég að snjódýptarmælirinn sé ný eitthvað að reyna að gefa tálvonir núna, allavega á ég erfitt með að trúa því að í enni svipan hafi komið þriggja metra snjódýpt þarna. En var ekki eitthvað að frétta af snjóalögum í fréttaþræðinum um Litlunefndarferðina!
Kv – Skúli
Er ekki eitthvað svipað í gangi þarna eins og gerðist á Þórsmerkurleiðinni að uppbyggðum vegi er laumað smám saman lengra. Þarna hverfur auðvitað skemmtilegur vegur fyrir leiðinlegan veg (hljómar sjálfsagt sem öfugmæli í eyrum einhverra en hvað um það).
Annars getum við etv ekki sett okkur alltaf á móti svona framkvæmdum, það þarf líka á einhverjum stöðum að vera gott aðgengi að flottum leiðum og svæðum fyrir fólksbíla. Það væri þó mikil synd ef gerður yrði uppbyggur vegur þarna alla leið inn í Húsafell.
Ég óttast reyndar að þetta sé eitthvað sem við eigum eftir að sjá víðar á komandi árum, þ.e. ferðamannavegir sem eru þannig gerðir að hvaða drossía sem er komist þá.
Kv – Skúli
Sláðu bara á þráðinn til að kíkja við, sími 894 2920.
Kv – Skúli
Já þetta er undir Defender og er svosem ekki kominn með mikla reynslu af þeim ennþá þar sem þau fóru undir í fyrravor. Ég náði þó einum túr á Vatnajökul á þeim í margskonar færi. Það sem ég komst að þar var í fyrsta lagi að það er rétt þau eru svolítið stíf og allavega í þessum fyrsta túr fóru þau ekki að virka fyrr en í 2 pundum en þá líka virkuðu þau mjög vel. Hins vegar er það svosem líka þekkt með önnur dekk (Mudder og GH) að þau séu frekar stíf í fyrstu túrum og eiginleikarnir komi ekki almennilega í ljós fyrr en búið er að hleypa nokkrum sinnum vel úr. Sá líka ekki betur en að það sé í góðu lagi að keyra þau í 2 pundum þegar nóg er af snjó. Í öðru lagi þá gripu þau mjög vel. Maður þarf að taka mjúkt á í krapapyttum og slíku til að grafa sig ekki niður, en gott grip er að mínu mati meiri kostur en galli, bara vera meðvitaður um hættuna. Í þriðja lagi þá er talsvert þyngra að snúa þeim heldur en gömlu dekkjunum. Örugglega eðlilegt þar sem þau eru talsvert breiðari og stífari hliðar hafa líka áhrif á það. Ég sá greinilegan mun á eyðslu í þessum túr og túrum á gamla GroundHawk sem ég var áður á.
Í heildina er ég ánægður með þau og held þau henti ágætlega undir Defender. Hef heyrt fleiri Defender eigendur mjög ánægða, drífa alltaf mest og best, og það sem meira er þá hef ég heyrt Patroleiganda á 44 tommum segja þá rassskella sig á þessum dekkjum (eða hátt í það). Sumir hafa talað um hættu á að þau spóli inni í felgunum en ég hef ekki lent í því ennþá allavega, grunnaði sætið á felgunni nokkrar umferðir með ætigrunni og lét svo líma þau.
Með felgur þá veit ég ekki hvort hægt sé að fá þær einhvers staðar tilbúnar, þannig að annaðhvort þarftu að láta breikka fyrir þig felgur eða kaupa notaðar.
Kv – Skúli
Ættir að geta fundið út úr þessu hér undir linknum Klúbburinn hér efst hægra megin
Kv – Skúli
Ég setti þessi dekk á 14 tommu felgur og finnst það koma ágætlega út. Menn mæltu með því að fara ekki á mjórri felgur, 14 tommur væru lágmark. Svo er bara að vera ófeiminn við að hleypa úr þeim, sú litla reynsla sem ég er kominn með af þeim er að þau fara að svínvirka og fljóta flott í 2 purndum, en kannski fyrsti túr ekki marktækur í þeim efnum.
Kv – Skúli
Einhver sagði hér að ofan að aðeins hafi verið bent á gallana, þ.e. misnotkunina en allt hefur kosti og galla. Kostir við að hafa félagatal á netinu:
1. Útgáfa á félagatali á pappír eða í bók er kostnaðarsöm og úreldist fljótt. Ekki hægt að uppfæra nema gefa allt upplagið upp aftur meðan félagatal á netinu er hægt að breyta í hvert skipti sem nýr félagsmaður bætist við eða einhver hættir.
2. Gott aðgengi félagsmanna að félagatali með netföngum og símanúmerum auðveldar samskipti félagsmanna og ætti því að auka félagsandann og lífið í klúbbnum.
3. Þegar upp koma vandamál á fjöllum getur lausnin oft falist í að ná í einhvern, t.d. einhvern félagsmann sem vitað er að sé á ferðinni, býr í nágrenninu eða sem gæti átt varahlutinn sem vantar. Að vísu ekki ennþá orðið netsamband á fjöllum en yfirleitt hægt að hringja í einhvern heima til að fletta viðkomandi upp.
4. Auðveldar stjórn og nefndum sína vinnu.Sjálfsagt hægt að láta sér detta eitthvað fleirra í hug. Á móti kemur þessi ókostur um hugsanlega misnotkun, þá væntanlega af hálfu ruslpóstsagenta sem leita uppi netföng til að bjóða Viagra, óska eftir aðstoð við peningaþvætti eða það nýjast að senda morðhótanir, en það er búið að benda hérna á leiðir til að draga úr þeirri hættu. Kannski líka hugsanlegt að svona væri misnotað af félagsmönnum sem eru að bjóða eitthvað dót til sölu, en ég sé það ekki sem stóra hættu.
Svo er bara spurningin hvort kostir eða gallar eru yfirsterkari.
Kveðja
Skúli H. Skúlason, sími 894 2920, netfang skulihs (hjá) internet.is, teg bíls Land Rover Defender 1997, (eitthvað fleira sem vert er að komi fram?)
