Forum Replies Created
-
Replies
-
Ef það er málið að hér með standi klúbburinn ekki lengur fyrir ferðum að vetri til fyrir minna breytta bíla þá er auðvitað missir af því. Eins og ég sagði hér að ofan er það mitt mat að Litla nefndinn hafi unnið verulega gott starf. Hins vegar má benda á að það er í sjálfu sér engin sérstök nefnd sem sér um ferðir fyrir 38+. Megin hlutverk klúbbsins er ekki (eða hefur ekki verið) að standa fyrir ferðum heldur að vinna að hagsmunamálum jeppaeigenda og að vera vettvangur þar sem jeppaeigendur kynnast. Margir kynnst ferðafélögum í gegnum þetta starf og það er alveg hægt að fara á fjöll án þess að það sé formleg ferð skipulögð af 4×4. Þetta þarf því engan vegin að þýða að eigendur minna breyttra bíla eigi ekkert erindi í klúbbinn, það er alveg fráleitt. Skipulagðar ferðir eru bara smá krydd í starfið, en ekkert aðalmál, og yfirleitt fara menn flestar sínar ferðir undir öðrum merkjum en merkjum klúbbsins. Sama hlýtur að geta gilt þar um alla, óháð dekkjastærð. Nýliðaferðir aðeins undantekning frá þessu þar sem þær þjóna ákveðnum tilgangi sem slíkar. En ef menn eru ekki nýliðar og komnir með einhverja reynslu hljóta þeir fjandakornið að geta farið á fjöll að eigin frumkvæði.
Hins vegar vona ég að þau sjónarmið séu ekki að verða ríkjandi innan klúbbsins að bílar á minni dekkjum en 38 tommum eigi ekki erindi út fyrir bæjarmörkin eftir fyrsta vetrardag, það er í lagi að segja svoleiðis í gríni, allt í lagi með smá kaldhæðni, en ég vona að enginn standi á þeirri meiningu.
Kv – Skúli
Aksturstölvan er einmitt farþegamegin í bílnum, í hliðinni við fætur farþegans. Gæti verið ágæt byrjun að taka plasthlífina þar frá og athuga tengingar.
Kv – Skúli
Mikið búið að skrifa hér í gegnum árin um gangtruflanir í þessari ágætu vél.
Kíktu í gegnum leitarniðurstöður, t.d. [url=http://www.f4x4.is/new/search/default.aspx?search=2%2C4+efi&category=16:2qwq34rr][b:2qwq34rr]hér[/b:2qwq34rr][/url:2qwq34rr] .Mjög góð byrjun að prófa CheckEngine kóðan sem einhvers staðar er líst þarna. Það getur leitt þig aðeins nær vandamálinu. Ég átti Runner með þessari vél og svipaðar gangtruflanir í honum reyndust orsakast á sambandsleysi á einu plögginu í akstursheilann.
Kv – Skúli
Mér finnst þetta nú nokkuð glögg greining á málinu hjá Bazza. Nefndarmenn skal kjósa á aðalfundi en þegar allir kjörnir nefndarmenn hætta störfum er hefð fyrir því að stjórn finni nýja aðila til að sinna verkefnunum. Hinn kosturinn væri að gera ekkert og láta viðkomandi starf liggja niðri fram að næsta aðalfundi. Mér sýnist á öllu að þessi hópur ætli að taka ákveðna þætti starfsins mjög föstum tökum og breyta aðeins um áherslur sem er bara hið besta mál. Litla nefndin hefur frá stofnun unnið gott starf, ég held að það þurfi ekkert að efast um það. Það var frumherjakraftur í þessum hóp, allavega þeirri nefnd sem ég kynntist. Hins vegar er sjálfsagt að hafa hlutina í stöðugri endurskoðun, sérstaklega nýjungar eins og þessa. Núna er komin nokkurra ára reynsla á starf Litlu nefndarinnar og því tímabært að spá í hvað má gera betur og hverju má breyta.
Ég held að nafnið á nefndinni sé eitthvað sem alveg má spá í hvort ástæða sé til að endurkskoða. Þrátt fyrir gott starf og oft fjölmennar ferðir hef ég heyrt dæmi um að nýliðum á stórum dekkjum dragi þá ályktun af nafninu að þetta sé ekki þeirra vettvangur, sem það þó er. En nafnabreytingin verður væntanlega lögð fyrir aðalfund, hvað nefndin er kölluð þangað til er svosem ekki stóra málið.
Ef einhverjum liði betur með það gæti stjórnin auðvitað valið að hafa Litlunefndina óskipa fram að aðalfundi en stofna aðra nefnd og kallað nýliðanefnd. Stjórnin má stofna eins marga vinnuhópa og nefndir og henni sýnist til að sinna tilteknum verkefnum. Þessi leið gæti fallið betur að forminu en niðurstaðan væri nákvæmlega sú sama.
Svona að lokum þá er ég viss um að minna breyttir jeppar geta alveg farið á fjöll allt árið um kring. Það hins vegar reynir mikið á skipulagningu og undirbúning, því óvæntar breytingar á færð eða veðri geta verið mun erfiðara viðfangsefni en á einhverjum trölladekkjum. Allur undirbúningur þarf að taka mið af því og er í raun miklu vandasamari en ferðir fyrir stóru deildina. Ég veit hins vegar ekkert um afhverju síðasta nefnd ákvað að hætta og sleppi alveg að blanda mér í þá umræðu.
Kv – Skúli
Var líka búið að hvarfla að mér að einfalda málið og fara á bensínbíl!
Þetta finnst mér léleg afsökun Benni, val á milli Las Vegas og Akureyri. Mín er miklu betri, nefnilega að ég fer á Landsfundinn og er hræddur við að fara of oft í röð til Akureyrar vegna hættu á að maður fari að tala með einhverjum undarlegum hreim.
En annars er þessi helgi eitthvað óljós hjá mér ennþá, en aldrei að vita hvað rætist úr.
Kv. – Skúli
Mér sýnist á þessu síðasta dæmi frá Þórði og fleiru sem hér kemur fram ljóst að þessi breyting á lögunum með að hætta að rukka eigendur stöðvanna og rukka fyrir tíðnirnar hafi verið nauðsynleg þar sem gamla fyrirkomulagið hafi verið í algjörum ólestri. Til viðbótar við að stofnunin virðist hafa haldið eitthvað losaralega utan um þessar skrár kemur að hún þarf að fá upplýsingar frá söluaðilum sem hafa örugglega verið mis skilvísir á upplýsingarnar. Þriðja atriðið sem gerir þetta fyrirkomulag gagnslaust er fjöldinn allur af stöðvum sem eigendur forrita sjálfir. Skoðun á þessum lista sýnir eiginlega nokkuð ljóslega að þær eru þónokkuð algengar meðal klúbbmeðlima og sjálfsagt víðar. Það má líka spyrja sig til hvers opinber stofnun á að vera að halda utan um lista yfir talstöðvaeigendur. Hins vegar þarf stofunin að halda utan um handhafa tíðninnar og úthluta þeim því ekki gengi að hver sem er geti sett upp endurvarpa á hvaða tíðni sem er.
Til viðbótar við aðra fyrirvara á þessum listum þá má heldur ekki gleyma því að 4×4 hefur gert samninga við FÍ, vélsleðamenn og Útvist um að félagsmenn þessara félaga hafi aðgang að endurvarparásunum og greiða félögin fasta upphæð fyrir það. Það skýrir talsvert af nöfnum utanfélagsmanna á listunum. Ég fæ ekki með nokkru móti séð að skynsamlegt sé að ætla að rukka inn þessi gjöld samkvæmt svona listum, bæði aukakostnaður sem því fylgir og margþvælt utanumhald. Kröftum starfsmanns klúbbsins er betur varið í annað. Þetta er allavega mín skoðun
Kv – Skúli
Upphafsmaður þessa þráðar segir hér í öðrum þræði að hann sé haldinn bæði lesblindu og hljóðvillu, en hann lætur það ekki stoppa sig frá að tjá sig hér á vefnum. Á virðingu skilið fyrir það, það eru sjálfsagt margir sem ekki hafa þann kjark til að bera. Það er rétt að hér á vefnum er að finna mörg innlegg með slæmri stafsetningu en þau geta verið efnislega mjög góð. Og öfugt ef út í það er farið, kórrétt stafsetning en innihaldið bölvað bull.
Kv – Skúli
Það er nú oft erfitt að átta sig á fyrir hvað er greitt þegar um er að ræða gjaldtöku opinberra aðila. Líklega ekki hægt að skýra þetta sem endurgjald fyrir veitta þjónustu, heldur miklu frekar sem skatt. Svipað og með blessað stimpilgjaldið þar sem maður borgar hundruð þúsunda fyrir að sýslumannsembætti fæli einhverja pappíra.
Í sjálfu sér alveg rétt sem Dagur bendir á að það sem klúbburinn borgar skv. þessum reikningi er mun lægra en það sem félagsmenn voru áður að borga til stofnunarinnar. Þeirra gjaldheimta er því líklega að lækka í heildina litið. Hins vegar finnst mér aðallega gagnrýnivert í þessu að tíðnihandhafar hafi ekki fengið kynningu á þessu með góðum fyrirvara. Slíkur fyrirvari ætti að vera a.m.k ári áður en reikningur gjaldfellur og helst meira þannig að hægt sé að fella þessi viðbótarútgjöld klúbbsins inn í félagsgjaldið því þegar upp er staðið eru það félagsmenn sem borga þetta. Þetta þýðir einfaldlega að í ár er þessi kostnaður tekinn af öðrum verkefnum klúbbsins. Við hefðum t.d. getað notað þennan pening til að setja upp nýjan VHF endurvarpa eða í auglýsingaátak gegn utanvegaakstri eða til að bæta aðstöðu í Setrinu.
Ég get ekki séð að það sé mögulegt fyrir klúbbinn að standa í að rukka sérstaklega gjöld af þeim sem eru skráðir með stöð til að standa straum af þessu, held þetta hljóti að fara beint inn í félagsgjöldin. Einhver kann að segja að það sé ósanngjarnt gagnvart þeim sem ekki eru með stöð, en það má þá segja þa sama um fjárfestingar í endurvörpum eða í raun flest það sem klúbburinn eyðir í. Er það þá ekki einhver 200 kall á mann?
Kv – Skúli
Þetta er ekki rétt kenning, heldur eru það aðeins sveitarfélög sem geta lokað slóðum. Ráðherrar hafa raunar ekkert vald í þessu, hvorki samgöngu, né umhverfis, heldur liggur þetta í skipulagsvaldi sveitarfélaganna. Undantekning er svæði innan þjóðgarða, þar hygg ég þjóðgarðsyfirvöld hafa vald í þessu.
Þessi tiltekna leið er nokkuð umdeild en mjög margir á þeirri skoðun að hún megi að ósekju vera lokuð. Ég myndi allavega ekki mæla með akstri þarna yfir sumartímann og í bleytutíð að hausti.
Kv – Skúli
Verður Heimsgum ekki veitt viðurkenning fyrir flottasta og best kynnta atriðið á síðustu árshátíð í flokki atriða sem enginn sá! Þau runnu í hlað og fagnaðarlætin ætluðu aldrei að byrja.
Kv – Skúli
Af hálfu umhverfisnefndar mæta til leiks Skúli, Dagur og Magnús. Stefnum á einhverja góða hálendisleið norður nema ef við mætum til leiks á Jarisss.
Kv – Skúli
Logi fær fullt hús stiga fyrir að yrkja fullkveðna drápu um málið. Verður vart kjarnyrtara.
Kv – Skúli
En burt séð frá því að þetta standi allt til bóta var þetta ágætis tuð hjá Emil. Þetta allavega ýtti við mér. Þó ég sé ekki brettakantalaus þá eru kantanrnir of mjóir miðað við núverandi dekk og örugglega ekkert gaman að mæta mér í rigningu eða vera gangandi vegfarandi þar sem ég keyri framhjá. Emil, ég skal drífa í að gera eitthvað í þessu!
Kv – Skúli
Má til með að bæta því við að hvað sem mönnum finnst um umræðuna á þessum þræði þá hefur hún skilað því að auglýsingasíðurnar eru orðnar mun áhugaverðari að skoða, minna af drasli og meiri líkur á að maður rekist á eitthvað spennandi þarna.
Kv – Skúli
Sæmi, sumt selst hérna ávefnum um leið og það er auglýst en Yaris virðist ekki seljast þó ný auglýsing sé sett inn dag eftir dag. Og ég hef semsagt sannreynt að það eru fleiri sem eru örvæntingafullir að reyna að selja sinn. Þannig er nú það. En sjálfsagt er það rétt hjá þér að það sé alveg hægt að selja þessar pútur ef menn beita smá markaðsinnsýn og auglýsa hlutina þar sem þeir eiga heima. Það að vera að setja þetta alltaf inn hér er eins og að reyna að selja mjaltavél í Fjármálatíðindum, gæti auðvitað tekist ef einhver bóndi rekst á auglýsinguna þar en kannski ekki vænlegasta leiðin. Og að reyna að bjóða mér þetta til kaups er auðvitað eins og að bjóða skrattanum sálmabók.
Og endilega taktu að þér að koma þessar tík í verð þannig að þessum ósköpum linni.
Kv – Skúli
Tek undir með Þengli, segir allt sem segja þarf.
Og Benni, ágætur hrekkur en það var nú full langt gengið að láta símanúmerið mitt fylgja með í auglýsingunni, ekki friður fyrir hringingum frá örvæntingafullum Yaris-eigendum sem grátbiðja mig að kaupa af sér tíkina. Það er greinilegt að hafi mönnum orðið á að eignast svona bíl er ekki svo auðvelt að losna við hann aftur og örvæntingin sem grípur menn tilfinnanleg. Ég hef eiginlega snúist 180 gráður í þessu vegna samúðar með þessum örvæntingafulla hóp, við verðum að leyfa þeim að reyna allt sem hægt er og legg til að aðeins verði leyfilegt að auglýsa Yaris á vefnum.
Kv – Skúli
Ég er viss um að einhver gúrúinn í vefnefnd getur skrifað forritsstubb sem eyðir aðgangsorðum og ræsist í hvert skipti sem einhver skrifar Yaris á auglýsingasvæðinu. Það væri alveg hægt að sættast á þá millileið svona þangað til einhver verður alvarlega brátt í brók með að selja þvottavélina sína eða eitthvað álíka.
Hlynur er náttúrulega með skilgreiningarnar á hreinu.
Kv. – Skúli
Fínt er, ég finn ekki ferilinn minn.
Kv – Skúli
Ég er kannski svona mikill skapofsamaður, en þegar maður opnar auglýsingasíðu þessa jeppa- og ferðaklúbbs ekki án þess að allt sé morandi í auglýsingum á þessum pútum og þá jafnvel sama tíkin aftur og aftur, þá fær maður bara nóg af Yaris. Yaris sjálfsagt ekki verri en hver annar Kringluskoppari, jafnvel sumt fólk sem ég þekki sem á svona bíl og ég tala ennþá við þau En það er bara hægt að fá nóg.
Kv – Skúli
