Forum Replies Created
-
Replies
-
Breytast í ??? Lella mín Jón Ofsi er labbakútur dauðans. Síðustu [url=http://utivist.is/myndasogur/jeppaferdir/?ew_news_onlyarea=content1&ew_news_onlyposition=3&cat_id=22405&ew_3_a_id=228822:2i6var6d][b:2i6var6d]tvö sumur[/b:2i6var6d][/url:2i6var6d] hefur Ofsi verið fararstjóri í sumarferð jeppadeildar Útivistar og öðru eins labberíi hafa menn ekki kynnst á þeim bæ (þ.e. hjá jeppadeildinni). Á hverjum degi fann karlinn upp á einhverju stoppi, allir reknir út og í skóna og gekk þetta svo langt að menn voru orðnir alvarlega hræddir um að finna ekki bílana aftur (semsagt reglan um að ganga aldrei lengra en svo að jeppinn sé í sjónmáli margbrotin).
Kv – Skúli
Þetta er forvitnilegt. Veit einhver dæmi þess að 5/8 bolti gefi sig undan álagi við drátt? Það er auðvitað hárrétt að ef það gerist í svona tilfellum er það stórhættulegt, raunar óháð því hvort það sé með svona dráttarkrók eða venjulegri kúlu á kúlutengi. Ég kann ekki mikið fyrir mér í burðarþolsfræði en ég á fjandi erfitt með að sjá fyrir mér þetta sveran bolta klippast í sundur.
Kv – Skúli
Þú hefðir nu getað haft gagn af dráttarkróknum
Til hamingju með daginn félagar. Fínasti afmælisfundur í Sjómannaskólanum, vel til fundið að hafa fundinn á þeim stað þar sem fæðingin átti sér stað.
Kv – Skúli
Þó ég vilji helst ekki taka þátt í hnútukasti hér á vefnum finnst mér skylt að taka fram að ég hef ekki fundið fyrir því að umhverfisnefnd fái ekki það bakkupp frá stjórn sem við þurfum eða að við séum eitthvað olbogabarn. Eins og fram kemur hér að ofan á ég sem formaður nefndarinnar sök á því að ekki er grein þarna um umhverfisnefndina. Grein sem ekki berst birtist ekki, svo einfalt er nú það.
Kv – Skúli
Held að við ættum ekki að láta umræðu um þessa glæsilegu kynningu á klúbbnum snúast um karp um þetta. Eins og ég segi klikkaði ég á að skila inn grein frá nefndinni (líklega var það Siggi en ekki Agnes sem hringdi í mig, segir nú allt um minn leka haus að muna það ekki einu sinni rétt) og ekki birtir Siggi grein sem ekki er skilað. Örugglega verið í nógu mörg horn að líta við að koma þessu út. En þrátt fyrir þetta er blaðið glæsileg kynning á klúbbnum og svona kynning nýtist síðar í öllu okkar starfi.
Kv – Skúli
Er enginn að fara upp í Hrauneyjar?
Er einhver hér á leið í Hrauneyjar síðar í dag eða fyrripartin á morgun. Ef svo væri gott ef viðkomandi getur tekið varahlut með þangað.
Kv – Skúli
Sími 894 2920
Blaðberar Fréttablaðsins í mínu hverfi eru svefnpurkur þannig að ég er ekki búinn að sjá blaðið en auðvitað hægt að taka undir það með Magnúsi að það er slæmt að ekki sé grein um umhverfisnefndina. Ég verð hins vegar að játa á mig sök á því. Man það núna þegar þetta er nefnt að Agnes hringdi í mig fyrir einhverju síðan og bað mig um grein um nefndina, sem ég auðvitað lofaði. Í annríki síðustu vikna steingleymdi ég þessu og mundi ekki eftir þessu aftur fyrr en núna. Hefði svosem verið ágætt að fá áminningu.
Kv – Skúli
Um síðustu helgi vissi ég af tveimur bílum á fjöllum á þessum dekkjum. Báðir lentu í vandræðum með að láta þau halda lofti þegar farið var að aka á þeim úrhleyptum. Virðist vera að það vilji leka með köntununum á þeim eða meðfram felgunni. Annar þessara bíla var skilinn eftir við Sóleyjarhöfða, á hinum var umfelgað uppi á Grímsfjalli og sett undir Mudder og gekk betur eftir það. Hugsanlega eru einhver ráð til sem duga við þessu vandamáli, en ég myndi frekar kjósa að vera laus við þau.
Kv – Skúli
Hver er fjöldinn sem þarf neyðarfjarskipti á hálendinu? Ef hann er meiri en þau limmit sem sett hafa verið á fjölda í Tetrakerfinu, ja þá er kannski rétt að tryggja sér stöð meðan þetta er ennþá opið. Það liggur þá kannski á eftir allt saman.
Kv – Skúli
Benni, það er kannski eitt og annað ágætt hjá þér í þessu og sumum punktum er ég sammála (ekki öllum). Vandamálið er hins vegar að þú slærð fram fullyrðingum sem gera málflutning þinn órökvísan og eyðileggur hann. T.d. í þessum síðasta pistli fullyrðir þú að Tetra sé skammtímalausn! Það má sjálfsagt finna ýmis rök gegn því að kaupa Tetrastöð, en að það sé skammtímalausn er nánast öfugmæli. Það er auðvitað aldrei hægt að spá með vissu fyrir um framtíðina en líkur er hægt að meta út frá eðli fyrirtækjanna og starfseminnar og ýmsu fleirru. Vodafone getur auðveldlega horfið af markaðnum sem lausn í fjarskiptum til fjalla og hikar örugglega ekki við það ef viðbótar tekjur standa ekki undir rekstri sendanna. Ekki útilokað að Síminn geri það líka, enda eru þetta í dag hvortveggja fyrirtæki sem byggja rekstur sinn á hagnaðarvon. Ef stjórnendur þessara fyrirtækja láta hjá líða að taka ákvarðanir sem eykur hagnað þeirra eru þeir að bregðast hlutverki sínu gagnvart eigendum þeirra og það er engin trygging fyrir því að rekstur GSM símkerfis á hálendinu standi undir kostnaði. Við getum auðvitað vonað að það geri það. En Neyðarlínan hefur annars konar viðmið og skyldur og það kæmi mjög á óvart ef hún tæki upp á því að pakka Tetra saman eftir þá uppbyggingu á kerfinu sem hefur þegar farið fram.
Ef ég hef verið spurður hef ég ekkert sérstaklega mælst til þess að menn kaupi sér Tetra stöð í dag, að mínu mati er engin sérstök ástæða til að rjúka til núna í þeim efnum. Hins vegar má segja að ef menn vilja meta þetta út frá því hvað sé komið til að vera og hvað ekki þá er Tetra það sem er líklegast til að vera til framtíðar. Slæm rök geta gert ágætan málstað ótrúverðugan og neyðir menn til að karpa á móti þér, ekki vegna þess að þeir séu endilega ósammála grunnpunktinum hjá þér, heldur einfaldlega til þess að leiðrétta rangan málflutning.Kv – Skúli
Er með í þessu
Kv – Skúli R2407
Svona af því það er spurt þá veit ég að umrædd Sesselja þekkir til fjallaferða og er haldinn hálendisbakteríu. Það er allavega kostur þó auðvitað sé það engin trygging fyrir að allt falli í góðan farveg, það ræðst miklu frekar af okkar heimavinnu heldur en hennar þekkingu. Það er fátt nýtt sem kemur fram þarna, öllu frekar er þetta staðfesting á því sem við í umhverfisnefndinni og Ofsi höfum sagt að muni gerast. Sú vinna í ferlamálum sem Ofsi hefur stýrt síðasta árið eða síðustu ár er einfaldlega tilkomin af því þetta var fyrirséð. En það vantar enn marga ferla og full ástæða til að grafa aðeins í ferlasafninu og skoða hvort það sé ekki eitthvað þar sem hugsanlega gæti komið að notum. Leiðir sem ekki eru í gagnagrunninum verða sjálfkrafa athafnasvæði þyrluvæddra sýslumanna í framtíðinni, munurinn verður hins vegar að þá þurfa þeir ekki að óttast sýknudóma. Við höfum tvö sumur til að safna og þau eru fljót að líða. Því þarf Ofsi alla þá hjálp sem gefst.
Kv – Skúli
Þetta sem var búinn að vera svo ágæt umfjöllun. Ég geri það að tillögu minni að Benedikt Magnússon, Benedikt Sigurgeirsson og Einar Kjartarnsson sameinist um að óska eftir því við vefnefnd að eyða þeim pistlum á þessum þræði frá og með þeim sem hefur fyrirsögunina Gott spjall og er settur inn 28. febrúar 2008 – 15:47.
Bara til þess að hægt sé að leita í þessa ágætu umræðu sem er þar fyrir ofan án þess að þessi ósköp séu að flækjast fyrir. Sjálfsagt margt þar fyrir ofan sem hægt er að vera ósammála um en það er þó tiltölulega laust við persónulegt skítkast. Ég er viss um að þið eruð allir sammála mér um að þráðurinn getur verið án þeirrar umræðu sem ég vísa þarna til. Í sömu svifum má fjarlæga þessa ósk mína.
Kv – Skúli
Þetta er að verða mikil ritsmíð hér um framtíð fjarskiptamála og kannski ekki mörgu við þetta að bæta, allavega ekki margt sem ég get bætt hér við sem ekki er einu sinni amatör, hvað þá meira. Ég vil þó segja að ég óttast ekki svo mjög um að Tetra gangi af VHF dauðu. Ef það hins vegar gerist er það aðeins vegna þess að aðrir kostir eru að fullnægja þörfum okkar svo vel að ekki er lengur þörf fyrir VHF kerfið og hver er þá skaðinn eða öllu frekar, væri það ekki bara hið besta mál. Ég held hins vegar að það gerist ekki (sem er þá kannski neikvætt samkvæmt þessu) þar sem VHF kerfið hefur ýmsa góða kosti.
Í fyrsta lagi hentar VHF mjög vel fyrir samskipti á milli bíla. Það ýtir undir að menn haldi áfram að fá sér VHF stöð í bílinn.
Í öðru lagi er VHF ódýr kostur, ekkert mánaðargjald, þú bara kaupir stöð sem er í sjálfu sér ekki svo mjög dýr og ert þá kominn með fjarskiptatæki sem virkar nokkuð vel, allavega meðan endurvarpakerfinu er viðhaldið.
Í þriðja lagi er dekkun mjög góð þar sem langdrægnin í VHF er mjög góð. Maður getur verið í fínu sambandi við endurvarpa í glettilega mikilli fjarlægð, auk þess sem bylgjulengdin er talsvert lengri en í símkerfunum. Allavega er maður að ná sambandi við einhvern endurvarpa víðast hvar.
Í fjórða lagi byggðist VHF upp þrátt fyrir tilvist NMT meðan það var upp á sitt besta. Afhverju skildi það ekki halda áfram að lifa þó aðrir kostir komi samhliða. Ég nefndi að vísu hér að ofan að uppbyggingin átti sér stað að miklu leiti fyrir tilstilli Sigga Harðar sem vann mikið og óeigingjarnt starf við það og svo má auðvitað ekki gleyma Edda í fjarksiptanefndinni á þeim tíma sem var eldhugi í þessu. Auðvitað þarf áhugasama fjarskiptanefnd til að halda þessu gangandi, en seinast þegar ég vissi höfum við hana ennþá á fullum dampi.
Semsagt VHF er ódýr og einföld leið sem skorar hátt á öryggisfaktorinn og þjónar í ofanálag afskaplega vel fyrir spjallið milli bíla. Það leysir ekkert öll okkar mál, en stendur vel fyrir sínu.
Að öðru þá held ég að það sé rétt að gera sér grein fyrir því að forsenda þessarar skyndilegu útbreiðslu Vodafone GSM á hálendinu er einmitt tilkoma Tetra sendanna, eins og Snorri bendir á. Þó símafyrirtækin keppist núna um hvor sé flottari og útbreiddari á hálendinu (það er staðreynd), þá ráða ágóðasjónarmið alltaf ákvörðunum þegar á reynir. Akkúrat núna þjónar þetta tilgangi fyrir Vodafone vegna þess að með þessu ná þau tilteknum fjölda viðskiptavina frá samkeppnisaðilanum, en aðeins vegna þess að það opnaðist möguleiki á að auka útbreiðsluna með tiltölulega ódýrum hætti fyrir tilstilli samvinnu við Tetra. Hefði sá kostur ekki verið fyrir hendi hefði þetta tæplega svarað kostnaði eins og sagt er. Ég held að við þurfum ekki að óttast að símafyrirtækin fari að setja of mikið fjármagn í uppbyggingu senda upp um öll fjöll. Séð frá þeirra sjónarhorni er drifkrafturinn ekki beint sá að auka öryggi á fjöllum, ekki nema að því marki sem það skapar þeim auknar tekjur. Það er hins vegar samkeppnin sem fær þau til að leita leiða til að laða til sín viðskiptavini með því að vera flottari en samkeppnisaðilinn og núna er þetta vettvangurinn sem þau keppa á sem er auðvitað bara frábært meðan á því stendur. Neyðarlínan hefur hins vegar annars konar nálgun á málið þar sem hlutverk hennar snýr beint að öryggismálum.
Kv – Skúli
Þetta er náttúrulega algjör óhæfa að félagsmönnum sé leyft að nota Tetrastöðvar. Skil ekkert í stjórninni að hafa látið slíkt viðgangast og hafa ekki barist af hörku gegn því að þetta standi félagsmönnum til boða. Það að segja að þetta sé frjálst val og það sé ekki verið að neyða þetta upp á neinn eru náttúrulega rök sem halda engan vegin, allir vita að menn VERÐA auðvitað að vera með ALLAR græjur sem standa til boða, ekki hægt að láta annað spyrjast um sig. Þetta eru því hrikaleg útgjöld og var ekki á það bætandi. Þess vegna er bara ein lausn, banna það með öllu að 4×4 félagar fái að nota Tetra, hvað sem tautar og raular.
En svona að öllu bulli slepptu þá sé ég ekki hvernig eitt á að útiloka annað. Þó svo einhverjir velji að ferðast með Tetra og séu jafnvel eitthvað að spjalla landshorna á milli í gegnum þetta kerfi, þýðir það engan vegin endalok VHF og þróun þess. Þeir fjármunir sem fara í uppbyggingu Tetra eru ekki teknir af VHF, peningar klúbbsins koma þar hvergi nálægt og Tetra verður byggt upp algjörlega óháð því hvort við höfum aðgang að kerfinu eða ekki. Eins og Snorri segir er VHF stöðin tvímælalaust fyrsti fjarskiptakostur jeppamanna. Svo geta menn aukið öryggið með því að bæta við öðrum kostum og fínt að það sé svolítið úrval af því. Eins og Snorri bendir á er enginn kostur þar að fullu þekjandi nema Irridium, sem er jafnframt það dýrasta, en hver og einn getur vegið og metið kostina út frá kostnaði og kostum og göllum.
Þeim Bennum sem eru svartsýnir á að fjarskiptanefndin hafi bolmagn til að þróa VHF kerfið enn frekar án þess að fá extra fjármagn í það, vil ég hughreysta með því að benda á að það kerfi sem við eigum í dag er ótrúlega öflugt og þétt og er þó sett upp að mestu í sjálfboðavinnu og fyrir fjármagn sem klúbburinn hefur getað séð af í þetta. Ég þykist vita að velta klúbbsins hefur aukist talsvert á síðustu árum. Þó svo ýmis kostnaður hafi jafnframt aukist þá er það fjármagn sem þarf í fjarskiptamálin hlutfallslega minni hluti af heildarveltu núna heldur en var þegar endurvarpar voru settir upp hægri-vinstri. Okkur er því engin vorkunn að halda áfram að þróa kerfið. Auðvitað byggðist þetta mikið upp á krafti og velvilja Sigga Harðar þegar mest gekk á og á klúbburinn honum mikið að þakka.
Kv – Skúli
Þennan hvíta á [b:237cp7y6] [url=http://www.f4x4.is/new/profile/default.aspx?file=3564:237cp7y6]Vilhjálmur Kjartansson[/url:237cp7y6][/b:237cp7y6] og örugglega rétt að þessi er einn sá besti á götunum, eiginlega af því ég er almennt mun hrifnari af gömlum jeppum en nýjum highway jeppum, þá myndi ég segja þennan vera besta Cruiserinn á fjöllum í dag.. Bíll í fullri notkun og að ég hygg góðu viðhaldi.
Svo ferðaðist [b:237cp7y6][url=http://www.f4x4.is/new/photoalbum/default.aspx?file=oldsite/1549:237cp7y6]Matti[/url:237cp7y6][/b:237cp7y6] lengi vel á einum góðum, virðist að vísu ekki hafa verið mjög þéttur eftir myndunum að dæma, en það er nú bara aukaatriði. Held ég fari rétt með að þessi sé ekki lengur í notkun en ekkert mjög langt síðan hann var á ferð.
Af öðrum öldungum (vona að þetta teljist ekki þráðarán, þetta er þó skylt efni), ég sá fyrir ekki svo löngu glæsilega uppgerðan Willis Overland á förnum vegi og reyndar líka myndir af honum hér á vefnum. Er þetta sá eini sem eftir er af þessum höfðingjum? Það er eitthvað við þessa sem mér finnst gera þá flottari en allt annað!
Kv – Skúli
Drifin þykja nú nokkuð sterkbyggð og ekki gjörn á að brotna. Öxlar eru hins vegar ekki þeir sverustu og kannski að vöxtum fyrir stór dekk. Samt mesta furða hvað þeir halda, ég hef allavega ekki brotið ennþá.
Kv – Skúli
Tjallinn er ekki svo galinn þrátt fyrir allt! En með Discoinn þá held ég fari rétt með að það er talsverður munur á undirvagninum á Discovery I og Discovery II sem kom 1998. Disco I er raunar eins búinn og Defenderinn hvað varðar fjöðrun og millikassa og er með 4 cyl Tdi300 véllinni. Disco II er með 5 cyl Td5 vél, loftpúðum og svo er komið eitthvað traction control, semsagt einhver sjálfvirkni í staðin fyrir að læsa millikassanum handvirkt eins og í gamla. Reyndar held ég að það sé ennþá hægt að læsa millikassanum með einhverjum tilfæringum.
Vona að ég sé ekki að ljúga einhverju, þekki Disko bara af bókum. Held að menn láti samt ágætlega af báðum, en persónulega myndi ég frekar kjósa þann gamla, einfalt, handvirkt og þá líklegra til að þola misjafna meðferð.
Kv – Skúli
