Forum Replies Created
-
Replies
-
Þorgeir hvað einhverjir voru að plotta á þeim tíma sem ég var formaður hef ég eðlilega ekki hugmynd um og olli mér hvorki áhyggjum þá né nú. Þannig að ég veit í sjálfu sér ekkert um það til hvers þú ert að vísa þarna né átta mig á hvað það kemur málinu við. Nema það sé að þegar ég tók við núverandi starfi höfðu samstarfsmenn mínir í stjórn klúbbsins (og reyndar einnig ég sjálfur) réttilega áhyggur af því hversu mikinn tíma ég hefði til að sinna klúbbnum og það var rætt af fullri hreinskilni, m.a. hvort heppilegra væri að ég léti af formennsku. Það kom allt eins til greina af minni hálfu þó niðurstaðan hafi orðið önnur. Þannig að ef það er þetta sem þú ert að tala um þá er ég ekki þeirrar gerðar að sjá það sem einhverja dramatík. Slík sögutúlkun hefur kannski skemmtigildi þó þetta eigi ekkert erindi inn í þessa umræðu!
En hvað daginn í dag varðar þekki ég ekki nægjanlega vel til þess hvað gerist innan stjórnar, söguburði um hana eða lygasögur til að leggja dóm á slíkt og er ekki að tala um það. Það er hins vegar hvorki söguburður né lygasaga að félagsandinn hefur ekki verið eins og best er á kosið í vetur, allavega finnst mér það vera áþreifanlegt. Get ítrekað það hér einu sinni enn að það skrifast örugglega ekki að öllu leiti á stjórnina, en eins og ég segi, sjaldan veldur einn er tveir deila og stjórn klúbbsins hlýtur að bera einhverja ábyrgð á stöðu mála og stöðu sinnar vegna kannski mesta ábyrgð. Auðvitað hafa núverandi stjórnarmenn og þeir sem gengu úr stjórninni á árinu fullt kjörgengi á næsta aðalfundi skv. lögum og geta boðið sig fram aftur ásamt því sem þeir sem ekki hafa lokið sínu tímabili hafa lögformlegan rétt á að ljúka því. Það er hins vegar mín skoðun að það væri klúbbnum til góðs ef þessi 7 manna hópur dregur sig í hlé frá stjórn að sinni.
Kv – Skúli
Það er ekki spurning að Agnes og hennar stjórn hefur gert ýmislegt gott, m.a. hvað varðar aukin samskipti við deildirnar. Ýmis fleiri góð mál mætti nefna. Það fer hins vegar ekki hjá því að skútan brölti yfir ýmis sker eins og Vals kemst að orði og eitt og annað sem ekki hefur verið full eining um. Að afgreiða það bara sem “óánægjuvæl einhverra örfárra sem aldrei eru ánægðir með eitt né neitt“ er klárlega ekki leiðin til að ná betri móral í klúbbstarfið en því miður gamalkunnur tónn. Mér dettur ekki í hug að halda því fram að öll þau mál séu stjórininni að kenna eða einstaklingum innan hennar, það á örugglega við í þessu tilfelli eins og svo mörgum að sjaldan veldur einn er tveir deila. Það máltæki gildir auðvitað jafnt í báðar áttir. Móralsins vegna held ég að það væri mjög góður leikur að eftir næsta aðalfund byrji stjórn sem er ótengd þeim vandamálum sem uppi hafa verið. Sú hvatning nær ekki aðeins til Barböru og Eyþórs eins og menn láta liggja að hér, það snýr að öllum þeim sem sátu í stjórn á líðandi starfsári. Það hefur gerst að menn bjóði sig aftur fram til stjórnar og ekkert sem segir að Tryggvi eða Jón geti ekki boðið sig fram aftur núna, en tilmælin að ofan ná jafnt til þeirra sem annarra og í því felst ekki vantraust á einn né neinn, einfaldlega verið að benda á að það væri óheppilegt move og betri líkur á farsælu starfi ef önnur leið er farin. En auðvitað er þetta eitthvað sem hver og einn verður að gera upp við samvisku sína, hvort heldur er núverandi stjórnarmeðlimir eða þeir sem sögðu af sér.
Kv – Skúli
Hiluxinn var nú aldrei talinn sérstaklega kraftmikill. Man ekki hvað hann var mörg hestöfl, en þessi sýnist mér vera ein 6 kýröfl – kannski ekki hraðgengur entorkar örugglega gríðarlega.
Kv – Skúli
Svo ég svari þessu hvað varðar umhverfisnefndina þá verður að viðurkennast að birting fundargerða umhverfisnefndar er ekki einfalt mál, við höfum stundum punktað eitthvað hjá okkur en utanumhaldið er ekki mjög skipulagt. Samt ætti að vera hægt að gera grein fyrir helstu störfum nefndarinnar.
1. Landgræðsuverkefni. Við höfum í fjölda ára unnið að uppgræðsluverkefni með Landgræðslunni á Merkurrananum í Þórsmörk. Það verkefni hefur skilað þeim árangri að ekki er ástæða til að græða meira upp þarna og þá var orðið tímabært að finna nýtt verkefni og þar er stefnt á að taka að okkur tiltekið svæði í Hekluskógaverkefninu.
2. Stikuferðir. Árlega tekin einhver leið og stikuð.
3. Ferlaverkefni. Þó þetta verkefni sé í sérstökum farvegi innan klúbbsins þá hefur nefndin verið með þumalinn á púlsinum í því og nefndarmenn komið að þessari vinnu.4. Áróður. Öðru hvoru hefur nefndin hrundið af stað eða tekið þátt í áróðursherferðum gegn utanvegaakstri. Meðal annars átt samstarf við mótorhjólamenn um það og fleiri félög. Einnig gefið út bæklinga sem dreift var á bensínstöðvar. Stundum hefur nefndin séð ástæðu til að bregðast við málum sem koma upp varðandi utanvegaakstur, senda fréttatilkynningar oþh.
5. Ýmis verkefni til að verja ferðafrelsið, s.s. umsagnir um reglugerðir o.fl.
Þetta er svona það sem í fljótu bragði kemur upp í hugann.
Kosið er um þrjú sæti í umhverfisnefnd og framboð sem komin eru í þau eru Vilhjálmur Freyr Jónsson, Jóhann Björgvinsson (báðir að bjóða sig fram aftur) og Þórður Ingi. Fyrir sitja í nefndinni Dagur Bragason og Magnús Guðmundsson. Undirritaður hættir störfum.
Kv – Skúli
Ég skal ekki fullyrða um hvað nákævmlega megi lesa út úr þessari setningu eða hinni eða hvað sé falið bak við línunarnar, Ofsi er kannski gleggri á það en ég hvað býr baki orða. En að slíkum æfingum slepptum þá er það nokkuð örugglega þannig í dag á þessu svæði að það sé hægt að ferðast þarna gangandi dögum saman án þess að verða var við umferð og það sem ég las út úr þessum hugmyndum var að þær gengu út á að halda málunum þannig. Það þarf enga breytingu til að gera þetta að þessu griðlandi heldur öllu frekar að koma í veg fyrir breytingar á svæðinu, ekki uppbyggða vegi, ekki einhverja mannvirkjagerð. Þó svo einhverjir nokkrir torfærir slóðar liggi þarna í gegn verður þetta aldrei að fjölförnu aksturssvæði svo fremur sem ekki verði farið í frekari vegagerð. Þetta er ekkert nema grjótmelar og mýrarflákar á milli. En eins og ég segi þá er ég ekki með forspárgáfu til að vita fyrirfram hvernig þessar tillögur verða útfærðar ef eitthvað veður úr þeim og ætla ekki að hafa stór orð um þær fyrirfram.
Ég held að jafnræðisreglan gildi tæpast í svona málum, ef það væri þá mætti allt eins segja að það sé brot á jafnræðisreglu ef fulltrúum Norðurvegar verði meinað að gera uppbyggða hraðbraut yfir Kjöl.
Á hinn bóginn er ég sammála Loga um að það þarf að ferla þarna þannig að menn viti hvar séu slóðar á þessu svæði. Held að það sé reyndar ekkert áhlaupaverk, í fæstum tilvikum eru þetta slóðar sem maður fer bara inn á og keyrir, þeir eru bæði torfærir og víða mjög óljósir og villugjarnir og eiginlega ekki fyrir nema 38 tommu bíla að aka þarna. Sem enn frekar staðfestir að þetta er ekki umferðarsvæði í dag.
Kv – Skúli
Því verður ekki neitað að talsverð ólga var í klúbbnum um það leiti sem umræddur fundur var haldinn og ég held að það megi segja að það hafi tekist sæmilega að leggja ágreining til hliðar á meðan starfsárið er klárað. Stjórnin hefur allavega fengið frið til að vinna að ýmsum mikilvægum málum sem var jú einmitt markmiðið og það sem margir töldu að skipti öllu máli. Ég er samt ekki viss um að það hafi tekist með þessum fundi að skapa hina samhentu og hamingjusömu fjölskyldu sem Snorri dregur upp mynd af. Það þarf kannsk meira til en góð orð til að fá þann móral, en um að gera að allt sé reynt sem mögulegt er til að ná þessu fram á næsta starfsári. Ég er viss um að Sveinbjörn er líklegur til að ná árangri í þessu og ekki ólíklegt að það hjálpi til ef hann er með alveg nýja stjórn með sér, sé að byrja með algjörlega hvítt blað. Ég held að það þurfi ekki að hafa áhyggjur af því að reynslu skorti hjá manni með félagsnúmerið 43 og traustar stoðir í klúbbstarfinu. Með þessu er ég ekki að leggja dóm á störf fráfarandi stjórnar og ekkert endilega að halda því fram að þessi ólga sé alfarið henni að kenna, en hverju sem um er að kenna er 4×4 ekki eins samhentur hópur í dag og við myndum óska.
Kv – Skúli
Er einhver hér með lögfræðilegu hliðina á þessu á hreinu, s.s. hvar kemur fram að ekki megi nota steinolíu? Ég hef fundið ákvæði þar sem talað er um refsingar fyrir notkun á litaðri olíu sérstaklega, en hitt hef ég ekki fundið. Það má þó vel vera að það sé fyrir hendi. En miðað við þessa sýn á málið, þ.e. olíugjaldið sé leiga fyrir notkun á vegakerfinu, þá hlýtur að vera löglegt eða allavega réttmætt að nota steinolíu á fjöllum.
Á hinn bóginn er klárt mál að það er löglegt það sem einn ágætur Akureyringur gerir sem er að nota matarolíu. Það liggur í því að það er umhverfisvænn orkugjafi og bílar sem nota slíka orkugjafa eru undanþegnir þungaskatti.
Kv – Skúli
Miðað við það sem ég hef séð eða heyrt um þessar hugmyndir finnst mér ekki ljóst að það eigi að banna akstur, enda rétt sem Hilmar segir að umferð þarna er ekki það mikil að það sé þörf á því. Sýnist þetta ganga aðallega út á að koma í veg fyrir frekari vegagerð þarna þannig að vegir í stíl við þann sem á að setja vestan við Dettifoss rati ekki inn á þetta svæði. Held reyndar að þetta sé ennþá það ómótaðar hugmyndir að það sé frekar fátt um þær að segja enn sem komið er, en örugglega rétt að fylgjast með því hvernig þær þróast.
Kv – Skúli
Þegar ég hef farið þetta í snjó hef ég fylgt sumartrakki. Held að það sé besta leiðin.
Kv – Skúli
Ekki það að [url=http://www.landvernd.is/arfjalla2002/:3gw5i61o][b:3gw5i61o]Herðubreið[/b:3gw5i61o][/url:3gw5i61o] sé ekki ágætis fjall, sérlega falleg hvaðan sem maður sér hana sem er býsna víða. Það er auðvitað líka rétt að þeir túristar sem hingað koma og fara túristarúnt með rútu um norð-austurland er sýnt fjallið þannig að sá hópur man örugglega eftir því eftir heimkomuna. Auðvitað stendur hún vel sem drottning norðlenskra fjalla, ekki nokkur spurning um það.
En það er engum blöðum um það að flétta að [url=http://www.allseasonhotels.is/Default.asp?Page=498:3gw5i61o][b:3gw5i61o]Hekla gamla[/b:3gw5i61o][/url:3gw5i61o] er frægust og afspyrnu glæsilegt fjall. Hún er líka sprelllifandi eins og dæmin sanna, drottnar yfir ríki sýnu og geta áhrif hennar þess vegna náð út fyrir landsteinana þegar hún er virkilega í ham. Ísland er land [url=http://www.mountainfriends.com/html/hekla.html:3gw5i61o][b:3gw5i61o]eldfjallanna[/b:3gw5i61o][/url:3gw5i61o] og Hekla stendur öðrum eldfjöllum framar í mörgu tilliti.
Kv – Skúli
Það var nú þannig að í einhverri óvísindalegri og illa framkvæmdri könnun fyrir nokkrum árum var kosið um það hvaða fjall væri drottning Íslenskra fjalla. Sú undarlega niðurstaða kom út úr þessu að Hekla hlaut ekki fyrsta sætið þarna heldur móbergsstapi einn norður í landi. Og það sem var kannski enn undarlegra er að þetta var meðal annars rökstutt með því að umræddur móbergsstaði væri svo þekktur á erlendri grund, umfram önnur fjöll. Það eru ýmsar drottningarnar en Hekla er auðvitað hin eina sanna fjalladrottning.
Kv – Skúli
Eftir síðustu sýningu 4×4 hafð einn ágætur maður orð á því við mig að hún hafi verið með eindæmum leiðinleg. Ástæðan var sú að alltof stór hluti hennar hafi verið nýlegir bílar breyttir af breytingaverkstæðum sem hægt er að sjá allsstaðar og ekkert er spennandi við. Einn gripur var þó á sýningunni sem lífgaði verulega upp á og gerði það að verkum að þetta var ekki algjör tímasóun og það var að sjálfsögðu Hrollurinn.
Jeppabreytingar eru stöðluð framleiðsluvara í dag, en það sem er gaman að sjá og skoða eru þeir bilar sem skera sig út úr fjöldanum.
Kv – Skúli
Fór með [b:1mloawgc][url=http://www.daddi.is/scan/jeppaferdir/vatnajokull-feb-mars-2008/IMG_0117.jpg:1mloawgc]þessum[/url:1mloawgc][/b:1mloawgc] glæsilega Krúsa á Vatnajökul á dögunum í þungu færi og er óhætt að segja að hann var að svínvirka. Ennþá bara klafar undir honum. Svosem ekki komin löng reynsla á endingu en so far so good. Örugglega hægt að brjóta þetta eins og annað, en allavega er þessi að drífa heilan djöfulgang.
Kv – Skúli
Við skulum ekki gleyma að við vorum með stórferð yfir Hofsjökul fyrir nokkrum árum og sú leið sem farin var yfir jökulinn þá má teljast sæmilega örugg a.m.k. fyrir vana ferðamenn (eins og ég veit að Tómas er). Austfirðingar fóru þá upp austanverðan jökulinn og voru eitthvað að máta einhverja sprungu þar. Ég og fleiri fórum þar upp daginn eftir og sáum móta fyrir spurngum en fórum suður fyrir það svæði sem austanmenn lentu í vandræðum með. Helgina á undan fór konurnar í klúbbnum yfir jökulinn og fundu sprungu á norðurjaðri öskjunnar og hefur það síðan verið nefnt ‘stelpusprungan’, en þær fóru kannski heldur austarlega. Það eru víða sprungur í jöklinum og sumar lífshættulegar eins og hefur komið í ljós með átaknlegum hætti. Þetta er því ekki beinlínis leiksvæði, en ef menn vita hvað þeir eru að gera er hægt að ferðast á og yfir jökulinn og þá eftir ferlum.
Kv – Skúli
Nú veit ég ekki hvort hér sé enn ein gátan á ferð hjá Magnúsi, en spurningar vakna hvort þessi torskildu skrif hans séu í samræmi við notkunarskilmála vefsins. Að vísu er ekki sérstaklega rætt um rétt anda en endur hljóta að hafa sama rétt og aðrir, a.m.k. andmælarétt.
Kv – Skúli
Gæti þá verið að þetta dekk hafi verið sunnanmegin undir bílnum?
En mér finnst líka forvitnilegt hvort menn þekki það hvort bremsuvökvi eða jafnvel olíuleki fari illa með dekkin. Bremsuvökvinn er náttúrulega bölvaður óþverri.
Kv – Skúli
Talsvert búið að fjalla um þessi dekk hérna, þú getur fundið heilmikið með því að nota leitarvélina hérna, t.d. [url=http://www.f4x4.is/new/search/default.aspx?search=mickey+mtz&category=16:3ouogelm][b:3ouogelm]þetta um MTZ[/b:3ouogelm][/url:3ouogelm] dekkin og [url=http://www.f4x4.is/new/search/default.aspx?search=%22toyo+dekk%22&category=16:3ouogelm][b:3ouogelm]þetta um Toyo[/b:3ouogelm][/url:3ouogelm]. Passaðu þig bara á að þegar þú setur inn Toyo í leitarvélina þarf það að vera ‘Toyo dekk’ eða eitthvað álíka því bara Toyo gefur þér allt sem hefur verið skrifað um Toyota sem er talsvert.
Kv – Skúli
Þetta er svolítið mikið ‘hvað ef’ spurningar hjá þér Stefanía og þó auðvitað sé oft gott að vera við öllu búinn er ekki alltaf ástæða til að vera með svar við öllum ‘hvað ef’ spurningum fyrirfram heldur taka á málunum ef þau koma upp. Eins og Jón lýsir er ferlanefndin að safna liði sér til stuðnings í umfangsmiklum verkefnum og ég á erfitt með að sjá þá stöðu koma upp að stjórnin hafni þeirri hugmynd og ekki heyrt að það standi til.
Það er rétt að í svar umhverfisráðherra á þinginu á dögunum kom fram einhver misskilningur um stöðu ferlunarverkefnisins og bæði ég og Agnes höfum fengið það staðfest. Væntanlega leiðréttist þetta núna eftir páska þegar svar kemur frá umhverfisráðherra við fyrirspurn Sivjar Friðleifsdóttur um þetta mál. Við höfum líka lagt áherslu á að fullt samráð verði haft við útivistarfélög um þessi mál og fengið þau svör að rík áhersla verði lögð á það í vinnuferlinu. Meðan annað kemur ekki á daginn hljótum við að gera ráð fyrir að ætlunin sé að standa við það. Það sem er mikilvægt fyrir okkur er:
– Vinna okkar heimavinnu í gagnaöflun. Það er og verður lykillinn að því að eitthvað vitrænt komu úr þessari vinnu að hún byggi á sem bestum gögnum um slóða á hálendinu
– Fylgjast vel með framvindu vinnunnar og halda því lifandi að útivistarfélög fái að koma sínum sjónarmiðum að.
– Halda sem bestu sambandi og samstarfi við þá sem eru að vinna í þessum málum. Það gerum við ekki með skæruhernaði, einstrengishætti eða með því að hafa tortryggni stöðugt að leiðarljósi, heldur með því að vera fylgin okkur með jákvæðum hætti og byggja okkar vinnu á víðsýni. Sú aðferð hefur skilað okkur glettilega miklu á undanförnum árum.
Svona held ég að við náum bestum árangri í að tryggja framtíðar ferðamöguleika okkar. Auðvitað er engin trygging fyrir því að engum slóðum verði lokað sem við myndum vilja hafa opna. Valdið í þeim efnum er auðvitað ekki hjá okkur og ekki heldur hjá umhverfisráðuneytinu eða vinnuhópnum sem ráðherra skipaði, heldur er það hjá sveitarfélögunum. Eina sem við getum gert er að tryggja að okkar sjónarmið komi fram og ef sveitarfélögin hafa góða stjórnsýslu að leiðarljósi hljóta þau að taka tillit þeirra sjónarmiða ef önnur rök vega ekki þyngra.
Kv – Skúli
Veit af 38" bíl sem fór í Bása um helgina og gekk vel og vandræðalaust. Það var hins vegar sæmilega mikill snjór og gæti trúað að það sé þungt fyrir óbreyttan. Eins voru einhverjar skarir á Akstaðaánni. Myndi því ekki mæla með að fara einbíla á óbreyttum, en alveg reynandi í fylgd með öðrum. Svo getur þetta verið fljótt að breytast með hlýnandi veðri, gæti aukist hratt í ánnum ef það kemur mikil hláka en verið svo fljótt að breytast í skotfæri.
Kv – Skúli
Það er auðvitað alveg rétt hjá Arnþóri að þurr og tæknileg umræða um dekk er náttúrulega ekki eins skemmtileg og hressilegir sleggjudómar. Í samræmi við þá fullyrðingu ætla ég að fullyrða eftir að hafa ferðast með Úlfinum að fullyrðing hans um að hann sé ekki í meiri vandræðum en hver annar, sé ekki rétt eða allavega ekki dekkjunum að þakka. Ég er sannfærður um að reyndur ökumaður eins og Stebbi væri að gera mun betur á almennilegum dekkjum, enda sér maður alveg að hann hefur alveg tötsið í snjóakstrinum. Með réttum búnaði og rétta töstinu á það að vera undantekning að festast í snjó.
Kv – Skúli
