Forum Replies Created
-
Replies
-
Ég held að það sé ekki hægt að mótmæla því að raforkuver og álver hafa umtalsverð áhrif á efnahagslíf og atvinnuþróun í landinu. Auðvitað munar um þessar tekjur í þjóðarbúið og einstaklingum munar um þær tekjur sem þessar framkvæmdir allar gefa af sér. Á hinn bóginn eru auðvitað ýmis hliðaráhrif sem má velta fyrir sér, sérstaklega þegar þetta er höndlað sem einhver allsherjar patentlausn allra ríkisstjórna á atvinnuuppbyggingu. En upp að ákveðnu marki hefur áliðnaðurinn örugglega haft margvísleg jákvæð áhrif á lífið í landinu.
Hins vegar get ég ekki annað en verið afskaplega ósammála Atla um Kárahnjúkasvæðið og að það sé áhugavert í dag en hafi ekki verið það áður. Ég kom þangað fyrst líklega 1998, löngu áður en raskið fór af stað þarna og fannst þetta alveg mögnuð náttúra, bæði ofan og neðan við núverandi stíflustað. Að skoða þessi 200 metra djúpu gljúfur með Jöklu beljandi í botninum var bara magnað. Kom þangað nokkrum sinnum aftur áður en framkvæmdir hófust, gekk meðal annars fyrir nokkrum árum upp með ánni og fyrir upptökin á jökli um svæði sem nú er á botni lónsins. Mjög flott og skemmtileg gönguleið. Eftir að framkvæmdir hófust hef ég komið þarna nokkrum sinnum og finnst þetta með eindæmum lítt aðlaðandi og óspennandi staður að koma á. Lítið meira spennandi en hvert annað iðnaðarhverfi og þó hægt sé að sjá ofan í gljúfrin ofan af stíflunni er ekki hægt að líkja því saman við að skoða þau áður. Þetta verður kannski eitthvað skárra ef það verður eitthvað gengið betur frá umhverfinu en fyrir minn smekk mun þessi staður aldrei aftur hafa það aðdráttarafl sem hann hafði.
Ég get því engan veg tekið undir að þarna hafi virkjun verið vel valinn staður. Við þurfum virkilega að fara að spá í hversu miklar fórnir er réttlætanlegt að færa.
Kv – Skúli
Breiðá er ekki sama á og Jökulsá á Breiðamerkursandi, hún er vestan megin undir Breiðamerkujökli, kemur úr Breiðárlóni (lónið við akstursleiðina upp á jökul) og rennur til vesturs í Fjallsárlón og heitir Fjallsá þegar hún kemur út úr lóninu. Frekar stutt á, örugglega innan við km, en það er svosem Jökulsáin líka.
Kv – Skúli
Held að Hjörleifur sé ekki með svarið í Leyndardómum Vatnajökuls, allavega er Norðlingalægð ekki að finna í örnefnaskrá bókarinnar. Myndi halda að Ofsi sé heitur þarna með sína skýringu, eitthvað er þetta allavega tengt Norðlendingum.
Norðlingur er þá semsagt einhver búsettur fyrir norðan og er ég á því að rétt sé að endurvekja þetta ágæta orð. Þá er t.d. hægt að segja: óttarlegur Norðlingur geturðu verið, setur rauðkál undir pylsuna!
Kv – Skúli
Starf þessara samtaka og annarra hópa sem vinna á sama hátt er skaði fyrir náttúruna því þarna er verið að spilla annars góðum málstað með mislukkuðum baráttuaðferðum. Það er sama hver málstaðurinn er, þegar fólk gleymir skynseminni í ‘aksjóninni’ kemur það aldrei til með að gera annað en að skaða málstaðinn. Það hefur að vísu komið fyrir að lögregluaðgerðir gegn þessum hópum verði á sama plani og aðgerðirnar sjálfar, en það er annað mál.
Kv – Skúli
Þau voru athyglisverð orð forstjóra N1 í fréttum í gær, en þá lækkuðu hin félögin verð hjá sér vegna lækkunar á heimsmarkaðsverði, en N1 vildi bíða og sjá til (líklega bíða af sér lækkunina). Forstjórinn sagði að "Það sé ekki til hagsbóta fyrir neytendur að verðið sé hækkað eða lækkað hér um leið og eitthvað gerist á mörkuðum erlendis." Ég hef aðeins verið að reyna að átta mig á þessum orðum. Þýðir þetta að verðlækkun á þessum dýrmæta vökva þegar verð lækkar á heimsmarkaði sé okkur ekki til hagsbóta, þ.e. að það sé verra fyrir okkur að borga minna meðan hægt er? Eða þýðir þetta að næst þegar verð á heimsmarkaði hækkar muni N1 ekki hækka verðið við dæluna heldur bíða og sjá til? Eða hvernig ber að skilja þetta?
Fréttin er [b:2ah5ewe0][url=http://www.visir.is/article/20080723/FRETTIR01/490243290/0/leit&SearchID=73324773392849:2ah5ewe0]hér[/url:2ah5ewe0][/b:2ah5ewe0]
Kv – Skúli
Þetta er nokkuð óljóst því Náttúruverndarlög vísa í gömlu Vatnalögin. Hins vegar segir í Nátturuverndarlögum að öllum sé heimil för um landið í lögmætum tilgangi. Það segir samt kannski ekki um rétt til að fara um vegi. Vantar eiginlega gott prófmál til að skera úr um þetta, hvenær megi loka vegi og hvenær ekki, hvenær drepur maður mann og hvenær drepur maður ekki mann.
Kv – Skúli
Frá mínum bæjardyrum séð er æskilegt að virkjanaframkvæmdir séu settar á þau svæði sem þegar hafa verið tekin undir slíka landnotkun. Öll mannvirki sem tengjast þessari virkjun eru í næsta nágrenni við önnur virkjanamannvirki, lónið í næsta nágrenni við Hrauneyjarlón og Þórisvatn og stöðvarhúsið við Sultartangalón. Þarna er því ekki verið að ryðjast inn á ný svæði heldur verið að ná meiri nýtingu úr því svæði og þeim framkvæmdum sem þegar eru komnar. Eina sem hægt er að segja að tapist við þetta er Trippavað en það eru smámunir miðað við þær fórnir sem hafa verið færðar hingað til í virkjanaframkvæmdum.
Það má vel vera að hægt sé að sannfæra mig um annað en hingað til hef ég verið frekar jákvæður gagnvart þessari framkvæmd.
Á hinn bóginn má kannski deila um í hvað þessi orka eigi að fara, en það er allt annað spursmál sem ég ætla ekki að velta mér upp úr hér.
Kv – Skúli
Ég er með tækið í Defendernum fest við stokkinn undir aftursætinu (miðjubekknum) hægra megin. Þarna er það alltaf nokkuð aðgengilegt og ég get teygt mig í það úr bílstjórasætinu.
Kv – Skúli
[url=http://www.daddi.is/scan/jeppaferdir/vatnajokull-feb-mars-2008/img_9873.jpg:164akk8q][b:164akk8q]Hér[/b:164akk8q][/url:164akk8q] sést nýja boddíið á 44 tommum.
Kv – Skúli
Það eru ábyggilega ýmsar hliðar á þessu. Athyglisverður puntkur sem Ofsi bendir á, þetta er ekkert einstakt tilfelli þar sem landeigendur eru mjög víða að loka fyrir aðgengi almennings að náttúrunni. Það hvort það er gert með því að strengja keðju yfir veginn eða banna túristarútum að koma skiptir ekki máli, eðli aðgerðarinnar er hið sama. Þó má kannski segja að í þessu tilfelli geta eigendurnir rökstutt aðgerðina með því að benda á náttúruskemmdir af völdum átroðnings en oft er því ekki til að dreifa, keðjan einfaldlega sett vegna þess að viðkomandi vill hafa ‘sína’ náttúru útaf fyrir sig.
Annað í þessu. Þarna er tekin sú ákvörðun að minnka áganginn með því að banna tilteknum hópum að koma, ef þú ert að ferðast í hóp með rútu ertu ekki velkominn, ef þú kemur á einkabíl máttu koma. Það er enginn eðlismunur á þessu eða því ef eigandi eða umráðamaður einhverrar náttúruperlu segir: þú mátt koma ef þú kemur gangandi en ekki ef þú kemur á jeppa! Slíkum reglum höfum við viljað beita okkur gegn (að því tilskyldu að ekki sé ekið utan vega), stefnan hefur verið að ekki eigi að mismuna mönnum eftir ferðamáta.
Ég hef hins vegar enga patentlausn á þessu með átroðninginn og örugglega þarf að gera eitthvað.
Það er auðvitað spurnng hversu mikil áhrif svona samstöðu aðgerðir hafa og hversu mikið olíufélögin geta lækkað eldsneytið. Væri fróðlegt að vita hve margar krónur álagningin hjá þeim er í dag. Það er hins vegar ljóst af [url=http://www.ruv.is/heim/frettir/frett/store64/item214763/:u6dlcwqq][b:u6dlcwqq]þessari frétt[/b:u6dlcwqq][/url:u6dlcwqq] að forstjórum félaganna er lítt gefið um svona samráðsaðgerðir.
Kv – Skúli
Sælir
Oft er hægt að keyra fram hjá skóla á yfir 30 km hraða án þess að keyra yfir krakka. Hámarkshraðinn er settur til að draga úr hættunni, enda eru krakkaormar óútreiknanlegir.
Oft er hægt að keyra á vorinn um fjallvegi þó enn sé lokun í gildi án þess að valda skemmdum. Lokunin er sett til þess að draga úr hættu á skemmdum, náttúran og vegurinn látinn njóta vafans.
Það er ekki endilega fullvíst að þó umferðalög séu brotin að það valdi einhverjum skaða, stundum er t.d. hægt að keyra yfir á rauðu ljósi án þess að það verði árekstur úr því. Reglur eru hins vegar settar til að auka öryggi og er ætlast til þess að þeim sé fylgt.
Þó svo einn og einn bíll í atvinnurekstri undir stjórn reyndra manna fái að fara inn á lokuð svæði með aðgát og menn séu eitthvað að sveigja reglurnar til í þessum efnum, þýðir það ekki að almennt sé allt í lagi að fá sér sunnudagsbíltúr inn á vegi sem Vegagerðin hefur bannað akstur á. Ég held allavega að menn ættu ekki að hvetja til þess hér og allra síst þeir sem þurfa á þessu svigrúmi að halda, atvinnu sinnar vegna. Verum bara kátir með að regluveldið sýnir sveigjanleika þegar það hægt.
Kv – Skúli
Svona til að árétta það þá er impasseble samsvarandi ófært, þ.e. ef leið er merkt impasseble eða ófær þá þýðir það ekki að það megi ekki fara inn á hana. Enda gildir þetta um allar leiðir á hálendinu yfir vetrartímann og við (hverrar þjóðar sem við erum) megum fara inn á leiðirnar á eigin ábyrgð. Nema reyndar ísbirnir og kannski einhverjir fleiri.
Lokað og/eða allur akstur bannaður (rauður hringur á gulum grunni) kemur hins vegar upp þegar aurbleyta kallar á að banna akstur eins og gildir núna og þá eigum hvorki við né aðrir að ferðast um svæðið.
Það er hins vegar galli á gjöf Njarðar að svo virðist sem starfsmenn Vegagerðarinnar eigi til að rugla þessu aðeins saman. Stundum sér maður Lokað skilti við vegi um hávetur þegar allt er pikkfrosið. Ég óttast að það hafi heldur dregið úr virðingu manna fyrir þessum merkingum.
Kv – SkúliP.s. ég kom heim á Landróvernum eftir síðustu helgi með drullukleprana lekandi af honum og hlaðinn farangri án þess að hafa gert neitt ólöglegt. Var að vísu einn drullupollur á vegi mínum og svo smá lag af drullu efst í veginum. Tek þó fram að ég er með stýrið ‘réttu’ megin
Góður punktur hjá Degi að vera með sögur svæðisins á hreinu, því þarna verður væntanlega um ókomna framtíð vettvangur fyrir uppgræðsluátak klúbbsins og hvur veit nema maður eigi eftir að halda upp á áttræðisafmæli þarna í fögrum lundi í Ferðaklúbbsskógi.
Samkvæmt þeirri útgáfu af sögunni sem ég ólst upp við bjó önnur skessan í Búrfelli en hin í Bjólfelli sem er áberandi fjall skammt suðvestan Heklu og bærinn Haukadalur stendur undir. Þær höfðu komið nokkrum klöppum fyrir í Þjórsá til að geta stiklað yfir ánna í heimsóknum sín á milli. Þar heitir Tröllkonuhlaup og er þar foss í ánni (yfirleitt heldur vatnslítill eftir tilkomu Búrfellsvirkjunar og því auðveldara fyrir skessurnar að stikla yfir). Neðar og skammt frá uppgræðslusvæðinu er svo Þjófafoss, en þar ku þjófum hafa verið drekkt. Held þó að sá siður sé aflagður … að mestu.
Kv – Skúli
Sælir. Það má sjá á póstum til ferlaráðs að viðbrögð við þessu eru góð, allavega nokkrir búinir að bætast í hóp þeirra sem eru tilbúnir til að ferla í sumar. Eins og Jón segir er verið að tala um 60 akstursdaga og skilst mér að LMI eigi þrjú mælingatæki sem þýðir að meðaltali 20 dagar á hvert tæki. Þó það kunni að hljóma rúmt þá er raunin kannski ekki sú því alltaf fer tími í undirbúning og LMI þurfa líka að manna tækin, tími fer í ferðir milli staða og fleira sem kemur til þannig að þetta er ekki bara tekið í einni beit. Ýmislegt sem þarf að láta ganga upp áður en farið er af stað og svo þarf líka að huga að því að ná sem bestri nýtingu úr þessum 60 dögum. Mér finnst Jón líka nokkuð bjartsýnn að ætla að byrja í byrjun júní svona miðið við það snjómagn sem er á hálendinu, en kannski verður hægt að byrja á einhverjum leiðum. Í fyrra lentum við svo í því að þegar síðustu mælingaferðir áttu að fara um haustið var kominn snjór yfir og því ekki hægt að mæla, en það var um miðjan september En með góðri skipulagningu og öflugu liði hef ég samt trú á að góður skammtur af mældum leiðum bætist í safnið.
Kv – Skúli
Sælir félagar, uppvakningur hér kominn aftur á kreik. Það þýðir að samkomulag það sem Sveinbjörn talar um hér efst er í höfn og hlýtur tilkynning um það að vera rétt ókomin á vefinn. Í anda þess samkomulags vill ég hvetja menn til stillingar hér á vefnum og láta vera að vega mann og annan, beint eða óbeint, með getgátum eða ásökunum. Dæmin sýna að við leysum ekki ágreining með þeim hætti og umræða hér á vefnum vill oft þróast á óvæntan hátt. Því þarf að finna lausn ágreiningsmála heppilegri farveg. Persónulega ber ég traust til væntanlegs formanns og vona að undir hans forystu verði hægt að leggja ágreining að baki, gera upp það sem þarf að gera upp með skynsamlegum hætti og byggja aftur upp skemmtilegan Ferðaklúbb. Við þokum hins vegar ekki málum í þá átt á þeim dögum sem eru fram að aðalfundi og því ekkert annað í stöðunni en að sýna stillingu, mæta á aðalfund og kjósa þar öfluga forystu og vinna svo vel á næsta starfsári.
Kv – Skúli
Af því Gústi spyr afhverju þessi áskorun sé ekki gerð persónuleg og tilgreind á ákveðna tvo aðila. Ágæt spurning en svarið er einfalt, þetta mál snýst ekki um þessa tvo aðila persónulega. Þeir sem skrifa undir þessa áskorun eru að skrifa undir áskorunina nákvæmlega eins og hún er orðuð þarna og ekkert annað og ég er ekki viss um að sömu aðilar hefðu skrifað undir svona áskorun á persónulegum nótum enda mikill eðlilsmunur þar á milli Það eru 5 aðilar sem þessi áskorun nær til sem geta boðið sig fram til stjórnar og 2 aðilar sem ekki þurfa að bjóða sig fram til þess að starfa áfram í stjórn. Framboðsfrestur er ekki runninn út þannig að mínu viti er allt opið ennþá. Lella nefnir hérna einhvers staðar að þessar óánægjuraddir ættu að hætta að væla og gefa frekar kost á sér til starfa, en ég held að það væri mjög slæmt fyrir mórallinn ef t.d. Tryggvi tæki upp á að bjóða sig fram til stjórnar, nú eða Jón. Það er ekki vegna þess að þessir kappar séu slæmar persónur (allavega ekki að mínu mati) heldur vegna þess að þeir eru sterkt tengdir deilum sem sköðuðu klúbbinn. Sama á við um alla aðra sem sátu í stjórn. Þó Barbara sé kannski merkiskona þá snýst þetta ekki allt bara um hana svona prívat og persónulega og ég held að menn verði einmitt að skoða þetta út frá öllum þessum 7 einstaklingum til að skilja út á hvað málið gengur. Og um leið koma því út úr þessari eilífu persónugeringu á öllum málum, það er kannski ein af stærstu meinsemdunum í þessum klúbb og það sem kemur alltaf öllum málum inn í einhver öngstræti. Ég held að ef menn hefðu ekki svona mikla tilhneigingu til þess að persónugera allt væri ástandið í klúbbnum öllu betra en það er í dag. Gæti nefnt mörg dæmi um það frá því núna í vetur en vill ekki gera það því menn færu þá sjálfsagt að taka það persónulega.
Ýtum persónugeringu til hliðar og setjum klúbbinn í fyrsta sæti.
Kv – Skúli
Samkvæmt mínum upplýsingum var Dagur kosinn í fyrra til tveggja ára en Jóhann til eins árs ásamt Frey. Bæði Freyr og Jóhann bjóða sig fram aftur.
Kv – Skúli
Ég held að það þurfi kannski aðeins að draga þetta saman til að menn átti sig á atburðarásinni, ekki síst þar sem þráðurinn þar sem umfjöllun um þetta er hvað mest fer svolítið út um víðan völl.
Eftir því sem best fæ séð setti Stefanía fyrst inn [Vefslóð fjarlægð – Vefnefnd] með þeim afleiðingum að vefnefnd lokaði á aðgang hennar að beiðni stjórnar. Samkvæmt því sem mér skilst var það gert án þess að undan sé gengin aðvörun, en í skilmálum vefsins er ákvæði sem heimilar að lokað sé á aðgang í ákveðnum tilfellum að undangenginni aðvörun. Auk þess var viðkomandi þræði eytt út. Næst gerist það að Tryggvi R. Jónsson fyrrum stjórnarmaður skifar pistil þar sem hann gagnrýnir þessa aðgerð og má meðal annars finna pistil hans [b:y6jegy3v][url=http://www.f4x4.is/new/forum/default.aspx?file=innanfelagsmal/12010#94887:y6jegy3v]hér[/url:y6jegy3v][/b:y6jegy3v] (allavega meðan þetta er ritað). Í kjölfarið skilst mér að það hafi verið lokað á hann á sama hátt en sú lokun virðist þó ekki vera virk.
Þetta held ég að sé atburðarásin í grófum dráttum og ætla ég svosem ekki að fjölyrða meira um hana né túlka. Frá mínum bæjardyrum séð er þó ljóst að [Vefslóð fjarlægð – Vefnefnd] þessi áskorun á enn meira erindi nú en áður.
Kv – Skúli
Hvað meinarðu Lella, ég hélt að skoðun mín á málinu lægi nægjanlega ljós fyrir þannig að það þyrfti ekki að velkjast í vafa um að ég hafi skrifað undir áskorunina sjálfur og verið auk þess með réttu ráðu og í tiltölulega ábyrgu ástandi. Ég veit ekki hvers vegna broddstafir virkuðu ekki hjá mér, hugsanlega vegna þess að ég nota Firefox en ekki Microsoft browser, en ástæðan fyrir því að ég heiti þarna Skuli en ekki Skúli liggur einfaldlega í því að þegar ég skrifaði Skúli kom ? í staðin fyrir ú.
Og hana nú!
Kv – Skúli
P.s. reyndar er ég búinn að skipta um skoðun á þessu máli, núna er ég sammála áskoruninni af alveg nýjum ástæðum til viðbótar við þær ástæður sem ég hef áður gert grein fyrir.
