Forum Replies Created
-
Replies
-
Ég held að Haffi hitti naglann á höfuðið þegar hann segir að reynslan kemur bara með akstrinum og tímanum. Og það er þessi reynsla sem gerir menn hæfa til aðstjórna ökutækjum, hvort heldur er stórum eða litlum, vörubílum, jeppum breyttum sem óbreyttum, sportbílum eða hvað. Þannig að ef þetta snýst um að menn þurfi eitthvað próf til að stjórna breyttum jeppum efa ég að það skili tilætluðum árangri. Talandi um tilætlaðan árangur, hver væri hann annars með svona reglum? Aukið umferðaöryggi hugsanlega? Ef það er málið þarf væntanlega vísbendingu um að því sé ábótavant, en rannsóknir sýna reyndar ekki fram á það.
Ég hef þjálfað syni mína frá bílprófsaldri í að keyra jeppann og það gengið ágætlega. Þannig fá þeir reynslu af því hvernig hann bregst við og þar með hvernig á að keyra hann. Það fengju þeir ekki með einhverju prófi. Ég hef reyndar líka reynt að gera þeim grein fyrir ýmsum lögmálum sem eru í gangi, t.d. áhrif hærri þyngdarpunkts og þannig læra þeir að á þessu apparati fer maður hægar í beyjur heldur en á fólksbíl, áhrif meiri skriðþunga o.fl. þess háttar þættir. Það er bara svipað og þegar ég kenndi þeim á skíði, maður reynir að útskýra ákveðin grunnatriði. Það má vel vera að það megi læra ýmislegt um þessa þætti á einhverju námskeiði en það væri held ég ekki á venjulegu meiraprófsnámskeiði þó auðvitað sé ýmislegt gagnlegt kennt þar.
Verði reglugerð i þessa veru sett fram hlýtur hún að koma til umsagnar hjá klúbbnum. [url=http://www.samgonguraduneyti.is/drogtilumsagnar/lagafrumvorp-reglugerdir/:jty78pwf][b:jty78pwf]Samkvæmt þessu[/b:jty78pwf][/url:jty78pwf] er það beinlínis stefna samgönguráðuneytisins að leita slíkra umsagna.
Kv – Skúli
Það er einn snilldareffekt á þessari síðu sem ég vona að tapist ekki með nýja vefnum. Það er random myndirnar hérna vinstra megin. Eini gallinn við þær er að stundum verður þetta tímaþjófur þar sem maður dettur óvart inn í einhverjar flottar myndir.
Hér er eitt stútfullt af flottum fjallamyndum. Lúra menn á fleiri góðum? Einhver sem hafa kannski ratað í favorites?
Kv – Skúli
Eina sem ég held að megi efast um þarna er að tækið virki vel liggjandi í framrúðunni. Bæði hefur komið fram hérna á vefnum að menn hafi náð lítilli virkni með því hér og svo er það eiginlega nokkuð lógískt að það virki illa þar sem þá er það háð akstursstefnu. Alltaf þegar keyrt er í norður er lítil von til að tækið nái sambandi við hnettina.
Annars hef ég aðeins verið að prófa þetta og láta tækið senda staðsetningar inn á vefsíðu ([url=http://share.findmespot.com/shared/faces/viewspots.jsp?glId=05fCJf0mzmSkVbauIkqB6xBEuGD0XryXs:3g9x2t26][b:3g9x2t26]hér[/b:3g9x2t26][/url:3g9x2t26] ) og sýnist það virka ágætlega ef maður hefur annmarkana í huga og hugar að útsýninu til suðurs.
Kv – Skúli
Þetta eru tvö mál. Annars vegar þetta sem maðurinn er að koma á framfæri, s.s. það að forstjórinn fái endurnýjaða 14 millj. króna bíl á sama tíma og skorið er niður í kjörum annarra. Ekki beint rétti andinn ef rétt er, raunar ótrúlegt dómgreindarleysi eins og ástandið er í þjóðfélaginu.
Svo er hitt málið að reka starfsmann fyrir að setja fram neikvæð skrif um fyrirtækið á bloggsíðu sinni. Það að halda úti bloggsíðu er raunar ekkert annað en að gefa út sinn persónulega fjölmiðil og menn eru ábyrgir fyrir því sem þar er sett fram. Ýmis skrítin mál sem spretta upp úr því og virðist sem margir líti ekki á bloggið þeim augum. Persónulega finnst mér starfsmenn eigi að sýna ákveðna samstöðu út á við með fyrirtækinu sem þeir starfa hjá og koma gagnrýni sinni á framfæri innan húss ef þeim finnst þeir þurfa að tjá sig. Þegar einstaklingur telur sig ekki lengur geta sýnt fyrirtækinu þá samstöðu, m.ö.o. finnst ákvarðanir þess með þeim hætti að þeir finna sig knúna til að birta neikvæðar upplýsingar um starfsemina, þá getur hvorki viðkomandi starfað lengur fyrir fyrirtækið né fyrirtækið haft viðkomandi í vinnu. Starfsmenn fyrirtækja eru í vinnunni til að vinna að hag fyrirtækisins og fá laun fyrir það og ef fyrirtækið hefur ástæðu til að ætla að viðkomandi sé sama um hag fyrirtækisins og tjái andúð á því opinberlega, þá er dæmið bara ekki að ganga upp. Er þetta ekki það sem kallast trúnaðarbrestur í almennri umræðu?
Kv – Skúli
Ég hef að vísu ekki verið þarna nýlega en vill samt minna menn á að fara varlega uppi á hálsinum og þá sérstaklega á svæðinu milli skálanna sbr. [url=http://www.f4x4.is/new/forum/default.aspx?file=faerd/12927:1efnvnm9][b:1efnvnm9]þetta hér[/b:1efnvnm9][/url:1efnvnm9]. Allavega betra að sjá sæmilega til þegar menn eru á ferð þarna.
Kv – Skúli
Já sé það núna Dagur, þetta var tóm steypa hjá mér. Siggi heyrði þegar Jón lyklaði og þá væntanlega heyrði hvorugur neitt þegar Siggi reyndi að lykla. Vona að ég verði ekki sviptur leyfisbréfinu fyrir stöðinni fyrir vikið. Þetta er semsagt eitthvað með sendinguna hjá honum að gera, ég held ég sleppi því að reyna að greina það nánar. Þeir eru nú helvíti nálægt endurvarpanum þannig að sendistyrkurinn þarf að vera býsna slappur til að ná ekki í endurvarpann.
Gæti verið að ´skvelsinn´ (squelch) sé vitlaust stilltur hjá Sigga, hann hafi eitthvað verið að fikta í stillingunni og ekki kunnað að setja hann réttan?
Kv – Skúli
Eins og Heiðar segir eru skoðanir örugglega nokkurn vegin jafn margar valkostnum. Svo er ekki sama að tala um undir 38 tommum eða yfir. En af því þú spyrð um besta gripið þá er DC eða DickCepek örugglega ekki á toppurinn hvað það varðar. Af 38 tommum þá er Mudder auðvitað margreyndur og stendur fyrir sínu, ég hef verið síðustu ár á Mickey Tompson og þau hafa sína kosti og einmitt mjög gott grip. Svolítið spurning um hversu mikið þú ætlar að nota bílinn á fjöllum og hvaða eiginleika þú vilt fá. Fyrir góða aksturseiginleika í þjóðvegaakstri þá hafa margir talað vel um AT dekkin og held að þau hafi líka gott flot.
Kv – Skúli
Ég veit ekki hvort nokkur mögulegur umhverfisráðherra í þessari stjórn eða nokkurri stjórn sé sérstaklega líklegur til að beita sér fyrir því að afnema tolla og gjöld af jeppadóti, a.m.k. ekki eins og staða mála er í dag. Gulliraggi gæti þurft að bíða lengi eftir því. Það skiptir okkur hins vegar miklu máli að hafa umhverfisráðherra sem hefur skilning á ferðamennsku okkar, ferðafrelsinu, akstri á snjó og að ferðafólk þurfi slóða til að ferðast eftir. Það er alveg rétt sem Heiðar segir að Kolbrún hefur ágæta innsýn í þetta eftir að ferðast með okkur, en hún var ýmist farþegi hjá mér eða Freysa.
Ég á þó ekki von á að umhverfisráðherra í 100 daga nái að gera mjög mikið, hlutirnir gerast hægt hjá hinu opinbera. Ör skipti í umhverfisráðuneytinu hefur örugglega haft áhrif á hversu mikið ráðuneytið hefur komið í verk.
Kv – Skúli
Sýnist Tindfjallajökull vera ónefndur hér og að sjálfsögðu hefur verið ekið á hann. Líklega ekki margir eiginlegir jöklar sem ekki hafa komist í snertingu við hjólbarða. Varðandi ‘ekki jökla’ þá er mjög víða í fjöllum jökulís sem aldrei hverfur. T.d. á Snæfelli þó svo litið sé þannig á að Snæfell sé hæsta fjall á Íslandi utan jökla. Á Tröllaskaga eru líka jöklar sem ekki teljast til jökla.
Kv – Skúli
P.s. mér finnst reyndar þessi skoðun Vísindavefsins skrýtin. Tindfjallajökull er t.d. ekki nefndur þar en ég held ég geti fullyrt að þar er talsverð ísbreiða sem helst allt árið. Kemur mér líka á óvart með Okið, hefði haldið að þar sé ennþá einhver jökulís þó hann hafi kannski minnkað talsvert og eigi eftir að hverfa.
Ég er nýkominn með [url=http://www.trustedreviews.com/notebooks/review/2008/06/01/First-Look-MSI-Wind/p1:1apci39q][b:1apci39q]MSI Wind Netbook[/b:1apci39q][/url:1apci39q] og búinn að prófa að fara með hana til fjalla. Mikill munur hvað er einfaldara að koma þessu fyrir í bílnum miðað við full size lappa. Þannig gat ég komið henni fyrir þannig að hún er nánast í augnlínu við akstur en samt ekki fyrir neinum tökkum eða stjórntækjum (að vísu í Defender en held sama geti átt við um aðra jeppa). Vélin er létt þannig að mun einfaldara var að byggja borð undir hana heldur en vél í fullri stærð. Það var að vísu ekki nein glapandi sól en þó sæmilega bjart um tíma og ég tók ekki eftir neinum vandamálum við að sjá á skjáinn. Það á samt eftir að reyna meira á það. Ég held að það muni miklu að hafa skjáinn 10 tommu frekar en 9 tommu eins og margar smávélar hafa verið með, með því fæst bæði ásættanleg skjástærð og lyklaborð. Því ekkert að því að vinna á hana heima hvað sem er.
Þann dag sem íslenskir jeppamenn hætta að prófa nýja hluti í búnaði og breytingum, hættir sólin að koma upp. Sem betur fer er sá dagur ekki runninn upp. Stundum ber fiktið árangur og stundum ekki, en við erfiðar aðstæður held ég svona háfetar hljóti að massa þetta, t.d. að ösla krapa og djúpan púðursnjó.
Þó svo menn geti deilt um sjónarmið Péturs hér að ofan þá er spurning hvort hann sé ekki kominn með nafn Fordnn, þ.e. Dollý!!!
Kv – Skúli
Þó ég sé ekki mikill stjórnsýslufræðingur þá held ég að ef þetta vald færi til ríkisvaldsins þá væri það framkvæmdavaldið en ekki löggjafinn sem fengi það. Það er líka í samræmi við hugmyndir sem umhverfisráðherra setti fram á síðasta ári um að einhvers konar yfirskipulagsvald á hálendissvæðum væri hjá ráðuneytinu. Sú hugmynd fékk hins vegar ekki hljómgrunn og margir þingmenn og sveitarstjórnir töluðu ákveðið gegn þeim. Ég skal ekki fullyrða um hvort fyrirkomulagið sé eðlilegra eða betra, sjálfsagt ýmsar hliðar á því en vissulega væri það nokkur einföldun að þetta vald sé á einni hendi en ekki tuttugu.
Kv – Skúli
Við erum semsagt að tala um frostaveturinn mikla. Hmmm þá er þetta semsagt ekki 54 tommu Bogger og ekki 600 hp torfærugrind heldur einfaldlega keyrt á ís.
Kv – Skúli
Það er eitt rétt í því sem Palli segir nefnilega að ´… þetta mál er það stórt að hinn venjulegi Jón hreinlega ráði ekki við það´. En við erum ekki með neinn venjulega Jón í þessu. Þegar Jón dregur úr þeim sigrum sem unnist hafa er það nokkur hægverska því það er ekki nokkur vafi í mínum huga að þeir eru talsverðir. Við búum kannski ekki í fullkomnum heimi þar sem öll okkar hjartans mál eru gulltryggð, en staðan er gjörólík því sem var fyrir svona 6 árum síðan. Bara það að klúbburinn sé fenginn til samvinnu við LMI við að ferla allar slóðir er eitthvað sem var óhugsandi fyrir nokkrum árum. Þetta er bara eitt dæmi um hvernig klúbburinn er metinn af verðleikum. Annað dæmi má kannski nefna, nefnilega að umhverfisnefndin sótti um fjármagn til Alþingis til verkefna gegn utanvegaakstri (stikun, merkingar og áróðursaðgerðir). Þrátt fyrir botnlausan niðurskurð á fjárlögum og yfirlýsta stefnu um að ekki sé sett fjármagn í ný verkefni, var ákveðið að gera undanþágu frá þessu og leggja okkur til milljón. Þetta er ávinningur ímyndarstarfs og lobbíisma. Það mætti týna ýmislegt fleira til af ávinningum og sigrum en þá yrði pistillinn minn lengri en Jóns og þá yrði hann afskaplega sár.
Auðvitað er samt ýmislegt óunnið og útivistarfólk almennt þarf virkilega að standa vörð um hagsmuni sína, í því er ég algjörlega sammála Jóni.
Kv – Skúli
Verður gaman að heyra sögur og sjá myndir úr prufutúrnum. Vona að þið finnið krapa og skemmtilegheit til að glíma við þannig að virknin komi almennilega í ljós.
Mér finnst að við eigum að banna Yaris á götunum, þeir eru stórhættulegir þeim sem ferðast á þríhjólum.
Kv – Skúli
Það má bæta við að símamennirnir í sögunni af Auðunn sem logimar segir hérna fyrir ofan voru á Lapplander og að sjálfsögðu á Lapplander dekkjum sem þóttu nú heldur betur vígalegur búnaður á þeim árum.
Ég heyrði þessa sögu reyndar þannig að leiðin varð alltaf blautari og erfiðari og þeir voru farnir að furða á sig hvílíkum ofur jeppa karlinn væri á að komast þetta. Að lokum sukku þeir og sátu pikkfastir og þá stökk karlinn út með orðunum, "Heyriði ég næ honum kannski upp sjálfur". Hljóp svo að börunum kippti þeim upp og lallaði sér upp á veg.
Þori ekki að fullyrða að þetta sé rétta útgáfan, gæti verið seinni tíma krydd komið til þarna.
Kv – Skúli
Með svona bað eins og Rúnar lenti í þarna, ætli sé ekki hægt að nota lofttjakk í svona tilfellum, þ.e. belgina sem eru blásnir upp með pústinu? Það liggur eitt slíkt kvikindi inn í skúr hjá mér sem fær aldrei að fara úr bænum, kannski óvitlaust að hafa þetta einhvers staðar undir sæti.
Kv – Skúli
Held ekki, loftnetin eru inni í apparatinu og engir tengimöguleikar. Það myndi stórbæta þetta. Mér sýnist hins vegar frágangur upp á vatnsheldni nokkuð góður þannig að ég myndi ætla að tækinu verði ekki sérlega meint af útiveru. Ætla þó ekki að ábyrgjast það, í rigningu og á fullri ferð lemst náttúrulega vatnið við þetta þannig að varúðarráðstöfun væri að útbúa eitthvað plasthylki utan um.
Kv – Skúli
