Forum Replies Created
-
Replies
-
Almennt verið kallað kortamælir. Voru í gamla daga einfaldir skífumælar þar sem kvarðar röðuðust hver fyrir innan annann. [img:ajye7pb3]http://www.f4x4.is/new/files/photoalbums/3742/59119.jpg[/img:ajye7pb3]
Þú ættir að geta náð sambandi við endurvarpan á Reykjafjöllum eða Háskerðing þarna en í þessu fjöllótta landslagi er ekki ólíklegt að þú þurfir að tölta upp á fjallsbrún til þess. Getur verið ágætt að lykla stöðina öðru hvoru til finna góða staði á leiðinni. Það var líka settur upp Tetra sendir á Breiðbak en hann var óvirkur síðast þegar ég var þarna á ferðinni, veit einhver stöðuna á honum?
Kv – Skúli
Má bæta við að svo er betra að fara varlega þegar komið er yfir á Fimmvörðuhálsinn þar sem jökulísinn þar hefur minnkað mikið og stórir svelgir myndast. Sérstaklega á þetta við í lægðinni sunnan við Fimmvörðuskála, þar fór maður áður stundum beint niður frá skálanum til suðurs, en miðað við það sem ég sá þar síðastliðið haust myndi ég ekki fara þá leið núna. Frekar að fara hrygginn sem skálinn stendur á til baka til vesturs og norður fyrir í gegnum skarðið þar sem gönguleiðin liggur. Og skoða vel hvað er framundan. Sennilega líka hægt að fara leið sem liggur enn norðar, nærri Bröttufönn. Tek þó fram að ég hef ekki farið þá leið í tvö ár.
Rétt að hafa líka í huga að í lægðinni norðan við skálann rennur á sem áður sást aldrei, var alltaf undir jökulfönn en var öll opin í sumar. Ég á þó von á að núna sjáist ekki mikið í hana. Hún er ekki á neinum kortum.
Kv – Skúli
Ætli sé ekki í mínum verkahring að upplýsa hér. Ég hygg að stærsti hluti þessa stofnkostnaðar fari í að byggja svokallaðar gestastofur sem verða fjórar, ein á hverju svæði. Þær eru hugsaðar sem einskonar upplýsingamiðstöðvar fyrir túrista og gesti þar sem hægt verður að fá upplýsingar um leiðir í þjóðgarðinum, jarðfræði, náttúrufar og ýmiskonar fróðleik um svæðið. Eitthvað fer líka í merkingar á gönguleiðum, stikun o.þ.h. en það eru lágar upphæðir í þessu samhengi. Hluta af því sem má sækja á svona gestastofum má sjá á jöklasýningunni á Höfn eða vonandi ná þessar gestastofur að verða jafn innihaldsríkar og sú flotta sýning en ekki bara glæsileg umgjörð um lítið.
Ætla svosem ekki að fullyrða hvort þetta sé mikilvægasta ráðstöfun fjár eins og sakir standa, en allavega betri en uppbygging vega á hálendinu, en að því ég best veit eru ekki hugmyndir um slíkt hjá þjóðgarðinum. Rétt að það komi fram að þessar gestastofur verða staðsettar á láglendi.
Hvað varðar rekstrarkostnað þá er ekki mikil breyting frá því sem var á Skaftafellsþjóðgarði og Jökulsárgljúfrum áður. Er þó ekki með tölurnar hjá mér. Að vísu bætist við kostnaður við yfirstjórn inn í sem áður var hjá Ust.
Kv – Skúli
Ég hef einhvern vegin staðið í þeirri meiningu að það hafi verið fleiri en ÞRÍR hlutir sem notaðir hér áður fyrr með góðum árangri. Hefði haldið að það væri laaaaaangur list.
Já Örn það voru náttúrulega allir búnir að sjá í gegnum það að eina ástæðan fyrir því að Hlynur vill alltaf hafa krílin með er að þá hefur hann afsökun fyrir að vera svona lengi á leiðinni og drífi ekkert. Það voru (að hans sögn) ófá stoppin sem þurfti til brjóstagjafar á leiðinni á miðjuna, ekki svo lítið sem krakkinn þurfti að næra sig á þessari stuttu leið. Og það var semsagt ástæðan fyrir að Hlynur var svona lengi á leiðinni!!! Við litlu karlarnir á gömlu góðu 38 tommunni vorum meira að segja langt á undan honum.
Kv – Skúli
Þetta er hin skemmtilegasta umræða og ljóst að jeppakarlar hafa ákveðnar skoðanir á barnauppeldi, ekki síður en dekkjategundum. Íris eigum við nokkuð að vera að gera grín að því, klúbburinn er uppfullur af ábyrgum feðrum sem er umhugað að gera það sem er börnunum (og barnabörnunum) fyrir bestu! Svo er auðvitað misjöfn áherslan, hvort vegur þyngra að venja þau frá blautu barnsbeini á fjallabrölt eða vernda þau framan af fyrir hossi og hnjaski.
Ég er ekki frá því að það sé rétt að því meiri reynslu sem menn hafa af ferðalögum er þetta minna mál fyrir mönnum. Það er í sjálfu sér mjög eðlilegt, því betur sem menn þekkja aðstæður og mögulegar hættur, því öruggari eru menn og geta þá hagað ferðalaginu þannig að ormurinn sé ekki í stórri hættu. Það er allt annað mál að Hlynur sé að taka sílin sín með á fjöll á brjóstgjafaraldri, heldur en ef þeir sem eru nýbyrjaðir í sportinu gera slíkt hið sama. Ég myndi því ekkert vera hvetja menn til að að ferðast með ungabörn í vetrarferðum, en hef engar sérstakar áhyggjur af því þegar reynsluboltar gera það. Raunar rétt eins og það eru til leiðir sem nýliðar eiga sjálfsagt ekki að fara upp á eigin spýtur en gömlu refirnir fara með aðra hönd í vasa, sama lögmál.
Kv – Skúli
Minni þá sem eru skráðir í Strúts/Hvanngils ferð 4×4 og Útivistar um helgina á undirbúningsfund sem verður í kvöld miðvikudagskvöld kl. 20 á skrifstofu Útivistar Laugavegi 178.
Kv. – Skúli
Frétti að um síðustu helgi var talsverður snjór á leiðinni og bakkar sumstaðar nokkuð krappir. Núna er hins vegar þýða og 4°C ( [url=http://www.vedur.is/vedur/athuganir/kort/sudurland/#group=19&station=6237:1y94cc7g][b:1y94cc7g]sjá hér[/b:1y94cc7g][/url:1y94cc7g] ) og þá breytist þetta hratt. Allar líkur á að þetta verði allt öðruvísi næstu helgi.
Kv – Skúli
Þó ég hafi lítinn áhuga á að blanda mér í umræðu á þessum level þar sem persónuárásir eru komnar í stað málefna, þá get ég staðist að taka undir það með Heiðari að Lella og Þorgeir hafa um langan tíma unnið mikið og óeigingjarnt starf fyrir klúbbinn. Verður ekki með nokkri sanngirni af þeim tekið að þau hafi starfað fyrir klúbbnum af lífi og sál. Fannst ég verða að koma því fram.
Kv – Skúli
Ég hef ekkert á móti því að menn hrúgi myndum í stórum stíl á fésið, allt í fínu með það, en svo velji fésbókarar ca 10-20 bestu myndirnar og setji hér inn. Nú á þessum digital tímum og stórra minniskorta hættir manni til að hafa magn ofar gæðum í myndatöku og af 100 myndum úr einum túr er kannski ekki nema 10 sem gaman er að skoða. Setjum því úrvalið inn hér og endilega með einhverjum smá texta um hvar eða af hverju myndin sé. Svo þeir sem vilja sjá allt geta farið á sméttisskrudduna.
Kv – Skúli
P.s. Sé að þessi umræða er komin á annan þráð sem er auðvitað rétta. Þetta innlegg á frekar heima þar.
Þarf maður semsagt að fara að gerast aðili í snjáldurskruddu-samfélaginu til að sjá myndir af fjöllum. Þið megin nú alveg líka lauma einni og einni mynd hérna inn á vefinn okkar.
Kv – Skúli
Jú það á að vera hægt líka, bara spurning um einhverja uppsetningu. Spurning hvort það sé ekki of mikið fyrir þig að fá sms á 10 mín fresti frá mér alla helgina, hvort það sé ekki bara nóg að senda þér það þegar við komum á miðjuna.
Kv – Skúli
Fyrir þá sem ekki eru að fara í miðjuferð og vilja ferðast heima í sófanum eða fyrir framan tölvuna, þá er hér hjálpartæki til þess. Ég verð með svokallað Spot tæki uppi á toppi en eitthvað hefur verið fjallað um það hér. Þetta semsagt tekur gps staðsetningu og sendir í gegnum GlobalStar. Tækið er stillt þannig að það sendir punkt á 10 mín fresti og staðsetningin sést hér
Best er að skoða Satellite myndina. Ef þið eruð að taka hnitin og setja í annað umhverfi, athugið þá að breyta formatinu, punktarnir þarna eru ekki í gráðum og mín heldur gráðum og hundraðshlutum.
Kv – Skúli
Í sjálfu sér hefur þessi nefnd sem slík ekki beint vald í þessu, skipulagsvaldið er hjá sveitarfélögum og valdið í náttúruverndarmálum hjá ráðherra sjálfum. Formlega séð er því það sem kemur frá nefndinni aðeins tillögur til þeirra sem hafa formlegt vald samkvæmt stjórnskipunarlögum. Það sem skiptir mestu er því að okkar maður sé á staðnum og geti komið sjónarmiðum útivistarfóks á framfæri og ekki síður hafi upplýsingar um hvaða álitamál koma til umræðu. Fulltrúi Samút þarna hefur annars vegar það hlutverk að leggja til þekkingu á fjallaslóðum þannig að umræðan verði vitræn og byggð á einhverjum upplýsingum um tilgang slóðanna (sem getur verið bæði sá tilgangur að komast á ákveðinn ákvörðunarstað eða bara sé skemmtileg leið að keyra) og eins að koma fram með sjónarmið sem aðildarfélög Samút geta sameinast um. Í þessu efni er þekking vald í sjálfu sér. Það er samt alveg rétt hjá Siv að það væri á allan hátt heppilegra og þæginlegra að Samút fulltrúinn væri ráðherraskipaður fulltrúi í nefndinni en ekki bara óformlegt viðhengi.
Kv – Skúli
Við skulum ekki gefa okkur að bílaframleiðendur stökkvi á allt sem bætir framleiðsluvöru þeirra. Oft sem það vegur þyngra að halda framleiðslukostnaði niðri. Auk þess er ekki mjög vinsælt í dag hjá framleiðendum allt sem eykur endingu. Mér hefur hins vegar reynst vel sú hugmyndafræði að það sem er of gott til að vera satt sé að öllum líkindum ekki satt. Það að þurfa bara að bóna á fimm ára fresti hljómar eiginlega of gott til að vera satt. Má samt vel vera að þetta geri eitthvað gagn.
Kv – Skúli
Heimskuleg spurning Erlingur??? Þvert á móti hlýtur það að vera mjög viðeigandi spurning hvar miðjan sé, þegar stefnan er á miðjuna. Allavega finnst mér yfirleitt betra að vera með ákvörðunarstað á tæru.
Kv – Skúli
Bazzi ég mátti ekki til þess hugsa að þú verðir að villast um Sprengisand fram eftir vori án þess að finna miðjuna eins og aðrir, sérstaklega þar sem þú ert svona dyggur í gömlum og góðum gildum og notar ennþá Navtrek eða Nobeltec. Ég luma á krókaleið í að breyta Mapsource yfir í Navtrek þá breytti ég er búinn að breyta þessum ferlum (flestum allavega) og væntanlega koma þeir innan tíðar inn á vefinn. Rétt að það komi samt fram að ég þarf að grisja þá þannig að hver ferill verði ekki meira en 500 punktar, en held að þetta sé samt andsk… nógu nákvæmt. Rétt að vita samt af þessari grisjun.
Kv – Skúli
Mitt sjónarmið í þessu er að ég hef aldrei litið á mína ljósmyndun sem tekjulind þannig séð né heldur mikla listsköpun, en ef listamaður á borð við Ólaf Elíasson sæi í mínum myndum eitthvað sem hann geti nýtt í list sína þætti mér það eiginlega bara heiður, enda um að ræða einn frægasta listamann þjóðarinnar um þessar mundir. Hef þó skilning á því að þeir sem líta á sínar myndir sem listaverk sem slík séu ekki tilbúnir að samþykkja þær sem hráefni í annað og annarrra manna listaverk, þó ég sé löngu hættur að líta á eigin myndir þeim augum, sérstaklega myndir af jeppum sem hafa yfirleitt í besta falli skemmti- og heimildargildi. En það er bara ég.
Á hinn bóginn finnst mér lágmark að óskað sé eftir myndunum á sæmilega kurteislegan hátt, en þar vantar mikið á samkvæmt lýsingu Magga.
Kv – Skúli
Einhvern tíman heyrði ég það viðmið að 1:40 sé æskilegt á 38 tommu dekkjum fyrir snjóakstur.
Nokkuð lægra en í Rangernum. Ég gæti trúað að í þungu færi sé betra að fylgjast náið með hitanum á skiptingunni, en annars er sjálfskiptiheimurinn eitthvað sem ég þekki ekki.
En það er mikið rétt hjá þér að þegar aðeins er horft á hlutfallið í drifkögglinum segir það varla nema tæplega hálfa söguna, raunar ekki nema þriðjung eða jafnvel fjórðung ef aukamillikassi er til staðar.Kv – Skúli
