Forum Replies Created
-
Replies
-
Svo má auðvitað hætta að væla og skrá sig í öskuhreinsunina …. þar vantar duglegt fólk … en hentugra að hafa það á Íslandi, amk á laugardaginn…..
Kv. Óli
Já það er líklega nóg pláss í bílum, en nú eru skráðir 10 manns á 8 bílum. Okkur vantar 20 manns til viðbótar !
Nú ríður á að leggja sitt að mörkum. Þurfum að ná 30 manns skráðum fyrir hádegið á morgun, föstudag.
Koma svo !!!!
Kv. Óli, Litlunefnd
Er ekki málið að koma bara á laugardaginn í öskuhreinsun og taka bjór svo á eftir ?
kv. Óli
Minni á að skráning vegna hjálparstarfs er enn í gangi. Ég hvet alla til að skrá sig, það er ógleymanleg reynsla að taka þátt í svona vinnu.
Upplýsingar um skráninguna er að finna [url=http://www.f4x4.is/index.php?option=com_content&view=article&id=1101:aestoe-vegna-eldgossins-i-eyjafjallajoekli&catid=97:stjorn&Itemid=241:3l063jzf]hér[/url:3l063jzf]
Skráningarformið sjálft er [url=http://f4x4.is/index.php?option=com_seminar&Itemid=246:3l063jzf]hér[/url:3l063jzf]
Kv. Óli
Félagar athugið að við erum byrjuð að skrá niður sjálfboðaliða til að vinna við hjálparstarf um helgina. Sjá frétt á forsíðu.
Kv. Óli, Litlunefnd
Sælir
Mér finnst jafn vont þegar jeppamenn eru skíta út göngumenn, eins og þegar göngumenn eru að skíta út jeppamenn. Ég held að það hljóti að vera markmið allra þeirra sem finnst gaman að ferðast um landið hvernig svo sem það er gert að geta gert það í sátt við alla hina sem ferðast, sama hvaða aðferð þeir nota.
Ég tel að jeppamenn ættu ekki að fara niður á sama plan og þeir sem agnúast út í aðra ferðamáta, heldur halda okkur á upplýstri og faglegri umræðu um það að allir eigi að gera ferðast á svipuðum slóðum og sýnt öðrum tillitssemi á ferðalögum.
Kv. Óli
Upp úr kl. 8 í morgun lagði nokkur hópur jeppa af stað frá Select og var hópurinn kominn að Heimalandi fyrir kl. 10. Í heildina voru 8 bílar frá klúbbnum og 21 manns, sem er mjög gott, miðað við stuttan fyrirvara. Að Heimalandi var okkur skipt í 2 hópa, fór helmingurinn á "fjölmiðlasvæðið" á Seljavöllum, en hinn helmingurinn aðstoðaði Ólaf bónda á Þorvaldseyri við hreinsunarstörfin. Þetta var eingöngu handavinna í þetta skiptið, hreinsað úr görðum og gróðurreitum, mokað í hjólbörur og keyrt útfyrir, þannig að öflugri tæki gætu fjarlægt öskuna. Í Heimalandi er duglegt fólk sem ávallt er með heitt á könnunni og býður upp á ljúffengan hádegismat og nýttum við það ásamt öllum hinum sjálfboðaliðunum.
Eftir hádegið var haldið áfram á svipuðum nótum, nema hópnum sem var á Þorvaldseyri var skipt í tvennt og fóru fjórir þaðan að Skarðshlíð rétt vestan Skóga. Unnið var til ca. kl. 16, en þá fengum við kaffidreitil í Heimalandi, gáfum skýrslu um okkar störf og héldum heim á leið.
Á þessu stigi er ekki vitað hver þörfin er á áframhaldandi aðstoð. Svæðisstjórnin mun fara yfir stöðu mála á næstum 2-3 dögum og meta stöðuna þá. Ég mun setja nánari upplýsingar um þörfina um miðja vikuna. Mögulega verður meiri þörf á sérþekkingu, t.d. smiðum eða öðrum laghentum, en nánar um það síðar. Ég hvet fólk til að velta fyrir sér hvort það geti séð af einum degi um næstu helgi (eða tveimur) í svona hjálparstarf. Um miðja vikuna verður boðið upp á nýja skráningu ef þörf verður á aðstoð frá okkur.
Skv. þeim upplýsingum sem ég fékk hjá stjórnstöðinni var mikil ánægja með okkar störf. Heimamenn vissu ekki á hverju var von, en fengu fólk sem gat og vildi vinna og skildi eftir sig gott starf. Í ljósi þess er vilji á að njóta frekari aðstoðar frá okkur ef þörf verður á því.
Til ykkar sem mættuð í dag, takk fyrir frábæran dag !
Kv. Óli
Sælir félagar
Allir sem hafa skráð sig á skráningarforminu hafa nú fengið tölvupóst frá undirrituðum. Allir sem vilja taka þátt eru vinsamlegast beðnir að senda staðfestingu á póstfang litlanefndin@f4x4.is, til að allar skráningar fari á sama stað.
Þeir sem ætla með verða að muna að hafa góðan hlífðarfatnað og góða gönguskó eða stígvél.
Einnig er óskað eftir verkfærum:
• Járn steypuskóflur (flatar skóflur)
• Strákústa
• Hrífur
• Garðverkfæri sem að notum kunna að koma
• Snjósköfur
• Fötur
• HjólbörurÉg mun leggja af stað frá Select kl. 8:00 í fyrramálið. Ég reikna með að hægt verði að redda fari fyrir þá sem vilja koma en hafa ekki bíl. Bara mæta í fyrramálið og gefa sig fram.
Einnig má hringja í mig 844-4247 ég reyni að sjá um skráningar eftir bestu getu
Með bestu kveðju,
Óli, Litlunefnd
Mjög vönduð hugleiðing hjá Skúla en þetta "ítarlega" svar Páls eru hjákátlegt og sýnir hvað rök hans eru veik.
Kv. Óli
Valur, ef það þurfti tvo 46" forda til að setja Eyjafjallajökul af stað, hvað ætli þurfi til að stríða Kötlu … maður spyr sig ….
kv. Óli
Ég get líka bent á [url=http://forum.ih8mud.com/80-series-tech/343666-troubleshooting-elockers.html:2pe0umq5]þennan link[/url:2pe0umq5] sem sýnir innihald raflæsingarinnar í LC80. En ég held þetta sé mjög svipað í hælúx.
kv. Óli
Já nú skil ég. Kannski líka ágætt að láta þessa blessuðu rannsóknarskýrslu fá fókus í nokkra daga áður en þú opnar nýja sprungu
kv. Óli
Valur, gastu ekki búið til nýja sprungu ?
kv. Óli
Gott kvöld
Í ljósi lokana á hálendisleiðum og hlýinda skv. veðurspám, hefur Litlanefndin ákveðið að fresta aprílferðinni um óákveðinn tíma. Til stóð að fara laugardaginn 17. apríl n.k. en því hefur semsagt verið frestað.
Við munum vera vakandi yfir veðri og færð næstu vikur og ef möguleiki gefst á góðri ferð þá munum við auglýsa það sérstaklega. Ef það verður ekki hægt, þá er vetrarferðum Litlunefndar lokið á þessu starfsári og verður næsta ferð þá haustferð í september n.k.
Kv. Óli, Litlunefnd
Góðan dag
Ég sé ekki í dagatalinu að félagsfundurinn í apríl sé auglýstur þar. Er komin dagsetning fyrir hann ?
Kv. Óli, Litlunefnd
Sælir
Það væri gaman að heyra meira af þessu. Hvar og hvenær er áætluð brottför oþh. Er með 844 4247. Kv. Óli
Ég væri til í smá svona bíltúr. Það má gjarnan hafa samband við mig, eða þá að ég fylgist með hér. Er á LC80 44".
Kv. Óli
Nú er búið að opna flestar leiðir á hálendinu sbr. [url=http://www.vegagerdin.is/umferd-og-faerd/faerd-og-astand/faerd-og-vedur/faerd-um-allt-land/island1.html:7s8tauqv]kort vegagerðarinnar[/url:7s8tauqv].
Aðeins er lokað á Kjalvegi norðan Hveravalla, á Skagafjarðarleið á Sprengisand og svo í Þórsmörk.
Gott hjá Vegagerðinni að bregðast við og opna aftur.
kv. Óli
Já beta-útgáfan virðist laga þetta, en þetta er samt beta ….
kv. Óli
Sæll Rikki
Ég sótti þessa útgáfu 6.15.11 og hún breytti engu hjá mér, ég var með 6.15.11 fyrir og landið jafn teygt og áður. Þarf að gera eitthvað í forritinu til að laga þetta, eða er þetta bara ekki komið í lag ?
kv. Óli
