Forum Replies Created
-
Replies
-
Hefur það ekki helst verið að hrjá menn hversu fyrirferðamiklar bremsudælurnar eru á þessum abs-bremsu bílum, þ.e. með tilliti til þess að setja á þá álfelgur sem eru þykkari.
Veit allavega um einn LC-90 eiganda sem lét renna örlítið utan af dælunum til að koma djásnunum undir!!! Ekki er það þó eitthvað sem ég ætla að mæla með.
En þarf nokkuð að hugsa um bremsukerfið sjálft? Hæpið þar sem hraðaskynjarar eru á öllum hjólum og gefa uppl. um snúning allra hjóla… Þori samt ekki að fullyrða!
Ég var þarna á ferðinni á föstudaginn langa og við fórum niður með girðingu hjá Oddnýjarhnjúk. Færið þar var mikið púður og mikil ágjöf (og mikil inngjöf að vísu:) Ferðin gekk mjög vel hjá okkur, keyrðum bara á 2-3 pundum að vísu, og engar festur.
Síðan þá er nú sennilega búið að rigna e-ð á þessum slóðum og að öllum líkindum komnar leiðinda krapatjarnir milli jökuls og Hveravalla.
Sælir félagar…
Ég var staddur 1km. vestur af Þursaborginni ásamt félögum mínum á 2 öðrum bílum þegar ég heyrði fréttirnar af þessu slysi og tókum við þá stefnuna beint að þeim í vægast sagt ENGU skyggni!!! Þegar við áttum nokkra tugi metra eftir að geilinni skv. tölvunni hljóp einn okkar á undan bílunum til öryggis þar til við komum að barminum. Það sem blasti svo við var bíllinn á toppnum neðst í lautinni og vægast sagt óspennandi aðkoma. Félagi mannana var búinn að koma þeim út úr bílnum þegar við komum. Bílstjórinn virtist vera óslasaður og kenndi sér ekki mein, farþeginn var hinnsvegar lítillega slasaður og gat talað við okkur. Við útbjuggum börur og bárum hann upp úr lautinni og inn í bíl félaga hans þar sem ekki var hægt að keyra ofan í geilina sökum hliðarhalla.
Þarna kvöddum við þennann hóp og þeir keyrðu svo á móts við björgunarsveitirnar sem komu á móti úr Þjófakrókum og við héldum áfram okkar ferð til Hveravalla niður með girðingu sem gekk mjög vel.
Miðað við aðstæður var alveg ótrúlegt kraftaverk að mennirnir höfðu sloppið frá þessu svona vel og óska ég þeim besta bata.
Ekki var að sjá neinar sprungur á jöklinum (enda kannski ekki skyggni upp á marga fiska þegar við vorum þarna á ferðinni).
Kveðja lilli
p.s. strákar, passiði ykkur á Þursaborginni…
Sæll vertu Nils
Ég er einmitt búinn að vera í sambærilegum pælingum og þú varðandi að hressa aðeins upp á þessa vél, tími nebblega ekki að fara í vélaskipti strax allavegna. Ég er líka með 1992 árg. Hilux með 2,4 bensín á 38" dekkjum á 5,71 hlutföllum. Er með 3" rör, K&N-síu og flækjur. Þá möguleika sem ég sé helsta í stöðunni í smá aflaukningu fyrir þessa vél eru að skipta um knastás, setja í hann MSD-kveikju frá Benna með nýju háspennukefli og superchips.
Fjallasport selur "tourqe" ása í þessa bíla á 35000 kr. í komna minnir mig.
Ég get ekki séð að lækkun hlutfalla auki eyðsluna hjá þér, frekar að hún minnki því ég er með 15-18l/100km. á 38".Kom mér líka á óvart hvað hann eyddi litlu í Setursferðinni á síðustu helgi eða ca. 4 lítra/klst. var þó fyrstur lengi vel.
Hlutföllin sem ég myndi mæla með fyrir þig fyrir bæði 38" og 35" er 5,29/1 EKKI 5,71/1 því 5,29 er einfaldlega mun sterkara hlutfall. Verðið á hlutföllunum held ég að sé í kringum 25-30.000 kall stykkið víðast hvar og svo þarftu að láta stilla þau inn.
Varðandi breidd á felgunum verð ég að taka undir það að 13-14" breiðar henti þessum bílum best, er sjálfur með 14" breiðar og kemur mjög vel út.
Ég hef ekki spáð mikið í að túrbínuvæða vélina, ekki fundist það spennandi kostur einhverra hluta vegna!!!
Hilux-kveðja
lilli
Sælir
Ég rak einmitt augun í einhvern þráð um daginn þar sem talað var um hvort menn gætu ekki gefið eitthvað til Setursins. Þannig að mér datt í hug að ríða á vaðið og skildi eftir Pictonary teiknispilið upp í Setri á síðustu helgi
Hvað með þau vandamál sem fylgja svona mixi sem menn vita um? Er það tenging við rafkerfi bílsins, koma vél og skiptingu fyrir í bílnum, eða e-ð annað sem þekkt er???
Með fyrirfram þökk, lilli…
Sælir félagar…
Ég er með Hilux 2,4 bensín og bauðst á dögunum Chevrolet 4,3l V6 með sjálfskiptingu og millikassa til kaupa úr Blazer ´97 árg. Nú þykist ég vita að nokkrir ykkar hafa reynslu af svona Toy-let breytingu og vildi gjarnan fá að heyra nokkra gagnrýni. Þykist vita flesta kosti sem henni fylgja en endilega komiði nú með vandamálin og vesenið!!!
Kær kveðja og ósk um meiri snjó, lilli
Sæll Skúli…
Verðið á þessum búnaði skiptist í tæplega 7000 kall fyrir háspennukeflið, 15.000 kall fyrir ódýrari kveikjumagnarann og 30.000 kall fyrir dýrari magnarann. Svo kosta þræðirnir einhverjar ca. 7000 krónur ef maður vill splæsa í þá.
Ódýrari magnarinn skilst mér að dugi, en hinn gefur víst öflugri neista, getur tengst fjölbreyttari búnaði og gengur á flest allar gerðir véla, ss. V-6, V-8 ofl.
Kv. lilli…
Sælir félagar…
Ég er með Hilux 2,4 bensín og var að velta því fyrir mér að splæsa í MSD kveikikerfi frá Benna og einnig blundaði smá löngun í að hressa upp á heilann með nýjum tölvukubb eða endurforritun. Er með 3 tommu púst, flækjur og K&N-loftsíu.
Gaman væri að heyra hvort einhverjir ykkar hefðu reynslu af þessum búnaði og hvernig/hvort hann virkaði að ráði í sambærilegum bíl.
Sæll Finnur…
Varðandi eyðslu á Toyota Trouble-cab get ég komið með smá innlegg í umfjöllun á bensínbílnum. Ég er með Double-cab ´92 á "38 mudder og 5,29 hlutföll. Búinn að setja "3púst undir, K&N loftsíu og flækjur. Með skikkanlegum akstri innanbæjar hef ég náð honum niður í ca. 15l./100km. Fer upp í 20l. með óþarfa þenslu milli ljósa. Svo hef ég ekki séð mikinn mun á eyðslu innan og utanbæjar, fer náttúrulega mikið eftir ökulagi!!! Hef ekki mælt hann eingöngu í utanvegaakstri en mér finnst hann ekki eyða eins miklu og ég bjóst við.. Allavega er ég vel sáttur við að hafa tekið bensínbílinn frekar en diesel en það er sjálfsagt allur gangur á því
Sæll Toppen…
Hvernig er með þessi MT-Baja Claw dekk, þau eru ekki "Radial" er það? Og eru þau þá sæmilega hringlaga í malbiksakstrinum og rásföst? Ég er með Mudder og hafði hugsað mér að breyta til og finnst þessi MT-dekk nokkuð sannfærandi að sjá. Gaman heyra hvað þið hafið að segja um þetta…
Jólakveðja, lilli
Ég er fyllilega sammála síðustu ræðumönnum um að skorinmíkróskorin dekk séu öruggari og gefi betra grip, en gæti einhver bent mér á hvar ég get verslað mér græju til að skera aukið mynstur í barðanna??? Allar upplýsingar væru vel þegnar.
Með fyrirfram þökk, lilli
Ég er sammála þessu sem þú ritar um sýninguna!! Þar var nánast eingöngu að finna Nissan Patrol og Toyota LandCruiser á 44". Alltof einsleit og miklu meiri glans og glamour heldur en flestir sækjast eftir! Ég hefði til dæmis viljað sjá meira af fallegum og aðeins eldri 35-38" breyttum jeppum, sem eru jú talsvert eðlilegri kaup fyrir hinn almenna jeppaáhugamann.
