Forum Replies Created
-
Replies
-
Sko, sko og aftur sko. Mér er bara nokk sama hvernig þessu er háttað í öðrum klúbbum í þessum klúbbi hafa aukafélagar haft sama rétt og aðalfélagar í klúbbnum.
Er það vikilega svo komið að ásóknin í sjálfboðaliðastarfið sem fylgir því að gefa tíma sinn í það að starfa í nefndum klúbbsins sé svo mikil að það þufi að skorða það við aðalfélaga?
og ég held líka að það séu ekki mjög mörg dæmi um að báðir aðilar séu virkir, þannig að er þetta ekki bara alveg til fyrirmyndar eins og þetta er í dag og hefur alltaf verið.
með ofsagóðri kveðju
Lella
Það var alveg með ólíkindum hvað færið breyttist frá hádegi og til kl 18 í dag. Ég er búin að henda inn nokkrum myndum á Trúðasíðuna http://trudur.alvaran.com þar sem sjá má veður og færið sem var í dag.
Kveðja Lella
Get lóðsað ykkur um allt í nágrenni langjökuls.
Íshellar, Geitlandsjökul, Þórisdal, Skálpanes, en allt er þetta háð færð og veðri og borgar sig ekki að festa leiðir of mikið niður heldur láta veðrið og færðina ráða.
Síðast þegar þetta var gert var farið í Húsafell, Jaka íshella, Geitlandsjökull, Jaka í grill, Kaldadal heim með viðkomu á Okinu.
Frábær ferð og spiluð svolítið eftir aðstæðum.
Kveðja. Þorgeir
Munið að aðalfundur klúbbsins er 13. maí.
Kveðja. Þorgeir
Er til í að taka þátt í þessu með ykkur, get tekið nokkra stóla+eitthvað af dóti á pallinn.
Er á GMC með öllu sem þarf.
Kveðja. Þorgeir.
Loksin ertu komin á bíl sem drífur og þá getur maður farið áhyggjulaus á fjöll aftur þar sem Músso er með í för. Það er bara Músso og engin annar sem hefur leyfi til að bera nafnið OFUR fyrir framan.
Með "44 drauma kveðju Þorgeir og Lella.
Það dugar ekki að binda aftan í fólksbíl, lenntum í því að þurfa að draga Patrol í gegnum göngin og var hann á 2 dekkjum því framdekkin voru í kerru, bíllinn var mannlaus og það var fullt verð takk fyrir.
Mér hefði nú fundist 1/2 gjald alveg ásættanlegt sérstaklega þar sem þú borgar ekkert fyrir að vera með kerru eða fellihýsi eða hvað þetta heitir nú allt saman sem dinglar aftaní.
Kveðja Lella
Já ég er eiginlega hálf orðlaus líka. Það var reyndar nokkuð ljóst að þetta væri ekki heppilegur tími til námskeiðahalds, haustið er mun vænlegri tími. Illa líst mér á að taka skráningu og halda svo námskeið þegar nægur mannskapur væri komin, þá kæmi sennilega upp sú staða að helmingurinn kæmist ekki á þessum eða hinum tímanum.
En ég er á því að skella þessu á í haust og þá er það spurning hvort menn vilja 4 virk kvöld eða 1 kvöld og 1 laugardag, hvað finnst ykkur um það?
Kveðja Lella sem er ekki alveg til í að gefast upp.
Eru þá ekki hæg heimatökin hjá þér Ofsi, er ekki formaðurinn okkar framkvæmdarstjóri hjá Útivist?
Kveðja Lella
Hvernig er það hefur þessi umræða ekki heyrst áður? Hver er það sem stjórnar og skipar í Samút?
Kveðja Lella
Ofsi ekki ráðast á mig, ég var bara að svara spurningu þar sem var sérstaklega spurt um hversu margar Rottur hefðu skráð sig.
Ég læt meindýraeiðana alveg um að ráðast á Rotturæflanna.
Kveðja Lella
Já ég er ekki vissum að ég nenni að standa í þessu aftur, en undirbúningsvinnan er reyndar búin. Það fóru allveg nokkrir klukkutímar í að tala við þá sem hafa vit á þessu og ákveða hvað ætti að fara í og hvað ekki.
Það þurfti nú ekki nema 15 til að halda námskeiðið og engin Rotta var skráð til leiks.
Kveðja Lella
Skyndihjálparnámskeiðið sem halda átti um næstu helgi er hér með aflýst vegna þátttökuleysis. En til gamans má geta að 6 skráðu sig á námskeiðið !!!!!!!!!! og eiga þau 6 hrós skilið. Neyðarlína og Hekla fá þakkir fyrir að hafa áhuga á að styrkja okkur og vonandi getum við sest niður og spilað einhverju úr því öllum til góðs. En hvernig er þetta eiginlega? Hvað er að ykkur menn og konur?
Það eru ekki allir björgunnarsveitarmenn hér, þó að þeir séu örugglega margir. Jú margir eru líka með meirapróf og þekki ég það af eigin reynslu að þú kemst ekki langt á þeirri skyndihjálparkunnáttu sem þið hafið úr þeim skóla ( hringdu í 112 og hjálpin er komin áður en þú leggur á) og ekki reyna að halda því fram að 7.500 sé dýrt, það er sama verð og kostar á Skyndihjálp 1 hjá RKÍ og með fullri virðingu fyrir því námskeiði þá get ég kennt ykkur núna hvað þið lærið þar þú hringir í 112 og hjálpin er komin áður en þú leggur á, því jú þetta námskeið miðar út frá fyrstu hjálp á höfuðborgarsvæðinu.
Núna í kvöld þegar tilkynningin um námskeiðið er búin að vera í viku efst á forsíðunni eru 178 búnir að lesa hana og já þráður sem kom inn i dag Jeppi á frímerki 601 búnir að lesa hann, hættiði nú alveg eigum við ekki bara að breyta þessu í frímerkjaklúbb. Endalausir þræðir um eyðslu, stafsetningu og annað bull GÓÐA SKEMMTUN.
Fyrr í mánuðinum kom upp þráður um hvaða björgunnarbúnaður væri nauðsyðnlegur í jeppan, það voru siglínur og sigstólar og ég veit ekki hvað og hvað, ansi margir voru með það á hreinu hvað væri nauðsyðnlegt að hafa en kunniði að nota þetta? Sá þráður hefur 31 póst og hefur verið lesinn 2398 sinnum
Er ekki í lagi með ykkur?
Þið komist ekki langt á búnaðinum einum saman. Hvað ætlið þið að gera við alvarlegt brunasár? Meðhöndla manninn þannig að hann sé kominn í lífshættulegt ástand vegna ofkælingar? Þegar hjálp berst. Eða beinbrot? Eða barkaskurð við bráðaofnæmi, sem er ekki óalgeng ástand vegna lyfjatöku td vegna þynku. Hvað þarf til að þið vaknið af þyrnirósar-svefninum?
Allir tilbúnir að röfla og rífast og það eigi að gera hitt og þetta og halda námskeið um hitt og þetta og allt mögulegt, haldiði bara áfram röflinu og sandkassaleiknum, það er allavega greinilegt að það er ekki grundvöllur fyrir því að halda skyndihjálparnámskeið, sér sniðið að þeim aðstæðum sem við gætum lent í. Ég held að ég haldi mig bara við þá speki sem 8 ára sonur minn sagði FÖRUM BARA MEÐ HANNES JÓNI HANN ER LÆKNIR.
Þið ættuð að skammast ykkar og ekkert annað
Með skammarkveðjum Lella og Þorgeir
Já þó að snjór sé lífsnauðsyðnlegur á fjöllum, þá vil ég nú frekar hafa autt eins og er í henni Reykjavík frekar en mannhæðarháa ruðninganna sem eru á Akureyris
Kveðja Lella
bara að minna á að í dag er síðasti séns að komast á skyndihjálparnámskeiðið.
Kveðja Lella
smá fljótfærni í gangi, hann var bara dottinn svo langt í burtu að ég hélt að hann hefði verið þurkaður út. og hvernig er það getur maður ekki hent í burtu svona þráðum?
Með ofsóknarkveðjum Lella
Hvernig er það hvað varð um Slúður þráðin sem var hér í morgunn ????????
er komið eitthvað innraeftirlit hér á síðuna?
ef svo er finnst mér að frekar hefði átt að henda út þræðinum um stafsetninguna.
Eða er kannski bannað að grínast hér?
Kveðja Lella
Hálendisferðir
Skúli H. Skúlason gerir athugasemd við leiðara Morgunblaðsins: "…ferðalög á jeppum geta verið fyrirtaks fjölskyldusport…"
Skúli H. Skúlason
Í LEIÐARA Morgunblaðsins laugardaginn 25. mars sl. er gerð að umtalsefni heimsókn norskra jeppamanna til Íslands. Í leiðaranum segir að akstur um skóga og fjöll sé bannaður í Noregi og virðist höfundur telja æskilegt að svipaðar reglur gildi hér, þ.e. akstur á fjöllum við hvaða aðstæður sem er verði bannaður með öllu.
Í samanburði við reglur um akstur í óbyggðum í Noregi eru hinar íslensku reglur nokkuð víðar og aðstæður um margt ólíkar. Þó er rétt að hafa í huga að þar eru aðstæður aðrar og bakgrunnur ferðalaga ólíkur því sem hér gerist.Reglugerð frá árinu 2005 fjallar um takmarkanir á umferð í náttúru Íslands. Reglugerðin miðar að því að vernda náttúruna en jafnframt að gefa almenningi færi á að ferðast um hana. Það er grundvallarþáttur í reglunum að akstur utan vega er bannaður. Á Íslandi höfum við mikið úrval fjölbreytilegra vegslóða um hálendið sem gerir öllum almenningi mögulegt að upplifa hina sérstöku náttúru Íslands yfir sumartímann, komast í návígi við eyðisanda og jökla, gróðurvinjar, heitar uppsprettur, dularfulla hveradali, litskrúðugt líparít, beljandi jökulár og hin ósnortnu víðerni. Þú þarft ekki að vera þrautþjálfaður göngugarpur til að nálgast þessi undur því jeppafærar slóðir færa þig í návígi við undrin og ferðalagið sjálft hefur allt á sér ævintýrablæ.
Á veturna eru aðstæður aðrar en þá komum við að undanþáguákvæði í reglugerðinni sem heimilar akstur á snævi þakinni og frosinni jörð. Ferðalög um hálendið í vetrarskrúða hafa ekki síður aðdráttarafl en sumarferðir. Snjóbreiður í ósnortnu víðerni á sólríkum vetrardegi vekja sérstaka tilfinningu og fegurð fjalllendis nær nýjum víddum á slíkum degi. Það spillir ekki fyrir að ferðalög á jeppum geta verið fyrirtaks fjölskyldusport og margar ferðir þess eðlis að lítið vandamál er að taka stálpuð börn með. Þá gefst færi á að kynna þeim landið og náttúruna og án nokkurs vafa búa þau að því veganesti alla ævi.
Það er sérstaða hér á landi að heimur sem þessi sé aðgengilegur almennum ferðamönnum og ekki að undra að erlendir ferðamenn komi hingað til að upplifa þetta. Það að telja þessi ferðalög snúast aðeins um útrás fyrir áhuga á torfæruakstri er stórkostleg einföldun og byggist á vanþekkingu. Góð snjóbrekka sem reynir á aksturshæfni freistar sjálfsagt margra, en er fjarri því að vera meginhvati vetrarferða á jeppum.
Leiðarahöfundur leggur til að settar verði upp sérstakar torfærubrautir þar sem "…eigendur jeppa geti fengið útrás…". Það eru honum kannski nýjar fréttir að slíkar brautir hafa verið til í áratugi og á þeim stunduð keppni í torfæruakstri. Það er hins vegar allt annað en fólk er almennt að sækjast eftir. Sjálfsagt væri jákvætt að fjölga slíkum brautum og sníða þær að hinum almenna jeppaeiganda. Það er hins vegar klárt mál að ég rek ekki jeppa til að aka eftir slíkum brautum og allt annars konar "útrás" sem ég sækist eftir. Það hygg ég að eigi við um flesta jeppaeigendur.
Við eigum að vernda það frelsi sem við höfum til að upplifa íslenska náttúru innan þess ramma sem núgildandi reglur leyfa. Öll umferð um náttúruna getur orsakað álag á hana þó mismikið sé. Akstur á snjó og frosinni jörð skilur þó aðeins eftir sig ummerki í skamman tíma. Næst þegar vind hreyfir hverfa ummerkin. Það væri því einkennilegt að þrengja að þar sem síst er hætta á skemmdum.
Það er svo annað mál að akstur utan vega á auðri jörð á ekki að líða, hvorki að vetri né sumri. Ætla mætti af umræddum leiðara að slíkt sé leyfilegt hér á landi en svo er alls ekki. Því miður eru dæmi þess að einstaka ferðamenn á jeppum virða ekki lög og reglur um þessi efni og eflaust eru dæmi þess einnig til í Noregi. Til þeirra þarf að ná með fræðslu og áróðri og jafnframt mætti hugsa sér mun meira eftirlit með lögbrotum af þessu tagi. Ferðaklúbburinn 4×4 hefur á 22 ára starfstíma sínum staðið fyrir ýmiskonar aðgerðum og áróðri gegn ólöglegum utanvegaakstri og talað fyrir ábyrgri ferðamennsku í náttúrunni. Á snjóléttum vetrum verða jeppaeigendur að sætta sig við að aðstæður til ferðalaga eru ekki alltaf fyrir hendi og á vorin í leysingum lokast hálendið af náttúrulegum aðstæðum fyrir allri umferð. Vanir ferðamenn þekkja þetta og flestir gera sér grein fyrir að frelsi fylgir ábyrgð og fylgja þess vegna þeim lögum og reglum sem í gildi eru. Það er vafamál hvort bann við skaðlausum akstri á snjó og frosinni jörð myndi auka ábyrgð og löghlýðni ferðamanna á hálendinu eða hvort áhrifin yrðu í aðra átt. Í dag ríkir almenn sátt um þær reglur sem í gildi eru og brot á þeim eru almennt litin hornauga. Ein besta leiðin til að berjast gegn utanvegaakstri er að rækta það andrúmsloft.
Ef akstur á snjó og frosinni jörð væri bannaður hefði það umtalsverð áhrif á ferðamöguleika þeirra sem sækja í hverskonar ferðalög um hálendi Íslands og margir yrðu af upplifunum á náttúrunni sem á sér enga hliðstæðu. Þetta á ekki aðeins við um það sem almennt kallast jeppaferðir heldur einnig um hverskonar ferðalög á hálendinu þar sem notast er við jeppa til flutninga á fólki og vistum.
Höfundur er formaður Ferðaklúbbsins 4×4 og framkvæmdastjóri Ferðafélagsins Útivistar.
Bara að uppfæra, það fer hver að verða síðastur að skrá sig á námskeiðið.
Kveðja Lella
bara að uppfæra þráðin. Nánari upplýsingar eru á forsíðunni.
Kveðja Lella
