Forum Replies Created
-
Replies
-
Myndir sem settar eru stórar inn í albúmið virðast minnka að umfangi þegar þær eru mótteknar þar. Myndir mínar hingaðtil hafa allar verið í kringum 1-1,5 Mb, en þegar þær eru skoðaðar tekur ekki nema augnablik að hlaða þeim niður, m.ö.o, þær geymast ekki í fullum gæðum á 4×4 vefnum. Þess vegna spurði ég. Það myndi að sjálfsögðu ekki hvarfla að mér að setja stórar myndir inn ef við skoðun þyrfti að hlaða niður öllu hlassinu!
Er einhver sem raunverulega veit hversu mikið myndir minnka í meðförum á þessum vef. Það væri gaman að fá svör frá einhverjum sem vissi þetta.
Kv,
Lalli.
Ég var að reyna að setja inn mynd sem er tæp 3Mb. Venjulega minnka myndirnar verulega að umfangi (2Mb verða nokkur Kb þegar þær eru skoðaðar) eftir að þær fara í albúmið og því hélt ég að tæknin ætti að ráða við þessa stærð. Eftir smá stund kemur upp „ERROR“ og ekkert gengur. Veit einhver hvort myndaalbúmið okkar stoppar við einhverja hámarksstærð mynda, eða er bilun?
Ekki er ég alveg sammála ykkur.
Ég er með 12" breiðar felgur (Eagle 589) á 38" mudder og er búinn að ferðast talsvert í slæmu færi. Ekki hef ég setið eftir í þeim ferðum nema síður væri. Mudderinn virðist fletjast vel, en ég þekki reyndar ekki hvernig önnur 38" dekk haga sér á 12 tommu breiðum felgum. Ég hef aldrei affelgað dekkk þegar menn á mjög breiðum felgum hafa lent í því. Það þarf reyndar ekki að vera bókstaflegt samhengi þar á milli, kannski að brúnin skipti meira máli. En mín reynsla er sú að 12" breiðar felgur gagnist vel á 38" Mudder. Kannski ekki eins stórkallalegt ásýndum en vel nothæft.
Kv,
Lalli.
Ekki er ég alveg sammála ykkur.
Ég er með 12" breiðar felgur (Eagle 589) á 38" mudder og er búinn að ferðast talsvert í slæmu færi. Ekki hef ég setið eftir í þeim ferðum nema síður væri. Mudderinn virðist fletjast vel, en ég þekki reyndar ekki hvernig önnur 38" dekk haga sér á 12 tommu breiðum felgum. Ég hef aldrei affelgað dekkk þegar menn á mjög breiðum felgum hafa lent í því. Það þarf reyndar ekki að vera bókstaflegt samhengi þar á milli, kannski að brúnin skipti meira máli. En mín reynsla er sú að 12" breiðar felgur gagnist vel á 38" Mudder. Kannski ekki eins stórkallalegt ásýndum en vel nothæft.
Kv,
Lalli.
Svolítið finnst mér vera á reiki hvar menn mæla afgashitann. Flestir sem setja EGT mæla í bílana sína setja þá á eftir túrbínu, en það sparar mönnum að taka túrbínuna frá þegar borað er fyrir skynjara (vont að fá svarf í hana). Afgashitinn lækkar hins vegar umtalsvert í túrbínunni, mismikið eftir afköstum hennar. Vert er að gera ráð fyrir því. Að sjálfsögðu skiptir þetta ekki miklu máli ef mælt er t.d. fyrir og eftir að tölvukubbur er settur í eða boost skrúfað upp og einungis er mældur mismunur en EF hins vegar er ætlunin að fá rétt afgashitastig verður mælirinn að vera fyrir framan túrbínu.
Ég er á því að afgashitamælir sé það mælitæki sem við ættum að nota meira á TD vélarnar. það segir okkur nákvæmlega hvernig vélin er að vinna og hversu langt við megum fara í að skrúfa upp olíuverk.Kv,
Lalli.
Ekki veit ég hversu vísindalegar mælingarnar gerast, en á klunnalegum dísiljeppum munar oft gríðarlega hvort ekið er á 80 eða mun hraðar. Loftmótstaðan eykst ekki línulega við aukinn hraða og ég finn verulega fyrir því í eyðslu hvort ég er að dóla mér rólega um sveitir landsins eða þeysi uppað vikmörkum hins löglega hámarkshraða. Þess vegna held ég að meira eða minna allir hér geti haft rétt fyrir sér. Þetta er spurning um aksturshraða og ekki síður loftþrýsting.
Ég get látið jeppann minn eyða 18-19 á langkeyrslu með 20psi og á 99 km/klst. Einnig hef ég farið í lengri ferðir með 25psi (heldur meiri leiðindi á möl) og aldrei yfir 90. Þetta þýðir að jafnaði 13,5 í eyðslu og að haugur af 4×4 meðlimum fara framúr mér í leit að leiðum til að brenna meiri olíu
Kv,
Lalli
Smá viðbót til gamans.
Flugvéladekk (og einnig dekk í Formula 1) hafa í gegnum tíðina verið fyllt köfnunarefni (frumefnið Nitrogen=Nitur=N). Þegar þotur fara uppí 10-15 km. hæð er loftið orðið mjög þunnt og venjuleg loftfyllt dekk (21% súrefni) myndu þenjast út og springa. Það væri talið frekar óheppilegt og því sett köfnunarefni í dekkin.Þar sem í því er ekkert súrefni er heldur engin oxun og tilraunir sem gerðar hafa verið á trukkum í langkeyrslu sýna fram á það að með því að losna við súrefni úr dekkjunum eykst endingin til muna, dekkin fúna ekki innanfrá og halda fullum styrk í hliðum allan líftíma mynstursins.Ef við settum þetta í dekkin okkar héldist rétt pressa þótt við klifruðum upp í hærri hæðir og ekki þyrfti að pumpa reglulega í á niðurleið.
Kv,
Lalli.
Ég er með Fini í mínum bíl en hef ekki gert hávísindalegar mælingar. Er yfirleitt eina og hálfa mínútu í að pumpa úr 2psi uppí ca 14psi (38"). Ber að geta þess að ekki er píla í ventlinum, og munar þar sjálfsagt einhverju. Það held ég samdóma álit manna að Fini dælurnar séu öruggar og afkastamiklar. Tel ég þær líklega fremstar meðal jafningja.
Smá viðbót. Það vildi frjósa í slöngunni, fremst, þar til ég skar ventilinn framan af og treð nú einfaldlega slöngunni uppá ventilinn.
Kv,
Lalli
Sælir allir.
Veit einhver jaxlinn hvernig Snæfellsjökull er núna, sprungur oþh.
Á einhver nýlegt trakk uppá hann (hef aldrei komið þangað)?
Eru einhver þekkt svæði í jöklinum sem ber að varast?Kv,
Lalli
Fann í gömlum þræði ljóð um Tójót fyrst við erum orðnir skáldlegir.
TOJÓTSÞULA
Tojót Tojót taktu mig
og berðu mig upp til skýja
ákafinn bar mig alla leið
í áklæðið nýja
mun þar vera margt að sjá
mörgu hefurðu ekið hjá
frá því þú kvaddir sundin blá
og komst á ökutækjaskrá
komdu litla lipurtá
langi þig að keyra
kannske burtu, kannske á
og kannske sitthvað fleira
– þeir lána þér meira –
litla flónið, þeir lána þér alltaf meira
nú þeysir vagninn silfurgrár
með vélum þöndum
rauðagull í bremsuljósaböndumrennir hann beint að ströndum
rennir hann beint að björtum sólarströndum
Það eru einmitt svona þræðir sem fá þenkjandi fólk til að álíta að jeppamenn séu allir hálfvitar.
Sælir allir.
Er einhver sem á trakk (helst mapsourceskrá) niður Langjökul um Skálpanes?Gaman væri ef ég gæti fengið þetta sent á s36@isl.is.
Fyrirfram þökk
Lalli
Driflokur í Patrol eiga ekki að vera til vandræða. Þeir sem brjóta þær gera það allir á sama tíma í ferðinni…rétt áður en þeir ætla út að setja þær á ,,Lock". Málið er að láta þær ekki vera í ,,auto" í ófærum, en þá eiga þær til að vera að opna og loka á versta stað. Þær læsa sér þegar átakið kemur innan frá þ.e. þegar er öxullinn snýst hraðar en dekkið og eru fljótar að kúpla sér út um leið og dekkið rúllar hraðar en öxullinn.
Nenna strax út að læsa. Það hefur yfirleitt ekki klikkað og lokurnar stífna síður ef við erum duglegir að opna og loka með handafli.
Kveðja,
Lalli.
Mér ákotnaðist eitt sinn svona púði, að mig minnir árið 1981. Þá var ég blankur menntskælingur á VW bjöllu og var slöngunni smokrað uppá pústið. Svo var einhver félaginn látinn troða putta í hitt púströrið og druslan staðin. Þetta var ótrúlega sniðugt þegar bíllinn var fastur, mokuð smá göng undir hann og honum síðan þrykkt upp með látum. Þessi undrapúði týndist einhverntímann, en ekki er ég í vafa um að svona nokkuð lyftir jeppa. Það er svipað efni í þessu og í gæða-gúmmíbátum.
Sem málræktarfasista langar mig að benda á smáatriði (sem kemur þessu efnislega ekkert við).
Óskar, þú talar um fylki í Bandaríkjunum, en þar eru aðeins ríki. Mjög mikils misskilnings virðist gæta um þetta og ekki síst hjá fjölmiðlafólki, en talsverður stjórnskipulegur munur er á fylkjum (t.d. Kanada ofl.) og ríkjum. Hétu Bandaríkin annars ekki Bandafylki norður Ameríku?
Svo mörg voru þau orð! Vona að þú takir þetta ekki óstinnt upp.
Mbk,
Lalli.
Safari: An overland expedition, especially one for hunting or exploring in eastern Africa.
[Arabic safarya, safari, journey, from safar, journey. See pr in Semitic Roots.]
(The American Heritage® Dictionary of the English Language, Fourth Edition
Copyright © 2000 by Houghton Mifflin Company).Aftur óheppnir
Lalli.
Kannski (örugglega) er langsótt að íslenskri ferðaþjónustu verði stefnt af amerískum lögfræðingum vegna nafnsins ,,superjeep". Það breytir hinsvegar ekki þeirri staðreynd að mörg okkar brosa útí annað og vona að hugmyndaflug ferðafrömuða vorra nái lengra þegar keyrt er um landið með erlenda ferðamennn en þegar nafnið á fyrirtækið var fundið.
olafurag skrifaði í pósti sínum:
,,Helsta skilgreining á jeppa í dag er millikassinn, þ.e. hátt og lágt drif og hefur útlit jeppa."
Er hægt að útskýra belja sé belja vegna þess að hún líti út eins og belja? Hmmm, athyglisvert og kannski er að fæðast hérna ný vísindagrein.
olafurag skrifaði í pósti sínum:
,,Jeppaskilgreining:
Helsta skilgreining á jeppa í dag er millikassinn, þ.e. hátt og lágt drif og hefur útlit jeppa. Þetta er einföld skilgreining og einfaldar málið töluvert."Ein smá spurning. Er þá gamli 1800 Subaru (og beinskipti Legacy) jeppi? Hann var með hátt og lágt drif og leit út eins og jeppi, hvað sem það nú þýðir; klossaður skutbyggður og gerður fyrir allt annað en hraðakstur?
Mér finnst það í góðu lagi ef menn vilja kalla BMW jepplinginn jeppa og ekki næstum eins heimóttalegt og að skrifa ,,Superjeep" á Nissan (eða Toyota).mbk,
Lalli.
Takk fyrir það!
