Forum Replies Created
-
Replies
-
Þarf að kanna þessi Irok dekk nánar.
En btw, 40" Goodyearinn er loadrange C, þannig að þau ættu ekki að vera mjög hörð. Það er fyrst og fremst breiddin, þrettán og hálf, sem ég set spurningamerki við. Já og svo munstrið, en það virkar verklegt við fyrstu skoðun.
Hefur einhver prufað 40-13.50-17 dekkin undir hjá sér. Bara smá pæling, hvernig þau leggjast, hvernig keyrsludekk þetta eru oþh.
Ætla mögullega að setja þetta undir LC-120, en er forvitinn ef einhver getur miðlað af reynslu.
Kv,
Lallip.s. Er ekki að tala um 40 feta há dekk en get ekki breytt titlinum til að leiðrétta prentvilluna.
Er nokkur hérna sem á gps track af Laugaveginum, helst Garmin track. (ekki frá Suðurlandsbraut að Bankastræti)?
Mig vantar tilfinnanlega gönguleiðina. Ef einhver getur séð af þessu er netfangið mitt hjj.icecrew@simnet.isÖll aðstoð vel þegin.
Kv,
Lalli.
Fann allt safnið á síðunni minni.
Hvers vegna ég er ekki undir gamla notendanafninu er mér þó hulin ráðgáta.
Var loksins að uppgötva aðferðina við að logga hér inn. Er búinn að leita að myndunum mínum (undir notendanafninu ,,Lalli“ en finn ekkert, jafnvel þó ég leiti í undirflokki gömlu vefsíðunnar. Getur verið að búið sé að þurrka út slatta af myndum? Vona að það sé ekki rétt, enda þónokkrar mannstundir sem fóru á sínum tíma í að hlaða þeim inn.
Þegar ég fór síðast tók hann engin kort, og var meinilla við ávísanir. Reiðufé virkar best, svo vertu með nokkrar spírur í vasanum.
Kv,
Lalli.
Já Sigurbjörn minn.
Það er nú þessi hræðilega óvissa!Hafðu það sem allrabest sjálfur.
Kv,
Lalli.
Setti Webasto forhitara í Patrolinn minn fyrir nokkrum árum. Er það líklega eitt jafnbesta apparat sem ég hef sóað peningunum í. Fjarstart fannst mér varla koma til greina, einhver sagði mér að það stangaðist við tvær greinar umferðarlaga. Mannlaus bíll í gangi, og óþarfa lausagangur. Vissulega eyðir Webasto olíu og jafnast að hluta til við lausagang, en eyðslan er ca 0,4 l/klst ef ég man rétt. Miðstöðvarblásarinn fer í gang á lægsta hraða og bíllinn er heitur að innan. Bráðnað af öllum rúðum.
Óska ykkur öllum gleðilegra jóla.Lalli (er hvorki fífl né endemis hálfviti. Bara rétt að taka það fram hér :=0 )
Ég er nýbúin að kaupa mér LC 120 diesel (5þrepa skipting og 410Nm vélin). Áður átti ég 6cyl ´99 Patrol á 38″ dekkjum.
Sem innlegg í hið eilífa rifrildi sértrúarmanna langar mig að nefna nokkur atriði í samanburði þessara vagna.Það sem mér fannst Patrolinn hafa vinninginn: Mýkri fjöðrun og skemmtilegri hreyfingar í akstri t.d. á hólóttum jökli. Sterklegra kram á margan hátt. Hann virkar meiri trukkur bæði í ásýnd og akstri. Mun meira pláss er inní Patrolnum .Hann er MUN fljótari að hitna (er líklega í samhengi við meiri hráolíueyðslu) og heldur miðstöðinni alltaf á dampi. Vélarhljóðið þýtt og gangurinn mjúkur. lítið veghljóð berst inn. Síðast en ekki síst, kostnaður við breytingu er innan marka sólkerfisins (sem því miður er ekki raunin með LC 120).
LC 120: Hljóðeinangrun er mun betri en í 90 bílnum og frágangur orðinn allur nettari (allt að því píkulegur að innan). Skriðstillir er í LC 120 og er frábær viðbót við Patrolinn. Cruiserinn liggur vel á vegi, og er betri í hálku sakir sídrifsins. Nýja vélin og 5 þrepa sjálfskiptingin svínvirkar, og torkið uppí 410Nm finnst greinilega á þetta léttum bíl. Lágsnúningstorkið er gott, en það fannst mér vera veikleiki 2,8 l Patrolsins. Gangurinn er að vísu ekki eins flottur og í 6 cyl Nissan vélinni, en talsvert fínlegri en í 4 cyl Patrolnum. Eyðsla á óbreyttum innanbæjar er rétt innan við 11 l/100km. Original hljómtækin í LC 120 eru talsvert betri en í Patrolnum.
Þegar á heildina er litið verð ég að viðurkenna að Toyotan er meiri akstursbíll og liprari, en ég sakna enn örlítið þess að vera ekki með fjóra fermetra af húddi fyrir framan mig. Helst vildi ég eiga einn af hvoru!
Sammála AtlaE.
Þetta er væntanlega hið bezta efni í sunnudagskerru. Því ekki að klára dæmið og hafa hann original? Ef þú nennir því ekki eru örugglega einhverjir til sem klæjar í fingurna að kaupa hann af þér. Óryðgaður og allt til inní hann segirðu! Hugsaðu málið tvisvar áður en þú tætir hann niður.Kv,
Lalli.
Super Swamper er skilst mér að koma með 15/39,5×17 dekk fljótlega. Svo eru alltaf öðru hverju að koma ný dekk á markaðinn fyrir 17" felgur. Spennandi að fylgjast með þróuninni. Eru allir 38" LC120 bílarnir hérlendis þá með bremsukerfi af LC100?
Finnst þér þetta ljótt?
Getur einhver sagt mér hver málin eru á 17″ felgunum undir nýja LandCruiser 120, þ.e. þeim sem menn nota fyrir 35 og 38 tommu dekk. Bil milli gata og backspace.
Kv,
Lalli.(Mynd af mínum glæsilega barbíjeppa er í albúminu mínu)
Ég tók myndina á http://www.captain.nl, lýsti og lagaði hana til í photoshop og sýnist nokkuð ljóst (haha) að það er hásing að framan.
Lalli
Sennilega eru myndirnar af hoodscopelausum Patrolnum af bensínbílnum því á sumum myndum er hann með því. Ég spái því að millikælirinn sé á gamla staðnum ofaná.
Kv,
Lalli
því var hvíslað að mér að næsta sending af Nissan Patrol verði talsvert breytt og yrði t.d. án framhásingar, kominn á klafa eins og flestir aðrir hafa nú þegar (þar höfum við ástæðu fyrir krampakenndri útsölu IH síðustu vikur).
Á einhver félaginn kristalskúlu?
Eru komnar myndir á netið?
Veit einhver eitthvað?
Kemur nýr mótor(stóra spurningin)?Kv,
Lalli.
Ekki finnst mér rétt að kalla það heimsku að festa brúsa framan á bílana, en frekar hæpna reddingu þó. Sennilega væri betra að finna þeim annan stað t.d. aftaná eða undir. Sá eitt sinn Jeep CJeitthvað sem var með sílsabretti/tanka og fannst það svolítið sniðugt.
Ekki má gleyma því að ef til árekstrar kemur eru það framendar bílanna sem yfirleitt verða verst úti. Hvað brúsana varðar eru þeir sennilega ekkert verri (jafnvel betri en kastaragrindur, enda mýkri), en það er innihaldið sem skiptir máli. Ég get ímyndað mér að óheppilegt sé og jafnvel frekar óþægilegt að láta sprauta bensíni eða dísilolíu í opin sár. Sennilega er þónokkur hætta á að það gerist ef keyrt er framan á jeppa með fulla brúsa, svo ekki sé talað um eldhættuna því bensín í brúsa sem springur lekur ekki bara niður heldur verður úr þessu hið ágætasta ský sem fuðrar mjög vel.PS. Magnús Guðmundsson skrifar hér að ofan að Chevy Vega hafi átt í vandamálum vegna bensíntanka. Var það ekki Ford Pinto sem var innkallaður í stórum stíl vegna þess að tankurinn klemmdist milli afturstuðarans og hásingar?
Kv,
Lalli
Ég reyndi við þvottastöðina í Sóltúni fyrir uþb. tveimur árum á 38 tommu Patrol. Þeir jesúsuðu sig í bak og fyrir og bentu mér á þvottastöðina við Dalveginn (Guðmundur Tyrfingsson ef ég man rétt). Þangað fór ég með minn ágæta fjallabíl og þóttist heldur góður þegar hann small inn þar. Ég hefði betur sparað brosið þegar hann fór inn, því hann festist í risaburstanum og varð eigi þokað nema með talsverðu ofbeldi við litla hrifningu starfsmanna.
Síðan þá hef ég farið í Löður, vel klæddur og í stígvélum. Þar spara ég mér dýrmætan tíma (og pening) með því að skola sápuna af með bóninu svokallaða, en sleppa millistiginu sem er skolun. Samskonar fruss held ég og álíka kraftur á skolinu nema örlítið ,,bón" núna í staðin fyrir bara vatn. En þetta var nú útúrdúr
Heilbrigð sál í hreinum jeppa!Kv,
Lalli.
Ég reyndi við þvottastöðina í Sóltúni fyrir uþb. tveimur árum á 38 tommu Patrol. Þeir jesúsuðu sig í bak og fyrir og bentu mér á þvottastöðina við Dalveginn (Guðmundur Tyrfingsson ef ég man rétt). Þangað fór ég með minn ágæta fjallabíl og þóttist heldur góður þegar hann small inn þar. Ég hefði betur sparað brosið þegar hann fór inn, því hann festist í risaburstanum og varð eigi þokað nema með talsverðu ofbeldi við litla hrifningu starfsmanna.
Síðan þá hef ég farið í Löður, vel klæddur og í stígvélum. Þar spara ég mér dýrmætan tíma (og pening) með því að skola sápuna af með bóninu svokallaða, en sleppa millistiginu sem er skolun. Samskonar fruss held ég og álíka kraftur á skolinu nema örlítið ,,bón" núna í staðin fyrir bara vatn. En þetta var nú útúrdúr
Heilbrigð sál í hreinum jeppa!Kv,
Lalli.
Myndir sem settar eru stórar inn í albúmið virðast minnka að umfangi þegar þær eru mótteknar þar. Myndir mínar hingaðtil hafa allar verið í kringum 1-1,5 Mb, en þegar þær eru skoðaðar tekur ekki nema augnablik að hlaða þeim niður, m.ö.o, þær geymast ekki í fullum gæðum á 4×4 vefnum. Þess vegna spurði ég. Það myndi að sjálfsögðu ekki hvarfla að mér að setja stórar myndir inn ef við skoðun þyrfti að hlaða niður öllu hlassinu!
Er einhver sem raunverulega veit hversu mikið myndir minnka í meðförum á þessum vef. Það væri gaman að fá svör frá einhverjum sem vissi þetta.
Kv,
Lalli.
