Forum Replies Created
-
AuthorReplies
-
26.12.2013 at 12:06 #442452
Sælir
Ég sé ekki fyrir mér neinar breytingar á þessu því að sá sem dregur stjórnar ferðinni og hann má ekki gera það ábyrgðarlaust. Ég hef nefninlega lent í að þiggja drátt hjá manni sem gerði akkúrat það sem hann var beðinn um að gera alls ekki. Ég fór ekki fram á neitt frá honum enda hefði það verið ósanngjarnt af minni hálfu.
Það er ekkert sem bannar að draga númerslausann óskráðann bíl frá Reykjavík til Húsavíkur og þá er náttúrulega augljóst hver ber ábyrgðina og hvers trygging er í gildi. Það að draga bíl sem er skráður, skoðaður og tryggður er náttúrulega annar handleggur og sérstaklega þegar hann er dreginn úr festu. Spurning hvort það mætti gera það að sér ákvæði en þá verður til grátt svæði þar sem bílar eru dregnir langar vegalengdir út úr ófærð.
Trygging hvers bíls er þá í gildi og bílarnir myndu deila ábyrgðinni en spurning hvað gerist ef sá sem dregur gerir eitthvað sem hinn er ósáttur við t.d. dregur með lélegum spotta, járnlásum, kippir meira en hinn vill, eða hættir ekki þegar hinn dregni vill ekki meir. Þetta er allt saman til.
Ég held að þetta sé ekki svo einfalt og auðvelt fyrir löggjafarvaldið að benda á fagfólk í þessum viðburðum.
Kv Jón Garðar
21.12.2013 at 14:18 #442265Sælir
Mér finnst þessi breyting vera sú best heppnaða hingað til, vefurinn er miklu smekklegri en áður, það sem mestu máli skiptir er á forsíðunni s.s. spjallið, tilkynningar o.s.frv. Myndasafnið er skemmtilegt og hægt að gleyma sér í óratíma að detta á random myndaalbúm, bara gaman.
Auðvitað eru vankanar á þessu en þær gömlu voru ekkert fullkomnar heldur, það mætti vera innskráning á hverri spjallsíðu þannig að ef maður finnur póst sem mann langar að ybba gogg í smellir maður beint á þann en fer ekki á sérstaka síðu og svo á forsíðuna o.s.frv., það er flókið að finna myndaalbúm ákveðinna notenda s.s. ef mann langar að sjá albúm ferðafélaganna er dálítið flókið o.s.frv.
Hinsvegar hef ég séð að síðan virkar ekki í öllum tölvum t.d. er vinnutölva hjá mér hreint ekki að sjá þessa síðu almennilega. Hún kemur öll í röð niður og maður sér ekki glóru fyrir einhverri bakmynd. Google Crome opnar hana betur en þetta er eitthvað fyrir vefnefnd að kíkja á.
Jólakveðja, Jón Garðar
25.11.2013 at 20:40 #440161Sæll og takk.
Ég er að heiman núna svo að ég get ekki sagt þér týpunúmerið en þetta er rústfrír stál-kaffibrúsi. Gúggúl hjálpaði mér að átta mig á hvað vantar og núna er gerð mikil leit af þeim hlutum. Þá er kannski fyrsta spurning hvort það sé hægt að nálgast varahluti í þetta, brennarabollinn er brunnin í göt sem skiptir kannski ekki spöpum en væri gaman að fá í lag einhvern daginn.
Ég fékk hana úr oltinni toyotabifreið og hún hefur greinilega verið klippt frekar frjálslega úr og ég get ekki viðurkennt að ég átti mig nákvæmlega á því hvað af vírunum og boxunum tilheyrir rafkerfi toyotunnar. Spuringin væri hvort ein hverjar rafmagnsteikningar fyndust til að eiga auðveldara með tengingar. Svo eru bara svona praktísk atriði eins og hvort húsið á henni hitni mikið o.s.frv.
Kv Jón Garðar
P.s. ég pósta nafninu á henni þegar ég kem í sæluna fyrir austan aftur
23.11.2013 at 12:45 #439702Daginn
Ég keypti einhverja olíufýringu um daginn og er að baksa við að tengja hana núna en er hálfpartinn strand og vantar nokkur svör. Er ekki einhver hérna með svona græju hja sér?
Veit einhver hvar ég get fundið manual fyrir þetta, mig vantar einhverja fæðiolíudælu og eitthvað fleira í þeim dúr.
Kv Jón Garðar
22.09.2013 at 12:25 #379020Sælir
Hafiði velt því fyrir ykkur samt hvað það er skemmtileg tilhugsun að sami útlendingur kaupi sér ferð með 46″ trölli hinn svokallaða gullna hring og keyri svo Sprengisand á Yaris strax á eftir grunlausir að þeir séu að gera eitthvað vitlaust.
Kv Jón Garðar
P.s. þarna væri upplagt að setja skilti með textanum „min tire size 38“ „
06.05.2013 at 17:25 #765775Sælir
Auðvitað er þetta bara saumað saman og mjög ósennilegt að það sé eitthvað merkilegri saumavél heldur en er til á flestum heimilum nema að vera endingabetri.
Mikið held ég samt að mér myndi líða illa ef upp kæmi sú staða að þessi bíll lendir í árekstri og beltisviðgerðin heldur ekki. Ég er svolítið sammála Þóri að menn þurfa að hugsa sig tvisvar um áður en fiktað er við öryggisbúnað.
Kv Jón Garðar
05.04.2013 at 23:05 #764571Daginn
Maður á greinilega markt eftir ólært í sambandi við útreikning á tommum og metrum og ég held að það sé ástæða til að þakka Valda fyrir gríðarlega skemmtilega lesningum um þetta málefni.
En aftur í raunveruleikann, Benni talar um að Landsbjörgu finnist ekkert mál að taka við hniti í hvaða formati sem er og það er hárrétt en þar á bæ eins og annarsstaðar getur vandamálið legið í að vita ekki í hvaða formati talan er. Þar liggur hundurinn grafinn í kúnni. Þetta er s.s. vandamál sem menn hafa glímt við í gegnum tíðina að sumir nota sekúndur og aðrir þúsundastahluta úr mínútu en núna er vandamálið að enn aðrir nota gráður og hundraðshluta úr gráðu og þúsundastahluta úr hundraðshluta úr gráðu og ef þú fengir uppgefinn pungt =65°38 337 þá er orðinn gríðarlegur munur á um hvaða format er að ræða. Nýjasta vandamálið er að GPS kerfi í GSM símum, sem flestir hafa, gefa pungtana upp í dd,dd,ddd en ekki dd.mm,mmm eins og flestir nota í dag. Þetta er fólkið sem hringir eftir aðstoð grunlaust um hvar það er og les upp staðsetningartölur úr fínu lófatölvunni sinni án þess að hafa hugmynd um fyrir hvað þær standa.
Vandamálið er sumsé ekki tæknilegs eðlis heldur félagslegs, eða þannig.
Í dag eru göngumenn að byrja að nota UTC kerfið (minnir mig að heiti) og það er allt í lagi. Það gengur upp í metrakerfi og er sjálfsagt ágætt til síns brúks. Kallar á að þeir sem þurfa að fá upp gefna staðsetningu til að nálgast einhvern þarf að kunna skil á þessu og geta stillt tækið sitt eftir því formati sem pungturinn er gefinn upp í. En vandamálið verður alltaf að það sé hægt að ruglast á mörgum mismunandi formötum og jafnvel engin leið að lesa út hvort er verið að nota.
Svarið við þessu er einfalt (allavega þegar maður skrifar það) fræðsla.
Kv Jón Garðar
17.02.2013 at 19:00 #224949Sælir
Er að spöglera að pota milligír í Pattann minn og var að átta mig á að því fylgir töverð smíðavinna en hvernig hafa menn verið að gera þetta? Sá áðan bíl þar sem gírkassabitin hafði verið færður aftar og næsti biti þar fyrir aftan beygður aftar.
Ég spyr þarf að færa bitann eða dugar þetta eins og það er eða er betra að smíða annann bita aftar? Þar yfirhöfuð eitthvað að haf áhyggjur af þessu er ekki bara bitinn að bera örlítið meiri vikt svona? Hvernig hafa mann verið að gera þetta?
Kv Jón Garðar
23.12.2012 at 11:41 #761891Sælir,
Jökulsá á Fjöllum rennur undir tvær, ein yfir Iðu, þessi á Breiðamerkursandi, Ölfusá rennur undir eina og er svo ekki ein einhversstaðar fyrir norðan, við Vaglaskóg.
Kv Jón Garðar
02.12.2012 at 18:00 #761049Sæll
Bara bengsla hann saman s.s. opinn.
Kv Jón Garðar
01.10.2012 at 21:38 #758257Daginn
Þetta er kannski óþarfa áhyggjur hjá mér en ef ég skil þetta rétt er EU búið að innleiða reglugerð sem banna sölu dekkja sem eru ekki viðurkennd með gæðavottorði frá einhverjum gáfnaljósum í Þýskalandi og eiga að uppfylla kröfur um hina ýmsu hluti. Til að kóróna þetta falla nagladekk ekki undir þessa gæðaviðurkenningu og ég sé fyrir mér að amerísk dekk komi ekki til með að gera það heldur.
Ég fann þetta á vef bylgjunnar:
http://vefutvarp.visir.is/upptokur?itemid=13977menn kannski vita af þessu og kannski falla jeppadekk ágætlega undir þessa gæðaviðurkenningu, ég veit það ekki en ég vildi gjarnan fá viðbrögð ykkar við þessu hvort mönnum hugnist þetta.
Kv Jón Garðar
28.09.2012 at 21:09 #224503Daginn
Heyrði á bylgjunni áðan umræðu um reglugerð sem heimilar einungis innflutning á dekkjum sem hafa verið prófuð af einhverjum spejalistum í þýskalandi. Hefur einhver hér heyrt af þessu og velt fyrir sér með tilliti til að fæst jeppadekk yfir 33″ falla að þessum prófum, allavega miðað við að nagladekk falli ekki undir þessa reglugerð. Einhvernveginn sé ég fyrir mér endalok jeppamenningar á íslandi ef þetta er rétt og tekur gildi.
Kv Jón Garðar
28.07.2012 at 12:19 #756167Sælir
Í mínum huga þarf vönduð og góð síða sem ber út boðskap félagsins ekki að vera troðfull af spjalli félagsmanna. Hún þarf hinsvegar að sýna og kenna. Er t.d. á henni flipi sem ekki fer framhjá neinum sem styður markmið félagsins um utanvegaakstur? Ég finn hann ekki en hinsvegar fann ég þónokkra fræðslu um hvernig ég á að bera mig að á fjöllum.
Spjallið er ekki fræðsla í mínum huga. Fræðslan þarf að koma á síðuna sem vandað, yfirfarið efni eins og t.d. kemur upp undir flipanum "ferðast á fjöllum". Fleiri svona flipar með vönduðum pistlum held ég að myndi efla tilgang síðunnar.
Myndaalbúmið er ekki skemmtilegt, það eru nokkrir skemmtilegir fídusar t.d. hvernig við landsbyggðadeildarstrákarnir getum tagað okkur og skoðað þannig bara okkar deild. Gallarnir við þetta eru að þegar maður biður um nýjustu myndirnar er ekki hægt að halda taginu við s.s. égt get ekki beðið um nýjustu austurlandsdeildarmyndirnar. (pínu flókið að útskýra).
Mér finnst síðan ágæt og mér finnst engin ástæða til að rugla saman jeppaspjalli.is og f4x4.is, þetta er bara ekki sami hluturinn. jeppasjall.is er ekki félag heldur spjallrás eða spjallsíða. f4x4.is er síða hagsmunasamtaka og þarf í raun að vera vandaðari og innihalda vandaðari umfjöllun heldur en óháð spjallrás.
Það getur annað komið til heldur en spjall til að halda heimasíðu lifandi, ferðasögur, myndir og myndbönd, svo ég tali ekki um ef hægt væri að sulla þessu saman, auglýsingar, dagskrá, vefmyndavél yfir hlaðið á félagsheimili 4×4 til að sýna að það sé eitthvað í gangi o.s.frv. Það er af nógu að taka.
Kv Jón Garðar
P.s. fyrirgefið, flipinn umgengni við náttúruna gæti verið ágætis leið til að skilja markmið félagsins í umhverfismálum og utanvegaakstri.
16.07.2012 at 20:16 #223902Daginn
Aftasta sætaröðin í Patrol er bekkur svo að ef einn þarf að sitja þar er ekkert pláss eftir í skottinu. Ég var að velta fyrir mér hvort það sé nokkuð því til fyrirstöðu að finna laus sæti til að setja þarna í staðin, öryggisbeltin eru eins og þau voru og í raun er allur öryggisbúnaður upprunalegur. Sér einhver þessu eitthvað til foráttu og hvaða stólar gætu verið skástir í þetta?
Kv Jón Garðar
23.02.2012 at 23:28 #747515Sælir
Það var leiðinlegt Dúddi, endilega haltu okkur upplýstum um gang, færð og veður.
En hvernig er það annars, er einhver sem hefur hug á að renna innúr að kveldi föstudags? Sé fyrir mér að geta kynt til innúrferðar um kvöldmatarleytið á föstudag, er einhver sem ætlar þá?
Kv Jón Garðar
19.02.2012 at 18:00 #747497Sælir félagar
Það er smá möguleiki að það bætist einn með mér en hann verður þá bæði í leyfisleysi og banni, kemur í ljós í vikunni og þegar það er ljóst þá greiði ég fjárhæðina inn á reikning félagsins.
Kv Jón Garðar
18.02.2012 at 01:12 #747491Sælir
Ég hafði hugsað mér að mæta. Var reyndar rétt áðan að brjóta eitthvað í bílnum svo að ég kem þá sem viðhengi ef allt annað bregst, eða bara á Súbarú, sýnist færið komi alveg til með að bjóða upp á það.
Ég taldi 29 á listanum og ég myndi þá vera sá þrítugasti, eru menn orðnir smeykir um plássleysi? Gámafélagið sefur sjálfsagt allt úti í kytrunum sínum svo að það er nánast því að hver og einn hafi sér herbergi, nokkur ástæða til að óttast það að húsið yfirfyllist?
Kv Jón Garðar
13.01.2012 at 11:23 #222076
04.01.2012 at 22:01 #745697Sælir
Ég veit ekki hvaða veðurspár þið eruð að skoða því að þær sem ég hef skoðað eru hreint ekki svona glæsilegar. Getur verið að menn séu að skoða ársgamlar spár eða spá um 13. janúar?
Ég er ekki að segja að það geti ekki ræst úr veðrinu en mér þætti gaman að sjá hvar þið finnið þessar spár.
Kv Jón Garðar
04.01.2012 at 20:22 #745693Sælir
Ég á frekar von á að kíkja með en ég veit ekki hvenær ég kemst af stað, ræðst á næstu dögum.
Kv Jón Garðar
-
AuthorReplies