Forum Replies Created
-
Replies
-
Ég er að velta fyrir mér að setja ZF gírkassa af DuraMax aftan á 6.2L Chevrolet vélina mína. Kúplingshúsið passar á vélina en spurningin er hvort þetta gengur saman við svinghjólið á 6.2L vélinni. GM notar DMF svinghjól (Dual Mass Flywheel) á Duramax, en það er í tvennu lagi og gæti verið fyrirferðarmeira en svinghjólið á 6.2.
Er einhver með svinghjól af Duramax sem hægt væri að fá að skoða.
Upplýsingar væru vel þegnar.
Hjalti (sími 8922950)
Ég er að velta fyrir mér að setja ZF gírkassa af DuraMax aftan á 6.2L Chevrolet vélina mína. Kúplingshúsið passar á vélina en spurningin er hvort þetta gengur saman við svinghjólið á 6.2L vélinni. GM notar DMF svinghjól (Dual Mass Flywheel) á Duramax, en það er í tvennu lagi og gæti verið fyrirferðarmeira en svinghjólið á 6.2.
Er einhver með svinghjól af Duramax sem hægt væri að fá að skoða.
Upplýsingar væru vel þegnar.Hjalti (sími 8922950)
Þú getur líka athugað þetta hjá Raför Sundaborg 1
sími 5523424.
Þeir seldu og þjónustuðu Storno hér áður fyrr.Kv. Hjalti
Þetta er athyglisverð og þörf umræða sem hér er í gangi. Mér virðist sem svo að margir félagsmenn séu ágætlega tryggðir en búast samt ekki við miklu af tryggingafélaginu sínu. Er það kannski svo að þorri bíleigenda hefur farið halloka í viðskiptum við tryggingafélög.
Ég styð það að stjórn Ferðaklúbbsins láti þessi mál til sín taka og fái fulltrúa tryggingafélaganna á almennan félgsfund til að skýra þessi mál, þ.e stöðu bíleigenda í óhöppum utan vega sem og það hvernig ökutæki sem eru mikils virði fyrir eigendur sína en ekki eins mikils virði í augum tryggingafélaganna eru metin. Hvaða leiðir eru þá færar til að þeir sem hlut eiga að máli geti keypt kaskótryggingu á bíla sína og séu sáttir við málalok lendi þeir í umferðaróhappi hvor sem er á vegi eða utan vega.
Það er jafnframt alveg nauðsynlegt að finna út úr stöðu okkar jeppamanna varðandi ferðalög í Vatnajökulsþjóðgarðinum og Snæfellsjökulsþjóðgarðinum eins og Lella bendir á.
Kveðja Hjalti
Ég er einn þeirra sem á jeppa til að ferðast á að sumri og vetri. Þetta er frekar gamall Chevrolet jeppi, 26 ára núna, en í mjög góðu standi, ekinn innan við 100.000 kn frá upphafi. Hann var tekinn í smá skveringu fyrir tæpum 2 árum, sem kostaði langleiðina í eina milljón. Málaður að innan og utan, o.fl o.fl. Þar við bætist breytingar og grunnverð. Eftir lagfæringarnar fór ég með hann til míns tryggingafélags (VÍS) til skoðunar þar sem að ég vildi kaskótryggja bílinn. Í stuttu máli varð niðurstaðan þessi: Ég gat keypt kaskótryggingu á bílinn EN, ef eitthvað kæmi fyrir og bíllinn væri dæmdur ónýtur þá myndu þeir borga gangverð fyrir hann.
Gangverð fyrir þennan bíl er ekki til. Mitt tjón væri hins vegar það sem að ég þyrfti að borga fyrir bíl sambærilegu ástandi sem leysti hinn af hólmi. Kannski á bilinu 2- 2,5 millj. Ekki gat ég fengið þá til að meta hann á ca. 2,5 millj, ég borgaði af honum í samræmi við það og bíllinn væri líka verðlagður á sama hátt kæmi til tjóns. Þeir sögðu reyndar að ég gæti prófað að láta meta hann á bílasölu og þá myndu þeir hugsanlega taka tillit til þess. Ef ég lendi í altjóni. verð ég þá að sætta mig við 3-400.000 greiðslu fyrir bílinn eða get ég krafist þess að tryggingafélagið geri við bílinn – kannski 2-3 milljóna viðgerð?
Þetta er reyndar sama staðan og ef ég lendi í umferðaróhappi í umferðinni og er í rétti, ég fengi ekki nema brot af raunvirði bílsins míns en vonandi mun aldrei reyna á þetta.
Ef ég fengi aðeins „gangverð“ fyrir bílinn þá væri tryggingafélagið í raun að ákveða að ég myndi hætta að ferðast um hálendið á þann hátt sem ég hef valið mér.Ég er ekki sá eini sem stend í þessum sporum, það er til fullt af gömlum glæsilegum jeppum sem erfitt er að verðmeta. Það er kannski frekar hægt að finna gangverð á 15 ára gömlum Patrol eða Toyota en á 26 ára gömlum Chevrolet. Hafa menn eithvað til málanna að leggja, standa í sömu sporum eða jafnvel lent í svona veseni ?
Kveðja
Hjalti R-14
Gangi ykkur vel.
Hjalti R-14
This is a response to the „Christian Evironmentalist“
that ask the question, what would Jesus drive?I believe Jesus would have driven a diesel Suburban for the size and economy. He certainly would not have driven a tiny, solar powered anything. Remember, Jesus was a carpenter; he would need to carry his tools and supplies. When he took out the third seat and folded the second seat he would have a little over 8’x 4′ of cargo space. He also had the 12 Disciples to haul around so he would actually have 2 Suburbans. He could carry 16-18 people and still have cargo room for their gear. You can bet it would be 4×4, because they went to many out of the way places. For the environmentalist to say Jesus would have driven a battery powered matchbox just means they don’t have a real good idea of what he did for a living or the idea of Jesus in a manly full size SUV goes against their cause. I believe Jesus is our savior and was a man of action while on earth, therefore a full size SUV would have been a perfect fit, you decide.
DavidJólakveðja
Hjalti
Takk fyrir þetta Ofsi. búinn að kjósa.
Sem einn af stofnendum, og stjórnarmaður til nokkurra ára o.fl þá finnst mér þessi baráttumál vera hornsteinninn í starfinu hjá okkur.
Ég hefði viljað geta merkt við þrjá efstu liðina.
Takk fyrir skjót viðbrögð.Hjalti R-14
Hér á forsíðunni okkar má nú sjá könnun þar sem félagsmenn eru spurðir hvers vegna þeir hafi gengið í Ferðaklúbbinn 4×4. Gefnir eru upp nokkrir valmöguleikar. svo sem afslættir, fundir, skálar o.fl.
Ég sakna þess að sjá ekki á þessum lista lið sem gæti verið hagsmunamálin eða málefni. Þar á ég við þann grundvöll sem klúbburinn byggir á, þ.e. baráttuna fyrir því að mega aka á breyttum jeppum og að mega aka um hálendið. Fyrir tilstill ferðaklúbbsins er okkur kleift að aka löglega á breyttu jeppunum okkar. Einnig hefur klúbburinn staðið vörð um ferðafrelsi á landinu en á því sviði hefur hvað harðast verið sótt að okkur í gegn um árin.
Ég tel að þessi vinna Ferðaklúbbsins hafi skapað hundruðum manna atvinnu bæði við breytingar á jeppum og í ferðaþjónustu og stórlækkað kostnað við rannsóknir á hálendi og jöklum.
Það hefur oft verið sótt hart að okkur jeppamönnum og Ferðaklúbburinn 4×4 er okkar málsvari.
Ferðaklúbburinn þarf að halda vöku sinni á þessu sviði.
Kveðja
Hjalti
Flakið af Suburbaninum var á tímabili hjá
Bílaverkstæði Guðvarðar og Kjartans í Mosó.Svo getur þú skoðað þessa síðu og keypt það sem þig vantar.
Hjalti
Ég er í sömu sporum og JÞJ, hef ekki fengið Setrið.
Ég vonast eftir að ritnefndin sjái sér fært að senda mér , sem og öðrum sem Setursins sakna, eitt eintak.
Kv
hjalti
Þakka þér Hlynur, það er gaman að heyra að þið hafið gaman af að kíkja á þetta.
Þetta hvetur mann til að grafa meira í gömlu myndunum og kannski þeim yngri líka, af nógu er að taka.Jónas, þú nærð mér í síma 8922950
Hjalti R-14
Þessi samantekt er skemmtilegt framtak hjá þér Skúli. Mér finnst svona fróðleikur verðskulda betri stað en vefspjall á vef okkar jeppmanna.
Ég legg til að á vefnum verði svæði fyrir svona lagað þannig að þetta sé ekki týnt eftir nokkra daga.Hjalti
R-14
Drög að REGLUGERÐ um takmarkanir á umferð í náttúru Íslands.
1. gr.
Markmið.
Markmið reglugerðar þessarar er að stuðla að samskiptum manns og umhverfis þannig að hvorki spillist líf né land. Jafnframt að umgengni um náttúruna sé með þeim hætti að ekki hljótist af náttúruspjöll.2. gr.
Gildissvið.
Reglugerð þessi gildir á landinu öllu hvort sem er á eignarlandi, þjóðlendu eða afrétti. Á friðlýstum svæðum geta gilt sérákvæði um takmörkun á umferð umfram það sem segir í reglugerð þessari.3. gr.
Skilgreiningar.
Merking hugtaka í reglugerð þessari er sem hér segir:Afréttur: Landsvæði utan byggðar sem að staðaldri hefur verið notað til sumarbeitar fyrir búfé.
Búsvæði: Staðir eða svæði þar sem tegund getur þrifist.
Björgunarstörf: Öll störf sem miða að því að bjarga fólki úr háska eða að tryggja almannaheill með því að bjarga mannvirkjum eða öðrum verðmætum vegna náttúruhamfara, eldsvoða eða annarrar vár.
Eignarland: Landsvæði sem er háð einkaeignarrétti þannig að eigandi landsins fer með öll venjuleg eignarráð þess innan þeirra marka sem lög segja til um á hverjum tíma.
Landmælingar: Söfnun og úrvinnsla nauðsynlegra staðfræðilegra og landfræðilegra upplýsinga er hafa gildi fyrir landmælingar og kortagerð.
Línulagnir, vegalagnir og lagning annarra veitukerfa: Lagning og viðhald vega, lína og lagna svo sem raflína, ljósleiðara, hitaveitulagna, vatnslagna eða annarra veitukerfa sem hafa fengið leyfi stjórnvalda samkvæmt lögum.
Náttúruspjöll: Spjöll á gróðri, jarðvegi, jarðmyndunum og landslagi hvort sem um varanlegan eða tímabundinn skaða er að ræða. Myndun slóða og hjólfara hvort sem er á grónu landi, þar með töldu mosavöxnu landi, eða ógrónu svo sem melum og söndum.
Rannsóknir: Lögbundnar og aðrar rannsóknir sem eru í samræmi við leyfi stjórnvalda samkvæmt lögum.
Vegur: Varanlegur vegur, gata, götuslóði, stígur, húsasund, brú, torg, bifreiðastæði eða þess háttar, sem notað er að staðaldri til umferðar.Vélknúið ökutæki: Ökutæki búið aflvél til að knýja það áfram,á hjólum, beltum, völtum, meiðum eða öðru, sem ætlað er til aksturs á landi og eigi rennur á spori.
Þjóðlenda: Landsvæði utan eignarlanda þó að einstaklingar eða lögaðilar kunni að eiga þar takmörkuð eignarréttindi.
Náttúruminjar: Náttúruverndarsvæði, lífverur, búsvæði þeirra, vistgerðir og vistkerfi sem eru á náttúruminjaskrá.
Náttúruverndarsvæði: Friðlýst svæði, þ.e. þjóðgarðar, friðlönd, fólkvangar, og náttúruvætti, önnur svæði og náttúrumyndanir sem eru á náttúruminjaskrá. Afmörkuð svæði á landi og sjó sem njóta verndar samkvæmt öðrum lögum vegna náttúru eða landslags.
4. gr.
Akstur utan vega.
Bannað er að aka vélknúnum ökutækjum utan vega í náttúru Íslands. Heimilt þó að aka vélknúnum ökutækjum á jöklum og snævi þakinni og frosinni jörð. Jörð telst snævi þakin ef snjólag er 50 cm. þykkt eða meira.
Við akstur vegna starfa við landbúnað er heimilt að aka utan vega á ræktuðu landi og landi sem sérstaklega er skipulagt sem landbúnaðarland ef ekki hljótast af því náttúruspjöll.5. gr
Akstur utan vega vegna tiltekinna starfa.
Þrátt fyrir ákvæði 4. gr. er heimilt ef nauðsyn krefur að aka vélknúnum ökutækjum utan vega vegna starfa við línulagnir, vegalagnir og lagningu annarra veitukerfa, björgunarstörf, rannsóknir, landmælingar og landbúnað enda sé ekki unnt að framkvæma viðkomandi störf á annan hátt. Sérstök aðgát skal viðhöfð við aksturinn þannig að ekki hljótist af náttúruspjöll. Hafa skal fullnægjandi útbúnað til slíks aksturs. Við framkvæmdir og þess háttar athafnir skal leita leiða til að flytja efni og annað sem til þarf á þann hátt að ekki sé þörf á akstri utan vega, svo sem flutning á snjó.6. gr.
Umferð ríðandi manna og rekstur hrossa.
Þegar farið er ríðandi um landið skal fylgt skipulögðum reiðstígum eins og kostur er. Á ferð um hálendi og önnur lítt gróin svæði skulu menn hafa tiltækt nægilegt aðflutt fóður fyrir hross sín. Heimilt er mönnum, að fengnu leyfi eiganda eða rétthafa eignarlands þegar við á, að slá upp aðhöldum eða næturhólfum, enda valdi það ekki náttúruspjöllum. Á hálendi skal þeim valinn staður á ógrónu landi sé þess kostur. Þar sem svo háttar til skal haft samráð við landverði eða umsjónaraðila á staðnum um leiðarval og áningarstaði þegar farið er um eða dvalist á náttúruverndarsvæðum. Þegar farið er eftir gömlum þjóðleiðum þar sem þær eru markaðar í landið skal ávallt fara með hross í lest eða mest hafa tvö hross til reiðar. Bannað er að reka hrossastóð yfir gróið land þannig að náttúruspjöll hljótist af eða hætta skapist á náttúruspjöllum.7. gr
Umferð hjólandi manna.
Þegar farið er á reiðhjólum um landið skal fylgja vegum og skipulögðum reiðhjólastígum eins og kostur er svo ekki hljótist af náttúruspjöll eða hætta skapist á þeim.8. gr
Takmörkun umferðar og lokun svæða.
Umhverfisstofnun getur í verndarskyni takmarkað umferð tímabundið eða lokað svæðum í óbyggðum enda hafi stofnunin að jafnaði gert grein fyrir fyrirhugaðri lokun í skýrslu til umhverfisráðherra. Slíkar reglur skal umhverfisráðherra staðfesta og birta í Stjórnartíðindum.9. gr.
Viðurlög.
Brot gegn reglugerð þessari varða sektum eða fangelsi allt að tveimur árum.10. gr.
Gildistaka.
Reglugerð þessi er sett samkvæmt heimild í 16., 17., 19. og 32. gr. laga nr. 44/1999 um náttúrvernd. Reglugerð þessi öðlast þegar gildi. Frá sama tíma fellur úr gildi reglugerð nr. 619/1998 um akstur í óbyggðum.Umhverfisráðuneytinu, 19. apríl 2005.
Drög
Ég undirritaður félagi í Ferðaklúbbnum 4×4 mótmæli harðlega 50 sm ákvæði í 4 grein í Drögum að reglugerð um takmarkanir á umferð í náttúru Íslands.Ofurbann líkt og þetta hefur að mínu mati engan tilgang, þar sem þetta er með þeim hætti að ómögulegt er fyrir okkur þegnana að fara eftir þessu ákvæði og einnig tel ég ógerlegt fyrir yfirvöld að framfylgja þessu ákvæði. Ákvæðið ætti að falla burt. Náttúruspjöll eru bönnuð með lögum og þau lög duga til þess að vernda náttúruna okkar. Frosin snævi þakin jörð er ágætlega varin fyrir umferð, 5 sm eða 50 sm snjólag , skiptir ekki öllu máli. Það er hugarfar og umgengni þeirra sem um landið fara sem skiptir mestu.
Ég tel að Umhverfisráðuneytið ætti frekar að styðja veglega við áratugabaráttu Ferðaklúbbsins 4×4 við að bæta umgengni og virðingu fyrir landinu heldur en að búa til ómögulegar reglur.Þ. Hjalti Magnússon, R-14
Allar þessar upplýsingar er að finna í bæklingnum sem fylgir diskunum. Þetta er á bls. 10 í bæklingnum yfir Íslandskortin og á bls. 14 í bókinni með Altlaskortunum.
Kv Hjalti
Ég er með Suburban árg. 1980, breyttan fyrir 44".
Hann er með ca 7,5 sm hækkun á fjöðrum en enga boddýhækkun.
Að framan eru fjaðrir sem lyfta upp um ca 7,5 sm og svo var aftari fjaðrafestingunum að aftan snúið við til að fá hækkunina að aftan.
Við klipptum svo úr brettum. Það er nóg pláss fyrir stór dekk á þessu boddýi og að mínu mati er það mikill kostur að seppa við boddýhækkun.kv
Hjalti
Vitið þið um einhverja sem gera við leðuráklæði á bílsætum?
kv
hjalti
Það er verslun íAuðbrekkunni sem heitir Goddi sem selur alls kyns áklæði o.fl
kíkið á http://www.goddi.is
kv hjalti
Það er verslun íAuðbrekkunni sem heitir Goddi sem selur alls kyns áklæði o.fl
kíkið á http://www.goddi.is
kv hjalti
