Forum Replies Created
-
Replies
-
Sæll Glanni
Ég og mínir höfum notað mikið Þingvallaþjóðgarðinn, ég tel hann gott dæmi um þjóðgarð sem hefur heppnast, maður getur tjaldað og stundað veiðina og allir ánægðir.
Sælir félagar
Sama hér Ctrl F og nota Breytt bifreið.
[url=http://www.us.is/id/1140:3mjwe4j7][b:3mjwe4j7]Skoðunarhandbók[/b:3mjwe4j7][/url:3mjwe4j7]
Skúli ég þekki ekki dæmi en skoðunarmenn hafa tjáð mér að þessi dæmi séu til.
kv gundur
Sæll Óskar
Ef þú gerir Ctrl F í þessari reglugerð og skrifar Breytt bifreið þá koma upp margir punktar, einn á td. við um stýrisbúnað. Þú ættir að láta breytingaskoða.
[url=http://www.us.is/scripts/WebObjects.dll/US.woa/swdocument/1207/Regluger%C3%B0+um+ger%C3%B0+og+b%C3%BAna%C3%B0+%C3%B6kut%C3%A6kja+nr.+822_2004.pdf:2mtr3g60][b:2mtr3g60]Reglugerð um gerð og búnað ökutækja[/b:2mtr3g60][/url:2mtr3g60]
Í 19. tbl. Seturs voru greinar um fjarskipti fyrir ferðamenn. Þetta voru fróðlegar greinar og nauðsynlegt að fá slík skrif í þetta blað, stöku sinnum. Eftir lesturinn skaut í huga mé að nú muni einhver spyrja. Tvö kerfi í viðbót og til hvers? Ég er með CB og VHF talstöðvar í bílnum ásamt NMT síma. Í brjóstvasanum er svo GSM síminn minn og frúin með sinn síma. Til hvers Tetra og hvað hef ég að gera við gervihnattasíma ? Allt árið vinn ég við uppsetningu og viðhald fjarskiptatækja. Því fæ ég oft spurningar af þessu tagi. Þetta er aðeins hluti af þeim möguleikum sem við höfum í dag og köllum fjarskipti. Sem ferðamaður á Íslandi höfum við fyrrnefnda möguleika úr að velja. Nauðsynlegt er að kunna skil á kostum og göllum hvers fyrir sig. Stutt lýsing og samantekt frá sérfræðingum kemur sér því vel. Í spjalli við ritstjóra Setursins fæddist einmitt sú hugmynd að gagnlegt gæti verið að fá einfalda lýsingu á hvernig tækin eru uppbyggð, hvernig þau virka og helstu umgengnisreglur með notkun þeirra. Við vitum að margur maðurinn kann eingöngu það nauðsynlegasta til að geta notað sinn fjarskiptabúnað. Þar af leiðandi eru þeir sömu í vanda ef upp kemur eitthvað óvænt þar sem búnaðurinn gæti skipt máli ef kunnátta og þekking er fyrir hendi. Tökum sem dæmi. Hvað er talstöð og til hvers þurfum við endurvarpa? Hvað eru beinar rásir, öfugar rásir og endurvarpsrásir? Hvernig notum við öfuga rás eins og Rás 88 ? Hvers vegna er ekki hægt að vera með endurvarpa á CB? Hvers vegna er ekki hægt að hringja milli bíla þó græna ljósið vanti á NMT símann? Hvað er meint með að Tetra-kerfið sé talstöðva og símakerfi ? Svona mætti lengi halda áfram. Erfitt er að vera stuttorður um þetta efni þar sem við Íslendingar erum mjög vel tækjum búnir og gerum miklar kröfur til þeirra. Mér hefur reynst best þegar ég er að kenna á ný tæki að lýsa tækinu sjálfu og síðan möguleikum þess. Í nóvember hefti Seturs, 2002, var fjallað um VHF-kerfið. En til þess að grein mín nú og sú er kemur í næsta hefti verði heildstæðar þá verður ekki hjá því komist að endurtaka að hluta það sem þar var sagt, enda góð vísa aldrei of oft kveðin !
Hvað er talstöð? Talstöð samanstendur af viðtæki og sendi. Notandinn kveikir á stöðinni og viðtækið er strax tilbúið. Þegar talað er við annan mann í talstöð þá er ýtt á senditakkann á hljóðnemanum. Um leið verður viðtækið óvirkt. Síðan er senditakkanum sleppt og stöðin er þá aftur komin á hlustun. Aðeins einn getur talað í einu. Kallast þetta skiptital. Talstöðvar eru mismundandi og gjarnan kenndar við það tíðnisvið sem þær vinna á. Ekki er hægt að tala úr CB stöð í VHF stöð. Það er of langt á milli tíðnisviða þeirra. Leyfilegur sendistyrkur er einnig mismunandi. Til dæmis eru aðeins leyfð 4 wött á CB, 25 wött á VHF en 100 wött á gömlu Gufunes-stöðvunum. Langdrægni ræðst ekki alltaf af sendistyrk. Góð loftnet hafa mikið að segja. Nýting er einnig mismunandi eftir tíðni og utanaðkomandi aðstæðum. Með hækkandi tíðni (styttri bylgjulengd ) náum við lengra með minni orku, en erum að sama skapi háðari sjónlínu milli stöðva. Svokallaðar lofttruflanir eru oft mjög miklar á lægri tíðnum. Eftir að við erum komin upp fyrir 50 MHz verðum við ekki vör við þær. CB stöðvar eru á 27 MHz og því oft ónothæfar vegna truflana. VHF stöðvar eru hinsvegar á 160 MHz og þar af leiðandi lausar við þessar truflanir. Á því tíðnisviði erum við háðari sjónlínu. Með hjálp endurvarpa getum við margfaldað langdrægni þeirra.
Hvað er endurvarpi? Endurvarpi er tæki sem tekur á móti kalli frá talstöðinni og sendir áfram samtímis á annarri tíðni. Sérstakar rásir eru notaðar fyrir endurvarpa. Ekki er hægt að tala á þeim rásum beint milli stöðva nema með öfugri rás í annarri stöðinni (því verður lýst betur síðar). Flestir endurvarpar eru þannig útfærðir að í tvær til fjórar sekúndur heyrist suð í viðtæki stöðvarinnar eftir að sendingu líkur. þetta er gert til að auðvelda okkur að kanna hvort samband sé við endurvarpann. Það nægir að senda örstutt út án þess að tala. Ef viðtækið suðar aðeins á eftir erum við í sambandi. Endurvarpar eru yfirleitt staðsettir uppi á fjöllum eða háhýsum. Fjarlægð í endurvarpa hefur ekki svo mikið að segja. Við tölum auðveldlega í gegnum endurvarpa sem er í 50 til 100 km. sjónlínu frá okkur. Þrátt fyrir að endurvarpi sé notaður er um skiptital að ræða. Aðeins einn getur talað í einu. Hver endurvarpi hefur aðeins eina rás. Svæðið sem sending frá endurvarpanum dregur ræðst aðalega af staðsetningu frekar en sendistyrk. Sendistyrkur þeirra er frá 5 og upp í 25 wött.
Til hvers er endurvarpinn ? Já tökum smá dæmi: Bíll í Reykjavík nær eingöngu á beinni rás milli bíla innanbæjar og um næsta nágrenni. Í gegnum endurvarpann í Bláfjöllum nær hann auðveldlega í bíla allt austur á Hvolsvöll og inn að Sigöldu; ennig sunnanvert Snæfellsnes og hluta Borgarfjarðar. Ágætt samband er á Þingvöllum og inn á Lyngdalsheiði. Endurkast. Fjöll endurkasta bylgjum og oft er gott samband milli stöðva vegna þessa. Það gerist þó eingöngu á beinum rásum. Ef endurkast er frá klettum eða fjalli breytist það lítið ár frá ári. Snjór getur endurkastað og hverfur það að sjálfsögðu með honum. Eins og fyrr sagði tekur endurvarpi á móti einni tíðni og sendir á annarri. Ákveðið tíðnibil þarf að vera á milli þeirra til að sendir endurvarpans trufli ekki sitt eigið viðtæki. Talstöðin þarf því að senda t.d. á tíðninni 163 Mhz en hlusta á tíðnina 154 MHz. Það er 9.0 MHZ milli móttöku og sendingar. Endurvarpinn hlustar þá á 163 en sendir á 154 MHZ. Þar af leiðandi er ekki hægt að tala saman beint milli stöðva nema önnur þeirra sé með svokallaða öfuga rás.Hver er ástæðan fyrir því að við tölum um öfugar rásir ? Segjum t.d. að ferðahópur sémeð stöðvar sínar stilltar á Rás 44. Gott samband er við endurvarpa og allt í fínu lagi.Síðan fjarlægist hópurinn virknisvæði endurvarpans og rásin verður óvirk. Sá sem þarfað ná í næsta bíl stillir á Rás 88. Þá er hann farinn að senda á sömu tíðni og endurvarpinn.Ef ekki væru notaðar tvær tíðnir mundi viðtæki endurvarpans yfirkeyrast svipað og þegarhljóðnemi er of nálægt hátalara. Ekkert nema væl og ískur. Talstöðin er hinsvegar aðeins virk á annan veginn í einu eins og komið hefur fram áður. Þegar stöðvar eru stilltar á leitun eða Scann. Ef við erum innan sviðs endurvarpa (44) getur leitarinn stoppað á Rás 44 eða 88 eftir því hvar hann er staddur í rásaröðinni hverju sinni. Flestar VHF talstöðvar eru uppsettar þannig að leitari fer ekki af stað aftur fyrr en þremur til fimm sekúndum eftir að hann stoppaði. Þetta gefur viðkomandi möguleika á að ná hljóðnemanum og svara á sömu rás án þess að stoppa leitarann. Góð regla er að segja númer rásarinnar í fyrsta uppkalli. Þetta auðveldar þeim sem kallað er á að vita númer rásarinnar ef hann hefur ekki átt þess kost að ná hljóðnemanum eða að sjá á skjá stöðvarinnar. Dæmi: 9999, Jói Brands. 2245 kallar á Rás 44. Notið endurvarpsrásirnar til að kalla í þann næsta og senda stutt skilaboð. Færið ykkur síðan á beinu rásirnar ef þess er nokkur kostur fyrir lengri samtöl. Það kostar ekkert að tala milli VHF talstöðva eða í gegnum endurvarpa klúbbsins. Aðeins þarf að borga stofngjald við skráningu stöðvarinnar og smá upphæð einu sinni á ári til Póst og Fjarskiptastofnunar, óháð notkun. Enginn endurvarpi 4×4 er tengdur fastlínukerfi. Þeir eru allir sjálfstæðir og vinna því ekki saman. Þar af leiðandi er ekki hægt að senda frá einum endurvarpa til annars. Rásum er skipt þannig að þeir nái sem minnst inn á svæði hvers annars. Á einstaka stað gerist það þó. Annar aðilinn getur lent í að senda um tvo endurvarpa, en hinn aðeins einn. Það hefur engin áhrif á þeirra samtal. Mjög sjaldgæft er að báðir lendi á tveimur endurvörpum á sömu rás samtímis. Flestir endurvarpar Ferðaklúbbsins 4×4 og björgunarsveitanna nota eingöngu rafmagn frá rafgeymum hlöðnum af sólinni. Eykur það öryggi kerfisins að vera óháðir veiturafmagni og raflínum. Á síðastliðnu ári hófst samvinna með Ferðaklúbbnum 4×4, Ferðafélagi Íslands, Landssambandi Vélsleðamanna (LÍF) og björgunarsveitunum. Niðurstaðan var að nota endurvarpsrásir 4×4 og bæta við einni nýrri; Rás 42. Settir voru upp endurvarpar á Háskerðingi (Rás 46) og á Reykjafjall við Hrafntinnusker (Rás 42). Innan skamms mun einn endurvarpi bætast í keðjuna. Hann verður settur upp á Náttmálafjall sem er milli Borgafjarðar Eystri og Húsavíkur. Sá verður á Rás 46. Enginn endurvarpa Ferðaklúbbsins 4×4 er vaktaður af opinberum aðilum eða vaktþjónustu enn sem komið er. Reyndar er á örfáum stöðum á landinu opin hlustun að einhverju leyti á VHF rásum björgunarsveitanna ásamt rásum 4×4. Það er því orðið talsvert meira öryggi að vera með VHF talstöð fremur en CB stöð. Engin vöktuð Neyðarrás er fyrir ferðamenn á VHF, eins og Rás 16 er fyrir sjómenn. Eftir því sem stöðvum og endurvörpum fjölgar verða fleiri sem hlusta og öryggið eykst að því leyti. Ýmsir möguleikar með samtengingu við önnur kerfi hafa verið þróaðir nú í seinni tíð svo sem tenging við Tetra kerfið. Við það opnast ódýr leið til að koma hlustvörslu á einn stað fyrir fleiri en einn endurvarpa. Fram að þessu hefði það eingöngu verið hægt með tengingu við símalínur. Leiga á löngum línum er mjög dýr og því er sá kostur ekki fyrir hendi fyrir áhugamannafélög. Vonandi verður eitthvað gert í þessum málum sem fyrst. Björgunarsveitir hafa frá upphafi verið með eina af sínum beinu rásum, Rás 5, ætlaða sem sameiginlega rás fyrir samstarfsaðila, svo sem lögreglu, slökkvilið, Landhelgisgæsluna og fl. Þyrlur Gæslunnar eru nokkurskonar fljúgandi sjúkrabílar. Rás 5 er notuð sem vinnurás ef björgunarmenn eru við slysstað og þyrla send til þeirra. Einnig hefur lögreglu verið bent á að nota þá rás ef þeir bíða eftir þyrlu við slíkar aðstæður. Nauðsynlegt er að það sé á hreinu hvaða rás sé ætluð í tilvikum sem þessum. Rás 45 er almenn rás fyrir alla. Hvorki almenningur né félagar í F4x4 hafa leyfi
fyrir Rás 5 nema þeir séu skráðir meðlimir í björgunarsveit. Áður en Ferðaklúbburinn 4×4 fékk úthlutaðri sinni fyrstu rás var búið að úthluta einni rás fyrir almenning á VHF og fékk hún númerið 45. Tíðni hennar er 153.100 MHz. Heimilt er því hverjum sem er að hafa þessa rás án þess að vera bundinn félagsskap. Þegar 4x4fór af stað með VHF stöðvar fékk fyrsta rásin að sjálfsögðu númerið 44. Síðan hefur rásum fjölgað upp í Nr. 54. Mér dettur í hug að Rás 45 verði notuð á sama hátt og Rás 5 ef ólíkir aðilar þurfa að sameinast undir einhverjum kringumstæðum. Björgunarsveitir hafa verið að setja endurvarpsrásir 4×4 í sínar talstöðvar ásamt Rás 45. Þetta gæti því orðið sú rás sem við notum við slíkar aðstæður. Rás 5 er þá frekar notuð við sérverkefni björgunarsveitanna. Allt svona þarf aðdraganda og mikla kynningu. Ég vil taka það skýrt fram að ég er ekki að tala um Neyðarrás; aðeins sameiginlega vinnurás á afmörkuðu svæði. Við yrðum að senda neyðarköll í gegnum endurvarpa til að tryggja langdrægnina. Ef við erum í neyð og enginn endurvarpi er til staðar þá köllum við að sjálfsögðu á öðrum rásum, frekar en gefast upp. Ný tækifæri í fjarskiptum hafa ekki dregið úr notkun VHF talstöðva. Þeim fjölgar fremur en hitt um allan heim, og verðið lækkar þrátt fyrir vandaðri og fullkomnari tæki. Með samtengingu við önnur kerfi verður auðveldara að þjóna fleiri og ólíkari notendahópum. Þjónustusvæðið stækkar og þarfir fleiri leysast á ódýran hátt. VHF talstöðin á því langa framtíð fyrir höndum. Ekki er hægt að vera með endurvarpa á CB tíðnisviðinu; tíðnibilið er of lítið. Stutt er þar milli Rása; aðeins eru 0.25 MHz milli Rásar 1 og 40. Mér er ekki kunnugt um að CB talstöð sé framleidd með þeim möguleika að víxla sendi og móttökutíðni á sömu rásinni. Truflanir á CB tíðnisviðinu hafa aukist ár frá ári og kemur þar ýmislegt til. Notkun þeirra fer því minnkandi, nema til þess að brúa stuttar vegalengdir. CB stöðvar eru ódýrar og algjörlega gjaldfríar. Ekki er lengur farið fram á að þær séu skráðar. Í fjarskiptalögum eru þær skilgreindar sem leikföng. Framleiðendum fækkar og úrvalið minnkar. Að mínu mati er þetta fjarskiptatæki sem brátt mun hverfa, líkt og gömlu Gufunestalstöðvarnar. Í næsta hefti verður fjallað um farsímann og Tetra.
Mikil bylting átti sér stað þegar Markoni sendi fyrsta þráðlausa skeytið árið 1895. Talstöðvar í fjallabíla Íslendinga fóru að verða algengar eftir árið 1960.
Eitt af stóru skrefunum í okkar fjarskiptamálum seinni tíma er Farsíminn.
Hver er svo munurinn á farsíma og talstöð ?
Farsíminn samanstendur af viðtæki og sendi eins og talstöðin. Munurinn er að samtímis eru báðir hlutar virkir í einu sem gerir okkur kleift að hlusta á hinn aðilann og tala við hann án þess að ýta á neinn sendihnapp. Ekkert skiptital. Þetta kallast samtímatal dublex. Í símanum er búnaður umfram talstöðina sem gerir hann sjálfstæðan, ef svo mætti að orði komast. Síminn okkar hefur sitt númer og ansar ekki öðru. Hann tekur á móti og sendir ákveðna merkjakóða frá sér. Þegar ýtt er á takkaborðið og númer valið breytist hver tala í ákveðinn tón. Símstöðin skynjar síðan tónana og meðhöndlar þá sem
númer. Þegar hringt er í farsímann er númer hans sent út í loftið. Aukabúnaður símans lætur okkur vita með tón eða hringingu. Þetta er megin munurinn á farsíma og talstöð. Tveir farsímar geta ekki talað beint sín í milli eins og talstöðvar. Við erum alltaf háð því að sending frá símanum fari fyrst í gegnum símstöð. Þó við værum nálægt sama endurvarpssendi fara boðin alltaf fyrst inn í símstöðina.
Tökum dæmi:
Ef ég væri t.d. staddur á Egilsstöðum og þyrfti að ná í bílinn fyrir framan mig, vel ég númerið hans. Styð síðan á senditakkann sem merktur er fyrir úthringingu. Sendingin fer frá mínum síma inn í næsta endurvarpa farsímakerfisins. Þaðan fer merkið til Reykjavíkur eftir símalínum. Í farsímastöðinni í Reykjavík er búnaður sem skráir mitt númer og þess sem ég ætla að hringa í. Þar fer einnig í gang tímamæling. Númer hins símans er sent aftur til baka til Egilstaða. Endurvarpinn á Egilsstöðum sendir það síðan út í loftið og símatækið í hinum bílnum hringir. Samtalið fer fram á þennan hátt. Rödd mín fer fyrst suður og kemur aftur austu. Þannig er það á báða vegu í grófum dráttum. Farsímakerfin samanstanda af þéttu neti senda og viðtækja um landið. Í Reykjavík eru enn sem komið er miðstöðvar NMT og GSM farsímakerfanna. Samskipti símanna fara því þessa löngu leið, fram og til baka. Allt gerist þetta á ljóshraðanum, 300.000 Km á sek. Við verðum því lítið vör við tímalengdina. Á styrkmæli eða ljósi á símanum sjáum við hvort samband er við kerfið. Án okkar vitundar er síminn ávallt í sambandi við sterkasta lausa sendinn á svæðinu. Smellurinn sem við heyrum í NMT símanum kemur þegar kerfið er að tengja okkur við annan sendi. Við heyrum þetta ekki í GSM símanum. Farsímar eru á tíðnisviði sem háð er sjónlínu. Þar af leiðandi getum við lent utan sviðsins í lægðum eða þröngum dölum eins og flestir þekkja. Eina leiðin í þeim tilfellum er að fara upp á hæð eða opin svæði. Af framansögðu getur sími aldrei komið í stað talstöðvar með beint samband milli tækjanna. Það kostar mikið að reka og viðhalda endurvarpskerfi og flóknum búnaði símstöðva. Þar sem fjöll eru mörg er illmögulegt að ná fullkominni dekkun yfir allt landið. Endurvarpar símakerfa eru straumfrekir og því háðir veiturafmagni eða ljósavélum. Sólarsellur duga ekki til að reka senda og þann búnað sem með þarf. Við verðum því að nota önnur fjarskiptatæki þegar síminn er, utan þjónustusvæðis. Langdrægni NMT senda er mikil. Ef um sjónlínu er að ræða er það svipað og með VHF talstöð. Gott samband getur verið í ríflega hundrað kílómetra fjarlægð frá næsta sendi. GSM sendum er hinsvegar skömmtuð ákveðin vegalengd. Það eru rúmir 30 Km. Stafar það af tæknilegum ástæðum sem ég ætla ekki að fara náið í að sinni. Sendar GSM kerfisins verða því að vera miklu fleiri en NMT til að ná sömu dekkun, enda er það kerfi hannað fyrir þéttbýli. GSM mun því ekki koma í stað NMT á hálendinu. Reyndar er komið á tvo staði langdrægari GSM sendar. Á Gagnheiði og í Vestmannaeyjum. Þeir draga um 80 Km. Við langdrægnina minnkar flutningsgeta þeirra um helming. Þeir verða því aldrei margir á landinu. Erlendis fer NMT kerfunum fækkandi. Ein af ástæðunum eru fáar rásir á marga notendur. Á okkar landi getum við notað sömu rásirnar mjög þétt án þess að það trufli. Okkur liggur því ekkert á að hætta rekstri kerfisins hvað það varðar. Bæði sendar og farsímar hafa reynst ótrúlega vel. Kerfið sem slíkt er í góðu ástandi og vel við haldið. Eina vandamálið sem við sjáum fyrir er að 60 til 70 % farsímanna eru jafnvel frá fyrstu árunum kerfisins. Yfir 10 ára gamlir. Vegna minnkandi eftirspurnar hefur framleiðslu verið hætt að mestu leiti og erfitt að fá ný tæki. Notkun NMT hefur einnig eitthvað minnkað með tilkomu GSM símans hér á landi. Ég held að það sé hverjum manni ljóst að NMT kerfið verði ekki rekið mörg ár í viðbót nema einhver taki upp á því að framleiða ódýra síma handa okkur. Þá værum við í góðum málum.
Hvað tekur þá við ? Gervihnattarsími ?
Símaþjónusta um gervihnetti er ný tækni sem er að sjá dagsins ljós. Gjaldskráin er því of há fyrir okkur til að byrja með. Ég held við munum því ekki alveg á næstu árum spjalla um veðrið, líðan tengdamömmu eða síðustu Þórsmerkurferðina í gervihnattasíma. Bæði tækin sjálf og gjaldið er of dýrt. Síminn og fylgihlutir kosta um 200 þúsund. Áskrift er um 2000 á mánuði og hver mínúta yfir 100 kr. Við verðum því að halda okkur við jörðina nokkur ár enn. Væntanlega lækkar þessi kostnaður eins og annað þegar frá líður. Hvað er þá nærtækara í fjarskipta og símamálum fyrir okkur jeppamennina ?
Er það Tetra ?
Tetrakerfið er stafrænt fjarskiptakerfi, hliðstætt GSM, en þó á annan hátt. Langdrægni sendanna er 58 km. í stað 30 km. í GSM. Hvert tæki eða stöð hefur ákveðið númer eins og símar. Eigi að síður er hægt að nota Tetrastöð á sama hátt og venjulega talstöð. Rásir eru opnar svipað og með VHF stöðvar. Vegna þess að dreifikerfi Tetra er uppbyggt á svipaðan hátt og farsímakerfi geta menn talað saman á sömu rásinni hvar sem þeir eru staddir á landinu innan þjónustusvæði þess.
Ekki þarf að velja númer þess sem kallað er í, ef stillt er á almenna rás. Menn nota stöðina á sama hátt og venjulega talstöð. Það getur ótakmarkaður fjöldi notenda verið á sömu rásinni, en aðeins einn talað í einu. Allir aðrir á rásinni heyra þá samtalið. Þetta er skiptital og ýta þarf á senditakka á sama hátt og venjulegri talstöð.
Tetrakerfið er fyrst og fremst Talstöðvakerfi. Sérstaða þess er sú að þetta er miðlægt stafrænt kerfi. Öll samtöl fara í gegnum miðstöð, nokkurskonar símstöð. Þar af leiðandi er hægt að nota sama tækið sem farssíma, því miðstöðin er tengd almenna símakerfinu. Velja þarf aðeins 0 á undan
símanúmerinu. Eftir það gerast hlutirnir á sama hátt og ég lýsti í greininni um símana. Þetta virðist flókið, en er það alls ekki.
þegar samband er komið á virkar stöðin eins og sími. Ekki þarf að ýta á senditakkann frekar en í farsíma.
Í raun breytist Tetrastöðin sjálfkrafa í símtæki.
Eitt hefur Tetrakerfið fram yfir farsímakerfin. Tetra hefur forgangsrás. Ef ýtt er á rauða hnappinn sem er neyðarhnappur, sama hversu álagið væri mikið fær sendingin algjöran forgang. Þó allar rásir væru uppteknar. Það fer enginn tími í að velja númer því tenging er beint til neyðarþjónustu.
Kerfisstjóri getur einnig hindrað ónauðsynlega umferð í kerfinu til að koma viðbragðsaðilum að í neyðartilfellum. Velþekkt er að símakerfi geta yfirlestast ef eitthvað sérstakt er í gangi, eins og Evrovision eða söfnunarþættir í sjónvarpinu. Það gerist ekki í Tetra. Möguleiki er á allsherjar hópuppkalli þó stöðvar séu stilltar á mismunandi rásir í kerfinu. Gæti komið sér vel ef t.d. Neyðarlínan þyrfti að senda skilaboð í allar Tetrastöðvar hvar sem væri á landinu, með einu uppkalli.
Þar sem öll sambönd fara í gegnum miðstöð er hægt að einangra samtöl tveggja aðila, þó þeir séu á opinni rás án þess að aðrir heyri. Við veljum númer hinnar stöðvarinnar á sama hátt og gert er með síma. Þá er samtalið einangrað frá hópnum en hinir geta talað saman, allir í alla.
Hægt er að senda textaskilaboð sem eru skammstöfuð SDS og í raun sama og SMS í GSM símum. Stöðin getur sent GPS punta án þess að það truþi okkar venjulegu talstöðvasendingar.
Það er aðgerð sem stöðin gerir sjálfvirkt ef þess er óskað.
Lögreglan og nokkrir aðrir nota þennan möguleika nú þegar til að fylgjast með sínum faratækjum. Einnig getum við séð á netinu nokkra bíla sem hafa verið í tilraunum með þetta. Það eru bílar á vegum Tetra Ísland. Vefslóðin hefur verið á heimasíðu Tetra Ísland. Bíll undirritaðs hefur verið einn af þeim. Merktur RSH 2.
Tetrastöðvar eru með mynni eins og farsímar. Hægt er að setja inn fyrirfram ákveðinn skilaboð. T.d. Er kominn á áfangastað. Er í mat. Kominn heim og fr. fiessi skilaboð koma þá sjálfkrafa á skjá hinna stöðvanna í hópnum.
Nú spyr einhver ! Er hér komin lausnin ? Allt í einu tæki.
Farsími, talstöð, gagnasendir og fl.? Jú, það gæti hugsanlega komið að því, en örugglega ekki í sumar. Til að Tetrakerfið standist samkeppni við þau kerfi sem fyrir eru vantar upp undir 100 senda í viðbót við þá 60 sem eru í dag.
Öll fjarskiptatæki hafa kosti og galla.
Við sem ferðumst víða um landið höfum ekki gagn af Tetrakerfinu fyrr en það hefur náð landsdekkun á svipaðan hátt og NMT kerfið. Ef af því verður tekur Tetra væntanlega við af NMT. Ekki er vitað hvað Tetratækin koma til með að lækka mikið frá því sem nú er.
Ódýrasta Tetrastöðin kostar kr. 82.459
Síðan er ákveðið mánaðagjald og fyrir notkun svipað og í farsímum. Tetra Ísland bíður reyndar nokkra möguleika með gjaldið sem er mjög gott. Gjaldskráin er á heimasíðu þeirra, http://www.tetra.is
Ennþá eru þessi tæki í þróun og t.d. hafa rafhlöðunnar í handstöðvunum verulega styttri líftíma miðað við VHF talstöð og GSM síma. Einn aðalkostur svona miðlægs kerfis er eins og fyrr segir að engin landamæri er með sambönd milli stöðva hvar sem er á landinu, innan dreifingarsvæðis þess. Hitt er svo annað mál.
Í fyrsta lagi er Tetra kerfið línutengt við eina miðstöð á sama hátt og farsímakerfin. Við erum háð öryggi með línur, veiturafmagn og stórum mannvirkjum á fjöllum. Tetra hefur reyndar það framyfir farsíma að hægt er að vera með beinar rásir eins og í talstöð. Vandinn er samt sá að um leið og stillt er á beinu rásirnar verða kerfisrásirnar óvirkar. Leitari getur ekki leitað á hvorutveggja í einu. Beinu rásirnar eru mjög skammdrægar og ekkert endurvarp er fyrir þær. Sem öryggistæki getum við því ekki bent á þennan möguleika. Engin tilraun hefur verið gerð með Fjallatoppaendurvarpa fyrir Tetra hér á landi.
Mikil umsvif voru í Tetramálum hér fyrir tveim til þrem árum. Nú hefur frekar hægt á uppbyggingu um sinn. Við erum því betur sett með VHF stöð heldur en Tetra, enn sem komið er. Þróun fjarskiptatækninnar heldur áfram í Tetra sem öðru. Fjarskipti okkar í Ferðaklúbbnum 4×4 verða því í óbreyttum farveg áfram næstu misseri. Við höldum áfram að fjölga endurvörpum og notum gömlu símana á meðan þeir endast.
Í augnablikinu eru því fjarskipti Ferðafélaga í 4×4 óbreytt og önnur kerfi utan þjónustusvæðis
Sæll nafni
Tetrasíminn getur komið í staðinn fyrir gsm, nmt, vhf, cb, gps.
Reiknaðu nú.
Hægt er að fara í direkt mode á Tetrastöð og geta þá bílar td. Rottugengið talað saman þó þeir séu fyrir utan Tetrasvæðis á td. Vatnajökli.
ykkar gundur
Þetta fékk ég sent um daginn.
Verðskrá fyrir almenning er ekki tilbúin en verður á bilinu 850-900 kr á mánuði og er þá innifalið öll samskipti innan kerfisins. Símtöl út úr kerfinu eru samkvæmt gjaldskrá símafyrirtækjana. Notendabúnaður verður boðin með tvenskonar hætti, handstöðvar Motorola 850 verða á bilinu 45-55 þúsund og 7 þús fyrir GPS forritið. Bílstöðvar eru á bilinu 55þús (skipti á NMT) og allt að 120 þús fyrir flottustu stöðvarnar, sendi nánari upplýsingar seinnakv gundur
Sæll nafni
Ég er með lánsstöð en ég keypti tetra loftnet hjá Múlaradío á 4500 kr.
kv gundur
Sælir félagar
Ég er komin með Tetrastöð til að prófa.
Síminn er 641-2002Ég átti leið um Bláfjöll í gær og prófaði að kalla á Tækni 1 sem er kallhópur og mér var svarað af klettaklifrara sem var nýkominn upp á Skessuhorn.
kv gundur.com
Takk fyrir þetta Jóhannes
Þetta tók 9 mínútur sem er nýtt met hjá hjálparþjónustunni.
Ég hringdi í Sigga en hann er með verkstæði uppi í Mosó. Hann svaraði og var til í að skoða þetta mál.
Málið er komið í farvega, þakka veitta aðstoð.
ps. ef þið vitið um fleirri dekkjaverkstæði má vera á landinu öllu sem er til í þjóna okkur líka á sunnudögum þá setjið þið þær upplýsingar inn á þennan þráð.
kv gundur
Sælir félagar
Hjálparnetið fékk fyrirspurn og hvort eitthvað dekkjarverkstæði væri opið á sunnudögum á höfuðborgarsvæðinu?
fh. Hjálparsveitar
gundur.com
Sæll Einar, þetta er úr skoðunarhandbók skoðunarstöðva.
Hér er miðað við þvermálForsenda dóma Aðf. Sérm. Dæm. Br. ökut.
Hjólastærð breytt um >10% (vikmörk
1%)
Tilvísun í Stoðrit Skilgr. á dæmingum
Reglug. 6.1.1.1
6.1.1.3
Verklýs. ——-
Túlkun ——-
Uppl. 6.1.5.3
Breytt hjólastærð: Breyting frá upplýsingum framleiðanda eða skráðri stærð.
Reglugerð um gerð og búnað ökutækja nr. 915/2000, 01.203 Breytt bifreið:
Bifreið þar sem veigamiklum atriðum, svo sem stýrisbúnaði, hemlabúnaði, aflrás, hjólum,
grind og yfirbyggingu, hefur verið breytt frá upprunalegri útfærslu framleiðanda og sem
ekki eru til leiðbeiningar um frá framleiðanda.
Þvermál hjólbarða bifreiðategunda, upprunaleg stærð ásamt 10% þvermálsaukningu
Formúla til að reikna þvermál hjólbarða: B x H x 2 + Þf = Þh, B = breidd hjólbarða í
mm, H = hlutfall prófíls hjólbarða, Þf = þvermál felgu í mm, Þh = þvermál hjólbarða.
Dæmi: Hjólbarði 175/70R13: 175 x 0,7 x 2 + 13 x 25,4 = 575,2 mm, sjá 6.1.2.2.
Sælir félagar
Oft hefur svokölluð 10 prósent regla verið notuð hjá jeppamönnum og skoðunarmönnum varðandi hversu stór frávik megi vera þegar þú mætir til skoðunar á breyttum bíl.
Eitt af vandamálunum hefur verið, hvort um sé að ræða þvermál eða ummál hjóla og svo spurning hvort hún gildi yfir höfuð samanber túlkun tryggingarfélaga.
Ég starfaði sem aðstoðarrekstrarstjóri hjá Bifreiðaskoðun Íslands og ég hef því ekki hikað við að láta breytingarskoða bílinn fyrir 44 tommur eins og hann er á.
Þú tryggir ekki eftir á og þetta er þín vegna!!!
kv. gundur
Sælir félagar
Núna kl. 14:00 verður kynning á uppbyggingu á Tetra kerfinu á Grandhótel eins og ráðamenn þjóðarinnar hafa ákveðið. Farið verður yfir málið og hafa okkar menn tækifæri til að spyrja tæknimenn út úr varðandi kerfið.
f4x4 félagar velkomnir.
Núna er bara að drífa sig.kv. gundur
Það væri gaman að umræða hér á vefnum gæti verið málefnaleg og uppbyggjandi.
Það hefur komið fram að Neyðarlínan stefni að því að hálendið verði eftir því sem við verður komið í fjarskiptasambandi. Enginn annar aðili hefur gefið slík fyrirheit. Þess vegna væri gott að standa með þeim og styðja í að það verði að veruleika. Það er mikilvægt, nauðsynlegt fyrir ferða- og jeppamenn að vera í góðu fjarskiptasambandi.
Eik virðist ekki skilja að Tetra er hvorutveggja farstöðvakerfi, hóptal, sími og gagnafluttningskerfi. Það er ekkert annað kerfi í boði og hér á síðunni hefur verið að lýsa eftir arftaka NMT,VHF og að hálendið verði í betra fjarskiptasambandi. Samkvæmt upplýsingum frá NL þá er verið að endurnýja miðbúnað kerfisins og alla senda. Þeim verður fjölgað í 150 sem er fjölgun um 110 senda. Í raun er unnt að nota Tetra sem talstöð, hóptal eða í bein samskipti milli bíla þannig að 3 til 5 bílar geta talað sín á milli án þess að trufla aðra. Tæknimaður Tetra hefur lofað að senda nýtt og endurnýjað útbreiðslukort í byrjun næstu viku en kortið frá í fyrra gerði ráð fyrir færri sendum en nú er ráð fyrir gert. Bláfell á Kjalvegi verður komið í samband eftir einn mánuð en það fjall er eitt af fimm fjöllum á hálendinu sem lokið verður við fyrir mitt næsta ár. Eftir það verður farið í holufyllingar í samráði við björgunarsveitirnar.Óumdeilanlega er Tetra besta kerfið. Samkvæmt mínum upplýsingum er verðið á þjónustunni sanngjörn. Klúbburinn ætti að taka upp viðræður við Neyðarlínuna og reyna að fá góð kjör fyrir félagsmenn. Neyðarlínan er í meirihlutaeigu ríkisins. Nýja félagið sem er eignarhaldsfélag sem á búnaðinn er 75 prósent í eigu ríkisins og 25 prósent í eigu Neyðarlínunnar. Ég er þeirrar skoðunnar að það sé ekki óeðlilegt að hið opinbera eigi og reki öryggis og neyðarfjarskiptakerfi. Einkaaðilar sem reka starfsemi einungis með hagnað færu ekki í að fjarskiptavæða hálendið. Það er verið að gera það í samvinnu við björgunarsveitirnar í landinu með þeirra aðstoð. Klúbburinn ætti að vera þáttakandi í þessu verkefni líka.
Ég votta þetta með Emil Borg
Sælir félagar
Einhver hringdi nú áðan inn til Þorgeirs Ástvaldssonar á Bylgjunni og hann var að keyra á eftir diselbíl Pajero merktum heimskir.
Það lagði mikinn mökk frá þessum bíl.
Strákar láta stilla.
kv gundur
Sæll Björn
Það hefur verið rætt um það að ef við 4×4 menn og konur hefðum Tetra kerfið í framtíðinni í okkar bílum þá opnaðist sá möguleika að stytta tíma varðandi fyrstu hjálp.
Neyðarlína gæti séð hvar bílar væru staddir í nágreni ef við notuðm gps möguleikann eða sent út kall á grúppur og tilkynnt og beðið aðstoð.
kv gundur
