Forum Replies Created
-
Replies
-
Ég sá held ég steinolíudælu á Esso-Ártúnsbrekku um daginn…það nýtist náttúrulega ekki þeim sem búa utan höfuðborgarsvæðisins…..
Ég heyrði einusinni af manni sem ók Mitsubishi, og það var keyrt aftan á hann, og hann hefur aldrei jafnað sig í bakinu síðan, þannig að ég myndi aldrei aka Mitsubishi þar sem aðrir bílar geta verið fyrir aftan.
Þetta lýsir sér nú eins og smávægilegur raki í olíunni. Própanól leysir bæði vatn og olíu, þannig að það er miðill sem hálfpartinn þurrkar olíuna.
Ef raunverulegt frostþol skortir í olíuna, þá ,,vaxar" hluti hennar við of hátt hitastig með tilheyrandi síuveseni.kv
Grímur
Það er ágætis pláss fyrir V8 í Patrol.
Chevy 6.5 turbo hefur verið sett í nokkra bíla, og mig minnir að það þurfi aðeins að rýmka fyrir heddum í hvalbakinn og laga hægra innrabrettið útaf túrbínunni, það eru svona helstu höfnunareinkennin. Mig minnir nú einhvernveginn að startarinn á þeim vélum sé eins staðsettur og á SB Chevy og 6.5, þannig að ég myndi ekki hafa áhyggjur af því þannig lagað, auðvitað er samt skynsamlegt að hafa framskaftið í þegar er verið að máta ef ske kynni að það þyrfti að hliðra vélinni smávægilega eða breyta olíupönnunni, sama hvaða vél á í hlut.
401 AMC…..ég veit nú bara ekkert um þá vél….ég hef nú einvernveginn á tilfinningunni að í þessu tilfelli sé akkúrat svona vél handbær til ísetningar. Ef ekki, þá myndi ég allavega mæla með algengari vél, t.d. Chevy eða Ford. Smallblock Chevy (350 eða jafnvel 305) henta til dæmis vel hvað varðar varahluti og ,,tjúnn" hluti, verðið á svoleiðis dóti er líka alltaf lægst í algengar vélar.
Einnig má nefna að SB chevy er þannig apparat að flestir íhlutir passa milli mismunandi útfærslna, reyndar fóru málin aðeins að flækjast þegar LT1 vélin kom til sögunnar (skemmtilegasti fjallajeppi sem ég hef keyrt var einmitt með þeirri vél, 44" Toy XtraCab á Wagoneer/Blazer hásingum ca 2000kg, 300+ hö…bara gaman), en margt passar samt þar á milli. Aðalmálið er allavega það að hægt er að setja ,,basic" vél af þessari gerð í með blöndung, en uppfæra seinna í innspýtingu ef áhugi er fyrir því, kaupa flækjur á hana fyrir skynsamlegt verð, annan knastás eða hvaðeina. Versti kosturinn er, eins og einhver benti á, að setja einhverja viðrinisrellu í bílinn sem ekkert fæst í eða á.bkv
Grímur
Alveg ferlegt að vera svona vitlaus stundum.
Ég biðst forláts á pirringi mínum, þetta allavega í fína lagi á mínum tölvum (Firefox /IE6/Firefox undir Linux)kv
Grímur
Ég sé titla á ,,Innanfélagsmál" þráðum, get ekki opnað þá án innskráningar, og svo hverfa þeir þegar ég skrái mig inn.
Pirr.
Er þetta einhver böggur, eða eru heimildirnar mínar í einhverju rugli?kv
Grímur R-3167
Hvaða hlutföll voru þetta? Einhverjar gangtruflanir eða undarlegheit fyrir utan lykt?
Hvernig er annars að nálgast steinolíu um þessar mundir…og verð? Þetta er varla skattað eins og hráolía/bensín eða hvað…allavega, ég er spenntur fyrir að tilraunast aðeins með þetta, ég er búinn að vesenast nóg í 3VZE til að geta stillt hana svolítið miðað við mismunandi eldsneyti, t.d. gengur hann betur og eyðir minna á atlantsolíu-bensíni heldur en essobensíni á núverandi stillingu.
kv
Grímur
…er með 9.0:1 þjöppu original, ætti að geta gengið á 87 oktana eldsneyti eins og kaninn notar, reyndar grunar mig að það henti þessari vél betur heldur en 95 sem fer á þá hér….
Nenni varla að nota MSN, bjallaðu bara í mig í 6641001 ef þú ert í einhverjum pælingum.
Jú, ég hef stúderað þessa vél nokkuð, samt ekki komist í að tæta hana í frumeindir ekkþá
Það er ALVEG sama hvort miðað er við ummál eða þvermál, ummálið er alltaf 3,1415 (Pí) sinnum stærra en þvermál á sama hring. Munurinn í % er því nákvæmlega sá sami hvort sem miðað er við ummál eða þvermál.
Ef miðað væri við flatarmál sniðs í dekki væri þetta hins vegar önnur saga, en það er nú frekar langsótt….
kv
Grímur
Í bensínvél eru brunnir stimplar og hedd vanalega merki um forkveikju (e. detonation) sem verður þegar þjappþol er of lágt á eldsneytinu, of dauf blanda, sótútfellingar í bruahólfi, of há þjappa miðað við eldsneytið eða of fljót kveikja.
Stundum blanda af fleiri en einu atriði af þessum.
Þetta er semsagt þegar kviknar í loft/eldsneytis-mixinu of löngu áður en stimpillinn er kominn í efstu stöðu, þá kemur upp sú staða að bruninn er byrjaður að mynda töluverðan þrýsting og hita, ásamt því að enn er verið að þjappa draslinu saman, sem myndar líka bæði hita og þrýsting. Þá fara stimplar í drasl. Oft er hægt að heyra nokkurs konar ,,ping-ping" (neistabank) þegar vél sem hefur þessi einkenni er pínd í álag við ca. 1500 snúninga. Þetta hljóð(um 5 kHz tíðni) er einmitt það sem svokallaðir ,,knock sensorar" í nútímavélum eru stlltir inn á að nema, en þá bregst tölvan vanalega við með því að seinka kveikju og auka við bensínmagn.
(Nú er ég kominn svolítið út fyrir efnið…)
Allavega, nútíma bílvél sem stillir sig eftir eldsneytinu(kveikjutíma, magn), og sem hefur ekki of háa þjöppu ætti að geta gengið nokkuð vandræðalítið á blöndu af bensíni og steinolíu. Steinolían hefur reyndar ekki næstum eins gott þjappþol og bensínið sem nú er notað (Hvar er 92 oktana bensínið!!! hehehe). Lödur voru að mig minnir með þjöppu sem leyfði svona æfingar nokkuð vel, en túrbólausar nútímavélar eru nú flestar með þjöppu yfir 9:1, þannig að fara þarf frekar varlega og hlusta eftir banki og jafnvel skoða hvort svört ,,piparkorn" koma á kertin sem merki um forsprengingar.
Gott í bili….Ps. Atli, ég reddaði mér líka einhverntíma með því að setja steinolíu á Subaruinn minn hehehe
kv
Grímur
Með hrútshorni átt þú sennilega við það sem oftast er kallað stýrisarmur, það er sennilega besta leiðin í stöðunni, ásamt því að hækka þverstífufestinguna niðri á hásingu.(man ekki nákvæmlega hvernig er með pláss á þessum bíl, en reglan er að ,,besta" lausn fæst ef stífurnar (togstöng og þverstífa) falla í skuggann ,,önnur af hinni", þegar horft er beint framan á bílinn. Semsagt: sami halli, og sama hæð frá jörðu m.v. miðjar stífur eða svo. Öll frávik frá þessu eru málamiðlanir sem koma til vegna plássleysis og annarra takmarkandi þátta.
Í Patrol eru reyndar þau fríðindi fyrir hendi að millibilsstöngin er fyrir aftan hásingu þannig að það er einni stöng færra að koma fyrir þar sem plássleysið er mest.
Eitt skal athuga með þetta; þ.e. þverstífugúmmíin í Pattanum eru frekar stór og mjúk sem veldur gjarna veseni á 38"+. Þetta er lagað með því að saga stífuendana af þverstífunni, sjóða nýja enda á fyrir LandCruiser gúmmí og troða þeim svo í. Þau eru mun stífari og leyfa síður jeppaveiki að gera vart við sig. (Ég sá síðast í dag Patta á 38" sem komst ekki yfir 50km/h fyrir slætti á framhjólunum…)
…ef það á að gera þessa breytingu almennilega þarf að skræla stífufestingarnar af hásingunni, liðhúsin af, síkka stífufestingar á grind og púsla svo saman upp á nýtt…en fæstir ganga alla leið með þetta og gera í staðinn einhverjar málamiðlanir.
Gott í bili
Grímur
Þetta er algerlega með ólíkindum.
Minnir á viðskipti mín við Blönduósslögregluna á Hveravöllum um miðjan júní 1999, þá var ég sakaður um að hafa verið að spóla utan vega fyrir það eitt að vera á skítugum bíl!!
Þeir gerðu sér kannski ekki grein fyrir því að Kjalvegur var ekki eins vel heflaður sunnanfrá og að norðan…allavega, þeir þóttust hafa séð ummerki utan vega (sem ég rengi svosem ekki, það getur vel verið), sáu skítugan bíl á planinu á Hveravöllum og fóru að rífa kjaft. Skammarlegt.Dæmið við Hagavatn er bara ennþá skammarlegra.
kv
Grímur tungnamaður
Það komu nú nokkrir stuttir Patrolar af gömlu gerðinni (flatjárnatýpunni) hingað til lands…ég læt nú útlitið alveg vera, en eftir eins og eina páskaferð í svoleiðis farartæki (með uppfærslu á fjöðrun að aftan þó…) og bílstjóra sem notar allaf öll folöldin í húddinu, þá hef ég persónulega engan áhuga á að skrölta í bíl á fjöllum sem er minna en ca. 2,8 metrar milli hjóla. Þannig er nú það.
Annars eru þetta sennilega fínustu innanbæjartíkur
Samkvæmt myndinni af bílnum, þá lítur út fyrir að búið sé að gera þessa hryllilegu breytingu á sektorsarminum, þ.e. að færa stýrisendann niðurfyrir. Þetta er breyting sem getur verið MJÖG varasöm, þar sem beygjuvægi á öxulinn í stýrismaskínunni eykst verulega, ásamt því að óheppileg spennusöfnun myndast í arminum. Þetta hefur t.d. kostað nokkra patrol-arma, en ekki stórslys enn svo að ég viti til.
Ef þess er nokkur kostur, þá er mun sterkari lausn að smíða stýrisarm til að lyfta hinum enda togstangarinnar, og þá með styrkingu niður í þann upphaflega.Helsta vesenið við að fá það til að ganga myndi væntanlega vera að lenda ekki úti í felgu með endann/arminn, og svo með togstöngina uppi í einhverju (grind t.d.) þegar bíllinn er í fullu samslagi farþegamegin og sundur hinumegin. Í svona mikið hækkuðum LandRover ætti það samt ekki að koma til.
Ég er alveg viss um að þessar fullyrðingar mínar fara illa í einhvern, en ég tel vera of mikið í húfi til að hamra ekki á þessu.
kv
Grímur
Svona almennt, þá mætti kannski segja að blása í gegn um blöndung sé meira keppnis- (meiri hætta á leka, fínstillingar blöndu og sparneytni ekki meginatriði), en soga af blöndungi inn á túrbínu sé meira götudæmi. Mín tilfinning er að SU/Stromberg blöndungur sem er vel stilltur með réttum nálum geti alveg gengið í götubíl, það passar líka án mikils mix-vesens að koma því saman, EN það getur líka verið hellings mál að finna réttar nálar og fá þetta til að eyða skikkanlega án þess að blandan verði of dauf(hættulegt fyrir vél)
Mig minnir einhvern veginn að orkustofnun haldi bókhald yfir eldsneytisnotkun landans, og gróflega hvernig skiptingin er milli greina, s.s. húshitun, skip, flugvélar, bílar o.s. frv.
Fann allavega eitthvað um þetta á netinu fyrir ca 3 árum síðan, gæti líka verið undir umhverfisstofu eða einhverju slíku, en ég veðja samt á orkustofnun….
Stærri-Bær er nú reyndar ekki í Biskupstungum…
Ef handnettur maður setur sig í furðustellingu undir stýrinu og seilist upp milli pedalanna, þá er hægt að ná þessu úr og í aftur án þess að slíta mælaborðið úr…..
Mér finnst þetta nú ekki vera neitt annað en stórsigur fyrir björgunarsveitirnar.
Vonandi er þetta nokkurs konar viðurkenning á því hversu öflugt og nauðsynlegt starf þeirra er eins og mikið hefur borið á undanfarið.
Undarleg staða samt í rauninni að sjálfboðaliðasamtök (sveitirnar) séu að axla ábyrgð sem strandgæsla/her fer með víðast erlendis. Þess vegna finnst mér alveg sjálfsagt að ríkið liðki til um starfsemina á sem flestan hátt, en að fá því framgengt eins og (rétt svo hafðist) í þessu tilfelli virðist ekki alltaf vera sjálfgefið. Því miður.BK
Grímur R-3167
Það hefur gjarna verið útbúið hringrásarsmurkerfi á þessar dælur, sem ýrir smá olíu inn með inntaksloftinu og fellir (mestu) olíuna út aftur í glasi aftan við dæluna. Örlítill spíss eða sambærilegt lítið gat neðan á glasinu + slanga sér um að olían fari niður úr glasinu og í ýristútinn aftur. Svo þarf að hafa einstefnuloka við úttakið á glasinu í kút til að dælan + smurkerfið afþrýsti sig þegar slökkt er.
Svona var þetta allavega græjað af mínum félögum….
kv
Grímur
