Forum Replies Created
-
Replies
-
Byrja á að setja + og – á mótorinn og sjá hvort hann snýst, mjög einföld aðgerð og oftast er það annaðhvort öryggið eða mótorinn.
Freyr
Tökum sem dæmi 8 cyl. grand cherokee og dieselhilux, gefum okkur að bílstjórarnir séu jafn færir og bílarnir svipað búnir (dekkjastærð, læsingar o.s.frv.) Þegar þeir eru á ferð saman þá kemst grandinn hraðar yfir og hiluxinn notar í förin til að halda í við hann, hvort sem er á jafnsléttu eða í erfiðum brekkum. Því fer það svo að grandinn ryður meirihlutan og eyðir þ.a.l. meira. Hef oft lent í svona aðstæðum (hef verið á 6 cyl cherokee og litlum 8 cyl blazer). Komst oft hraðar yfir en ferðafélagarnir sem notuðu þá gjarnan förin eftir mig. Sem þýðir að stóran hluta ferðanna voru 6 eða 8 strokka bensínvélarnar hjá mér undir 100 % álagi meðan félagarnir eltu og vélarnar hjá þeim langt frá því að vera undir fullu álagi = þeir eyddu mun minna og hristu svo hausinn yfir eyðslunni á bensínbílnum í hópnum….;-)
Freyr
Sæl öll
Mig langar að sjá fleiri myndir af scout, helst þeim sem Ægir átti og þá sérstaklega þeim lengri sem var grænn.
.
Takk fyrir, Freyr
Það hvernig hausinn snýr held ég að skifti ekki nokkru máli, snjórinn kemur úr öllum áttum og að auki skapar vélin nokkuð mikið sog. Þessar lausnir með ullarsokka o.þ.h. utanum snorkelið er sniðugt að því leyti að það er fljótlegra að berja úr því en loftsíunni. En svo er eitt sem ég skil ekki af hverju menn gera almennt ekki, teipa plastpoka yfir snorkelið á næturnar svo það sé ekki pakkað af snjó á morgnanna, það geri ég a.m.k.
.
Freyr
.
.
5-6 mm þykir mér mjög þykkt í svona léttan bíl, 3-4 er passlegt (fer eftir hönnuninni). Ég hef notað 5-6 mm efni við breytingar á 46" econoline og vorum við þá að spá hvort það væri ekki of þykkt. Það er ótrúlegt hvað það fer mikið efni í svona breytingar, svo hver mm hefur áhrif á þyngdina. Svo er eitt sem ég nota oft sem viðmiðun; Ef þú ert að sjóða á grindarbita sem er 2-3 mm hefurðu klarlega ekkert að gera með þykkara efni en 3-4 mm sem dæmi……….
Freyr
Ég myndi ekki fjarlægja yfirþrýstiventilinn á soggreininni. Þegar blásturinn fór í 18 psi var hann ekki farinn að opna svo það þarf mikið til. Þetta er sett þarna til að varna því að vélin fari til andskotans vegna yfirþrýstings. Með því að "aftengja pústið frá soggreininni" er hann að tala um EGR búnaðinn (mengunarbúnaður sem hleypir afgasi inn á soggrein til að lækka brunahita). Þeir eru ekki allir með þetta (kemur um ’95 held ég). Það er ekkert nema gott að aftengja þetta dót, það dregur úr afli og fyllir vélina af sóti og drullu.
.
Freyr
tengdi um daginn mæli við slönguna að wastegate ventlinum. Hann blæs orginal rétt undir 10 psi/0,68 bar. Prófaði svo að aftengja ventilinn og fór hann þá í 18 psi/1,22 bar. Það var klárlega of mikið, eymdarlegt væl í túrbínunni og undarlegt að keyra hann (sumpart vegna þess að ég jók ekki olíuna á móti, en einhver hefur áður átt við magnið svo það er meira en orginal).
Freyr
DC mud country eru að ég held sömu dekk og MTZ, bara örlítið annað munstur. Ef svo er þá ertu vel settur á þeim (þarft samt bedlock eða völsun). Nitto veit ég lítið um en hef þó heyrt menn bölva þeim í snjó undir léttum bílum (hilux).
Freyr
Allar líkur á því að þetta sé ónýt hosa milli túrbínu og soggreinar, þá leitar loftið þar út með tilheyrandi óhljóðum. Ef framhjáhlaupslokinn virkar ekki (sæist á því að bíllinn væri hættur að senda frá sér reykmerki) þá er líklegt að slangan að lokanum sé ónýt. Sú slanga kemur frá blásturshliðinni á túrbínunni og að lokanum, þar á milli er T-stykki sem leiðir loft í lögn sem liggur að membru ofaná olíuverkinu. Ef þessar litlu slöngur eru ónýtar gæti einnig komið svona blístur.
.
Freyr
Hér að ofan er mælt með Inga (http://www.boreal.is), ég mæli einnig eindregið með honum ef menn vantar bíl + bílstjóra. Einnig mæli ég hiklaust með Ísafold Travel, toppfólk þar á ferðinni (þau eru líka með Ísak batteríið, 38" Land Roverar).
.
Freyr
.
Þessar tölur hjá mér eru gefnar upp í bókinni "Jeppar á fjöllum" sem sporvídd þessara jeppa. Er ekki 100 % viss hvort sporvídd er felgubotn í felgubotn eða e-ð annað (bil milli hjóla, bil milli miðlínu hjóla????). En í bókinni er patrolinn 158 sm framan og 158,5 sm aftan en hilux/4runner 142 sm framan og 140 aftan. En hvað sem sporvíddin stendur fyrir eru patrol hásingarnar 16-18 sm breiðari.
Freyr
Hilux (rúmlega ’90) er 143 til 144 sm og patrol ’90- ’97 er 158 sm, ’98 og yngri patrolar eru held ég örlítið breiðari.
Freyr
Hvaða viðkvæmni er þetta oft í fólki að vera viðkvæmt fyrir því að teknar séu myndir af þeim í veseni og sýndar öðrum????
Freyr
60 x 60 x 4 í beislið, og 50 x 50 x 4 í krókinn/lykkjuna. ef þú notar 5 mm veggþykkt í beislið (þann hluta sem krókurinn stingst í) verður mjög vont/ómögulegt að setja krók í og úr.
Freyr
Man ekki betur en það séu 158 sm.
Freyr
Extremer jeppinn var algjört klúður að mínu mati. Notuðu kram úr Chreokee og settu í annað boddý í þeim tilgangi að gera léttan og öflugan jeppa en hvað klikkaði…………….??? Hann var þröngur, forljótur tveggjasæta bíll sem vigtaði 1400 – 1500 kg. Þá kysi ég frekar Cherokee kramíð í sínum upprunalega bíl sem hafði sæti fyrir 5, þokkalegt skott og vigtaði 50-100 kg minna eftir búnaði.
.
Með neikvæðri nöldurskveðju 😉 Freyr
Nú veit ég ekki nákvæmlega hvernig lýtur út í húddinu hjá þér, en við túrbínuna kemur gúmmíslanga inn á membru (wastegate ventillinn) og þar gætir þú sett T-stykki fyrir slönguna. Svo er líka alltaf hægt að bora bara gat í soggreinina á þægilegum stað og skrúfa nippil í gatið (færð hann í barka og landvélum).
Freyr
