Forum Replies Created
-
Replies
-
Sæll.
Ég mæli með því að þú kíkir til R.Sigmundsonar. þar eru til breytar á góðu verði.
300W (ekki A) er í fínu lagi, en því stærri sem hann er, því fleiri notkunarmöguleika hefur hann.Kv.
Emil
Sælir.
Samkvæmt því sem skoðunarfrömuðurinn okkar, Einar Sól sagði á síðasta fundi, er það algerlega bannað að vera með hlífalausa kastara innanbæjar. það þýðir eftir mínum skilningi, að það er leifilegt að hafa parkljósið í kastaranum, en það er afturá móti bannað að hafa kastarann hlífalausan. þannig að tilgangurinn með ljósinu er ekki mikill.
Emil
Jæja, þá er þetta allt að hafast hjá síðasta hópnum. Þau eiga eftir 7km. í skála, og gengur vel. eru að halda 25km. hraða. Snjórinn er það mikill að Eyþór sem er bíll nr. 3 er að draka kúlu í förunum. Ykkur þykir kanski óþarfi af mér að nefna það, en það er eldgamall Hilux sem riður leiðina fyrir hópinn.
Lúther, ég hef ekki heyrt í Setursförum sjálfur, en það litla sem ég veit, og skrifaði áðan, hef ég frá Ágústi á Krílinu. Hann hefur verið í sambandi við hópinn, enda suðurnesjamaður eins og þeir.
Ég get ekki neitað því að vilja frekar vera þarna uppfrá heldur en að tala við hópinn í síma, svo nú ætla ég að skríða undir sæng, og dreyma skafla.
Góða nótt,
Emil
Sæll.
Þú mátt ekki tengja dæluna við 24v. mótorinn er ekki gerður fyrir það. Aftur á móti hefðirðu getað keypt 24v. útgáfu af henni. Það var allavega til 24v. útgáfa þegar ég keypti mína í Byko.
Emil.
Hæ, hæ.
Ég var að fá þær fréttir að fyrstu bílar úr þessari ferð hafi náð á Hveravelli kl. 20. Næsti hópur er enn ca. 2 km. frá skála og gengur hægt. Færi er töluvert þungt, og mikill nýfallinn snjór.
Af þeim sem eru aftastir er það að frétta, að ferðin sækist þokkalega og 22km. eru eftir. Það er mikið frost, en gott veður. Frostið er það mikið að þegar einn ökumaðurinn sem hafði haldið jafnri ferð talsverðan tíma, ætlaði að auka hraðann, var olíugjöfin frosin föst.Á leið til Hveravalla eru einnig tveir bílar, Patrol og Pajero, en þeir fóru hraunið. Patrolinn er með ónýtt dekk, og þeir eru stopp, og eiga von á dekki úr bænum. Eyþór og hans hópur sjá ljós frá þeim.
Þarna uppfrá er töluvert mikill snjór, en hann er svo laus í sér, að erfitt er að komast hjá grjótinu sem er undir.
Hópur suðurnesjamanna mun vera í Setrinu, en þar hefur verið leiðinda veður í allan dag, og því hafa þeir haft hægt um sig, og notið þess að hafa hlýjan og þurran samastað.
Næsti fréttatími verður fyrir kl. 1.
Kv.
Emil
Sælir allir.
Ég má til með að deila því með ykkur að stór hluti hópsins sem fór i Setrið í nýliðaferðina er nú á leið til Hveravalla. (Ég komst ekki með vegna anna)
Hópurinn fór úr bænum kl. 8 í morgun, og vegna leiðinda veðurs var ákveðið að fara Kjalveg. Þegar komið var austur fyrir fjall var kominn blíða, og búin að vera í allan dag. Þæfingur var víst uppað Geysi, og þar var eitthvað hleypt úr lofti. 20 km. frá Geysi þurfti að sinna reglubundnu viðhali í einni Toyotu bíl, og það kostaði bið fyrir hluta hópsins til kl. 17.
Færið mun vera frekar þungt, mikill laus snjór. Uppúr kl. 17 var hluti hópsins kominn langleiðina uppeftir, en annar hluti kominn rétt uppfyrir Kerlingarfjalla afleggjarans. Þar er víst mun léttara færi.Þegar ég heyrði í heimildarmanni mínum, Eyþóri, fyrir klukkutíma, var aftasti hópurinn kominn rúmlega uppfyrir Árbúðir, og gekk frekar hægt vegna færisins, en skafið hefur í öll för. Í þessum aftasta hóp eru 3 eða 4 bílar, en þann sem bilaði varð að skilja eftir.
Ég heyri í þeim á eftir, og færi frekari fréttir.
Emil
Sæll Smári.
Ég sá þessar dælur í Verkfæralagernum í Síðmúla. Þær eru 12 og 24V. og með tveimur stimplum. Líta út fyrir að vera svaka tæki.
Emil
Sælir strákar.
Er nokkur þörf á þessum böndum? Ég er ekki sannfærður um það. Hvað þarf hásing að vera lengi á lofti áður en hún fer það néðarlega að hætta sé á að gormur eða púði fari úr sínu sæti? Er það ekki hlutverk demparans að hægja svo á þessu ferli að dótið detti ekki í sundur? Demparinn er jú stífur sundur, ekki satt, og það þarf töluverð stökk til að bíllinn sé meira en ca. 2 sek. á lofti. það geta heldur varla verið skemmtileg högg sem koma þegar borðinn strekkist.
Ég er með loftpúða að aftan, og Racho 9000 dempara, og sé ekki að þetta sé vandamál. Eða er ég kansi bara að bulla?
Emil
Sælir.
Fyrir nokkrum árum var skrifuð grein í Setrið um kaðla og eiginleika þeirra. Slóðin er hér.
https://old.f4x4.is/bokasafn/Setrid/9504.pdfkv.
Emil
Sælir.
Á mínum díselbíl var smíðað bracket fyrir dæluna, og það var fest með tveimur boltum í blokkina hægra megin á vélinni, rétt fyrir néðan heddið. Ég er með eldri gerð af 2LT vél, en veit ekki hvernig þetta er á yngri vélunum.
Reyndar lenti ég í því þegar mín dæla skemmdist að fá ekki nógu stutta dælu í stað hennar. Túrbínan var alltaf fyrir, þannig að ég fékk mér Fini dælu í staðin.
Kv.
Emil
Sælir.
Þetta með peruna virkar fínt, en besta raun gefur að nota Ampermæli. (flestir handmælar eru með straummæli) Hann er raðtengdur við geyminn, þ.e. eins og peran. Þá sýnir hann nákvæmlega strauminn sem fer af geyminum. Best er að aftengja það sem er vitað að tekur straum, eins og inniljós, klukku o.þ.h. Til að finna útleiðsluna er svo snjallræði að taka eitt og eitt öryggi úr í einu, þangað til mælirinn hættir að sýna straum.
kv.
Emil
Sælir allir.
Ég var að rena yfir þennan þráð, og má til með að skrifa svolítið meira.
Það er ekki spurning að bæði Volt og Amper mælar gefa mestar upplýsingar, og lýsa ástandi hleðslukerfisins best. En er þörf á því? Ég held ekki. Og hves vegna ekki? Voltmælirinn sýnir stöðu hleðslunnar, þ.e. hleðsluspennu, ca. 13,8V. Ef rafallinn af einhverjum ástæðum hættir að hlaða, fellur spennan samstundis í ca. 12V. Ef hann aftur á móti bilar þannig að hleðsluspennan hækkar, sést það líka. Gamlir og lélegir rafgeymar halda illa spennu, og eru oftast með undir 12V. þegar bíllinn er ekki í gangi.
En af hverju vil ég ekki hafa Ampermæli?
Ástæðan fyrir því er sú að hann krefst miklu vandaðri frágangs og þekkingar á raflögnum en Voltmælirinn. Af Ampermælum eru til tvær gerðir. Sú algengari tekur vírinn sem er verið að mæla í gegnum sig. Það þýðir að ef mæla á hleðslu alternators þarf að taka vírinn frá honum sem venjulega liggur frá alternator og í rafgeymi, eða öryggjabox, inn í bílinn. Um þennan vír getur farið allur straumur rafkerfisins, þvi í mörgum bílum er ekki öryggi á hleðslunni. Margir eru með 60 ? 80A. alternatora, en fyrir þá þarf svera víra. (10 eða 16q) Flestir ampermælar eru gerðir fyrir 60A. straum, og eru með mjög litlum tengiskrúfum, í flestum tilfellum 5mm. sem er enganveginn nóg. Það er mjög algengt að tengingarnar á mælum losni. Þá getur myndast sambandsleysi, hiti og eldur í verstu tilfellum. Ég hef séð alltof mörg tilfelli þar sem þetta hefur gerst. Þarna þarf að vanda frágang mjög mikið.Svo er til önnur gerð Ampermæla. Þeir notast við spólu sem sett er utanum vírinn sem skal mæla. Þegar straumur ferðast um vírinn myndast í honum span sem spólan pikkar upp, breytir í spennu og það er hún sem mælirinn mælir. (þetta gerist reyndar í hinni gerðinni líka, en þar er spólan innbyggð í mælinn.) þarna þarf ekki að leggja sverar lagnir inní bíl, heldur eingöngu grannar. Þessir mælar hafa alla kosti framyfir hina. Þeir eru auðvitað miklu dýrari, og ég sjálfur hef mjög sjaldan séð þá notaða.
Jæja. Hljómar þetta skynsamlega?
Ef einhver er að velta því fyrir sér, þá er ég rafvirki, og hef unnið talsvert við bílarafmagn, þó ég hafi ekki haft það fyrir fullt starf.Bestu kveðjur,
Emil Borg
Sælir allir.
Ég var ekki viss um að þessar breytingar og vesen borgaði sig, en eftir lestur þráðarins sé ég annað. Reyndar hef ég ekki nema einu sinni getað borið minn bíl saman við yngri bíl, og þá hafði ég betur upp Kamba.
það sem ég vissi og skrifaði um að pústgreinar pössuðu ekki á milli 2L og 2LT átti við um eldri gerð, en ekki á milli gerða.Ég nefndi það um daginn að geta fljótlega boðið uppá ódýra afgashitamæla. Ég fann hjá einum af þeim birgjum sem ég flyt inn vörur frá mæla. Skynjarinn þolir allt að 1100°c hita, og mælirinn er stafrænn og sýnir uppað 1000°c með mikilli nákvæmni. Ég er með eitt eintak á borðinu hjá mér, en þegar hann er kominn í bíl og búið að prófa mun ég auðvitað deila upplýsingum með ykkur og lofa ykkur mun betra verði en ég hef séð annarsstaðar á sambærilegum mælum.
Kv.
Emil
Sæll Snorri.
Þó ég hafi ekki lært hebreskuna sem Baldurg skrifaði þegar ég lærði rafvirkjun, þá er að mínu viti er miklu skynsamlegra að nota voltmæli.
Eins og fram hefur komið fellur spennan á geymunum ef þú ert að klára af þeim, og það er akkúrat það sem þú þarft að vita. Reyndar held ég ekki að þú þurfir að hafa áhyggjur af því með þessa geyma sem þú ert með.
Þú þarft ekki að vita strauminn, og straummælar eru flóknari í tengingu, því þeir taka allan strauminn gegnum sig, eða miklu dýrari ef þeir nota spólu sem fer utanum vírinn.
Kv.
Emil
Sæll Paji.
Í þínum sporum færi ég aftur í Landvélar og skipti mælinum. Ég keypti hjá þeim mæli í fyrra fyrir psi (fer í ca. 20psi) sem kostaði rúmlega kr. 2.000.- Hann reynist mér vel utan þess að nálin í honum víbrar stundum. það vantar líka í hann ljós. Svo var ég að frétta í gær að hjá Samtak í Hafnarfirði fengjust bústmælar á mjög góðu verði með ljósi í.
Ég er með í bílnum hjá mér nálaloka til að stilla bústið innan úr bíl, og mæli frá Landvélum, en allt dótið með slöngum og öllu kostaði rúmlega kr. 3.000.-
Kv.
Emil
Sæll Rúnar.
Þetta með hnéð þykir mér fróðlegt að lesa. Það er eitthvað sem er þess virði að skoða.
En heldurðu ekki að stór hluti af aflmuninum geti verið að þú ert núna með vél sem er háþrýstari en sú gamla, en ert að blása jafn miklu inná þær báðar? Ég veit að nýrri vélin er eitthvað kraftmeiri, en er það ekki lítið?
Emil
Sæll Krsitján.
Ég get nú ekki verið þér sammála um að 2LT af eldri gerð sé ekki nema 83 hö. Samkvæmt þessari töflu,
http://www.geocities.com/MotorCity/Pit/ … gines.html
eru þær 92 hö. frá 86-86. Yngri vélarnar munu vera eitthvað sprækari, en ég hef sjálfur aldrei setið í þannig bíl. Eina reynsla mín af þannig gripum er að ég hafði einusinni Dobblara með turbo og millikæli upp Kambana. Ekki veit ég á hvaða hlutföllum sá bíll er.En varðandi olíuverkið, þá er þessi skrúfa sem ég nefndi ofan á því. Við aukið boost skammtar verkið meiri olíu inná vélina. Því er það mjög eðlilegt að þú hafir fengið minni kraft við að aftengja þetta. Prófaðu frekar að skrúfa skrúfuna niður, og gáðu hvað gerist.
Þér er örugglega óhætt að blása miklu meira en 7-8 psi inná þennan mótor. Það er svipað og menn blása á vélar með mixaðri túrbínu, þannig að það ætti hiklaust að vera óhætt að fara í ca. 12psi. Það er hægt að fá nálaloka, mæli og græjur til að stilla bústið í Landvélum fyrir nokkra þúsundkalla.
Og afgashitinn.
það er ekki auðvelt að finna áræðanlegar tölur um hvað hann má vera. Eins og Halli benti á hér að framan fer hann uppí 940°c hjá honum. Hann sagði mér að þá væri tími til að slá af. En þetta er eitthvað sem gaman væri að fá á hreint, þ.e. hversu hár má hitinn vera, og hvað er eðlilegt undir álagi.Emil
Sælir.
Ég má til með að leggja orð í belg.
Sjálfur er ég á Hilux með 2,4 dísel og 5,71 hlutföll. Eins og Ólsarinn benti réttilega á er aflið ekki að þvælast fyrir þessum bílum. Því veitir þeim ekki af lágum hlutföllum. Ég er með NoSpin að aftan, og keyri bílinn daglega innanbæjar. Í sumar brotnaði afturöxull hér í bænum, en annað hefur ekki gefið sig í þau rúmlega 2 ár sem ég hef átt bílinn. Það er örugglega hægt að brjóta þetta, en með skikkanlegu aksturslagi er það ekkert sem er að gerast vikulega.
Emil
Sæll Kristján.
Ég er að spá í hvað þú færð útúr því að púsla þessum tveimur vélum saman. Ertu viss um að það sé þess virði?
Ég tek það fram að hafa ekki pælt í þessu niður í kjallara, og þekki aðeisn eldri gerðina af þessum vélum.
Eftir því sem ég kemst næst eru þær nánast nákvæmlega eins. þó veit ég að heddið er ekki alveg eins. T.d. passar turbo pústgreinin ekki á 2L heddið. Það er ekki boltað eins á, en trúlega er hægt að bora og snitta til að það passi, því götin virðast vera til staðar.
Svinghjólið er örugglega eins á báðum (allavega festigötin), en olíuverkið er væntanlega ekki eins. Á turbo verkinu er viðbót ofan á því sem tengist turbínunni. Þú færð held ég meiri olíu við fullt búst. Það er hægt að stilla þetta með sexkant skrúfu efst á verkinu.
Mér vitandi hefur enginn prófað að gera mikið við þessar vélar. Það er örugglega hægt að hressa eitthvað uppá þær, en er ekki aukið búst, millikælir og púst það helsta? Það borgar sig varla að hugsa um knastása eða þessháttar. Reyndar eru þær til í 2,8l. útgáfu, þannig að það má skoða það að bora meira og setja stærri stimpla.
kv.
EmilP.s.
Það er líklegt að hægt verði að bjóða afgashitamæla fyrir ca. kr. 16.000.- á næstu vikum. Hann þolir 1000c°, er með mikilli nákvæmni og stafrænum skjá.
Sælir karlar.
Mér þykir ástæðan með þrumararnn líklegri en mín, Georg. Eða það að Jón langar að reyna að drífa eins og þú gerðir um helgina. Er þetta kanski bara öfund í honum?
Ég mæli með hvorum bílnum sem er Jón. Ég er mjög sáttur við minn fisksalabíl, enda er hann með aðstöðu fyrir fiskikarla. En þessi Cheerokee. Það er flottur og spennandi jeppi. Ég myndi skoða hann vel. Hann er örugglega bæði kraftmeiri og léttari en Toyotan. Reyndar hefur kraftleysi aldrei háð Toyotum. Það eru bara öfundarmenn sem halda því fram.
Jeppakveðja,
Emil
