Forum Replies Created
-
Replies
-
Benni mun hafa keypt bílinn af Aroni.
Það er mikið tíl í því sem Sigurður segir. Næst síðasti jeppinn sem ég átti var með stífa fjöðrun, þróaða að framan. Hann hefði tæplega komist meira en 30-40 sm á skábrettinu. Þegar hann sat fastur þá var oftast hægt að losa hann með því að bregða drullutjakknum á felguna og moka snjó undir hjólið. Núverandi bíll festist sjaldan, en þegar það gerist þá er hjólið oftast komið svo langt niður að erfitt er að koma tjakknum að því. Annars gerist þetta svo sjaldan að þá eru oftast teknar myndir og settar á netið 😉
Kosturinn við fjöðrun sem fylgir vel ójöfnum er að þá er miklu minni þörf fyrir læsingar og þá þvingun sem þeim fylgir. Það er erfitt að beygja á bíl sem er með allt læst og ég hef veit þess dæmi að menn hafa brotið öxla og hrútshorn við það eitt að taka krappar beyjur með allt læst.
-Einar
Í nótt kyngdi niður snjó við Setrið og er snjódypdin orðin sviðuð og hún var mest fyrir hlákuna. Hitastigið komst aldri upp að frostmarki þannig að þessi lægð skilaði bara snjó en engri bleytu við Setrið. Væntanlega eru skipaskurðirnir flestir komnir á bólakaf í snjó.
-Einar
Mér fannst þessi smíði áhugaverð þegar ég sá þetta á sýningunni. Það er þó eitt sem ég er ósammála, ég tel að það eigi að nota járn/stál í veltibúr. Fyrst verið er að smíða yfirbyggingu frá grunni þá er ástæðulaust að vera með aðskilið veltibúr, því er eðlilegast að grindin sem heldur uppi toppnum sé úr stáli. Ástæðan fyrir því að stál er betra en ál í þessu samhengi, er að stálið bognar en heldur mestu af styrk sínum við högg, meðan önnur efni brotna.
Valt bíllinn vegna þess að hjól losnaði eða gaf hjólabúnaðurinn sig við veltuna?
-Einar
Standbylgjustillingin er gerð eftir að búið er að ganga frá loftnetinu í bílnum. Hún er háð mörgum þáttum, m.a. því hvar lofnetið er staðsett á bílnum og hvaða tíðni (rás) er notuð.
-Einar
Á sýningunni í gær gafst mönnum kostur á að prófa bíla á [url=http://www.offroaders.com/info/tech-corner/rti.htm:2m1s7wx3]skábretti[/url:2m1s7wx3]
Allmargir jeppamenn nýttu þetta tækifæri og prófuðu bílana sína. Ég mældi ekki hallann á rampinum sjálfur en að sögn Emils var hann brattari en "staðal rampur" sem er með 20 gráðu halla. Það var mjög breytilegt hversu langt bílarnir fóru. Allmargir patrol bílar voru prófaðir, þeir fóru allir a.m.k 130 sm, og tveir þeirra, sem voru með aftengjanlegri jafnvægisstöng að aftan, fóru talsvert lengra. Einn rúnkari með þróaða fjöðrun allann hringinn og 38" hjól reyndi við rampinn. Hann komst 70 sm.Það væri mjög gott ef hægt væri að hafa þetta tæki aðgengilegt, t.d. á bílastæðinu við Mörkina, svo fleiri geti prófað bílana sína, t.d. fyrir og eftir breytingar. Þetta er mjög nytsamlegt tól til þess að komast að því hvort eitthvað rekst í, þegar verið er að breyta bílum eða setja stærri hjól undir.
Það væri líka gaman að sjá Björn Þorra aka upp rampinn á sínum MMC.
-Einar
Ég vil þakka stjórninni fyrir sýninguna. Ég held ég hafi mætt á allar sýningar sem klúbburinn hefur haldið síðustu 15 árin. Ég skemmti mér betur á þessari heldur en nokkurri hinna.
Þetta var nefninlega ekki [i:2mg86iax]"útivistar sýning fjölskyldunnar"[/i:2mg86iax] heldur sýning sem var sett upp af jeppadelluköllum fyrir aðra jeppadellukalla.
-Einar
Hvernig væri að fjarskiptanefnd klúbbins fjárfesti eitt ca. prómill af þeim pening sem settur hefur verið í VHF ruglið, í standbylgjumæli sem félagsmenn gætu komist í til að tékka loftnetin hjá sér. Þetta myndi nýtast jafnt fyrir CB, VHF og NMT loftnet.
Það er ekki alltaf hægt að treysta því að þeir sem setja loftnet á bíla geri þetta almennilega, þó þeir rukki fyrir ísetninguna.-Einar
Ætli þeir séu ekki bara [url=http://klaki.net/tmp/skafa.jpg:1jvcwwh7]frosnir fastir[/url:1jvcwwh7] 😉
8 stiga frost með 14 m/s af norðan er ekki beinlínis blíða.-Einar
Þegar ég kom heim eftir vinnu í dag var mitt fyrst verk að fletta ofursetrinu. Leist mér vel á flest en þó rakst ég á eina villu, undir pistli á blaðsíðu 7 sem Ómar Sigurðsson skrifaði, stóð mitt nafn.
-Ein
Almennt séð er það ekki ráðlegt að tengja við annan geyminn í 24 volta kerfi. Geymarnir fá nákvæmlega sama strauminn í hleðslu, ef annar er afhlaðinn meira veldur það því að geymarnir fá annað hvort meiri eða minni straum en þeir þurfa í hleðslu.
Líklega myndir þú sleppa með það að tengja sístauminn við annan geyminn, þar sem hann tekur mjög lítinn straum. Annar möguleiki er að vera með lítinn 12 volta geymi sem væri hlaðinn af "spennustillinum".
Það má vel vera að spennustilli rásin taki það lítinn straum, ef ekkert er tengt við hana, að þá sé í lagi að tengja hana framhjá svissinum, þetta er hægt að mæla.-Einar
Ég hef hliðrað til tveimur punktum í tillögu að [url=http://klaki.net/tmp/hofs53.gps:l7gndtj0]leið yfir Hofsjökul[/url:l7gndtj0]. Sjá [url=http://klaki.net/tmp/hofs53.png:l7gndtj0]kort.[/url:l7gndtj0]
Austur hluti Hofsjökuls, Þjórsárjökull getur verið talsvert sprunginn seinni hluta sumars. Þó ólíklegt sé að þær sprungur séu opnar á þessum árstíma, þarf að sýna aðgæslu ef farið er þar um í slæmu skyggni.
-Einar
Ef ég man rétt það sem sagt var á síðasta mánudagsfundi, þá átti að afhenda kerfið núna um mánaðmótin, það færi síðan í loftið eftir prófanir. Kannske er stjórnin á fullu núna að prófa nýju síðuna 😉
Á [url=http://www.f4x4.is/vefspjall/tradur.asp?t=4373:12fkhsue]Hofsjökuls þræðinum[/url:12fkhsue] er ég með tilvísun á kort með leið yfir Hofsjökul. GPS hnitin á bak við kortið eru [url=http://klaki.net/tmp/hofs53.gps:12fkhsue]hér[/url:12fkhsue]
Ég myndi frekar fara þessa leið en sumarleiðir vegna þess að leiðin fylgir vatnaskilum, þar af leiðandi er minni hætta á krapa eða afætum vegna grunnvatns.
-Einar
Mér líst vel á Kerhólsöxlina, sú leið lágmarkar malbiksakstur og ekki spillir að ekki þarf að fara eftir þjóðvegi númer eitt til að komast til Akureyrar. [url=http://klaki.net/tmp/hofs53.png:2zii4q6j]Hér er kort[/url:2zii4q6j] með tillögu að leið frá Kerlingarfjöllum í Sölvadal. Þessi leið hefur þann kost að hún fylgir vatnaskilum, sem dregur mikið úr líkum á að vatn á fljótandi formi, eða farvegir þess, verði til trafala.
Hér er [url=http://vegir.klaki.net/vegir/?q=node/228:2zii4q6j]lýsing á leið um Hellugnúpsskarð[/url:2zii4q6j] sem hægt er að fara af hálendinum niður í Timburvalladal.
Ef snjóalög verða þannig að hægt verði að aka Vatnahjallasneiðinginn neðan við 500 metra hæð, þá finnst mér sú leið mjög fýsilegur kostur. Nú er ekki gott að segja fyrir um það hvernig snjóalög verða innst í Eyjafirði eftir rúman mánuð, en það kæmi mér ekki á óvart ef Vatnahjallinn yrði fær.
Við endanlegt val á leið þarf að taka tillit til aðstæðna og veðurs.
-Einar
Færið er oft ótrúlega fljótt að breytast. Eitthvert besta færi á fjöllum sem ég hef upplifað, var helgina sem Krapa 2000 lauk. Á laugardeginum var var bleytan sem var að hrella leiðangursmenn fyrr í vikunni allstaðar orðin gaddfrosin nema þar sem svo háttaði til að hún hafði hulist nýsnævi áður en frysti.
-Einar
Mér sýnist líta mjög vel út veður og færi. Það var frost við [url=http://www.vedur.is/athuganir/sjalfvirkar/setur/index_1d.html:1tauxzhv]Setrið[/url:1tauxzhv], bæði síðasta sólarhring og á föstudaginn, nú lítur út fyrir að frysti á hálendinu á miðvikudaginn og að það verði meira en 10 stiga frost á föstudag og laugardag. Snjódýpt er ennþá vel yfir meter og það bætti í snjóinn í gærkvöld.
Við þessar aðstæður ætti krapi sem hugsanlega leynist í dældum og lægðum að verða vel viðráðanlegur.-Einar
[url=http://www.fueleconomy.gov/feg/bymodel/1996_Toyota_Land_Cruiser.shtml:1szqnd5a]Hér[/url:1szqnd5a] eru upplýsingar um eyðslu á svona bíl samkvæmt opinberum mælingum í USA. 13 mílur per gallon samsvarar 18 lítrum á 100 km.
-Einar
Vonandi virkar þessi linkur á [url=http://vegir.klaki.net/vegir/?q=node/242:3cycidov]Kerhólsöxl[/url:3cycidov]
-Einar
Ég ætla rétt að vona að Norðanmenn geti boðið eitthvað betur en Bárðardalinn eða Goðdalakistuna. [url=http://vegir.klaki.net/vegir/?q=node/242http://vegir.klaki.net/vegir/?q=node/242:3hogbw0e]Kerhólsöxl[/url:3hogbw0e] og [url=http://vegir.klaki.net/vegir/?q=node/226:3hogbw0e]Timburvalladalur[/url:3hogbw0e] eru líka áhugaverðar leiðir.
Ég mæli með því að aðstæður á [url=http://vegir.klaki.net/vegir/?q=node/96:2at47hn9]Vatnahjalla[/url:2at47hn9] leið verði kannaðar. Mér líst ekki á að keyra á annað hundrað km á malbiki til Akureyrar.
-Einar
